Þjóðviljinn - 21.09.1983, Blaðsíða 6
6 SÍÐA — ÞJÓÐVILJINNi Miðvikudagur 21. september 1983
Friðarstarf lækna og einstæðra foreldra
Fjöldi lækna koma á fyrirlestur dr. Christine Cassel í Lögbergi, en hún Svart og sykurlaust, leikhópurinn
kom hingað til lands sem sérstakur fulltrúi bandarískra læknasamtaka kunni setti svip á friðarvikuna sem
sem berjast gegn kjarnorkuvá. haldin var hér á landi 6. til 11. sept-
ember.
Samtök lækna gegn kjamorkuvá álykta
Kjarnorkuvá ■
er stærsta
heUbrigðis-
vandamálið
Guðjón Magnússon
kjörinn formaður
samtakanna
Guðjón Magnússon aðstoðar-
landlæknir var kjörinn formaður
Samtaka gegn kjarnorkuvá á fyrsta
stjórnarfundi samtakanna fyrir
skömmu.
Samtök lækna gegn kjarnorkuvá
voru stofnuð 12. september sl. eins
og fram hefur komið í fréttum.
Segir í frétt frá samtökunum að þau
hafi verið stofnuð vegna þess að
læknar telji yfirvofaiidi kjarnorku-
vá vera eitt stærsta heilbrigðis-
vandamál sem mannkynið standi
andspænis. A fundinum var svo-
felld ályktun samþykkt:
„Við erum hér saman komin
vegna þess að við neitum að viður-
kenna að til þess þurfi að koma að
beitt verði kjarnorkuvopnum.
Við höfnum því, að tæknin sé
notuð til að framleiða kjarnorku-
vopn í stað þess að bæta lífsgæði.
Við trúum því ekki, að hægt sé
að leysa stjórnmálaágreining með
kjarnorkuvopnum. Við trúum því
statt og stöðugt, að það sé á valdi
mannsins að stjórna þeirri tækni
sem hann hefur skapað.
Til áherslu bendum við á:
1. Kjarnorkustyrjöld milli stór-
veldanna myndi leiða til meiri
hörmunga en mannkynið hefði
nokkru sinni upplifað.
Eftir slíka styrjöld myndu
læknar ekki geta veitt hinum
sjúku og slösuðu heina hjálp,
sem að gagni kæmi.
Það er blekking, að almanna-
varnir gætu bjargað verulegum
fjölda mannslífa og dregið að
ráði úr áhrifum kjarnorku-
styrjaldar.
Jafnvel þó að kjarnorkuvopn
verði ekki notuð, dregur hinn
gífurlegi kostnaður vígbúnað-
arkapphlaupsins til sín fjár-
magn, sem sárlega vantar til
heilbrigðismála og almennra
mannlegra nauðþurfta.
5. Læknar bæði geta og eiga að
beita sér fyrir því að hindra
kj arnorkustyrj öld. “
í lögum Samtaka gegn kjarnork-
uvá segir m.a.:
„Tilgangur samtakanna er að
fræða og dreifa upplýsingum til
heilbrigðisstétta, almennings og
stjórnmálamanna um áhrif kjarn-
orkuvá á heilbrigði og heilbrigðis-
þjónustu. Markmiðið er að vekja
alla til umhugsunar og aðgerða
gegn yfirvofandi tortímingarhættu
vegna kjarnorkuvígbúnaðar og
stuðla að allsherjarafvopnun.
Samtökin eru óháð starfandi
stjórnmálahreyfingum en skulu
Friðarhópur einstæðra foreldra stofnaður:
Krefjumst framtíðar
fyrir börnin okkar!
segir m.a. í ályktun frá hópnum
Friðarhópur einstæðra foreldra
var stofnaður miðvikudaginn 14.
september sl. Segir í frétt frá hópn-
um að þeir sem hafi áhuga á að
starfa í Friðarhópi einstæðra for-
eldra geti haft samband við Svavar
í síma 22570, Mörtu í síma 35253 og
Aðalheiði í síma 21809. - Hópurinn
samþykkti eftirfarandi ályktun:
„Við höfum tekið okkur saman,
nokkrir einstæðir foreldrar og á -
kveðið að stofna friðarhóp til að
leggja okkar af mörkum í barátt-
unni fyrir friði og útrýmingu kjarn-
orkuvopna. Ýmsir hópar hafa ver-
ið að myndast, erlendis og hér-
lendis, að undanförnu, þar sem
fólk úr ýmsum stéttum hefur tekið
sig saman um að reyna að bægja
þeirri ógn frá dyrum sem fjölgun
kjarnorkuvopna hefur í för með
sér. Okkur finnst það standa okkur
nærri sem uppalendum að taka
virkan þátt í slíku friðarstarfi.
Sú ógnarstefna sem felst í sí-
aukinni kjarnorkuhervæðingu
hlýtur að tortíma heiminum ef al-
mennir borgarar reyna ekki að
koma vitinu fyrir stjórnmálamenn í
þessum efnum. Þegar þær gífur-
legu fjárhæðir sem varið er til her-
væðingar í heiminum eru bornar
saman við tölur um fjölda þeirra
sem deyja úr hungri dag hvern,
ekki síst barna, verður manni
spurn hvort ráðamenn séu með
öllum mjalla.
Við Islendingar getum ekki setið
þegjandi hjá þar sem stjórnvöld
okkar eru á ýmsan hátt samsek í
hernaðarglæpnum með því að hafa
herstöð annars risaveldisins í
landinu. Auknar hernaðarfram-
kvæmdir sem hér eru boðaðar ýta
enn undir þá þörf að efla þá krafta
sem berjast fyrir afnámi herstöðva
og fyrir friðlýsingu hafsvæða. Við
tökum undir þá kröfu, að Norður-
lönd verði um aldur og ævi kjarn-
orkuvopnalaus. Sannar lýðræðis-
þjóðir verða að taka frumkvæði í
þessu efni. Sjónarmið stórveld-
anna tveggja mega ekki endalaust
ráða ferðum með kenningunni um
ógnarjafnvægi. Uppsetning fleiri
kjarnorkuflauga í Evrópu er nýr
glæpur .gagnvart mannkyninu.
Baráttumál einstæðra foreldra
hér á landi hafa um árabil verið að
efla hag þeirra sem einir hafa for-
ræði bama sinna og jafnframt að
gera börnum þeirra kleift að kom-
ast sem best af. Þetta hefur allt ver-
ið gott og blessað. En séð í stærra
samhengi er þetta allt til lítils ef
dagar mannkynsin's eru brátt taldir
og engin trygging fyrir því að börn
okkar eigi sér framtíð. Hvert ein-
asta barn sem fæðist í þennan heim
fær í vöggugjöf þrjú tonn af TNT
sprengiefni. Það þarf ekki neina
spádómsgáfu til að sjá fyrir framtíð
þeirra barna, ef slík vitfirring á að
fá að halda áfram. En við viljum
tryggja þeim framtíð. Við heitum
því á alla einstæða foreldra, að þeir
taki höndum saman um að krefjast
framtíðar fyrir börn okkar - með
því að krefjast afvopnunar og af-
náms hemaðarbandalaga, að ísland
taki ekki þátt í auknum kjarnorku-
vígbúnaði og segi sig úr NATÓ.”
Hírósímavakan 8. september sl. Það var Sigurður Skúlason leikari sem las
fyrir áheyrendur í Hallgrímskirkju.
eiga aðild að International Physici-
ans for the Prevention of Nuclear
War (IPPNW)“.
f stjórn voru kosnir:
Ásmundur Brekkan, prófessor,
Guðjón Magnússon, áðstoðar-
landlæknir, Guðrún Agnarsdóttir,
alþingismaður, Högni Óskarsson,
geðlæknir og Skúli Johnsen, borg-
arlæknir.
í varastjórn:
Atli Árnason, aðstoðarlæknir,
Katrín Fjeldsted, yfirlæknir,
Ólafur Mixa, heimilslæknir og Sig-
urður Björnsson, krabbameins-
læknir. -v.
Læknafélag íslands
Gegn kjarnorku-
vopnavígbúnaði
Á fundi í Læknafélagi íslands
sem haldinn var dagana 19. og 20.
september sl. var eftirfarandi á-
lyktun samþykkt:
Aðalfundur Læknafélags ís-
lands haldinn í Reykajvík 19. og
20. september iýsir því yfir að
hinn stöðugi kjarnorkuvopnavíg-
búnaður þjóða heims sé ógn gegn
mannkyninu og auki hættuna á
gjöreyðingu nútíma menningar
og mannlegs lífs. Læknum er
skylt að vinna gegn sífelldri hættu
á notkun kjarnorkuvopna þar
sem kjarnorkuhernaður stríðir
gegn öllum þeim viðhorfum er
marka starf þeirra. Læknafélag
fslands telur rétt að auka fræðslu
heilbrigðisstétta og almennings
um læknisfræðilegar afleiðingar
nútíma kjarnorkustríðs enda get-
ur heilbrigðisstéttin alls ekki veitt
þá hjálp sem að gagni kemur í
kjarnorkustríði.
Læknastéttin bendir á að eina
raunhæfa leiðin til árangurs ríkra
almannavarna á þessu sviði er að
vinna að stöðvun kjarnorkuvíg-
búnaðar og síðan að eyðileggingu
allra kjarnorkuvopna.
Skorar Læknafélag íslands á ís-
lenska ríkið að vinna eftir þessari
meginreglu á alþjóðavettvangi.
Jafnframt fagnar fundurinn
stofnun „Samtaka íslenskra
lækna gegn kjarnorkuvá“.
Friðarganga var farin 6. ágúst í sumar frá Keflavík til Reykjavíkur.
Þúsundir manna söfnuðust saman í lok göngunnar og mynduðu friðar-
keðju á milli sendiráða Bandaríkjanna og Sovétríkjanna.