Þjóðviljinn - 28.06.1975, Side 8

8 SÍÐA — ÞJÓÐVILJINN Laugardagur 28. júni 1975.
„Við erum hræddir
við íslendingana”
sagði Einar Jörum, formaður norska
knattspy rnusa m ba ndsi ns
Sem kunnugt er leika islend-
ingar og norðmenn tvo lands-
leiki i knattspyrnu i næsta mán-
uði og eru þeir liður i undan-
keppni ólvmpiuleikanna. Fyrri
leikurinn verður hér á landi 7.
júli nk. en sá siðari ytra 17. júli.
— Við erum sannarlega
hræddir við islendingana, þeir
hafa leikið sérstaklega vel i
sumar og við höfum oftast átt i
erfiðleikum með þá á islandi,
sagði Einar Jörum formaður
norska knattspyrnusambands-
ins i viðtali við norska blaðið
Bergens Tidende eftir lcik norð-
manna og finna á dögunum.
Einar var mjög óánægður
með norska liðið sem lék gegn
finnum og náði aðeins jafntefli
1:1 á heimavelli. Sem dæmi um
það hve norska liðið var slakt i
leiknum má geta þess, að það
átti aðeins eitt skot á finnska
markið, það var þegar það jafn-
aði úr vitaspyrnu.
Það var samdóma álit manna
að finnanir hefðu verið mun nær
sigri.
i næstu viku eiga norðmenn
að leika gegn svium og biða
norðmenn i ofvæni eftir þeim
leik.
Toppliðin mætast
í dag á Akranesi
en eyjamenn fá keflvíkinga í heimsókn —
FH og KR mætast svo ( Hafnarfirði á morgun
Tveir leikir fara fram i 1.
deildarkeppni Islandsmótsins i
knattspyrnu i dag og er annar
þeirra sýnu mikilvægari uppá
stöðu efstu liðanna i deildinni að
gera, leikur IA og Vals, sem fram
fer á Akranesi. 1 Vestmannaeyj-
um leika heimamenn við keflvik-
inga.
Leikurinn á Akranesi er eins og
áður segir mjög mikilvægur fyrir
stöðu efstu liðanna i deildinni.
Hvort liðið sem sigrar tekur for-
ystuna i deildinni og ef jafntefli
verður, taka Valsmenn foryst-
una. Menn búast almennt við þvi
að leikurinn verði jafn og
skemmtilegur enda eigast þarna
við best spilandi liðin i deildinni,
lið sem alltaf reyna að leika góða
knattspyrnu. Þar sem leikurinn
fer fram á Akranesi verður að
telja skagamenn sigurstrang-
legri, en Valsmenn eru ekki auð-
unnirog þvi má búast við jöfnum
Framhald á bls. 10
Valbjörn Þorláksson verður hér að láta sér nægjá að stökkva 4.10
metra en tslandsmet hans frá 1961, sem er 4.50 m. er þó enn ekki i nokk-
urri hættu. Myndina af Valbirni tók gsp fyrr i sumar á Laugardalsvelli.
Olympíudagurinn framundan
Oslitin dagskrá
fram eftir kvöldi
Ólafur samdi um 3
ár við Dankersen!
ólafur H. Jónsson, handknattleiksmaðurinn snjalli úr Val og
landsliðinu,undirritaði I fyrradag samning við þýska liðið Danker-
sen til þriggja ára. Hyggst hann halda áfram námi ef unnt er I
Þýskalandi. Ákvörðun Ólafs kemur nokkuð á óvart, vitað var að
honum höfðu boöist mörg tilboð en hann hefur ekki sýnt þeim áhuga
til þessa. Ólafur fer utan 1. ágúst og er I samningunum tilskilinn
tveggja mánaða uppsagnarfrestur. Er óneitanlega mikil eftirsjá að
Ólafi úr islenska handknattleiknum og er ekki að efa að þetta er
mikil blóötaka fyrir Val og landsliöið.
—gsp
Olympíudagurinn verður
haldinn í Reykjavík á
morgun, 29. júní. Mánað-
ardagurinn er ekki valinn
af handahófi, — 29. júní er
hátíðisdagur allra ís-
lenskra íþróttaunnenda.
Þann dag, árið 1951, unnu
islendingar svía í knatt-
spyrnulandsleik á Mela-
velli með fjórum mörkum
gegn þremur og var það
fyrsti stórsigur landans á
knattspyrnusviðinu. Sama
dag sigruðu islendingar í
frjálsíþróttakeppni í Dan-
mörku þar sem keppt var
við heimamenn og norð-
menn.
Þetta var því svo
sannarlega stór dagur í ís-
lenskri iþróttasögu.
Olympiudagurinn býður upp á
fjölbreytta dagskrá sem hefst á
Laugardalsvelli klukkan 14.00. I
Laugardalshöll hefst hins vegar
dagskráin klukkan 16.00 með
Blakkeppni, judokeppni o.fl.
Klukkan 20.00 verða i Laugar-
dalshöll lyftingar, fimleikasýn-
ing, handknattleikskeppni (Vik-
ingur—Úrval HSÍ), nútimafim-
leikar o.fl.
A Laugardalsvelli verður keppt
i frjálsum iþróttum með þátttöku
besta frjálsiþróttafólks landsins.
Einnig verður leikin knattspyrna.
Olympiunefnd er skipuð fjórða
hvert ár og hefur það verkefni að
skipuleggja þátttöku tslands á
OL-leikunum. Nefndin hefur nú
ákveðið að halda þennan sérstaka
Olympiudag til þess að vekja at-
hygli þjóðarinnar á að OL-leikar
fara fram næsta sumar. Einnig er
þetta liður i margþættri fjáröflun
Olympiunefndarinnar. Formaður
nefndarinnar er Gisli Halldórs-
son.

Verölauna-
hafar úr
Árbæjar-
hlaupi
Fylkis
íþróttafélagið Fylkir í Arbæj-
arhverfi hefur i vetur eins og und-
anfarin ár gengist fyrir viða-
vangshlaupi, Arbæjarhlaupinu
svonefnda. Félagið hefur haft
þann skemmtilega sið á að af-
henda verðlaunahöfunum verð-
laun sin á hverfisskemmtun ár-
bæinga 17. júni.
Þessi mynd var tekin 17. júni sl.
þegar verðlaunin höfðu verið af-
hent. Að visu vantar nokkra verð-
launahafa á myndina, þeir gátu
ekki mætt á skemmtunina vegna
þess að þeir voru komnir i sveit-
ina. Hlaupið var i ár eins og und-
anfarin ár aldursflokkahlaup og
voru veitt sérstök verðlaun og
heiðursskjöl til þriggja efstu i
hverjum aldursflokki. (Ljósm.
S.dór)