Þjóðviljinn - 30.11.1973, Blaðsíða 11

Föstudagur :i(). nóvember 1973. ÞJ6ÐVILJ1NN — StÐA 11
Landsleikurinn ísland — Svíþjóð 12:13
Olafur Ben. hafði
nær sigrað Svíana
Með slíkri markvörslu
að annað eins hefur ekki
sést í Laugardalshöllinni
Æsispennandi landsleik íslendinga og Svia i gær-
kvöldi lyktaði með sænskum sigri, 13:12 þrátt fyrir
það að Ólafur Benediktsson sýndi slika markvörslu
i islenska markinu að annað eins hefur ekki sést á
fjölum Laugardalshallarinnar. Hann varði 21 skot
af 34 sem á markið komu, þar á meðal vitakast.og
það hlýtur að vera sárt fyrir hann að tapa leiknum
eftir slika frammistöðu. En það sem brást i islenska
liðinu var sóknin, og þá frekast stórskyttan Axel
Axelsson, sem átti aragrúa af skotum sem annað
hvort voru varin, hittu stangir eða fóru framhjá
markinu. Sem sagt Axel var ekki i stuði og þvi var
islenska sóknin, án Ólafs H. Jónssonar, sem ekki
gat leikið með,heldur bitlitill. Aðeins þeir Viðar og
Gisli Blöndal léku við getu og stóðu sig best islensku
sóknarmannanna.
Þá er því ekki að leyna að
sænska liðið hagnaðist mikið á
v-þýsku dómurunum undir lokin
og þó alveg sérstaklega á siðustu
sekúndunum þegar Gisli Blöndál
var barinn niður á linunni og i
stað þess að dæma aukakast, var
boltinn dæmdur Svium. Þar með
voru vonir islenska liðsins um
að jafna orðnar að engu. Annars
dæmdu þessir dómarar leikinn i
heild nokkuð vel.
Leikurinn var mjög jafn allan
leikinn nema rétt fyrstu 15 minút-
urnar, er islenska liðiö náði að
komast i 4:0, og var það besti
sóknarkafli liðsins i leiknum. A
þessum tima hreinlega lokaöi
Olafur markinu, ekkert skot
slapp inn og var greinilega farið
aðfara um Sviana, enda sjálfsagt
ekki á hverjum degi að þeir mæta
slikum markverði sem Ölafur er.
Eftir þetta var ekki skotið nema i
opnum færum.og i þvi ljósi skoöað
er afrek Olafs enn meira.
En loks tóku Sviarnir að
siga á og náöu að jafna 5:5 en ts-
lendingum tókst að komast yfir
6:5 og 7:6 og þannig var staðan
einmitt i leikhléi.
Leikurinn hélst enn jafn út all-
an siðari hálfleik, og segja má að
heppnin ein hafi ráðiö þvi hvorum
megin sigurinn lenti. Jafnt var
9:9, 10:10 og voru þá 18 minútur
liðnar af s.h. Siöan var jafnt 11:11
er Sviar skoruöu sitt 12. mark, en
40 sekiíndum fyrir leikslok jafn-
aði Viðar Simonarson,en Svium
tókst að skora sigurmarkið á
þeim tima sem eftir var og lslend-
ingar fengu enn eitt tækifæri á
siðustu 10 sekúndunum,en þá var
það sem brotið var á Gisla eins og
áður er sagt frá.
íslenska liðið lék nú mun betur
en i fyrri leiknum, en auðvitaö
munaði mest um markvörslu
Ólafs, sem var eins og áöur segir
hreint ótrúleg.og hún gerist ekki
betri hjá öðrum markvörðum i
heiminum en að þessu sinni hjá
honum, og má þvi segja að litlu
hafi munað að hann hafi sigrað
Sviana.
Axel átti ekki góðan leik að
þessu sinni, en hinsvegar hefur
Viðar vart verið betri fyrr i lands-
leik,og Gisli Blöndal átti skinandi
leik og hefur eflaust gulltryggt sig
i landsliðinu.
Þeir Björgvin, Gunnsteinn,
Auðunn og Sigurbergur komu vel
frá varnarleiknum, og þó alveg
sérstaklega Gunnsteinn sem batt
hann saman af alkunnri snilld, en
hann var aftur á móti mjög ó-
heppinn með skot sin,og sama má
segja um Björgvin.
Hjá Svium bar mest á Bo
Andersen og Lennart Eriksson,
sem lék nú aftur með liðinu og
breytti þvi til hins betra.
Mörk Islands: Axel 5 (2viti)
Viðar 4, Gisli 3. — S.dór.
Axel Axelsson lyftir sér hér upp en eins og sést á myndinni er dómarinn búinn aö flauta (Myndir GSPí
Viftar Simonarson reynir markskot.
Hörður Sigmarsson kominn inn á ilnu.
Grindvíkingar sækja
a i judo-iþrottinm
Siðastliðinn sunnudag fór fram i
Grindavik drengjakcppni i júdó á
vegum UMFG. Þarna kepptu
samtals 53 drengir, frá þremur
fclögum, UMFG 26, Júdódeiid
Ármanns 18 og Júdófélagi
Iteykjavikur 9.
Þarna sáust mikil tilþrif, og
tókust strákarnir á af miklum
móði, en allt fór vel og drengilega
fram undir stjórn Jóhannesar
Haraldssonar, sem er þjálfari
Grindvikinganna. Keppt var i
þremur aldursflokkum og uröu
úrslit þau, að i flokki 14 og 15 ára
unnu Grindvikingar öll verðlaun.
1. verðlaun hlaut Pétur Pálsson
UMFG, 2. v. Þorsteinn Simonar-
son UMFG, 3. v. Gunnlaugur
Friðbjarnarson UMFG.
t flokki 12-13 ára hlaut 1. v.
Pétur Eggertsson Armanni, 2. v.
Halldór Birgisson Ármanni, 3. v.
Margeir Guðmundsson UMFG. i
flokki 11 ára og yngri hlaut 1. v.
Arnar Danielsson UMFG, 2. v.
Heimir Rikharðsson Armanni, 3.
v. Mark Sigurjónsson UMFG.
Augljóst er, að Jóhannes
Haraidsson, þjálfari UMFG,
hefur unnið vel, bæði sem braut-
ryðjandi og þjálfari. Það er hreint
ekki svo litið afrek að senda i
keppni þetta marga drengi frá
ekki stærra plássi en Grindavik
og ná svona góðum árangri i
keppninni. Þetta hlýtur að vera
mikil hvatning fyrir UMFG að
hlúa að þessum ungu og efnilegu
iþróttamönnum: það sýnist ekki
fara til ónýtis, sem fyrir þá er
gert. Það er vonandi að fleiri fé-
lög bætist i hópinn, iþróttalif hér á
landi er ekki svo fjölskrúöugt að
þar megi ekki við bæta.
UMSJÓN SIGURDÓR SIGURDÓRSSON