Þjóðviljinn - 14.02.1984, Blaðsíða 10

14 SÍÐA — ÞJÓÐVILJINN Þriðjudagur 14. febrúar 1984
búsýslan
Rannsóknarráð landbúnaðarins:_
Mj ólkur afur ðir
einstaklega hollar
Rannsóknarráð landbúnaðar-
ins hefur sent frá sér tvo bækl-
inga, annan um rannsókn á mjólk
og hinn um rannsókn á kjöti.
Rannsóknir þessar hafa verið
framkvæmdir á Keldnaholti und-
anfarin ár og að mestu leyti á
kostnað Framleiðsluráðs land-
búnaðarins.
Jón Óttar Ragnarsson er höf-
undur bæklingsins um mjólkina,
en hann ber heitið Næringarefni í
íslenskri mjólk og afurðum henn-
ar. Helstu niðurstöður rannsókn-
arinnar eru þessar:
1. f heild sýnir þessi rannsókn að
íslensk mjólk og afurðir henn-
ar standa erlendum afurðum
síst að baki.
2. Ekki reyndist marktækur
munur á samsetningu hrá-
mjólkur og gerilsneyddrar
mjólkur að öðru leyti en því að
C-vítamíninnihald var hærra í
þeirri síðarnefndu.
3. Marktækurmunurvarámagni
ýmissa næringarefna í mjólk
eftir svæðum. Var munurinn
mestur fyrir C-vítamín. C-
vítamín magnið er hæst í
mjólkinni frá Akureyri en
lægst í mjólk frá Borgarnesi.
4. Marktækurmunur varámagni
margra næringarefna eftir árs-
tímum. Var munurinn mestur í
C-vítamíni og B2 vítamíni.
5. Rannsóknin staðfestir að ekki
er fullkomið samband milli
hvítu og fitu í mjólk.
6. Islenskar mjólkurafurðir
standast fyllilega samkeppni
við erlendar. Er áberandi hve
mjólkuriðnaðurinn framleiðir
margar einstaklega hollar
afurðir.
7. Ljóst er að íslenska skyrið er í
fremstu röð mjólkurafurða í
heiminum. Jafnframt er ljóst
að gera þarf nýtt átak til þess
að nýta skyrmysuna til mann-
eldis betur en gert er.
Hinn bæklingur Rannsóknar-
ráðs landbúnaðarins geymir þrjár
rannsóknir er heita: Stykkjun
kjöts og sneiðing dilkafalla,
Rannsóknir á hangikjöti og
Geymsluþol og meyrnun á dilka-
kjöti.
Vert er að vekja athygli á
Epli
handa
• •
Omu
Uppskriftin hér að neðan er af
eplaeftirrétti, sem er mjög fljót-
legur í tilbúningi og afskaplega
ljúffengur. Búsýslan tileinkar
Ornu þennan eftirrétt.
175 g brauðmylsna
50 g smjör í smáum klípum
1 kg epli, aftiýdd og sneidd í litlar
sneiðar
125 g púðursykur
% tsk nutmeg
rifið hýði af % sítrónu
125 g rúsínur
2 msk sítrónusafi
0,75 dl sjérrí
Hitið ofninn að 190 gráðum.
Smyrjið eldfast fat eða form að
innan með smjörlíki eða olíu og
látið um þriðjung af
brauðmylsnunni í fatið. Látið
nokkrar smjörklípur ofan á
mylsnuna. Blandið saman púð-
ursykri, nutmeg og sítrónuhýð-
inu og veltið helmingi eplabit-
anna uppúr þessu og látið ofan á
brauðmylsnuna. Stráið helmingi
sykurblöndunnar þar ofan á. Síð-
an er annar þriðjungur
brauðmylsnunnar látinn ofan á,
síðan smjörklípur og eplabitar og
að lokum er afganginum af
brauðmylsnunni stráð efst og síð-
ustu smjörkiípurnar settar þar
ofan á. Hellið sítrónusafanum
yfir
Bakið í ofninum í 40 mínútur
eða þar til eplin eru orðin mjúk
og brauðmylsnan efst gullinbrún.
Þá takið þið fatið úr ofninum og
hellið sjerríinu yfir og bakið í 5
mínútur í viðbót. Þetta er snætt
heitt og gott að hafa ís með eða
rjóma.
hangikjötsrannsókninni en þar
voru prófaðar tvær aðferðir við
vinnslu hangikjöts, sprautu-
söltun og pækilsöltun. Greini-
legur munur kom fram á milli
þessara aðferða varðandi
geymsluþol kjötsins, efnasam-
setningu og þyngd læra eftir
vinnslu. Sprautusaltaða kjötið
hafði miklu minna geymsluþol en
hið pækilsaltaða og gerlar kom-
ust mjög greiðlega að því. Einnig
sýndi rannsóknin, að hangikjöt,
sem er saltað og reykt með þeim
aðferðum, sem stærstu reykhús
landsins nota, er kælivara sem
ætti ekki að vera til sýnis nema í
kæliborðum verslana.
Það virðist því vera mikil
ástæða til að athuga sinn gang
þegar hangikjöt er keypt.
Rannsóknin á geymsluþoli og
meyrnun á dilkakjöti leiddi í ljós,
að kjöt úr sláturhúsum, þar sem
mikið og gott hreinlæti er viðhaft
og kjötið geymt við bestu skilyrði
í kæli, ætti að geta haft a.m.k. 20
daga geymsluþol. Bragðprófanir
sýndu að kælt kjöt er jafngott og
bragðbetra og mýkra en fryst
kjöt. Bragðgæði kjötsins bötn-
uðu við geymsluna og eftir 17
daga voru þau ekkert farin að
minnka.
Rannsóknir sýna, að íslenska
skyrmysan er afar holl og næring-
arrík afurð. í henni eru nokkur
næringarefni, sem eru af
skornum skammti í fæði íslend-
inga, sérstaklega í fæði barna og
unglinga. Það þarf því að koma
mysunni í afurðir sem þessir
aldurshópar neyta - Mangósop-
inn inniheldur skyrmysu og er til-
valinn í nestispakkann fyrir
leikskóla- og dagheimilisbörn,
svo og skólafólk á öllum aldri.
D j öflakaka
Djöflakakan, sem Búsýslan
kynnir að þessu sinni, er banda-
rísk að uppruna. Bandarískar
eldabuskur þykja hinir mestu
snillingar í köicubakstri og fram-
leiðslu á eftirréttum ýmiss konar.
Smekkur þeirra virðist nokkuð
lfkur smekk íslenskra eldabuskna
í kökugerðinni, a.m.k. eru kök-
urnar gjarnan stórar og matar-
miklar og þrungnar sykri og kal-
óríum. Sannkallaðar Hnallþórur.
Djöflakakan er ein slík og fellur
vel í kramið hjá íslenskum fjöl-
skyldum sem vilja eitthvað sætt
með kaffinu á sunnudögum.
125 g suðusúkkulaði,
brotið í litla bita
2,5 dl mjólk
175 g púðursykur
3 eggjarauður
275 g hveiti
% tsk salt
1 tsk lyftiduft
125 g smjör
175 g sykur
0,5 dl vatn
1 tsk vanilludropar
2 eggjahvítur
Krem:
2,5 dl rjómi
% kg sykur
‘/8 tsk salt
50 g suðusúkkulaði, brotið
40 g smjör
% tsk vanilludropar
50 g saxaðar valhnetur
Stillið ofninn á 180 gráður .
Bræðið saman súkkulaðið,
mjólkina, púðursykurinn og eina
eggjarrauðu í vatnsbaði. Hrærið
stöðugt í þar til súkkulaðið hefur
bráðnað alveg og blandan þykkn-
að ögn. Takið pottinn af hitanum
og látið kólna meðan þið undir-
búið annað sem þarf í deigið.
Setjið hveitið, saltið og lyfti-
duftið í skál. Látið smjörið í aðra
skál og hrærið með trésleif þar til
það er orðið mjög lint. Bætið
hvíta sykrinum við smjörið smám
saman meðan þið hrærið vel í
(hér er best að nota hrærivél).
Bætið að því búnu hinum eggja-
rauðunum útí og hrærið vel.
Blandið nú um þriðjungi hveitib-
löndunnar útí með trésleif og
hrærið þar til þetta hefur sam-
lagast. Ekki er nauðsynlegt að
hræra mjög vel. Bætið helmingi
vatnsins útí og hrærið. Síðan látið
þið það sem eftir er af hveitinu og
vatninu og hrærið í deiginu þar til
allt hefur samlagast. Nú látið þið
súkkulaðiblönduna og vanillu-
dropana út í deigið og hrærið öllu
vel saman.
Þeytið eggjahvíturnar og
blandið þeim varlega saman við
deigið.
Þið þurfið þrjú grunn köku-
form fyrir deigið og smyrjið þau
áður með smjörlíki. Skiptið
deiginu milli formanna og bakið
hvert form í 25 mínútur eða svo.
Best er að prófa hvort nóg er
bakað með því að stinga prjón
varlega í deigið. Ef prjónninn
kemur hreinn upp úr kökunni er
nóg' bakað. Takið formið út og
losið um kökurnar með hnífi þeg-
ar þær hafa kólnað í um 10 mínút-
ur og hvolfið þeim úr formunum.
Þá er það kremið. Hitið rjóm-
ann að suðumarki en takið þá af
plötunni. Hrærið sykrinum, salt-
inu og súkkulaðinu saman við.
Látið pottinn aftur á helluna og
sjóðið nú undir loki í 3 mínútur.
Hrærið ekki í á meðan. Takið
lokið af, minnkið hitann og sjóð-
ið þar til hitinn er 120 gráður á
sykurhitamæli eða þar til dropi af
blöndunni myndar mjúka kúlu í
köldu vatni. Takið pottinn af
hellunni og dýfið honum í annan
stærri pott sem þið hafið fyllt af
ísköldu vatni.
Þegar potturinn hefur kólnað
það mikið að óhætt er að snerta
hann að utan hrærið þið útí
blönduna smjörinu og vanillu-
dropunum. Hrærið (með hræri-
vél) þar til kremið þykknar svo
mjög að ykkur sýnist óhætt að
smyrja því á kökuna. Bætið val-
hnetunum útí.
Smyrjið nokkru af deiginu
milli kökubotnanna en mest af
því fer ofan á kökuna og með-
fram hliðunum. Látið kremið
kólna áður en þið borðið kökuna.
I a