Dagblaðið Vísir - DV - 26.07.1995, Síða 6

20
MIÐVIKUDAGUR 26. JÚLÍ 1995
Ferðir
Eyjafjarðarsveit:
Ættarmót Helga
magra að Hrafnagíli
Ættarmót Helga magra verður haldið á Hrafnagili í Eyjafirði um versiunarmannahelgina.
Að Hrafnagili er tjaldstæði með
fullkominni hreinlætisaðstöðu. Á
staðnum er sundlaug og þar er rek-
ið hótel og örskammt frá er Blóma-
skáhnn Vín og 10 mínútna akstur
er til Akureyrar. Á svæðinu verður
komið upp torgi sem er myndað af
220 fermetra tjaldi, smáhýsum og
veitingaskála. Meginhluti dag-
skrárinnar fer fram á þessu svæði.
Aðgangseyri að Ættarmóti Helga
magra, sem fram fer um verslunar-
mannahelgina, verður stillt í hóf.
Fyrir alla dagana kostar 1250 kr.
fyrir fullorðna og frítt er fyrir börn
innan 16 ára. Einnig er hægt að
kaupa sig inn sérstaklega á ein-
staka daga og kostar það 750 krón-
ur fyrir fullorðna en frítt er fyrir
yngri en 16 ára. 700 krónur kostar
á tjaldstæðin fyrir hvert tjald.
Heimatilbúnar
sultur og saft
Dagskráin hefst á fóstudagskvöld
með grilh og lifandi tónlist. Á laug-
ardagsmorguninn verða skipu-
lagðir leikir fyrir börn á öllum
aldri. Þá veröur Skógrækt ríkisins
meö leiðsögn um Grundarreit sem
er í nokkurra kílómetra fjarlægð.
Á útimarkaði verður hægt að fá
heimatilbúnar sultur og saft, brodd
o.fl.
Við Eyjaflarðará verður skipu-
lögð dagskrá, torfæruakstur, kaj-
akróður á ánni, krafta- og hæfni-
keppni á dráttarvélum, flugdreka-
keppni o.fl. Grillað verður á torg-
inu og líf og fjör veröur við sund-
laugina. Dúndrandi músík verður
allt laugardagskvöldið, þar kemur
Pálmi Gunnarsson og tekur gömlu,
góðu lögin.
Á sunnudaginn verða aftur leikir
fyrir börn og helgistund í umsjá
Hannesar Arnar Blandon. Gengið
verður um söguslóðir Helga magra
að Kristnesi undir leiðsögn Harald-
ar Bessasonar, fyrrverandi rektors
HA. Hátíðardagskrá verður á torg-
inu helguð minningu Helga magra
og Þórunnar hyrnu. Haraldur
Bessason flytur minni þeirra
hjóna.
Aldraðir sýna gamla
heyskaparhætti
Sýnd verður glíma og fornir leik-
ir og glímudeildir KR og HSÞ sjá
um það. Félag aldraðra í Eyjafjarð-
arsveit sýnir gamla heyskapar-
hætti. Séra Pétur Þórarinsson í
Laufási og Einar Georg Einarsson
í Hrísey fara með gamanmál. Á
boðstólum verður kaffi að sveitasið
með nýbökuðum pönnukökum og
kleinum.
Á harmóníkusíðdegi sér Þuríður
formaður og hásetarnir um fjörið
og taka á móti gestaspilurum. Með-
al þeirra sem grípa í nikkuna eru
Guðjón Pálsson, Einar Guömund-
son, Jón á Á o.fl.
Hestakerra verður í förum á
svæðinu og merktur fótboltavöllur
til reiðu. 600 fermetra íþróttahús
er á staðnum sem hægt verður að
nota ef veður gerast válynd.
Ættarmót Helga magra um versl-
unarmannahelgina er hluti af Síð-
sumri í Eyjafjarðarsveit sem stend-
ur yfir þrjár helgar í ágúst. Helgina
eftir verslunarmannahelgi verður
árleg handverkssýning og 16.-20.
ágúst verður sýningin Iðnaður ’95
sem er fjölskyldusamkoma þar sem
íslensk iðnframleiðsla verður sér-
staklega kynnt.
ísafjörður:
Unglingaferð á Homstrandir
Á Isafírði er friður og ró um verslun-
armannahelgina. Friður og ró er ekki
útihátíð og ekki skemmtun sem
skemmtikraftar eru fengnir til að
annast. Nóg er hins vegar við að vera
fyrir þá sem vilja njóta helgarinnar
í rólegu og þægilegu umhverfi.
Allar skipulagðar ferðir Vestur-
ferða, sem í boði eru yfir sumarið,
eru einnig í boði um verslunar-
mannahelgina. Þar má nefna sigl-
ingu með Eyjalín í Vigur kl. 14 alla
daga, eins dags gönguferð frá Aðal-
vík til Hesteyrar á sunnudag kl. 9,
kvöldsiglingu í Jökulfirði á fóstu-
dags- og sunnudagskvöld, siglingu
með Blika í Æðey á laugardag kl. 13
og útsýnisflug með Flugfélaginu Erni
í Reykjafjörð á Homströndum.
Af lengri feröum, sem í boði verða,
má meðal annars nefna gönguferð;
Drangajökull - Kaldalón með leið-
sögn.
Fimmtudagskvöldið 3. ágúst verð-
ur eins og aðra fimmtudaga frá 29.
júní haldið Sumarkvöld í Tjöruhúsi,
gömlu vörugeymsluhúsi í Neðsta-
kaupstað á ísafirði. Þetta eru
skemmtileg kvöld með þjóðlegu ívafi
þar sem blandað er saman erindi sem
flutt er á ensku og íslensku og tónl-
ist. Viðfangsefnið þetta fimmtudags-
kvöld er saga ísafjarðar sem bæjar
verslunar og menningar.
Lærdómsríkar ferðir
fyrir unglingana
Vesturferðir ásamt Jóni Bjöms-
syni leiðsögumanni bjóöa unghnga-
- einnig fjöldi annarra ferða frá ísafirði í boði um verslunarmannahelgina
Slakað á í Hlöðuvík. Jón Björnsson leiðsögumaöur fyrir miðri mynd.
ferðir á Hornstrandir um verslunar-
mannahelgina. Lagt er af stað á
fimmtudegi fyrir verslunarmanna-
helgi og komið aftur á mánudags-
kvöld. Ferðin er ætluð unglingum
13-16 ára.
Siglt er í Hornvík og hafst þar við
í tvær nætur og m.a. gengið á Horn-
bjarg. Þá er gengið til Hlöðuvíkur og
lokaáfangi ferðarinnar er ganga til
Hesteyrar. Grillveislan á Hesteyri er
síðan lokapunktur ferðarinnar. í
Á leið í sjóinn i sól og hita.
unghngaferðinni læra þátttakendur
að umgangast búnað sinn, þeim er
kennt á áttavita og að vaða ár. Þessar
ferðir em heUbrigð skemmtun fyrir
hressa krakka sem eru í góðu líkam-
legu formi. Ferðin kostar 23.000 og
eru innifaldar ferðir til og frá Ísaíirði
með Flugleiðum, bátsferðir á Hom-
strandir, leiðsögn og matur. Mynd-
imar eru úr fyrstu ferðinni, 7.-11.
júlí.
A göngu frá Hornvík í Hælavík.