Þjóðviljinn - 23.12.1972, Blaðsíða 5

Laugaidagur 2:!. desember 1972 Þ.IÓÐVIL.MNN — SÍÐA 5
innlend
Jólaverzlun
meiri í
Borgarnesi
Borgarncsi 21/12 — Kaupgeta
er mikil hér hjá fólki og hefur
verið mikH söluaukning frá fyrra
ári, — einkum i bókum og hvers-
konar jólavörum.
Þá er buið að selja 50% meira
af matvöru miðað við krónutölu.
Er það aukning á magni frá þvi i
fyrra miðað við desembersölu,
sagði Ólafur Sverrisson, kaupfé-
lagsstjóri.
Mikil umsvif eru hér hjá kaup-
mönnum vegna hinnar miklu
kaupgetu hjá fólki. Þannig hefur
verzlunin Stjarnan nýlega opnað
stórt vöruhús. Verzla þeir aðal-
lega með raftæki, húsgögn og
skófatnað. Hefur verið mikil sala
hjá þeim i þessum vörum siðan
þeir opnuðu.
Hér eru jólaskreytingar hengd-
ar yfir tvær aðalverzlunargöturn-
ar, Egilsgötu og Borgarbraut.
Hins vegar hefur jólatré ekki
verið reist ennþá við Skalla-
grimsgarð. Aftakaveöur var hér i
gær.
Kaupmenn
kvarta í
Vestmannaeyjum
Vestmannaeyjum, 21/12— Við
höfum borið saman desembersöl-
una i fyrra og svo aftur núna og
höfum merkt mun meiri sölu nú i
kaupfélaginu, sagði Ragnar Guð-
mundsson, kaupfélagsstjóri. Af-
greiðslufólkið segir að jólaösin sé
meiri núna en i fyrrá.
Einna helzt hefur þetta komið
fram i fatnaðarkaupum hjá okk-
ur, en við verzlum með Mark &
Spencer vörur hér i kaupfélaginu.
Annars kvarta kaupmenn hér
yfir minni sölu núna fyrir jólin að
undanteknum raftækjasölum.
Fólk hefur viljað kaupa heimilis-
tæki á gamla veröinu.
Rysjótt tið hefur verið hér i
Eyjum. Hafa flugsamgöngur leg-
ið niðri um skeið. Tvær vélar
komu þó i dag frá Reykjavik.
Þegar hafa veriö sett upþ sex stór
jólatré i bænum. Þá er nokkuð um
skreytingar i verzlunum og
einstaklingar eru farnir að
skreyta hússvalir sinar með lituð-
um ljósaperum.
Tvœr sölugusur
í brennivini
Akureyri, 21/12—Nýlega hafði
ég tal af tveimur ungum athafna-
mönnum i verzlun hér á Akureyri
og kváðu þeir verzlun yfir alla
linuna mun meiri en oft áður hér
á Akureyri, sagði Helgi Guð-
mundsson. Er kaupgeta mikil og
góð hér hjá fólki, enda mikið um
atvinnu hér á þessu ári.
Tvisvar hefur komið fjörkippur
i brennivinssölu núna i desember.
Varð sá seinni sýnu harðari á
dögunum.
Aðalverzlunargötur eins og
Hafnarstræti og Aðalstræti hafa
verið skreyttar. Þá hafa kirkju-
tröppurnar verið skreyttar marg-
litum ljósaserium og kirkjan sjálf
alsett jólaskreytingum.
Fólk rólegra en
áður fyrir jól
Patreksfirði, 21/12— Minna er
um jólaskreytingar hjá einstakl
ingum en oft áður. Ótið hefur ver-
ið hér undanfarna daga og haml-
ar fólki að hengja upp jólaseriur
utan á hús sin.
Hins vegar skarta hér tvö jóla-
tré i plássinu. Við höfðum tal af
kaupíélagsmönnum á Patreks-
firði. Kváðu þeir jólasölu svipaða
og i fyrra en ekki hægt að merkja
magnaukningu i sölu.
Kaupgeta hjá fólki er hins veg-
ar mikil, en ekkert kaupæði rikir
hér hjá fólki fyrir jólin.
Jafnvel er fólk rólegra en oft
áður og jólaskreytingar minni.
Ógæftir hafa hamlað sjósókn i
desember og litið veiðzt umfram
neyzlufisk fyrir kaupstaðabúa.-
Marga nýja bila er búið að kaupa
til Patreksfjarðar og ber mest á
Cortinu og Saab bilum hér. Bygg-
ingarframkvæmdir hafa verið
miklar á árinu og helur árssala
verið meiri i byggingarvörum en
áður.
Jólatré sitt
hvorum megin
við Blöndu
Blönduósi. 21/12— Jólasala er
hér töluvert meiri en i fyrra.
Byrjaði sala þegar um siðustu
mánaðamót og sýna tölur um
miðjan mánuðinn greinilega
magnaukningu. Þá hefur verið
mikil jólasala siðustu daga, sagði
Árni Jóhannsson, kauplelags-
stjóri.
Atvinna hefur verið mikil hér á
árinu og vantar fólk hér i plássið.
Um 20 einbýlishús eru hér i smið-
um og hafa byggingarvörur selzt
meira hér á þessu ári en áður. t
fyrra Ijárfesti fólk hins vegar
mikið i bilum, en er nú að byggja
yfir sig i ár.
Jólatré hafa verið reist við
barnaskólann og kirkjuna sitt
hvorum megin við Blöndu. Þá eru
einstaklega fallegar jólaskreyt-
ingar i gluggum hins nýja barna-
skólahúss og loga ljós i kennslu-
stofum l'yrir innan þessar skreyt-
ingar. Merkja mátti örari sölu i
raftækjum og heimilistækjum á
dögunum.
Kanaverzlun
jókst ekki við
gengisfellingu
Keflavik, 21/12 — Jólaverzlun
byrjaði hjá okkur upp úr 10.
desember og er heldur meiri en i
fyrra, sagði Gunnar Sveinsson,
kaupfélagsstjóri Kaupfélags
Suðurnesja. Kaupgeta er góð hjá
fólki, en skattar drógu úr kaup
getu fólks siðari hluta árs. Höfum
við merkt það nokkuð i sölu hér.
Aðeins varð örari sala i heim-
ilistækjum við gengisfellingu, en
það er vart orð á gerandi.
Jólatré hala verið sett upp á
Vatnsnestorgi, ennfremur við
barnaskólann og við sjúkrahúsið.
Þá er nokkuð um jólaskreytingar
i verzlunargluggum við aðal-
verzlunargötur.
Kanar hafa gert svipaða jóla-
verzlun og áður i ullarvörum og
minjagripum. Ekki varð vart við
aukna sölu hjá þeim við gengis-
fellinguna.
Skattar draga
úr kaupgetu
Egilsstöðum, 21/12— Jólasala
er svipuð og áður hjá Kaupfélagi
Héraðsbúa. Er þó hægt að merkja
meiri sölu hér á Egilsstöðum en i
kaupfélagsbúðunum á Reyðar-
firði, Borgarfirði og Seyðisfirði,
sagði Þorsteinn Sveinsson, kaup-
félagsstjóri. Heldur hefur dregið
úr kaupgetu hjá fólki siðari hluta
árs vegna skattanna. Einkum i
plássunum við sjávarsiðuna. Þá
hafa samgöngur verið erfiðar og
komust jólavörur ekki til kaup-
félagsins i Borgarfirði fyrr en 17.
þessa mánaðar. Hefur jólaverzl-
un þannig verið einna helzt sið-
ustu daga i öllum kaupfélagsbúð-
unum.
Eftir gengisfellingu hefur orðið
vart við meiri eftirspurn á heim-
ilisraftækjum. Tvær sveitir fá nú
rafmagn i fyrsta sinn hér á Hér-
aði. Þannig fékk Jökulsárhliðin
rafmagn i haust og Hjaltastaða-
þinghá fyrir hálfum mánuði.
Einna fallegastar eru jólaskreyt-
ingar á Reyðarfirði af þessum
stöðum. Þær hafa þó verið settar
seinna upp vegna ótiðar.
Dýrir bílar
keyptir á árinu
Stykkishólmi, 21/12 — Mikil
kaupgeta er hér hjá fólki. Hefur
verið almenn söluaukning hjá
verzlunum allt árið, sagði Sigfús
Sigurðsson kaupfélagsstjóri.
Hér hefur verið meira um jóla-
skreytingar á húsum en áður. Eru
hér viða iitaðar ljósaperur og hin
margbreytilegasta Ijósadýrð. Þá
hafa verið reist hér þrjú jólatré,
— eitt stórt á aðaltorginu niður
við höfn og tvö i útjaðri kauptúns-
ins.
Margir bilar hafa verið keyptir
hingað á árinu og ber þar einna
helzt á Citröen, Vauxhall og
Datsun, en svo til ekkert keypt af
Volkswagen. Hefur verið mikil og
góð vinna við hörpudisk og annað
og kaupmáttur fólks mikill. Litil
vinna hel'ur verið hér i desember i
frystihúsum og siðan hörpudisk-
veiðarnar voru stöðvaðar. Kaup-
félagið var búið að kaupa dýrar
vélar við skelfiskVinnslu. Hafa 6
til 8 menn verið á kaupi við ýmis
konar dútl.
Aukin sala í
byggingarvörum
isalirði, 21/12— Nokkuð er um
jólaskreytingar hér i kaupslaðn-
um. Hafa verið reist jólatré niður
við höfn og við sjúkrahúsið. Þá
hefur vinabær Isafjarðar i Dan-
mörku sent jólatré og er það sett
niður á Austurvelli. Átti að
kveikja á jólatrénu i gær, en var
hætt við vegna veðurs.
Jólasala i verzlunum er svipuð
og áður, sagði Grétar Snær
Hjartarson, kaupfélagsstjóri.
Byrjaði hún þó fyrr en áöur og
hefur gengið jafnar yfir og ekki er
hægt að tala um kaupæði i fólki.
Mörg einbýlishús og raðhús
hafa verið i smiðum á árinu og
magnaukning á byggingarvör
um aukizt á árinu. Þá hafa Isfirð-
ingar endurnýjað bila sina á ár-
inu og eru bilar yfirleitt nýlegir
eða nýir i eigu fólks. Mest ber hér
á nýjum Volvó-bilum, Cortinu,
Sumbeam, Toyota og jeppabilum
eins og Bronkó og Range Rover.
Litið er keypt hingað af ódýrari
bílategundum eins og Volkswag-
en.
Truflar eðlilegt
líf í borginni
Kurðu margt er háö rafmagni i
tilveru fólks hér á höfuðborgar-
svæðinu. Þvi hafa hundrað þús-
und ínanns fengið að kenna á und-
anfarin dægur, þegar rafmagnið
er tekið af heilum bæjarhverfum
öðru hverju, — og truflar ekki sizt
undirbúning jólahalds á einka-
heiinilum.
Hafa menn hugleitt, hvernig
smákökunum reiðir af i jóla-
bakstrinum, jólaþvottinum i
þvottavélunum og matvælum i is-
skápum og frystikistum, sem af-
þiöast þegar rafmagnið er tekið
af heimilistækjunum. Ekki er
hægt að slappa af og setjast fyrir
frarrtan sjónvarp eða hlusta á út-
varp. Allt er þetta tekið frá fólki
og er helzt að setjast niður og lesa
blöð eða bók við kertaljós og
angra þannig slökkviliðsyfirvöld
borgarinnar.
Kannski flýr fólk af heimilinu
og ekur á bilnum sinum niður i
bæ. Það uppgötvar allt i einu að
billinn er bensinlitill á Miklu-
brautinni. Þá er ekið á benzinstöð
fyrrverandi borgarstjóra við
þessa götu. Ekki hægt að fá
bensin af þvi að bensininu er dælt
á bilinn með rafmagnsdælu. Biln-
um er lagt og hringt á leigubil.
Stúlkan á leigubilastöðinni getur
ekki kallað upp leigubil af þvi að
kallkerfið er óvirkt vegna raf-
magnsleysis þessa stundina.
Kannski átti einhver eftir að
lála klippa sig i'yrir jólin i gær. Á
rakarastofunni eru rakarar með
rafmagnsklippur og rafmagnið
var einmitt tekið af þvi bæjar-
hverfi er hefur að geyma þá rak-
arastofu, sem viðkomandi skiptir
við. Þá er að biðja um snyrtingu
með skærum eins og bitill, — það
er dýrasta klippingin hjá rakar-
anum.
Flautur Almannavarna
Kannski lannst einhverjum
komið i svo mikil óefni að ástæða
væri fyrir Almannavarnir hér i
borginni að setja allar hinar 19
flautur af stað til þess að boða
óviðunandi ástand.
Þá kemur i ljós, að flauturnar
eru tengdar rafkerfinu og gela i
mesta lagi flautað i eina minútu á
þeim forða er þær hafa á þrýsti-
loftskútum.
Rúnar Bjarnason slökkviliðs-
stjóri sagði þó blaðinu i gær, að
forðinn ætti lika að duga i
samfellt flaut i hálfa minútu til
þess að afboða hættu og liklega
ekki meir. Þá þyrftu rafmagns-
mótorar að byrja hleðslu á nýjan
leik. En fer ekki rafmagnið fyrst,
ef ógæfa i einhverri mynd dyndi á
þessum þéttbýliskjarna á Suð-
vesturlandi?
Óbyrgð ljós
Rúnari leizt miður i gær á öll
þessi óbyrgðu ljós i verzlunum og
á stórum vinnustöðum. Margir
hafa notað kertapislir á undir-
skálum og má ekkert út af bera
að kvikni i eldfimum efnum i búð-
um og á vinnustöðum. Slökkvilið-
stjórinn kvaðst vilja minna á það,
að húseigandi bæri ábyrgð á
mannslifunum. Eru þeir borgun-
armenn til aðstandenda, ef einn
eða fleiri týna lifinu i eldsvoða.
Hvað um öll kertaljósin á heim-
ilum borgarinnar?
Hörð viðurlög liggja við notkun
óbyrgðra ljósa á vinnustað eða á
heimilum samkvæmt bruna-
málasamþykkt.
Ilvergi hafði kviknað i af völd-
um kertaljóss þar til i gærkvöldi,
sagði slökkviliðsstjóri.
Viða dvinaði hiti i húsum af
völdum rafmagnsskömmtunar i
gær, a.m.k. á hitaveitusvæðinu.
Ralmagnsdælur dæla heita
vatninu um pipur Hitaveitu
Reykjavikur. Hamlaði það
rennsli er rafmagnið fór af hinum
og þessum bæjarhverfum i gær.
llins vegar hefur dælustöðin að
Reykjum i Mosfellssveit sérstaka
rafmagnsstöð til þess að dæla
heita vatninu til borgarinnar.
Kinkarafstöðvar
Furðu margir aðilar hafa
einkarafstöð hér á höfuðborgar-
svæðinu. Er ekki svo dýrt að
koma upp slikum vélaútbúnaði
lyrir veigamikla staði eins og
sjúkrahús, banka, Landssimann
á Rjúpnahæð og Gul'unesi. Hins
vegar býr Rikisútvarpið ekki við
einkaralstöð. Veðurguðirnir hafa
verið mildir við þetta land undan-
farin ár. Ef til vill hafa menn
haldið að við værum komnir til
Suðurlanda.
Alltaf er hægt að búast við ill-
viðri á norðlægum slóðum. lleld-
ur virðist tæknibúnaður illa undir
svona veðurlag búið. g.m.
Lögreglan stelur heróíni
úr eigin vörzlu í USA
NEW YORK 2!/12 — Stolið hefur
verið 24 pundum af heróini úr
birgðastöð bandarisku lögregl-
unnar fyrir vörur sem gerðar
hafa verið upplækar. Fyrir fáein-
um dögum var tilkynnt að 57
pundum af sömu birgðum heföi
verið stolið.
Hér er um að ræða heróín-
birgðir sem gerðar voru upp-
tækar i New York eftir að upp
komst um franskan smyglhring.
Hefur nú verið stolið samtals 81
pundi af þessum birgðum, sem
voru 97 pund, þannig að aðeins 18
eru eftir. Söluverðmæti þýfisins
er sagt vera um 16 miljónir doll-
ara (nær 1600 miljónir isl. króna).
En þar með er ekki öll sagan
sögð. Komið hefur á daginn að
allmiklar birgðir til viðbótar hafa
horfið úr vörzlu lögreglunnar i
New York. Samtals munu þetta
vera um 130 kilógrömm af heróini
og kókaini. Ekki er vafi talinn á
þvi, að lögreglumenn sjálfir séu
polturinn og pannan i þessari
glæpastarfsemi. Er talað um að
þetta sé eitl alvarlegasta dæmið
um spillingu innan bandarisku
lögreglunnar sem um getur. Um
200 sérfræðingar eru nú sagðir
reyna að upplýsa málið.
50 bjargað
úr rústunum
RIO DE JANEIRO 21/12— Björg-
unarmönnum tókst i dag að ryðja
sér braut gegnum rústirnar af
risa-vöruhúsi sem hrundi til
grunna á miðvikudag.
Björgunarmönnum tókst að
bjarga 50 manns, sem voru grafn-
ir undir rústunum, þar af voru 12
börn. 21 lézt i þessu sérstæða slysi
og allmargir liggja stórslasaðir i
sjúkrahúsi.
Gengu út í mótmælaskyni
PARIS 21/12 — Sendinefndir
Þjóðfrelsisfylkingar Suðurviet-
nama og Norður-Vietnams á
samningafundunum i Paris yfir-
gáfu fundinn i dag i mótmæla-
skyni við sprengjuregnið sem
Bandarikjamenn hella nú að nýju
yfir allt Norður-Vietnam.
Sendinefndirnar yfirgáfu
fundinn eftir að hafa lesið yfirlýs-
ingu yfir bandarísku fulltrúunum.
1 yfirlýsingunni er striðsstefna
Nixons harðlega fordæmd, og
Bandaríkjastjórn bent á, að hún
muni ekki geta þvingað Norður-
vietnama með sprengjuárásum
til að láta undan þeirri kröfu að
Bandaríkjamenn undirriti sam-
komulagið sem náðist hinn 20.
október s.l.
Tilkynnt er i Paris að fulltrúar
Þjóðfrelsisfylkingarinnar og
Norður-Vietnams muni ekki vilja
slita viðræðunum og verði næsti
fundur sennilega upp úr nýári.