Þjóðviljinn - 08.08.1984, Qupperneq 10

Stuðmenn Egill og Valgeir í umfangsmiklum gervum, sem minna helst á
útileikhús, en það var raunar líka á svæðinu og skemmti alla dagana.
Árleg Ringóverðlaun___________________________
Framhald af bls. 9
Hann var nýstiginn af hest-
baki, þegar Þjóðviljamenn hittu
hann. Ringó sat skjóttan gæðing
og tókst nokkuð bærilega að
hemja hann, en ekki kvaðst hann
vilja Ieggja þessa íþrótt fyrir sig.
Mönnum kom raunar saman um
að kona hans, leikkonan Barbara
Bach, hefði borið sig öllu betur á
hestbaki. -Þau hjón ætluðu síðan
að skoða sig um á mótssvæðinu í
eftirmiðdag á laugardag, en leist
ekkert á blikuna, þegar þau
mættu þúsundum unglinga, sem
margir hverjir veifuðu brenni-
vínsflöskum, sumir berir ofan í
mitti í sólskininu og háreysti tals-
verð í Víkinni. Þau sneru við hálf-
skelkuð.
Veisla var haldin við kertaljós
til heiðurs Ringó í Hússtjórnar-
skólanum á Hallormsstað á laug-
ardag. Þar snæddu með honum
ýmsir gamalkunnir boðberar
bítlatónlistar hér á landi, Gunnar
Þórðarson, Egill Eðvaldsson,
kvikmyndatökumaður, Jónas R.
Jónsson, sem var sérlegur
leiðsögumaður þeirra hjóna. -
Allt var þetta samkvæmi hið
þjóðlegasta. Með kaffinu fékk
kappinn rjómapönnukökur.
Forrétturinn í veislunni var sjáv-
arréttahlaup og aðalrétturinn úr-
beinaður lambahryggur. Sérstak-
ur matreiðslumaður var fenginn
úr Reykjavík til þess að sjá um
veisluna.
Eftir að skyggja tók fór kapp-
inn svo, klæddur lopapeysu,
ásamt fylgdarliði sínu niður í Vík-
ina og gekk óáreittur um meðal
unglinganna í um klukkutíma og
hlýddi á leik Stuðmanna. Hann
hafði orð á því að trommuleikar-
inn hjá þeim væri fjári góður!
Honum þótti reyndar hörkustuð
á öllu bandinu. Hins vegar var
hann því fegnastur að fá að vera í
friði og ganga um óáreittur. Það
var í hæsta lagi að kátir piltar
réttu að honum brennivín og
vildu gefa sjúss, en það var nú
varla meira en mörgum var boð-
ið. Drykkja var talsverð í Atla-
vík, en engin vandræði hlutust
samt af. Um 700 til 800 manns
unnu við þessa fjölmennustu
skemmtisamkomu sumarsins, við
gæslu, veitingasölu, á sjúkravakt
og við umferðarstjórn. Þegar
flest var munu um 6500 manns
hafa verið á svæðinu. Þeir sem
urðu illa úti í glímunni við bakkus
og lognuðust útaf þegar líða tók á
nóttu voru fluttir jafnóðum í af-
vötnun. Meðferðarheimili var
komið upp á eyðibýlinu
Buðlungavöllum, rétt hjá svæð-
inu og var það kallað Hótel Buð-
lungur. Þar var mönnum gefin
súpa, þegar af þeim bráði. Þar
gistu mest 40 manns, en yfirleitt
fór þetta mikla samkomuhald vel
fram, enda mikið lagt upp úr
skipulagi hjá Ungmenna- og
íþróttasambandi Austurlands,
sem staðið hefur að þessum
mótum um verslunar-
mannahelgar undanfarin ár. Auk
ungmennafélaganna starfa skátar
og björgunarsveitarmenn á svæð-
inu frá Vopnafirði og allt suður í
Djúpavog við þetta mótshald, og
ennfremur lögregla og starfs-
menn skógræktarinnar. Fé-
lagasamtökin fá svo ágóða af
skemmtanahaldinu í samræmi
við vinnuframlag síns fólks til
þess að fjármagna starfsemi sína.
Dansinn dunaði allt fram yfir
klukkan fimm föstudag og laug-
ardag og til klukkan fjögur að-
faranótt mánudagsins og mikill
galsi á pallinum, þar sem Stuð-
menn og Dúkkulísur skemmtu
gestum, en þess á milli spókaði
fólk um í góða veðrinu, hlustaði á
fljótsins dreymnu ró og hreiðraði
um sig í grænum lundum.
Ringó Starr hvarf hins vegar af
svæðinu á sunnudagskvöld, flaug
suður með leiguvél frá Sverri
Þóroddssyni og síðan utan með
einkaþotu. Hann Iét þess getið að
líklega vildi Georg félagi hans
Harrison vera í hans sporum hér
og sagði sá góði maður hefði lengi
haft mikinn áhuga á íslandi.
Sagðist Ringó hafa hringt í hann í
vikunni og hefði Georg líklega
skellt sér með, ef hann hefði ekki
verið í önnum. Ef til vill verða
bítlarnir því árlegir gestir hér eftir
á Atlavíkurmótum.
B.V./J.H.
UTIHATIÐIR
„Hérna hjá Viðeyjarstofu er fín stemmning og róleg. Ég sakna einskis", sagði Helgi Jóhannesson lögreglumaður sem við
hittum við vörslu kirkjunnar og stofunnar í Viðey um kaffileytið á laugardaginn. Hann var búinn að vera þar frá hádegi og
sagðist einungis hafa hitt þrjá stráka. Fleiri hefðu ekki komið þangað. Einn lögreglumaður gætti húsanna á daginn en
tveir yfir nóttina. Áttu allir rólega vakt. Mynd -eik.
Hinar nýju vatnslagnir í Viðey nýttust vel þyrstum ferðalöngum. Mynd- eik.

10 SÍÐA - ÞJÓÐVILJINN