Þjóðviljinn - 06.04.1984, Blaðsíða 16

DJÖÐVIUINN
Föstudagur 6. apríi 1984
Gæjar
og
píur
Frumsýning
í kvöld
í kvöld frumsýnir Þjóðleikhúsið
söngleikinn Gœjar og píur sem þeir
Jo Swerling og Abe Burrows gerðu
upp úr sögum Damon Kunyon við
tónlist eftir Frank Loesser.
Söngleikur þessi er af mörgum
talinn einn besti bandaríski söng-
leikurinn sem fram hefur komið,
og var hann sýndur 1200 sinnum á
Broadway á 6. áratugnum og hefur
síðan farið sigurför um heiminn.
Þetta er með viðhafnarmeiri sýn-
ingum sem Þjóðleikhúsið hefur
ráðist í og taka 42 leikarar og 16
manna hljómsveit þátt í sýning-
unni.
Leikurinn gerist í undirheimum
New Yorkborgar rneðal veðmang-
ara og fjárglæframanna, þar sent
djöfullinn og Hjálpræðisherinn
berjast um syndum spilltar sálir og
draumurinn um ástina og hjóna-
bandið svífur yfir vötnunum.
Myndin sýnir dansatriði úr
leiknum. ólg/Ljósm. Atli
Aðalsími Þjóðviljans er 81333 kl. 9 - 20 mánudag til föstudags. Utan þess tíma er hægt að ná í blaðamenn og aðra starfsmenn blaðsins í þessum símum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægt að ná í afgreiðslu blaðsins í sima 81663. Prentsmiðjan Prent hefur síma 81348 og eru blaðamenn þar á vakt öll kvöld. 81333 81348 81663
vilja
fyrra
Helmingi fleiri
á rækjuna en í
„Veit ekki hve alvaran í þessu er mikilu, segir
Pórður Eyþórsson í sjávarútvegsráðuneytinu
Telja má víst að milli 100 - 200 bátar munu stunda rækjuveiðar þegar
mest verður í sumar, en það eru um helmingi fleiri bátar en stunduðu
veiðarnar í fyrra þegar mest var eða 85 talsins. Gífurleg ásókn er í leyfi til
djúprækjuveiða og hefur sjávarútvegsráðuneytið þegar gefið út 40 veiði-
leyfi, Ijöldi umsókna bíður afgreiðslu og nær daglega berast ráðuneytinu
nýjar umsóknir um leyfi til djúprækjuveiða.
„Ég veit ekki hve alvaran í þessu
er mikil. Við höfum gefið út tal-
svert af leyfum og flestir af þeim
eru á veiðum. Okkur hefur borist
mikið af umsóknuin en við höfum
ekki afgreitt þær fyrr en menn hafa
farið að ýta á eftir því. Menn virð-
ast nokkuð óvissir hvað þeir ætla
að gera og eru þá m.a. að tryggja
sig með því að sækja um einhver
leyfi fyrir sumarið", sagði Þórður
Eyþórsson deildarstjóri í sjávarút-
vegsráðuneytinu í samtali í gær.
Að sögn Þórðar má búast við því
að verkfall á rækjumörkuðum
undanfarna mánuði muni setja
talsvert strik í reikninginn hvað
snertir gífurlegan áhuga útgerðar-
manna að koma skipum sínum í
rækjuveiði. Nokkrir togarar og
stærri skip hafa stundað rækju-
veiðar á djúpmiðum í vetur með
góðum árangri. Loðnubátar eru nú
margir hverjir að undirbúa sig fyrir
rækjuveiði og þegar lídur framá
vorið mun fjöldi smærri báta halda
á þessar veiðar.
„Það er meiningin að hafa þetta
sem frjálsast að þessu sinni að
minnsta kosti. Rækja finnst nú
mjög víða um landið og það liggja
ekki fyrir neinar ákveðnar veiði-
þolstölur um hvað við getum tekið
af þessum svæðum. I samhengi við
þetta bága ástand þorsksins þá hafa
menn talið nauðsynlegt að beina
flotanum á þetta að þessu sinni ef
það gæti bjargað einhverju".
Þórður sagði að einu afskipti
ráðuneytisins af þessum veiðum
yrðu að láta draga línur á miðunum
úti fyrir Norðurlandi til skipta á
milli smærri og stærri rækjuveiði-
skipa. „Örtröðin verður það mikil
að það er viðbúið að afkastameiri
skip hafi möguleika á að urga upp
þessi svæði sem nær liggja og bát-
arnir eiga hægast með að sækja á.
Það hafa borist óskir um að ráðu-
neytið grípi þarna inní og þessi mál
eru nú til skoðunar", sagði Þórður
Eyþórsson. - Ig.
Mótmæla
vegarstæði
Arnarnes-
vegar
Kennarafundur haldinn í
Seljaskóla 29. mars mótmælir
harðlega fyrirhuguðu vegar-
stæði Arnarnesvegar um
Vatnsendahvarf.
í ályktun fundarins segir að
vegurinn myndi liggja um
mest notaða . útivistarsvæði
borgarinnar sem þar að auki
sé friðlýst. Lýsir fundurinn
furðu sinni á þvi að mönnum
skuli detta slík fásinna í hug
þegar útivistarsvæðum borg-
arinnar fækkar óðum og
leggur til að vegurinn verði
færður þannig að hann skerði
útivistarsvæði sem minnst.
Borgarstjórn í gærkvöldi:
Vafasöm regla samþykkt
í gær var samþykkt í borgarstjórn að taka gatna-
gerðargjöld af eignalóðum og þeim sem fengu úthlut-
að lóðum fyrir 1. jan. 1959. Jafnframt var samþykkt
ákvæði til bráðabirgða að regla þessi gangi ekki í gildi
fyrren 1. janúar 1986. Sigurjón Pétursson borgarfull-
trúi bar fram þá breytingatillögu að fresturinn næði
aðeins til 1. janúar 1985 því að það væri kappnógur
tími fyrir þá sem þegar væru farnir að hugsa sér til
hreyfings í að byggja á eignalóðum. Borgarstjórn
felldi þessa breytingatillögu og greiddu einungis full-
trúar Alþýðubandalagsins atkvæði með henni. Það
sem menn óttast einkum varðandi þennan langa frest
er það að hann verði hvati fyrir menn að flýta sér að
byggja umfram það sem eðlilegt má teljast. Má því
gera ráð fyrir að þeir sem hyggjast t.d. byggja skv.
hinu nýja nýtingarhlutfalli á Skúlagötusvæðinu geri
það áður en kemur til þess að þeir þurfi að greiða
gatnagerðargjöld.
Ketti og hundum frestað
Umræðum um tvö hitamál var frestað í borgar-
stjórn í gærkvöldi. Tillögu um að leyft verði niðurrif
Fjalakattarins var frestað en þegar er búið að sam-
þykkja það í borgarráði. Þá var tillögu borgarstjóra
um rýmkað leyfi til hundahalds frestað að beiðni
þeirra Sigurjóns Péturssonar og Kristjáns Benedikts-
sonar þar sem flokkar þeirra þyrftu meiri tíma til að
fjalla um málið. Þessi tvö mál verða því ekki tekin
fyrir fyrr en 3. maí nk.
Hamarshúsið samþykkt
Miklar umræður urðu um Hamarshúsið í borgar-
stjórn í gærkvöldi og var að lokum samþykkt að heim-
ila íbúðir í húsinu en fulltrúar kvennaframboðs, Al-
þýðuflokks og Alþýðubandalags voru á móti.
Bankaráðsmenn kosnir
Tveir menn voru kosnir í stjórn Sparisjóðs Reykja-
víkur og nágrennis í borgarstjórn í gærkvöldi: Tillögur
komu fram um þá Ágúst Bjarnason, Sigurjón Péturs-
son og Emmanúel Morthens. Fékk Ágúst 10 atkvæði,
Sigurjón 6 og Emmanúel 5. Það vekur athygli að tveir
af fulltrúum Sjálfstæðisflokksins munu hafa kosið Sig-
urjón.
Niðursuðuvörur
hœkka um 9%,
taxti þvotta-
húsa um 10%
Vörur og
þjónusta
hækka
Vísitölubrauð hækkuðu á
bilinu frá 1,8% til 5,6% 23.
mars og á miðvikudaginn
hækkuðu niðursuðuvörur frá
Óra um 9% samkvæmt upp-
lýsingum Verðlagsstofnunar.
I DV í gær kemur fram að
meðaltalið í aðsendu heimilis-
bókhaldi hækkaði um 8,2% á
milli mánaðanna janúar og fe-
brúar en eftir 5% launaupp-
bótina á dögunum hafa fjöl-
margir þjónustuliðir og vörur
hækkað meira en kaupupp-
bótinni nemur.
Vísitölubrauðin eru fransk-
brauð, sigtibrauð, maltbrauð,
heilhveitibrauð og rúgbrauð
og heimilaði Verðlagsstofnun
hækkun á þeim frá 1,8% til
5,6% 23. mars. Önnur brauð
hafa einnig hækkað í bakarí-
um en mismunandi eftir versl-
unum.
í Þjóðviljanum hefur áður
verið greint frá verðhækkun-
um á lambakjöti sem hafa ver-
ið stöðugar frá 1. mars.
Niðursoðið grænmeti og
aðrar niðursuðuvörur frá Óra
hækkuðu um 9% á miðviku-
daginn. Þá eru útseld vinna og
ýmsir þjónustuliðir að hækka,
oft mun meira en nemur
kaupuppbótinni. Til dæmis
hækkaði taxtinn í efnalaugum
og þvottahúsum um 10% 7.
rnars sl. - óg
-GFr