Þjóðviljinn - 10.05.1983, Blaðsíða 3
Þriðjudagur 10. maí 1983 ÞJÓÐVILJINN - SÍÐA 3
Deilt um hernaðarframkvæmdir í Færeyjum
Nato-herstöðin ólögmæt
segir Erlendur Patursson
Upp er komin deila í Færeyjum vegna umsóknar
Nató um leyfi til byggingar frekari hernaðarmann-
virkja í Mjörkadal nálægt Þórshöfn. Hefur deilan
leitt til þess að slitnað hefur upp úr meirihlutasam-
starfi Þjóðveldisflokksins, Jafnaðarflokksins og
Utanflokkalistans í bæjarstjórninni í Þórshöfn, en
bæjarstjórnin samþykkti fyrir síðustu helgi að veita
Nató leyfi til hernaðarframkvæmda.
- Þetta er nokkuð flókið mál,
sagði Erlendur Patursson for-
maður Þjóðveldisflokksins í Fær-
eyjum í símtali við Þjóðviljann í
gær. í fyrsta lagi hefur komið í
ljós að Nató hefur aldrei fengið
lagalegan eignar- eða afnotarétt á
því landi sem það hefur tekið
undir herstöðina í Mjörkadal, og
þau mannvirki sem þar eru nú eru
því í fullum órétti. f öðru lagi hef-
ur Landsþing Færeyja aldrei sam-
þykkt aðild okkar að Nató. Þvert
á móti gerði það sérstaka sam-
þykkt 1970 þess efnis að Færeyjar
skyldu standa utan hernaðar-
bandalaga og að hernaðarmann-
virki skyldi ekki leyfa á færeysku
landi. Þessi samþykkt var ítrekun
á fyrri samþykkt Lögþingsins frá
1961.
Okkur var því þröngvað inn í
Nató gegn vilja okkar og hernað-
armannvirkin sem hér eru voru
reist á sínum tíma í blóra við vilja
Lögþingsins.
Engu að síður var það sam-
þykkt í bæjarstjórn Þórshafnar
nú fyrir helgina að veita Nató um-
beðin byggingarleyfi í Mjörka-
dal. Var þetta samþykkt með 8
atkvæðum gegn 5 atkvæðum full-
trúa Þjóðveldisflokksins, Jafnað-
armanna og eins fulltrúa Utan-
flokkalistans.
Hvernig gat bæjarstjórn veitt
Nató byggingarleyfi á landi sem
bandalagið hefur ekki umráða-
rétt yfir?
- Ja, það er von þú spyrjir, en
ég kann ekki svar við því. Þetta
varð hins vegar til þess að slitnað
hefur upp úr meirihlutasamstarf-
inu í bæjarstjórninni. Málið á
hins vegar eftir að fara fyrir lands-
stjórnina, þar sem það hlýtur
endanlega afgreiðslu. Fram-
kvæmdir voru hafnar, en hafa nú
verið stöðvaðar meðan beðið er
eftir svari landsstjórnarinnar.
I hverju eru þessar fyrirhug-
uðu framkvæmdir fólgnar?
-Þeir ætla að endurbyggja her-
stöðina hér, en það hefur ekki
verið gefið upp nákvæmlega hvað
þeir hyggjast fyrir. Það eiga að
koma hingað 20-30 erlendir
verkamenn og þeir ætla að byrja
á því að byggja bragga fyrir
starfsmenn. Talað hefur verið um
framkvæmdir fyrir 130 miljónir
danskra króna.
Hvaða hlutverki gegna her-
stöðvar Nató í Færeyjum?
- Þú verður að spyrja Nató um
það. Við höfum hér Loran-C
stöð, sem er að öllu leyti rekin og
kostuð af Bandaríkjamönnum.
Síðan höfum við hér einnig radar-
stöð, sem rekin er af Nató. Um
hernaðarlega þýðingu þeirra
skalt þú spyrja Nató.
Friðarganga
í Þórshöfn
Er hingað var komið samtali
okkar sagðist Erlendur Patursson
vera tímabundinn vegna at-
kvæðagreiðslu, sem fram var að
fara á Lögþinginu. En hann vildi
þó bæta því við í lokin, að í gær
hefði færeyska friðarhreyfingin
Fólk fyri frið farið í kröfugöngu í
Erlendur Patursson: Okkur var á
sínum tíma þröngvað inn í Nató
gegn vilja Lögþingsins
Þórshöfn til að leggja áherslu á
kröfuna um hernaðarhlutleysi
Færeyja og kröfuna um kjarn-
orkuvopnalaus Norðurlönd.
Ræðumaður var Kjartan
Mörköre, sem var hér á íslandi í
síðasta mánuði til þess að ganga
frá sameiginlegrL stefnumótun
friðarhreyfinganna á Norður-
löndum um kjarnorkuvopnalaus
Norðurlönd. Friðargangan í
Þórshöfn var farin sama dag og
Norræna húsið í Þórshöfn var vígt
við hátíðlega athöfn. -ólg.
Jóhann Bogason starfsmaður atvinnumiðlunarinnar. Mynd -eik.
Helgarskákmótið í S tykkishólmi:
Helgi efstur
Helgi Ólafsson varð efstur á helg-
arskákmótinu í Stykkishólmi sem
lauk á sunnudag, en keppni hófst á
föstudaginn.
Hann hlaut 6 vinninga af 7
mögulegum, en í 2. sæti varð Sævar
Bjarnason með 572 vinning. Óli
Valdimarsson. gömul skákkempa,
varð í 3. sæti, hlaut 5 vinninga.
Kom frammistaða hans nokkuð á
óvart, en hann vann sigurvegarann
á Skákþingi íslands, Dan Hansson,
í síðustu umferð og lagði það
grunninn að góðum árangri hans.
Ásgeir Þór Arnason, Dan Hans-
son, Gunnar Gunnarsson og Hilm-
ar Karlsson urðu í 4. - 7. sæti með
472 vinning hver. Þetta var 17.
helgarskákmótið sem Tímaritið
Skák stendur fyrir í samvinnu við
Skáksamband Islands.
-v.
Atvinnumiðlun framhaldsskólanema tekin til starfa
150 hafa skráð sig
„Það eru 150 nemendur búnir að
láta skrá sig hjá atvinnumiðluninni
þessa fyrstu viku sem við höfum
haft opið. í fyrra skráðu sig alls 700
nemendur hjá okkur en við eigum
von á mikilli aukningu í ár og því
miður hafa atvinnurekendur ekki
tekið við sér að neinu marki enn-
þá“, sagði Jóhann Bogason starfs-
maður atvinnumiðlunar fram-
haldsskólanema í samtali í gær.
Jóhann sagðist eiga von á slæmu
atvinnuástandi-nemenda í sumar.
„Það eru greinilegar þrengingar á
vinnumarkaðinum“.
í fyrra tókst að útvega nær öllum
þeim sem skráðu sig hjá miðluninni
vinnu, en nemar 16 ára og eldri
geta skráð sig hjá atvinnumiðlun-
inni sem er til húsa í Félagsstofnun
stúdenta við Hringbraut.
„Ég vil nota tækifærið og hvetja
atvinnurekendur til að hafa sam-
band við okkur. Hér er á skrá fjöl-
hæfur starfskraftur úr öllum
deildum Háskólans og framhalds-
skólum, fólk á öllum aldri.“
Atvinnumiðlunin verður opin að
minnsta kosti út júnímánuð.
Síminn er 15959 og 27860.
-•g-
Norræna umferðaröryggisárið
Sýning á verkum skólabarna
— stendur yfir í Námsgagnastofnun
Sýning á verkum skólabarna sem
öll eru tengd umferðinni opnuð j
gær í Námsgagnastofnun í Víðis-
húsinu. Þctta eru teikningar að
mcginhluta, en einnig verkefni sem
unnin hafa verið í umferðarskólan-
uin „Ungir vegfarendur“.
Menntamálaráðuneytið, Náms-
gagnastofnun og Umferðarráð
standa fyrir sýningunni sem stend-
ur til 20. ntaí. Sýningin er liður í
framlagi íslendinga til Norræna
umferðaröryggisársins og er eink-
um ætluð kennurum, foreldrum og
lögreglumönnum.
Fyrstu kammertónleikarnir
/
í sögu Sinfóníuhljómsveitar Isalnds
Annað kvöld, miðvikudaginn 11.
maí, efnir Sinfóníuhljómsveit Is-
lands til sinna fyrstu kammertón-
leika í Gamla bíói. Það er strengja-
hljómsveit hljómsveitarinnar - alls
33 hljóðfæraleikarar - sem leika
undir stjórn Marks Reedman en
hann er leiðandi maður í víóludeild
Sinfóníuhljómsvcitarinnar.
Sigurður Björnsson fram-
kvæmdastjóri sagði á blaöamanna-
fundi í gær að þetta væri upphafið
að víðtæku kammertónleikahaldi
en á næsta starfsári eru áætlaðir
fernir slíkir. Hann sagði að þrátt
fyrir mikið og fjölbreytilegt tón-
leikahald á höfuðborgarsvæðinu
hefði flutningur meiri háttar
kammertónverka orðið útundan
og nú væri ætlunin að bæta úr því.
Verkin sem leikin verða á tón-
leikunum á morgun er Diverti-
mento eftir Mozart, serenaða fyrir
strengjasveit eftir Dvorak, konsert
í d-dúr eftir Stravinsky og -Intro-
duction og Allegro eftir Elgar.
Þess skal getið að Mark Ree-
dman hefur undanfarin 3 ár stjórn-
að strengjasveit Tónlistarskólans
og fór með hana á alþjóðlega tónl-
istarkeppni í kammertónlist í Júg-
óslavíu í fyrra og hlaut' sveitin þar
þriðja sæti. í verkinu eftir Elgar
munu fjórir nemendur hans úr
Tónlistarskólanum leika einleik,
þær Auöur Hafsteinsdóttir, Gréta
Guðnadóttir, Guðrún Þórarins-
dóttir og Bryndís Gylfadóttir.
-GFr
Afmælistilboð
Kond’í STUÐ
Þar færö þú nefnilega:
— 10% afslátt á öllum
plötum út maí. STUÐ
er nefnilega eins árs
um þessar mundir.
— Nýju plötuna meö:
New Order • Comsat
Angels • Tom
Robinson • Work •
Marianne Faithful •
Pink Floyd •
og öllum hinum.1
— Gamlar sjaldgæfar
plötur meö:
Yardbirds • Woody
Guthrie • Pete
Seeger • Hollies •
"LHveRs,
fyrir hvern?
plö,uklúbb-
^aVgiasTrZ f aar"
SÖ Se'aS' á sviði
nar'-okktónlistaL in'
feg/uiega ' heimsDkrtlbbnuni fa
inger ym UppiVa
Þeir fá ma'gviíZ9 ar plö,ur'
"ainháttar Plötur é
Vaíkom/n/ni
og öllum hinum.
Vinsælustu skandinavísku rokkplöturnar.
Gott urval af reggiplotum.
Vinsælu „new wave“-sólgleraugun.
Klukkur sem skrifa.
Reglustikur með innbyggöri reiknitölvu og klukku.
Klístraöar köngulær sem skríöa.
Odýrir silfureyrnalokkar (ekta) meö kannabisformi,
fíkjuformi o.m.fl.
Músíkvideóspólur (VHS) leigðar meö: Sex Pistols •
Genesis-* Bob Marley • Grace Jones • Roxy Music •
Doors • Madness • Kate Bush
• Blach Uhuru • o.m.fl.
Já, kond’í STUÐ. Þar er stuðið!
Laugavegi20 Sími 27670