Dagur - 04.05.1996, Blaðsíða 9

Laugardagur 4. maí 1996 - DAGUR - 9
Björn Björnsson, skólastjóri, var kynnir dægurlagakeppninnar og hér afhendir hann Geir-
mundi Valtýssyni 100 þúsund kr. ávísun frá Kaupfélagi Skagfirðinga, aðalverðlaun keppninn-
ar. „Þetta kemur vel á vondan,“ sagði Björn, þegar hann afhenti ávísun frá kaupfélaginu til
Geirmundar, sem er fjármálastjóri þess.
Sigurður Ægisson, prestur á Grenjaðarstað í Aðaldal, átti fjögur lög í keppninni og eitt þeirra
hafnaði í þriðja sæti. „Ég ætla að sigra á næsta ári,“ segir Sigurður.
Dægurlagakeppni Kvenfélags Sauðárkróks:
Geirmundur sigraði aftur og enn
Þúsund kossar, lag Geirmundar
Valtýssonar við texta Kristjáns
Hreinssonar, bar sigur úr býtum í
Dægurlagakeppni Kvenfélags
Sauðárkróks, sem haldin var í
fyrrakvöld. Helga Möller og Ari
Jónsson sungu lagið, sem var eitt
tíu laga sem komust í úrslit. Þau
lög auk vinningslaga tveggja síð-
ustu ára er að finna á geisladiski,
sem kvenfélagskonur á Sauðár-
króki gefa út - og er væntanlegur í
verslanir á næstu dögum.
Glæsilega var staðið að keppni
þessari og kvenfélagskonur eru
ánægðar með viðtökur almenn-
ings. „Okkur fannst keppnin í
fyrra takast afar vel og þá svifum
við marga metra fyrir ofan jörð-
ina. Nú svífum við ennþá hærra
og þetta er okkur hvatning til að
halda áfram og halda aðra keppni
á næsta ári. Á þessari stundu geri
ég ráð fyrir því að svo verði,“
sagði Helga Sigurbjömsdóttir, for-
maður Kvenfélags Sauðárkróks.
Magnús Kjartansson, hljómlist-
armaður, sá þetta árið um útsetn-
ingar á þeim lögum sem komust í
úrslit, stjómaði upptökum ■ og
hljómsveit og söngvurum á
keppninni í fyrrakvöld. „Þessi
keppni er hluti af menningarlífinu
á Sauðárkróki," sagði Magnús,
aðspurður um hvers vegna til að
mynda Ríkisútvarpið eða aðrir
ljósvakamiðlar treysti sér ekki til
að halda dægurlagakeppni sem
þessa en þess heldur kvenfélags-
konur á Sauðárkróki, segir Magn-
ús að allt sé þetta spuming um
vilja. „Eg fæ þessa spurningu afar
oft og svara því til að vilji sé allt
sem þurfi. Dægurlagakeppnir eru
partur af menningarlífinu á Sauð-
árkróki og menn verða að gera sér
grein fyrir því að mikilvægt er að
heiðra og viðurkenna tónlistar-
menn í hverju byggðarlagi. Þeir
vinna sínu byggðarlagi rnikið
gagn, ekki síður en aðrir lista-
menn,“ segir Magnús.
Söngvarar og hljóðfæraleikarar í dægurlagakeppninni. Valinn maður í
hverju rúmi.
LESENDABREF
Haldið köttunum
inniá
varptímanum!
Fuglavinur á Akureyri
hringdi og óskaði eftir að koma á
framfæri óskum til kattaeigenda
að halda köttum sínum inni við nú
þegar fuglamir eru byrjaðir að
verpa.
Sagði hann að kettirnir gerðu
mikinn usla í varpi fuglanna, fyrir
svo utan það að þeir ælu fuglana í
stórum stíl þegar svo auðvelt væri
að nálgast þá. „Eg get nefnt að um
varptímann í fyrra komu kettir inn
í garðinn til mín í stórum stíl og
drápu sjö smáfugla," sagði fugla-
vinurinn.
Þau standa að sigurlaginu, Þúsund kossum. Kristján Hreinsson textahöf-
undur, Helga Möller og Ari Jónsson söngvarar og lengst til hægri er laga-
smiðurinn, Geirinundur Valtýsson. Myndir: Sigurður Bogi
Alls bárust 33 lög í dægurlaga-
samkeppnina að þessu sinni. Tíu
lög voru valin til úrslita og þau er
að finna á hinum spánýja geisla-
diska, sem kom út á keppnis-
kvöldinu. Nokkrir af helstu dæg-
urlagasöngvurum landsins syngja
þessi lög og rneðal hljóðfæraleik-
ara er valinn maður í hverju rúmi.
Sem áður sagði sigraði lag
Geirmundar Valtýssonar, Þúsund
kossar, við texta Kristjáns Hreins-
sonar, en þeir áttu einnig sigurlag-
ið í fyrra, Þegar sólin er sest. I
öðru sæti var lagið Ástartorg eftir
Guðbrand Guðbrandsson og Al-
freð Guðmundsson og í þriðja sæti
lenti lagið Himinn á jörð eftir Sig-
urð Ægisson. Hvar önnur lög
lentu samkvæmt áliti dómnefndar
og samkomugesta var ekki gefið
upp, en í atkvæðagreiðslu vó álit
dómnefndar 40% og samkomu-
gesta 60%.
Nöfn laga, flytjenda og höf-
unda þeirra eru birl hér til hliðar á
síðunni. Athygli vekur að Sigurð-
ur Ægisson, prestur á Grenjaðar-
stað í Aðaldal, á þar þrjú lög. Að-
spurður sagðist hann talsvert hafa
fengist við lagasmíðar undanfarin
ár. „Ég hef að minnsta kosti tvisv-
ar sinnum sent lög inn í Eurovisi-
on-keppnina og í þessa keppni hér
á Sauðárkróki sendi ég inn lag í
fyrra, sem reyndar komst ekki í
úrslit. Jú, ég er afar ánægður með
þennan árangur í ár. Nú þegar á ég
í pússi ntínu tvö lög fullbúin, sem
ég ætla að senda inn á næsta ári -
og þá ætla ég líka að sigra í
keppninni. Mér fannst lag Geir-
mundar; Þúsund kossar, alveg
verðskulda sigur, en lögin í ár
voru öll mjög jafngóð," sagði sr.
Sigurður Ægisson.
Helgá Sigurbjörnsdóttir segir
marga hafa styrkt þessa dægur-
lagasamkeppni. Þá má einnig geta
þess að Félag íslenska hljómlistar-
manna gaf útnefndum bestu flytj-
endum keppninnar, þeim Helgu
Möller og Ara Jónssyni, 40 stund-
ir í hljóðveri, sem þau mega nýta
að vild. Þá komu margir fleiri að
keppninni, en nöfn þeirra væri of
langt að tíunda hér. -sbs.
Lög í dægurlaga-
keppni Kvenfélags
Sauðárkróks 1995
Ástartorg
Lag: Guðbrandur Guðbrandsson.
Texti: Alfreð Guðmundsson.
Flytjandi: Sigrún Eva Ármanns-
dóttir.
Kveðja
Lag: Sigfús Agnar Sveinsson.
Texti: Hilmir Jóhannesson.
Flytjandi: María Björk Sverris-
dóttir.
Þúsund kossar:
Lag: Geirmundur Valtýsson.
Texti: Kristján Hreinsson.
Söngvarar: Ari Jónsson og Helga
Möller.
Draumadís
Lag og texti: Sigurður Ægisson.
Söngvari: Sigurður Dagbjartsson.
Myndin af þér
Lag og texti: Guðmundur Ragn-
arsson.
Söngvari: Hrafnhildur Víglunds-
dóttir.
Bjartsýnisbragur
Lag: Lýður Ámason.
Texti: Hafliði Gíslason.
Söngvarar: Hafliði Gíslason og
íris Sveinsdóttir.
Gleym mér ei
Lag og texti: Sigurður Ægisson
Söngvari: Pálmi Gunnarsson.
Bak við brosin
Lag: lngvar Grétarsson.
Texti: Heiðrún Jónsdóttir.
Söngvari: Ingvar Grétarsson.
Himinn á jörð
Lag og texti: Sigurður Ægisson.
Söngvari: Sigurður Dagbjarts-
son.
Vorið bíður eftir þér
Lag: Geirmundur Valtýsson.
Texti: Kristján Hreinsson.
Söngvari: Helga Möller.
Minningarsjóður Þorgerðar S. Eiríksdóttur:
Umsóknarfrestur til 15. maí nk.
Frestur til að sækja um styrk úr
Minningarsjóði Þorgerðar S. Ei-
ríksdóttur rennur út 15. maí nk.
Nemendur sem stundað hafa nám
við Tónlistarskólann á Akureyri
og hyggja á eða hafa þegar haftð
háskólanám í tónlist geta sótt um
styrk úr sjóðnum.
Þorgerður S. Eiríksdóttir
fæddist 20. janúar 1954 og lauk
burtfararprófi frá Tónlistarskól-
anunt á Akureyri vorið 1971.
Hún þótti mjög efnilegur píanó-
leikari og var nýkomin til Lund-
únaborgar til að hefja framhalds-
nám þegar hún lést af slysförum
2. febrúar 1972. Ári síðar stofn-
uðu aðstandendur Þorgerðar
minningarsjóð ásamt Tónlistarfé-
lagi Akureyrar, Tónlistarskólan-
um og kennurum við skólann.
Markmið sjóðsins er að styrkja
efnilega nemendur sem lokið
hafa burtfararprófi frá Tónlistar-
skólanum á Akureyri til fram-
haldsnáms.
Megintekjulind sjóðsins er að
jafnaði vextir af höfuðstól ásamt
tekjum af styrktartónleikum sem
nemendur og kennarar Tónlistar-
skólans halda árlega. Sjóðurinn
hefur einnig tekjur af minningar-
framlögum en minningarkort eru
seld í Tónlistarskólanum á Akur-
eyri og t Bókabúð Jónasar og
Tölvutækjum-Bókvali.