Þjóðviljinn - 02.08.1980, Blaðsíða 8

8 SÍÐA — ÞJÓÐVILJINN Helgin 2.-3. ágúst 198«
Mannfjöldi safnaðist saman á Austurvellijafnt börn sem fullorönir.
Ljósm: Ella
Það rigndi meðan á athöf ninni stóð, en fólk lét það ekki á sig fá og fagn-
aöi Vigdísi innilega. Ljósm: Ella

Vigdis Finnbogadóttir gekk út á svalir Alþingishússins og bað alla að hrópa ferfallt húrra fyrir
fósturjöröinni. Ljósm: Ella
Meðal gesta i Alþingishúsinu var Svanhildur Halldórsdóttir kosningastjóri Vigdlsar
Ljósm: eik
Virðuleg athöfn í Alþingishúsinu í gær
Fjórði forseti lýðveldisins tekur við
Vigdis .Finnbogadóttir tók viö
embætti Forseta islands við há-
tiölega athöfn i gær. Hún undirrit-
aði eiöstaf, þar sem hún hét þvi aö
halda stjórnarskrá isienska lýð-
veldisins i hvivetna og tók viö
árnaðaróskum forseta Hæstarétt-
ar sem stýrði athöfninni fyrir
hönd handhafa forsetavaldsins.
Um þrjú leytið i gær tók fólk að
safnast saman á Austurvelli til að
fylgjast meö athöfninni og til að
hylla Vigdisi nýkjörinn forseta.
Taldi lögreglan að um 4000 manns
hefðu verið utan við Alþingishús-
ið. Fúnar blöktu við hún á öllum
opinberum byggingum og sendi-
ráðum og fólk var i öllum glugg-
um og svölum nærliggjandi húsa.
Veðrið var milt og hlýtt, en örlitil
rigning ýrði úr lofti.
Klukkan hálf fjögur gekk Vig-
dis ásamt biskupi, handhöfum
forsetavalds og fyrrverandi for-
seta dr. Kristjáni Eldjárn og frú
Halldóru Ingólfsdóttur til Dóm-
kirkjunnar, þar sem biskupinn
yfir Islandi hr. Sigurbjörn Ein-
arsson messaði. Hann vitnaði i
ræðusinni til frásagnar Bibliunn-
ar af Debóru sem komst til æðstu
valda með þjóð sinni, en biskup
sagði að konur hefðu ekki komist
til mikillar tiltrúar til forystu-
starfa eða haft aðstöðu til að beita
sér á almennum vettvangi i gegn-
um aldirnar. Þó hefði þeirra viöa
verið getið. Siðan sagöi hann:
„forsetaskiptin eru að þvi leyti
sérleg timamót aö þessu sinni aö
það er kona sem við tekur. Þess
skal hún hvorki njóta né gjalda.
Hún er maður. Sjálf hefur Vigdis
Finnbogadóttir réttilega minnt á
þaö að islenska orðið maður tekur
til beggja kynja jafnt. Mennsk
vera er hvorki starfskraftur né
önnur ónefna eða ónáttúra, held-
ur blátt áfram maður.”
Að messu lokinni var gengið til
Alþingishússins þar sem forseti
Hæstaréttar Björn Sveinbjörns-
son lýsti Vigdisi Finnbogadóttur
réttkjörinn forseta Islands og siö-
an undirritaði Vigdis eiðstafinn.
Hún gekk út á svalir Alþingis-
hússins, þar sem mannfjöldinn
fangaði henni innilega. Hún bað
alla að hrópa ferfallt húrra fyrir
ættjörðinni, en siðan var komið að
ávarpi hennar. Hún sagði meöal
annars,aö þaö væri islensk tunga
sem gerði okkur að mönnum, hún
gerði okkur að heimsþegnum sem
bæri skylda til að leggja sem
mestan skerf til stöðugra fram-
fara mannsandans. Hún sagði
einnig að allt frelsi kreföist aga
og aö við mættum aldrei ganga
svo lengi á sjóði, hvorki andlega
né veraldlega að ekkert væri
lengur eftir til að gefa. „Við höf-
um þegið góðar gjafir frá fyrri
kynslóðum og öðrum þjóðum.
Mesta gæfa okkar væri sú að gefa
ekki minna.”
Eftir að athöfninni lauk var
boðið upp á kampavin og kökur og
gestir gengu fyrir Vigdisi og árn-
uðu henni heilla sem forseta Is-
lands.
Meðal gesta voru hæstaréttar-
dómarar, rikisstjórnin, þing-
menn, sendimenn erlendra rikja
og fulltrúar ýmissa landssam-
taka ásamt sérlegum gestum
Vigdisar og fulltrúum fjölmiöla.
Salir Alþingis voru blómum
skreyttir og utan við húsið voru
blómakörfur. Allt fór fram með
heiöri og sóma, viö athöfnina
söng Sigriður Ella Magnúsdóttir
„Hliðin min friða”, dómkórinn
söng þjóðsönginn og utan við al-
þingishúsiö lék lúörasveit „Ég vil
elska mitt land”. Athöfninni lauk
um kl. hálf fimm i gær. Fjóröi
forseti lýöveldisins er tekinn viö
störfum. —ká.