Þjóðviljinn - 07.04.1954, Blaðsíða 6

G) — ÞJÓÐVILJINN — 'Miðvikudag-ur 7; apríl 1954
þlÓOVILIINN
Otgefandl: Samelningarflokkur alþýðu — Sósialistaflokkurinn.
Ritstjórar: Magnús Kjartansson (áb.), Sigurður Guðmundsson.
Fréttastjóri: Jón Bjarnason.
Blaðamenn: Ásmundur Sigurjónsson, Bjarni Benediktsson, Guð-
mundur Vigfússon, Magnús Torfi Ólafsson.
Auglýsingastjóri: Jónsteinn Haraldsson.
Ritstjórn, afgreiðsla, auglýsingar, prentsmlðja: Skólavörðustig
19. — Siml 7600 (3 línur).
Áskriftarverð kr. 20 á mánuði í Reykjavík og nágrenni; kr. 17
annars staðar á landinu. — Lausasöiuverð 1 kr. elntakið.
Prentsmiðja Þjóðviljans h.f.
V___________________ .. -- ------------ I' ■ --
Röng stefna
Skattalagafrumvarpið nýja er eitt þeirra þingmála, sem
einna mest mun um rætt meðal almennings. Ber þar ým-
islegt til. Langt er síSan ríkisstjórnin boðaði endurskoð-
un skattalaganna, og þar með skattalækkanir. Stjórn-
skipuð nefnd hefur setið á rökstólum í tvö ár við undir-
búning þessara tillagna.
Þegar málið var lagt fram fylltust stjórnarblöðin af
lofgreinum um þær réttarbætur, sem í því fælust *al-
menningi til handa, og síðan hefur hafist deila milli Tím-
ans og Morgunblaðsins um það hvort þetta sé fremur
Framsókn eða íhaldi að þakka. Þannig á að beina hug
almennings frá þeim staðreyndum sem í ljós koma, þeg-
ar mál þetta er skoðað niður í kjölinn, og sýna hver
stefna nú er orðin ríkjandi í þróun skattamála á íslandi.
í öllu því rooldviðri sem reynt hefur verið að þyrla
upp um ágæti þessara breytinga felst þó ein viðurkenn-
ing, sú viðurkenning að undir fjármálastjórn þessara
flokka beggja, hafi verið of langt gengið hvað útgjalda-
innheimtu snertir af þjóðfélagsþegnunum. Þetta er út
af fyrir sig góðra gjalda vert, ef hugur fylgir þar máli.
En því verður erfitt að trúa þegar litið er á niðurstöður
frumvarpsins, en þær eru í stuttu máli þessar.
Gert er ráð fyrir að upphæð beinna skatta í ríkissjóð
lækki um 29%, eöa nærri því um þriðjung. í heild
ætti þessi upphæð að nema milli 10 og 20 millj. kr. Eitt
aöalákvæðið er það, að félög öll s.s. hlutafélög skuli
lækka í skatti um 20r/ . Þegar þess er gætt að fjöldi slíkra
félaga er í eign auðugustu einstaklinga þjóðfélagsins, þá
verður ljóst, að ekki lítill hluti af heildarlækkuninni kem-
ur í hlut slíkra aðila. Hinsvegar virðist ekki hafa hvarflað
rð forsvarsmönnum þessa máls, að taka upp þá reglu
sem sjálfsögð ætti að vera í sambandi við skattinnheimtu
að hafa nauðsynlegustu þurftartekjur bæði einstaklinga
og fjölskyldna skattírjálsar. Fyrir stuttu' var slík tillaga
flutt á Aiþingi af einum þingmanni Sósíalistaflokksins í
sambandi við breytingar sem þá var verið að gera á
skattalögunurn. Hún var felld og þau rök færð fyrir af-
greiðslumii, að skattalögin væru í endurskoðun og allar
meiri háttar breytingar ættu að bíða þeirrar endurskoð-
unar. Hver maður getur séð að það er ekkert a.nnað en
fávitaskapur, að vera að skattleggja brýnustu þurftar-
íekjur fólks. í því felst í raun og veru sú fullyröing að
þióðfélagiö og þjóðarbúið sé annaðhvort ekki þess megn-
ugt að sjá þegnum sínum fyrir nauðsynlegum þurftar-
launum, eða blátt áfram hitt að komið skuli í veg fyrir
að þeir hafi þau.
Þá sýnir það enn ‘fremur greinilega að tilgangurinn
með skattalækkun er sá að ívilna þeim tekjuhærri og
efnaðri, að einmitt skuli vera tekið það ráð að lækka
beinu skattana, en halda öllum tollum og óbeinum skött-
um óbreyttum. Þótt nauðsynlegt væri að lagfæra lögin
um tekjuskatt og eignaskatt, m.a. vegna þess hve fjár-
hagskerfi okkar hefur breytzt af völdum verðbólgunnar,
þá er rétta stefnan ekki sú að hefja skattalækkun á því
sviði. Það er blátt áfram vegna þess að skattalækkun á
þessu sviði kemur aö langsamlega mestum hluta til góða
þeim sem bezt standa að vígi efnahagslega, bæði einstak-
lingum og fyrirtækjum. Skattalækkun á tvímælalaust
að byrja á því að afnema tolla, sem lagðir eru á nauð-
rynjavörur almennings, s.s. söluskatt eða a.m.k. einhvern
hluta hans. Slíkt mundi koma þeim jafnt til góða sem
mesta hafa þörf fyrir útgjaldalækkun vegna þröngra
efnahagsástæöna, í stað hins gagnstæða sem nú er fyrir-
hugað. En reynslan sýnir hins vegar að slíkt verður ekki
gert meðan hið pólitíska vald á Alþingi er í höndum
þeirra, sem hag hafa af því að ýta af sér útgjaldagreiðslu
til ríkisins yfir í tollaform, sem langmest mæðir á hinum
efnaminni og tekjuminni fjölda.
Ef almenningur hefði aðstöðu til að gera sér fyllilega
Ijósa þá þróun sem orðið hefur í þessum málum s.l. ára-
tug og nú á að kóróna með þeirri breytingu er stjórnar-
frumvarp þetta gerir ráð fyrir, þá mundu ekki einu sinni
stjórnarblöðin voga sér að túlka þær sem réttarbætur
handa almenningi. Einn þáttur þessarar þróunar mun
verða skýröur hér í blaðinu á morgun.
obot -imUorr ursmls bíibV'
Menn, sem stela hjörtum
í 75. tölublaði Tímans þessa
árs skrifar Pétur Sigurðsson
regluboði um menn, sem stela
hjörtum. Hann nefnir eitt dæmi
þess háttar manna, og fyrir
valinu verður konungssonur
einn austurlenzkur, Absalón
Davíðsson að nafni. Davíð kon-
ungur faðir hans var á ýmsan
hátt hinn mesti merkismaður,
skáld gott og gleðimaður mikill
og átti marga sonu með jafn-
mörgum konum. En hann hafði
sína galla eins og aðrir synd-
arinnar menn. Hann mátti ekki
sjá fagra konu, svo að ekki
girntist hann hana. Einu sinni
sá hann fagra konu allsnakta,
og brann hold hans þá af því-
líkri girnd, að hann réð eigin-
manni þeirrar fögru konu ald-
urtila, svo að hann mætti njóta
hennar ótruflaður. Á heimili
hans viðgekkst líka hinn mesti
ólifnaður, og kvað svo rammt
að, að elzti sonur hans nauðg-
aði systur sinni, sjálfri kon-
ungsdótturinni.
Eins og að líkum lætur, þá
vill ríkisstjórnin fará' i handa-
skolum hjá konungum, sem
leggja á það megináherzlu að
lifa í dýrleeum fagnaði, og
klögumál lítilmagnanna þurfa
þá stundum að bíða afgreiðslu
réttlætisins lengur en góðu
hófi gegnir. En einum sona
hans, fyrrnefndum Absalóni,
þótti siðleysi og óreiða í af-
greiðslu mála úr öllu hófi
keyra og vildi þar á bót ráða.
Bróður sinn, er nauðgaði syst-
ur þeirra, lét hann drepa, og
þar sem lítilmagnamir í ríki
hans fundu, að hann hafði á-
huga fyrir málum þeirra, þá
vildu þeir fá hann fyrir kon-
ung, hann hafði stolið hjörtum
þeirra með réttlætisþrá sinni.
Og undir forustu hans gerðu
þeir uppreist í landinu, náðu
völdum um stund, en voru síð-
ar bornir ofurliði.
Þetta gerðist mörgum sinn-
um með þjóð Davíðs konungs,
þegar kúgun, siðleýsi og órétt-
læti keyrði úr hófi fram, að
þar komu fram menn, sem stálu
hjörtum lýðsins frá leiðtogum
þjóðarinnar, eins og Pétur
regluboði mundi orða það. £>ó
á lýsing hans sérstaklega við
einn þeiira, er uppi var íyrir
fullum 1900 árum. Hann stal
hjörtum manna í svo stórum
stíl, að til hreinna vandræða
horfði fyrir leiðtoga þjóðar-
innar. Að -yísu sögðu áhang-
endur hans ekki að hann hefði
stolið hjörtum þeirra, heldur
sögðust þeir hafa gefið honum
hjarta sitt. Hann var gæddur
öllum höfuðeinkennum þeirra
hjartaþjófa, sem Pétur reglu-
boði lýsir í grein sinni. Hann
tældi menn frá hollustu við yf-
irboðara sína með glæsilegum
loforðum. Hann ól á sundur-
lyndi og fjandskap, safnaði um
sig liði, olli óvild, hatri og
stríði. Hann olli allskonar
mannorðshnekki og mann-
skemmdum í svo ríkum mæli,
að andstæðingar hans hafa
ekki beðið þess bætur enn þann
dag í dag, Hann sagði, að
leiðtogar þjóðarinnar væru eins
og kalkaðar grafir, hann sagði,
að þeir væru vítisbörn, hann
sagði, að þeir skeyttu ekkert
um réttvísi, miskunnsemi og
trúmennsku, hann sagði, að
þeir væru fullir ráns og óhófs,
hann fullyrti, að þeir gætu ekki
umflúið dóm helvítis. Þessi
maður var tekinn af lífi, og
það hafa margir verið teknir
af lífi fyrir að taka upp for-
dæmi hans um kröfur fyrir
réttvísi, miskunnsemi og trú-
mennsku og fyrir mann-
skemmdir í garð leiðtoga þjóð-
anna.
Svo er að sjá á grein Péturs
regluboða, að nú vaði þessir
hjartaþjófar uppi í óvenjulega
ríkum mæli. Engin nöfn eru
nefnd, þó er greinilegt, að Pét-
ur telur sig ekki í þeirra hópi.
Pétur er heldur ekki þess hátt-
ar maður, að hann steli hjört-
um.
Gunnar Benediktsson
Vetnlssprengla og árásarhætta
S.l. sunnudag birti ríkisút-
varpið tvær fréttir hvora á
eftir annarri, cg fela þær í
sér mjög skýra myad af 'ueims
ástandinu eins og ]iað er í
dag.
Fyn-i fréttin var um yfir-
lýsingu frá Nixon, varaforseta
Bandaríkjanna, en aún var á
þá leið að það væri mikill mis-
skilningur og rökvilia að vetn-
isspreagjan væri hættuleg.
Það væri fyrst og fremst hún
sem kæmi í veg fyrir styrj-
öld. Einnig lýsti Nixon yfir
því að það væri aðeins eitt
ríki sem árásarhætta stafaði
af: Sovétríkin.
í beinu áframhaldi af þess-
um gamalkunnu kenningum
kom svo frétt lun ræðu sem
Knowland, formaður þkig-
fltíkks repúblikana í öldunga-
deildinni, hafði haldið. Þesai
valdamaður lýsti )"fir því að
ef Kína veitti sjálfstæðishern-
um hjálp í Indókína, hefðu
Bandaríkin og bandamenn
þeirra nægileg ráð til að
klekkja á Pekingstjórninni,
m.a. með því að varpa sprengj
um á kinverskar borgir, og
hefur hann þá eflaust ekki
sízt átt við vetnissprcagjuna,
mesta hernaðarvopn Banda-
ríkjanna.
Söegskemmtun
Guðmnar R. Símonaz
Svo sem áður hefur verið
greint frá heldur Guðrún Á.
Símonar óperusöngkona hljóm-
leika í Gamla bíói í kvöld, óg
hefjast þeir kl. 7.15. Þeim, sem
vildu hlýða á söngkonuna en
hneigjast til að ferðast með
seinni skipunum, skal á það
bent að söngskemmtunin verð-
ur elcki endurtekin. Þeir ættu
því að hyggja að aðgöngumið-
unum nú þegar — ef það er
ekki orðið of seint.
Samhengi þessara tveggja
frétta er einkar skýrt. Know-
land svarar i yerki báðum
l’.ienningum Nixons: « _jafi.it
þeirri að vetnissprengjan sé
trygging f\TÍr friði og hinni
hvaðan árásarhættan stafi.
Til enn frekari skýriugar kom
svo ræða Dulles, utanríkisráð
herra Bandaríkjanna í fvrra-
dag, þar sem hann sagði að
Kínverjar hlutuðust þegar til
um styrjöldina í Indóldna og
stæði mjög nærri að Banda-
ríkin gripu til mótaðgerða
með áhrifaríkustu vopnum.
Birki 3/0 pr. 1000 stk. kr. 500.00
Birki 2/2 — — — — 1000.00
Skógarfura 3/0 — — — — 300.00
Skógarfura 2/2 — — — — 600.00
RauSgreni 2/2 .......... — — — — 1200.00
Lerki 2/2 — — — — 1200.00
Garðplöntuz:
Birki úrval Yz m og yfir...... pr. stk. kr. 15.00
Birki óvalið 40 til 75 cm........— — — 8.00
Birki í limgeröi undir 40 cm. . . ■— — — 3.00
Reynir úrval 60 cm. og yfir .... — — — 15.00
Reynir I. fl. 40 til 60 cm.......— ' —- — 8.00
Reynir II. fl. 25 til 40 cm......— — — 4.00
Lerki .......................... —---------10.00
Sitkagreni ..................... — — — 10.00
Rauðgreni ................... —• — — 8.00
Alaskaösp ................... — — — 4.00
Þingvíðir ..................... — — — 3.00
Gulvíöir ...................... — — — 3.00
Skógarfura 2/2 ................. — — — 1.00
Skriflegar pantanir sendist fyrir 20. apríl Skóg-
rækt ríkisins, Grettisgötu 8 eða einhverjum skóg-
arvarðanna: Daníel Kristjánssyni, Hreðavatni,
Borgarfirði; Sig. Jónssyni, Laugabrekku, Skaga-
firði; ísleifi Sumarliðasyni, Vöglum, S-Þing.;
Guttormi Pálssyni, Hallormsstað; Garðari Jóns-
syni, Tumastöðum.
Skógræktarfélögin taka einnig á móti pöntun-
um á trjáplöntum og sjá flest um dreifingu þeirra
til einstaklinga á félagsvæðum sínum.
Pantanir sem herast eitir 20. apríl
verða ekki teknar til grema.