Þjóðviljinn - 29.03.1983, Side 9

Þriðjudagur 29. mars 1983 ; ÞJÓÐVILJINN - SÍÐA 13
Gönguga ta
Svæðið fyrir breytingu. Svörtu örvarnar sýna leiðina, sem vörutlutningabílar aka gjarnan Hugsanleg lausn á vanda íbúanna við Grænuhlíð cr sú að gera göturnar að botnlöngum
á leið sinni í verslunarmiðstöðina Suðurver. þannig að gegnumakstur um Grænuhlíðina hætti. Einföld lausn og ekki erfitt að hrinda
henni í framkvæmd.
Lausn á vanda
Grænuhlíðarbúa?
Töluverðurgegnumaksturer
um Grænuhlíð í Reykjavík.
Þetta er gata, sem hefur á sér
rólegtyfirbragð, en töluvert af
stórum flutningabílum ekur
um hana neðan úr Hlíðum
eða af Miklubraut á leið í
útkeyrslu með vörurí
verslunarmiðstöðina
SuðurverviðStigahlíð. Hvað
er hugsanlega hægt að gera í
málinu?
Óli Hilmar Jónsson, arkitekt,
hafði samband við íbúa í 11 af
rúmlega 20 húsum sem standa við
Grænuhlíð og leitaði álits þeirra á
þeim möguleika að loka götunni
fyrir gegnumakstri. 10 voru því
fylgjandi. Nokkrir töldu málið af-
ar brýnt, en 1 var hlutlaus. Eink-
um voru það mæður með ung
börn sem töldu málið ekki þola
neina bið.
Greint er frá þessari könnun í
ritinu Endurskipulagning um-
ferðar, en það e'r 47. rit Rann-
sóknastofnunar byggingariðnað-
arins og kom út nýverið. í ritinu
segir Óli Hilmar Jónsson orðrétt:
„Þótt hér sé aðeins h'till hluti
íbúa götunnar spurður, gefa svör-
in vissulega vísbendingu um
hvert stefna skal. Hitt er aftur
annað mál hversu langt á að
ganga í slíkri endurskipulagn-
ingu.
Einn möguleiki væri sá að
banna gegnumakstur um götuna.
Erfitt er að framfylgja slíku
banni. Annar væri að loka aðeins
Grænuhlíðinni. Síðan eru ýmsir
kostir, einn þeirra er sá sem hér
er sýndur, þar sem göturnar eru
gerðar að bótnlöngum, örugg
göngulei'ð liggur síðan um mitt
svæðið. Gegnumakstur um
svæðið hættir og hluti umferðar-
innar flyst yfir á Miklubraut og
Kringlumýrarbraut sem þola vel
þessa tiltölulega litlu aukningu."
Og við láturn fylgja með
teikningar af svæðinu fyrir breyt-
ingu og eftir breytingu - vonandi
prentast þær vel. Eins og sjá má
er þetta tiltölulega einföld og
kostnaðarlítil aðgerð - aðgerð
sem myndi stórauka öryggi barn-
anna á þessu svæði. Þessari hug-
mynd Óla Hilmars Jónssonar er
hér með kornið áleiðis með von
um að henni verði framfylgt.
-ast
Gómsæt epli
reynast mér
Hér fyrir neðan fylgja nokkrar
leiðbeiningar um það hvernig má
nýta þá gómsætu fæðu sem eplin
eru. Epli eru ódýr miðað við
margt annað og ættu að vera
sjálfsögð á hverju heimili og
snædd á hverjum degi. „Eitt epli
á dag kemur skapinu í lag,“ sagði
kerlingin alltaf um leið og hún
maulaði á eplinu sínu og það eru
orð að sönnu.
Eplabráð
Þessa köku kalla ég einfaldlega
eplabráð og ástæðan er augljós
þeim sem smakka - hún bráðnar
uppí manni. Hún er fljótlöguð
eins og stökka eplakakan.
4 stór epli
100 g púðursykur
50 g smjör
'h tsk kanill
ögn af engifer
125 g brauðmylsna
safi úr 'h sítrónu
3 msk af vatni
Afhýðið eplin og skerið í bita.
Blandið kanil og engifer saman
við sykurinn. Bræðið smjörið og
hellið yfir brauðmylsnuna og
hrærið þar til allt er gegnum-
blautt.
Smyrjið eldfast fat að innan
með olíu eða smjörlíki. Látið um
fjórðung af brauðmylsnunni í
botninn og um helming eplabit-
anna ofan á. Stráið helmingi syk-
urblöndunnar yfir. Látið annan
fjórðung af brauðmylsnunni ofan
á og síðan það sem eftir er af epl-
unum. Hellið sítrónusafanum og
vatni jafnt vfir og látið að lokum
það sem eftir er af brauðmylsn-
unni.
Bakið í miðjum ofni yið 180° í
40 mínútur. Hafið álpappír eða
lok yfir. Takið það af eftir40 mín-
útur og bakið áfram í u.þ.b. 15
mínútur.
Stráið dálitlum púðursykri yfir.
Þetta má svosem borða með góð-
um árangri eitt og sér, en ein-
hvern veginn finnst mér ís ómiss-
andi ofan á.
Handa 4-6
Brauðmylsna
Mig grunar að það fari fyrir
fleira fólki eins og mér og mínum
í húshaldinu - gömlu brauði er
einfaldlega kastað, ef það þá nær
því nokkurn tíma að verða gam-
alt. Því erum við alltaf uppi-
skroppa með brauðmylsnu þegar
á þarf að halda.
En það gerir ekkert til.
Brauðmylsnu má t.d. kaupa í
bakaríum í pokum. Það er þó of
dýr aðferð þegar önnur finnst.
Hún er sú að kaupa poka af tví-
bökum fyrir lítinn skilding. Tví-
bökur skemmast aldrei og því er
hægt að eiga brauðmylsnu öllum
stundum. Þegar á þarf að halda
eru tvíbökurnar einfaldlega
muldar í höndunum þar til hæfi-
legt magn fæst. í kökuna Epla-
bráð er t.d. hæfilegt að mylja 6
stórar tvíbökur - og kakan er til.
-ast
Stökk eplakaka
Þessi eplakaka, sem kannski
ætti frekar að kalla eplabúðing,
hefur þann mikla kost að vera
fljótleg í tilbúningi og efnið í hana
ætti að vera til á öllum heimilum
svo auka búðarferð er ónauðsyn-
leg. Og fljótt rennur hún niður,
blessuð.
4 stór epli
1 msk sítrónusafi
50 g sykur
75 ml vatn
'h tsk kanill
75 g hveiti
25 g haframjöl
100 g púðursykur (eða hrásykur)
75 g smjörlíki eða smjör
Afhýðið eplin og skerið í litla
bita. Leggið þau í eldfasta skál
(15x23 cm er hæfileg stærð) sem
hefur verið smurð að innan. Hell-
ið sítrónusafa yfir eplin og stráið
síðan sykrinum og kanil yfir.
Blandið saman hveiti, hafra-
mjöli og púðursykri og myljið
smjörlíkið saman við. Stráið
þessu jafnt yfir eplin.
Bakið við 200° í u.þ.b. 40 mín-
útur, eða þar til allt er orðið gull-
ið og girnilegt.
Kakan nýtur sín vel ein sér, en
ekki sakar að setja smá rjóma-
slettu ofan á eða ís.
Handa 6
-ast
Tannhreinsun
með eplum
Það er víst alveg sama hvernig
við foreldrar suðum og nöggum -
börnin reyna alltaf að komast hjá
því að bursta tennurnar eftir
hverja máltíð og komast ærið oft
upp með það, því hver hefur svo
sem tíma til að fylgjast með öllu?
Og hið sama gildir raunar um
okkur þessi fullorðnu, a.m.k. þau
sem vinna úti og vilja ekki hafa
með sér tannbursta í vinnuna.
En til er gott ráð við þessu, sem
gerir nær því sama gagn og góð
tannburstun. Hafið ávallt epli við
höndina til að bíta í. Og fáið
börnin til að borða þó ekki sé
nema litla eplaflís eftir máltíðir.
Eplin hreinsa nefnilega tennur
undravel. _ast