Þjóðviljinn - 28.10.1982, Blaðsíða 6

6 SIDA — ÞJÓÐVILJINN Fimmtudagur 28. október 1982
Frá útvarpsumræðunum á mánudag
AlþýðubandaSagið
gegn afturhaldlnu
Vegna ummæla um vísitölumál
hér fyrr í kvöld kemst ég ekki hjá
því, að geta þess, að frv. til laga um
vísitölumál hefur ekki verið af-
greitt í ríkisstjórninni og samnings-
forsendum verður ekki breytt
nema með samkomulagi allra
stjórnaraðila og í samráði við
verkalýðshreyfinguna. Þetta er
seinvirk leið, eins og nefnt var hér
fyrr í kvöld, en það er iýðræðisleg
leið.
Leiftursókn og
loddarskapur
Geir Hallgrímsson flutti hér
mjögsérkennilega ræðu. Hann lof-
aði að afnema verðbólguna og
jafnframt að tryggja fulla atvinnu.
Hann lofaði lægri sköttum, en
nefndi ekki hvernig hann ætlaði
að fara að því. Hann sagði ekki
frá því, hvernig hann ætlaði að af-
nema verðbólguna heldur, en
landsmenn þekkja leiftursóknina,
Hann sagði ekki frá því, hvernig
hann ætlaði að tryggja fulla
atvinnu, en landsmenn þekkja
hugmyndir hans um erlenda stór-
iðju og stóraukin umsvif ameríska
hersins. Þannig er enn ljóst hvað
hann vill. Geir Hallgrímsson hefur
í kvöld enn einu sinni afhjúpað
stefnu og loddaraskap Sjálfstæðis-
flokksins. Þannig hafa útvarpsum-
ræðurnar gert gagn.
Hlustendur hafa ekki komist hjá
því að heyra í kvöld kröfur stjórn-
arandstöðunnar um að ríkisstjórn-
in segi af sér. Þessi krafa er til
marks um ábyrgðarleysi. f fram-
kvæmd nryndi hún auka á glund-
roða og óvissu í efnahags- og at-
vinnumálum og ég hélt að flestum
þætti nóg komið í þá áttina. Það
leysir engan vanda, að ríkisstjórnin
segi af sér, nema ákvarðanir hafi-
verið teknar af nýjum þingmeiri-
hluta um að yfirtaka landsstjórnina
eða að samkomulag hafi orðið um
það með öðrum hætti, hversu
landinu verði stjórnað fram yfir
kosningar. Það eru engu að síður
Ijóst, að svo fráleit sem krafan er
um afsögn ríkisstjórnarinnar, þá
væri hitt fráleitt að ríkisstjórnin
neitaði að viðurkenna þá stað-
reynd, að á Alþingi er sjálfhelda,
sem verður að leysa. Þar ber ríkis-
stjórnin fremst skyldu, en þar ber
stjórnarandstaðan líka ábyrgð.
Ég skora á landsmenn að fylgjast
vel með því, sem gerist á næstunni í
viðræðum við stjórnarandstöðuna.
Athygli almennings verður von-
andi til þess, að flýta niðurstöðum.
Þegar menn eru að ræða um jafn
örlagarík mál og stjórn þjóðfélags-
ins er ekki sæmandi að gaufa lang-
tímum saman við að finna niður-
stöðu. Slíkt á líka að vera þarflaust.
Alþýðubanda-
lagið
vill uppgjör
'Alþýðubandalagið hefur krafist
uppgjörs, krafist þess að bráða-
birgðalögin yrðu lögð strax fyrir
þingið; og ef þau féllu, þá yrði þing
rofið og efnt til kosninga. Þannig
kom sérstaða Alþýðubandalagsins
skýrt fram í því, að við vildum
koma málum á hreint og það tafar-
laust. Þessi krafa Alþýðubanda-
lagsins var sett fram í byrjun þings
með það í huga, að unnt yrði að
kjósa í nóvember, svo þessi stjórn
eða ný stjórn gæti gert ráðstafanir í
stað brbl. fyrir 1. des. Alþýðu-
bandalagió vildi í þessum kosning-
um skjóta málinu til þjóðarinnar,
losa um sjálfhelduna á Alþingi ís-
lendinga.
Þetta var ekki gert; m.a. virtist
áhugi stjórnarandstöðunnar
merkilega lítill á því, að kosið yrði
strax. Nú er komin upp ný staða í
stjórnmálum, erfitt er að ímynda
sér að samstaða náist um kosningar
fyrir áramót. Þess vegna hefur
ríkisstjórnin farið fram á það við
stjórnarandstöðuna, að ræða um
afmörkuð lykilmál og um kosning-
ar á fyrri híuta næsta árs. Viðræð-
urnar við forustu stjórnarandstöð-
unnát hafa ekki borið árangur til
þessa, því miður. Þeir hafa ekki
viljað setja fram afdráttarlaust sína
skoðun um afgreiðslu bráðabirgða-
laganna nema það, að þeir muni
fella þau við fyrsta tækifæri. Þeir
hafa lýst vilja sínum til að taka á
kjördæmamálinu, og það er vel; en
þeir hafa gert kröfu til þess, að
ríkisstjórnin segi af sér. Kröfunni
um afsögn ríkisstjórnarinnar hefur
verið hafnað; þrátt fyrir stjórn-
málalega sjálfheldu um þessar
mundir er margt sem mælir á móti
því, að ríkisstjórnin segi af sér.
í fyrsta lagi er hún enn meiri
hlutastjórn, en hana skortir styrk
til að koma málum í gegnum aðra
deild þingsins.
I annan stað liggur ekkert fyrir
um aðra ríkisstjórn, og það er
nauðsynlegt að slíkt liggi fyrir áður
en ríkisstjórnin segði af sér.
í þriðja lagi er greinilegt að ríkis-
stjórnin nýtur stuðnings meðal al-
mennings.
Kaflar úr
ræðu Svavars
Gestssonar
í fjórða lagi er ástand hér á landi
í atvinnu- og efnahagsmálum betra
en í grannlöndum okkar. ísland er
eina landið í Vestur-Evrópu, sem
hefur haldið fullri atvinnu. Hér
hefur félagsleg þjónusta verið
aukin, hér er staða ríkisbúsins góð.
En hvað er það sem stjórnarand-
staðan vill? Vill Alþýðuflokkurinn
meiri eða minni kaupskerðingu en
þá sem fram kemur í bráðabirgða-
lögunum?; ekkert svar. Þó hafa
Alþýðuflokksmenn haft hér eins
langan ræðutíma og aðrir flokkar í
kvöld og tvo mánuði til að hugsa sig
um. Vill Alþýðuflokkurinn kann-
ski kauplækkun eins og þá, sem
hann lagði til haustið 1978, að kaup
hækkaði aðeins um 4% á þriggja
mánaða fresti burtséð frá verð-
bólgunni?
Samstaða gegn
leiftursókn
Alþýðubandalagið er sem fyrr
reiðubúið að taka þátt í því, að
reyna að verja íslensku þjóðina
fyrir peningahyggjunni. sem um
þessar mundir herjar á alþýðu
grannlanda okkar. Við hleypum
ekki afturhaldsstefnunni að átaka-
laust, en sigur vinnst ekki nema við
stöndum saman. Við höfum með
hjálp launamanna unnið að stór-
felldum framförum í félagsmálum
á. liðnum árum meðan félagsleg
þjónusta hefur verið skorin niður í
grannlöndum okkar. Við höfum
með stuðningi launamanna stöðv-
að atvinnuleysisvofuna, og Island
er því eina landið, sem hefur nú
fulla atvinnu. Við munum með
stuðningi launamanna áfram beita
okkur fyrir því, að treysta undir-
stöðu okkar þjóðlífs og stuðla að
félagslegum og menningarlegum
framförum.
Við skulum gera allt sem við get-
um til þess að verja ísland fyrir
afturhaldsstjómum, eins og í Bret-
landi, Danmörku, Bandaríkjun-
um, Noregi og nú síðast í Vestur-
Þýskalandi. Þar gerðist það, að
miðflokkur læddist með veggjum
og hljóp svo í bland við tröllin,
sveik grundvallaratriði í stefnu rík-
isstjórnar Helmut Schmidts og
kom afturhaldinu til valda. Mið-
flokkum er aldrei að treysta, það
sýnir reynslan, ekki aðeins frá
Vestur-Þýskalandi 1982, heldur
einnig frá íslandi 1974 og 1959.
Átökin milli
Alþýðubanda-
lagsins
og afturhaldsins
...Góðir hlustendur. Ég er viss
um að þið metið fremur þá, sem
sýna ábyrgð en ábyrgðarleysi;
fremur þá sem ganga hreint og
heiðarlega til verks en hina er iæð-
ast með veggjum. Alþýðubanda-
lagið óttast ekki um niðurstöðu
ykkar; en við skulum í sameiningu
gera okkur ljóst, að framundan er
alvarlegur vandi í efnahagsmálum
á íslandi, erlendar skuldir geta
stofnað sjálfstæði þjóðarinnar í
hættu ef við förum ekki varlega,
verðbólgan æðir áfram. Við þurf-
um því að leita leiða til að koma á
samkomulagi um stjórnarstefnu,
sem losar þing og þjóð úr pólitískri
og efnahagslegri sjálfheldu. Al-
þýðubandalagið er sá flokkur, sem
almenningur getur treyst til að
standa vörð um lífskjör alþýðu og
heildarhagsmuni. Alþýðubanda-
lagið býður fram krafta sína, átökin
verða sem fyrr milli afturhaldsins
og Alþýðubandalagsins.
Ég þakka þeim sem hlýddu.”
BÓKMENNTA-
KYNNING
Verkamannafélagiö Dagsbrún gengst fyrir
samfelldri dagskrá um verkafólk í bókmennt-
um til heiðurs Tryggva Emilssyni, áttræðum.
Dagskrá þessi verður í Iðnó laugardaginn 30.
október og hefst kl. 2. e.h., meðal annars
mun Tryggvi Emilsson lesa úr eigin verkum.
Eðvarð Sigurðsson flytur ávarp frá Dags-
brún.
Stutt erindi um Tryggva og stöðu hans í ís-
lenskum bókmenntum flutt af Þorleifi Hauks-
syni.
Að öðru leyti byggist dagskráin á upplestr-
um, leikatriðum og söng úr ýmsum verkum er
tengjast sögu verkafólks.
Kynnir: Silja Aðalsteinsdóttir
Lesarar, söngvarar og leikarar:
Guðmundur Olafsson, Kristín Ólafdóttir,
Olga Guðrún Árnadóttir, Þorleifur Hauksson.
Undirleikari: Guðmundur Hallvarðsson.
Dagsbrúnarmönnum svo og öllum velunnur-
um Tryggva Emilssonar er boðið til þessarar
dagskrár meðan húsrúm leyfir.
Stjórn Dagsbrúnar.
Laus staða
Verðlagsstofnun óskar að ráða starfsmann
til vélritunar. Starfíð krefst góðrar kunnáttu í
vélritun. Laun samkvæmt kjarasamningi
fjármálaráðherra og BSRB.
Umsókn með upplýsingum um aldur, mennt-
un og fyrri störf sendist Verðlagsstofnun,
Borgartúni 7, 105 Reykjavík, fyrir 1. nóvem-
ber n.k.
Upplýsingar um starfið eru veittar í síma
27422.
Verðlagsstofnun
LAUS STAÐA
Staða skólastjóra Leiklistarskóla íslands er laus til umsóknar.
Samkvæmt 3. gr. laga um Leiklistarskóla íslands skal skólastjóri „settur eöa skipaður af
ráðherra til fjögurra ára í senn" og miðast ráðningartími við 1. júní, en gengið skal frá
ráðningu hans fyrir 1. febrúar. „Skólastjóri getur sá einn orðið, sem öðlast hefur menntun
og reynslu í leiklistarstörfum".
Laun samkvæmt launakerfi ríkisstarfsmanna.
Umsóknir, ásamt upplýsingum um menntun og starfsreynslu, sendist Menntamálaráðu-
neytinu, Hverfisgötu 6, fyrir 10. desember n.k.
Menntamálaráðuneytið
25. október 1982
Auglýsingasíminn
er 8-13-33
ALÞÝÐUBANDALAGIÐ í REYKJAVÍK
FUNDARÖÐ UM VERKALYÐSMAL
Skipulag og starfshættir
verkalýðshreyfingarinnar
Fundur um skipulag og starfshætti verkalýðshreyfingarinnar
verður haldinn í Sóknarsalnum Freyjugötu 27 fimmtudaginn 28.
október kl. 20:30. Gunnar Gunnarsson framkvæmdastjóri
Starfsmannafélags ríkisstofnana - og Þórir Daníelsson, fram-
kvæmdastjóri Verkamannasambands íslands.
Fundirnir eru opnir öllu áhugafólki um verkálýðsmál.
Gunnar
Þórir
Félagar, fjölmennið og takið með ykkur gesti. - Stjórn ABR.