Þjóðviljinn - 21.03.1984, Blaðsíða 2

2 SÍ0A - ÞJQÐVIUINN Miðvikudagur 21, mars 1984
Fréttir úr
borgarstjórn
Engin bílasala
í Óskjuhlíð
Borgarráö hafnaði í gær sam-
þykkt meirihluta skipulags-
nefndar um úthlútun á lóð undir
Bílasölu Guðfinns í Öskjuhlíð,
sunnan við styttu Ásmundar,
„Vatnsberann". I sérstakri
bókun sem borgarráð gerði af
þessu tiiefni segir að ekki sé
unnt að leggja fleiri lóðir vestan
Elliðaáa undir bílasölur, en
Guðfinnur hefur Iagt mikla
áherslu á að fá lóð á því svæði,
eins og reyndar fleiri bílasalar.
Er því útséð um að vilji menn
setja á laggirnar fyrirtæki af
þessu tagi verða þeir að fara í
Ártúnsholt, Borgarmýri eða
Grafarvog.
Vill byggja
dagheimili
Böðvar Böðvarsson, bygg-
ingameistari, ogfleiri hafa ritað
borginni bréf og óskað eftir út-
hlutun á lóð við Stangarholt
undir fjölbýlishús. Jafnframt
bjóðast þeir til að byggja dag-
heirnili fyrir borgina á neðstu
hæð hússins, en lóðin sem uin
ræðir hefur verið frátekin til
þeirra þarfa. Erindinu var vísað
tii félagsmálaráðs.
Liðvagn
frá Volvo
Veltir hf. hefur farið í fótspor
Ræsis hf. og boðið Stræt-
isvögnum Reykjavíkur nýjan
liðvagn endurgjaldslaust til
reynslu í tvær vikur. Var boðið
þegið með þökkum og óskað
eftir að vagninn fengist sem
fyrst þannig að hægt væri að
hafa báða liðvagnana í notkun
samtímis, en reynslutíma Bens-
ins lýkur í marslok.
Hundabanni
mótmælt
í borgarráði í gær voru lagðir
fram undirskriftarlistar með
nöfnum hátt í 5 þúsund einstak-
linga, þar sem því er mótmælt
að hundabanni verði framfylgt í
Reykjavík. Borgarstjórn hefur
nú til umfjöllunar úttekt sér-
stakrar nefndar borgarfulltrúa
um hundamálið, þar sem bent
er á nokkrar leiðir, allt frá al-
geru hundabanni til þess að
leyfa almennt hundahald í
borginni. Engar tiilögur hafa
verið lagðar fram enn sem kom-
ið er.
Vilja ekki
söluskála
Velflestir húseigendur í
Austurstræti, milli Lækjargötu
og Pósthússtrætis hafa sent
Brunamálastofnun bréf þar
sem því er mótmælt að stofnun-
in veiti undanþágu til að reisa
megi söluskála í göngugötunni.
Stofnunin hefur ekki enn gefið
umsögn sína en Ijóst er að víkja
verður frá brunamálasamþykkt
ef skálarnir eiga að rísa eins og
stefnt er að.
Nefnd í
Fjalaköttinn
Borgarráð skipaði í gær
nöfnurnar Ingibjörgu Sólrúnu
Gísladóttur og Ingibjörgu
Rafnar borgarfulltrúa ásamt
borgarstjóra til viðræðna við
menntamálaráðherra og áhuga-
aðila um lausn Fjalakattarins.
Nefndin var skipúð samkvæmt
samþykkt borgarstjórnar sl.
fímmtudag.
Ragnhildur Helgadóttir og Rekstrarstofan
Ráðgjöf og úttekt án
„verksamnings og útboðs“
Fram hefur komið að menntamálaráðherra, Ragnhildur Helga-
dóttir fékk Rekstrarstofuna, fyrirtæki „sjálfstæðra rekstrarráð-
gjafa“ til að gera úttekt á menntamálaráðuneytinu. Sonur ráðherr-
ans, Helgi Þórsson, er einn ráðgjafanna sem mynda fyrirtækið.
Gagnrýnisraddir hafa einnig komið fram á að enginn verksamn-
ingur hafi verið gerður við þessa úttekt og að tilgangur sé augljós-
lega flokkspólitískur; Sjálfstæðisflokkurinn sé að herða tök sín á
menningar- og menntamálum þjóðarinnar til frambúðar með því
að koma tryggum flokksmönnum fyrir í áhrifastöðum í ráðuneyt-
inu.
. Breytingar hafa að hluta til komið til framkvæmda og hafa
komið fram efasemdir um lögmæti þeirra. Þá hefur ráðherrann
komið sér undan því að svara fyrirspurnum á alþingi frá Ragnari
Arnalds og Ingvari Gíslasyni fyrrverandi menntamálaráðherra um
málið. Samráðherra Ragnhildar, Albert Guðmundsson, hefur lýst
því yfir í þingræðu að nauðsynlegt hafi verið að „hreinsa til í
hreiðrinu“, þarsem Alþýðubandalagsmenn hafi ráðið lögum og
lofum.
Vilhjálmur Hjálmarsson fyrrverandi menntamálaráðherra kall-
aði þessar ásakanir alveg fráleitar. Þjóðviljinn greindi frá því að
menntamálaráðherra hefði beðið Rekstrarstofuna um margum-
rædda „úttekt“ sl. fimmtudag. Einnig að nú gegndi aðstoðarráð-
herra Ragnhildar Sólrún Jensdóttir störfum yfirmanns allra skóla-
mála á landinu nema Háskóla íslands. Meðfylgjandi athugasemd
barst blaðinu nú í vikunni frá framkvæmdastjóra Rekstrarstofunn-
ar.
Ingimar Hansson framkvæmdastjóri Rekstrarstofunnar
Samstarf sjálfstæðra
rekstrarráogjafa
Samt sem áður einkafyrirtœki mitt!
- Eftir sem áður er hér um einka-
fyrirtæki mitt að ræða, sagði Ing-
imar Hansson framkvæmdastjóri
Rekstrarstofunnar, sem fenginn
var til að gera „úttekt“ á mennta-
málaráðuneytinu á dögunum, er
Þjóðviljinn spurði hvers vegna
tekið væri fram í bréfhaus fyrir-
tækis að um „sjálfstæða rekstrar-
ráðgjafa“ væri að ræða.
Nú stendur í bréfhaus fyrirtækis-
ins, einsog einskonar útlistun að
Rekstrarstofan sé - „Samstarf
sjálfstæðra rekstrarráðgjafa á mis-
munandi sviðum Það er erfitt
að skilja þetta öðruvísi en sem svo
að um sameignarfyrirtæki hinna
nafngreindu ráðgjafa sé að ræða?
- Margir sem vinna hér eru
undirverktakar fyrirtækisins og
það er unnið mjög sjálfstætt.
Er þá ekki villandi að kalla þetta
„sjálfstæða rekstrarráðgjafa“?
Það fer nú eftir skilningi hvers og
eins. Staðreyndin er sú að við vinn-
um hér á mismunandi sviðum.
Upphaflega var ég einn með þetta
fyrirtæki, en smám saman jukust
umsvifin og fleiri komu til sam-
starfs. Þeir vinna mjög sjálfstætt og
það er borgað jafnaðarkaup. Eftir
sem áður er hér um einkafyrirtæki
mitt að ræða.
Var enginn verksamningur gerð-
ur þegar Rekstrarstofan tók að sér
„úttcktina“ í menntamálaráðu-
neytinu?
Ja, þetta er svona mjög venju-
legt verkefni að mínu mati. Það var
haft hérna samband við okkur frá
ráðuneytinu og unnið á mjög
venjulegan hátt. Það hefur aðeins
örlað á því núna í seinni tíð að verk-
samningur sé gerður um svona mál
og við höfum heldur ýtt undir það.
Það var ekki gert í þetta skipti,
enda fannst mér að þetta verkefni
gæfi ekki tilefni til þess. Þetta er
svolítið óvenjulegt að gera úttekt á
ráðuneyti.
Það er semsé fyrirtækið Rekstr-
arstofan sem tekur að sér vinnuna
sem ráðgjafarnir inna af hendi?
Já, það er hún sem ber ábyrgðina
á vinnunni. Það fer allt í gegnum
hana. Fyrirtækið sem slíkt ber
ábyrgð á vinnunni.
Hvernig er það þegar Rekstrar-
stofan vinnur verkefni, kemur það
bara þeim til góða sem vinnur verk-
ið eða öllum starfsmönnum?
Jú, jú, fjármál allra eru sam-
eiginleg í gegnum fyrirtækið. Þetta
er bara einsog hjá öðrum fyrirtækj-
um, sagði Ingimar Hansson fram-
kvæmdastjóri að lokum. -
Athugasemd framkvæmdastjóra Rekstrarstofunnar
Herra ritstjóri.
í Þjóðviljanum síðastliðinn
fimmtudag og iaugardag er staðhæft
og notað sem efni í alls konar dylgjur
varðandi skipulagsbreytingar í
Menntamálaráðuneytinu, að Helgi
Þórsson sé eigandi Rekstrarstofunn-
ar. Þessi fullyrðing er röng. Rekstrar-
stofan er einkafyrirtæki undirritaðs.
Blaðið og aðrir sem óska geta m.a.
sannreynt það með því að kynna sér
málið hjá firmaskrá Kópavogs.
Ég vil hér með leyfa mér að óska
eftir því við blaðið að það leiðrétti
þetta til þtss að lesendur ofangreindra
tölublaða viti hið rétta um málið. Að
auki leyfi ég mér að óska eftir því að
ofangreind athugasemd verði birt á
svipuðum stað og ekki með minni fyr-
irsögn en umræddar greinar.
J. Ingimar Hansson.
Arne Treholt í þjónustu íraka
Vissi allt um neyðar-
áætlanir í orkumálum
Norska leyniþjónustan vissi að hann njósnaði fyrir fleiri en KGB
Osló. Frá Sævari Guðbjörnssyni:
Norski njósnarinn Arne Treholt
hefur viðurkennt að hafa þegið um
50 þúsundir dollara fyrir njósnir í
þágu írak. Hann mun hafa lagt féð
á gildan bankareikning í Sviss.
Norsk blöð telja að sovéska leyni-
þjónustan KGB hafi ekki vitað að
Arne Treholt vann einnig fyrir
Irak, en norsku öryggislögregluna
hafði grunað það um nokkra hríð.
Arne Treholt mun hafa byrjað
njósnir fyrir írak í maí 1980, einum
mánuði eftir að írak lýsti stríði á
hendur íran og fjórum mánuðum
áður en það stríð hófst fyrir alvöru.
Þetta var þegar Treholt var við
norsku sendinefndina hjá Samein-
uðu þjóðunum. í opinberri frétta-
tilkynningu um málið kemur ekki
fram hvaða upplýsingar Trehölt af-
henti írökum, en norskum blöðum
kemur yfirleitt saman um að þær
hafi varla verið ýkja merkilegar.
Fylgdist vel með
Aftenposten segir að Arne Tre-
holt hafi getað verið gagnlegur
fyrir írak sem maður sem fylgdist
vel með viðhorfum vestrænna
diplómata til átaka milli íraks og
írans og svo til ísraels og Araba-
ríkja. Dagbladet leggur nokkra
áherslu á að Arne Treholt hafi um
sambönd sín getað vitað um
neyðaráætlanir Bandaríkjamanna
um olíuflutninga ef að Persaflóa-
stríðið leiddi til stöðvunar olíu-
flutninga af svæðinu. Dagbladet
getur þess líka, að árið 1982 hafi
Arne Treholt sótt um stöðu við
orkumálaskrifstofu norska utan-
ríkisráðuneytisins eftir að hann
lauk námi í herskólanum. Þá hefði
hann haft ótakmarkaðan aðgang
að neyðaráætlunum vesturvelda í
orkumálum. En þá vissu menn að
Treholt hafði ekki hreint mjöl í
pokahorninu og fékk hann ekki
starfið.
Verdens gang leggur líka áherslu
á að Arne Treholt hafi haft aðgang
að viðræðum Norðmanna og
Bandaríkjamanna um neyðarráð-
stafanir í olíumálum. Norðmenn
hafi haft á þeim sérstakan áhuga
vegna síns stóra skipaflota.
Aftenposten segir að menn eigi
erfitt með að skilja hvernig Arne
Treholt gat unnið fyrir 20 þús. doll-
urum á ári hjá írökum, hann hafi
varla haft aðgang að svo merki-
legum gögnum fyrir þá. En þetta
skipti kannski ekki svo miklu máli,
segir blaðið, írak er ríkt land, og
þar mundi enginn ríkisendurskoð-
andi fetta fingur út í 20 þús. dollara
greiðslur til norsks njósnara.
Fleiri en KGB
Norsku öryggislögreglunni mun
lengi hafa verið kunnugt um að
Arne Treholt njósnaði fyrir fleiri
en KGB. En það var ekki fyrr en
eftir síðasta fund hans með þekkt-
um íröskum leyniþjónustumanni í
Aþenu í fyrrahaust að menn vissu
með vissu með hverjum hann starf-
aði. Þá náðust myndir af þeim Tre^
holt og Tahdi Muhamed á kaffi-
stofu og á hóteli.
írak hefur ekki sendiráð í Osló
og ekki er búist við neinum refsiað-
gerðum af hálfu Norðmanna -
munu þeir ekki í aðstöðu til að
koma höggi á írak. En mótmæla-
orðsending verður líklega send til
Bagdad út af þessu máli.
áb.