Þjóðviljinn - 22.05.1982, Blaðsíða 14

14 SÍÐA — ÞJÓÐVILJINN Helgin 22.-23. mal 1982
Samþykkt sveitar-
stjórnarráösteffm.
A Iþýðubandalagsins
Alþýðubandalagið er sósíalískur
flokkur launafólks sem berst fyrir
lýðræði og jafnrétti. Flokkurinn telur
• að öll stjórnskipan islenska lýð-
veldisins eigi að þróast í átt til
aukins lýðræðis og valddreif ingar,
• að rnarkvisst eigi að stuðla að
þátttöku allra Islendinga í ákvörð-
unum um stórt og smátt i þjóðlif-
inu,
• að ákvarðanir eigi að taka í nánum
tengslum við þá einstaklinga sem
þær snerta.
Lýðræði og
Alþýðubandalagið leggur áherslu á
mikilvægi sveitarf élaganna sem
grunneininga í lýðræðisskipan lands-
ins. Sameiginlegt verkefni sveitarfé-
laga, Alþingis og ríkisstjórna er að
tryggja jafnvægi í byggð landsins og
réttláta skiptingu lífsgæða. Sjálfs-
stjórn og f járhagslegan sjálfsákvörð-
unarrétt sveitarfélaganna verður að
auka um leið og verkefni yrðu færð
*frá ríki til sveitarfélaga.
Sveitarstjórnarmenn Alþýðubanda-
lagsins munu beita sér fyrir:
• virkara lýðræði,
• upplýsingastreymi frá fulltrúa-
samkomum til fólksins,
• ákvörðunarrétti almennings um
nánasta umhverf i sitt,
• umræðum á vinnustöðum og þátt-
töku launafólks í ákvarðanatöku.
Alþýðubandalagið telur að innan
sveitarfélaganna þurfi hver einstak-
lingur að hafa möguleika til áhrifa á
umhverf i sitt og aðstöðu til að fylgjast
vel meðstörfum kjörinna fulltrúa. Við
hlið fulltrúalýðræðisins i sveitarfélög-
um er æskilegt að áhugasamtök,
hverfafélög, framfarafélög, íþrótta-
félög, æskulýðssamtök og menningar-
félög fái aðstöðu til beinni áhrifa á
ákvarðanatöku en nú tíðkast. Flokkur-
inn telur að finna þurfi nýjar leiðir til
virkari þátttöku almennings í sveitar-
stjórnarmálum. Áhugafólk þarf að fá
aðstöðu og valdsvið til virks aðhalds
og áhrifa á ákvarðanatöku kjörinna
fulltrúa.milli kosninga.
Alþýðubandalagið telur að ríkisfjöl-
miðlarnir hafi að ýmsu leyti brugðist
lýðræðishlutverki sínu. Þeir hafa van-
rækt að flytja upplýsandi efni um
meginstefnur í þjóðmálum og um
nauðsyn þátttöku í ákvörðunum al-
mannasamtaka og fulltrúasamkoma.
Alþýðubandalagið leggur því áherslu á
að hagur ríkisf jölmiðlanna verði bætt-
ur og þeim gert kleift að stuðla að vax-
andi lýðræðisvitund meðal þjóðarinn-
ar. Við undirb.úning nýrrar hljóð-
varpsrásarog landshlutaútvarps verði
tekið mið af þeim rétti sem almenn-
ingur í lýðræðisþjóðfélagi hef ur á upp-
lýsingum um forsendur mikilvægra
stjórnmálaákvarðana. Beinar útsend-
ingar frá stefnumótandi umræðum á
Alþingi og í sveitarstjórnum og frá
kjarasamningum á að auka bæði í
sjónvarpi og útvarpi. Alþýðubanda-
lagið mun beita sér fyrir því á vett-
Stefna Alþýðubandalagsins:
• Lýðrœði og valddreifing
• Sjálfsstjórn sveitarfélaga
• Breytt og
betri fjölmiðlun
• Bein áhrif íbúa
• Fólkið eigi
framleiðslutœkin
• Styttri vinnutími í
virku lýðræði
• Jafnrétti og jðfjjuður
• Símenntun í sókn
til lýðrœðis
vangi sveitarstjórna að ný tækni í f jöl-
miðlun — staðbundið útvarp, sam-
tengd sjónvarpskerfi og upplýsinga-
bankar — verði notuð á vegum sveit-
arstjórna til upplýsingastarfsemi,
fræðslu og menningarauka.
Alþýðubandalagið telur nauðsynlegt
að sveitarstjórnir séu opnar fyrir til-
raunum með ný framleiðsluform og
búskaparhætti. Með markvissum að-
gerðum og með opinberum stuðningi
þarf að virkja framtak og hugvit til
nýsköpunar í atvinnustarfsemi og
rekstrarháttum atvinnutækja. A sama
hátt vill Alþýðubandalagið að ungt
fólki fái aðstöðu til að reyna hug-
myndir sínar um nýjan lífsstíl. Ný-
sköpun af þessu tagi gæti lagt grunn
aðnýjuog heilbrigðara verðmætamati
meðal þjóðarinnar.
Alþýðubandalagið leggur áherslu á
að forsenda raunverulegs lýðræðis í
landinu er að fólkið eigi framleiðslu-
tækin. Sveitarfélög og samtök þeirra,
samvinnufélög starfsmanna og önnur
samvinnufélög svo og ýmiss konar al-
mannasamtök önnur eiga ásamt
stærri ríkisfyrirtækjum að taka við
hlutverki auðfélaga. Sveitarfélögin
eiga að stuðla að atvinnuuppbyggingu
á félagslegum grunni til að veita sam-
borgurunum fjárhagslegt og félags-
legt öryggi og tryggja gott mannlíf.
Arður verður ekki til nema af vinnu og
til að nýta hann i þágu fólksins verða
atvinnutækin að vera í félagslegri eign
heimamanna. Alþýðubandalagið telur
brýnt að verkalýðsfélögin gerist nýtt
afl í atvinnurekstrinum hvarvetna á
landinu líkt og samvinnufélögin á
fyrstu árum aldarinnar.
Aukið jafnrétti og jöfnuður milli
kynja og stétta eru forsenda fyrir al-
mennari jjátttöku í lýðræðislegri
ákvarðanatöku innan íslensku stjórn-
skipunarinnar. I virku lýðræði verður
vinnutíminn að vera til muna styttri en
nú tíðkast á (slandi.
Alþýðubandalagið leggur sérstaka
áherslu á að þegar verði haf inn undir-
búningur að dreifingu starfa á allar
vinnufúsar hendur framtfðarinnar til
aðstemma stigu við þeirri hættu að ný
framleiðslutækni dæmi f jöldann til at-
vinnuleysis. Hið aukna ráðrúm sem
örtölvubyltingin getur fært almenn-
ingi til lengri frístunda ber að nýta til
virkara lýðræðis. i skólum, félaga-
samtökum og heimilum, þarf að efla
skilning á þeim miklu möguleikum
sem í framtíðinni felast til nýrrar
sóknar í þágu lýðræðis og jafnréttis.