Þjóðviljinn - 22.01.1985, Qupperneq 2
FRETTIR
Skipulag
Rís II hæða
Skuggahverfi?
Frumdrög að nýju skipulagi við Skúlagötu lögð
fram í gœr. Öll hús neðan Lindargötu rifin
Ef sérfræðingar Reykjavíkur-
borgar í skipulagsmálum fá að
ráða eru allar líkur á því að senn
rísi nýr miðbæjarkjarni sunnan
Skúlagötu og norðan Lindargötu.
Flest núverandi hús á þessu svæði
munu hverfa og má nefna auk
íbúðarhúsa við Lindargötu,
Völundarhúsið, hús Sláturfélags
Suðurlands og skemmur
Eimskips sem Kveldúlfur byggði
á sínum tíma.
Frumdrög að skipulagi Skugg-
ahverfis voru lögð fyrir skipulags-
nefnd Reykjavíkur í gær. Höf-
undar tillögunnar eru þeir Guð-
mundur Kr. Guðmundsson,
Ólafur Sigurðsson og Björn
Hallsson. Þremenningarnir gera
ráð fyrir blandaðri byggð íbúðar-
og atvinnuhúsnæðis. Auk húsa
Völundar, Sláturfélagsins og
Eimskips er gert ráð fyrir því að
húsin númer 29, 39, 49, 61 og 63
við Lindargötu hverfi en ekki
hefur verið tekin afstaða til ein-
stakra annarra húsa. Þó þykir
ljóst að flest hús milli Lindargötu
og sjávar hverfi, að sögn heimild-
armanna Þjóðviljans.
Áætlað er að nýjar íbúðir á
svæðinu verði tæplega 500 að tölu
og að þar muni búa um 1100
manns þegar frá líður. Fjöldi
barna á grunnskólastigi verður
um 400. Gert er ráð fyrir því að
Lindargötuskóli verði nýttur sem
barnaskóli en að Austurbæjar-
skóli þjóni sem unglingaskóli
hverfisins. Tekið er fram að þess-
ar hugmyndir séu settar fram án
samráðs við Fræðsluráð.
Hönnuðir skipulagstillögunnar
gera ráð fyrir því að bflskýli verði
byggð undir húsum í þyrpingun-
um norðanverðum og undir sam-
eiginlegum svæðum eftir því sem
við á. Reiknað er með 1.5 bfla-
stæðum á hverja íbúð. Á Vita-
torgi er ætlunin að byggja
verslunar- og þjónustumiðstöð
ásamt íbúðum á efstu hæðum.
Samtals eru því gert ráð fyrir 1050
bflastæðum á svæðinu öllu.
Arkitektarnir gera í tillögu
sinni ráð fyrir því að Skúlagata
færist talsvert neðar, eða um
götubreidd en norðan hennar
komi Sætúnið, sem verður megin
umferðaræðin að og frá gömlu
Miðbæj arkvosinni.
El Salvador
Jólasöfnunin gekk vel
Baráttudagur Frelsishreyflng-
ar E1 Salvador er í dag, 22.
janúar. Þennan dag árið 1932
hófst mikil bændauppreisn í E1
Salvador sem endaði í fjöldaaf-
tökum 30.000 bænda. Fyrir 5
árum var þennan dag haldinn
stærsti fjöldafundur í sögu lands-
ins og með þeim atburði samein-
uðust nánast öll pólitísk öfl í
landinu, ef undan er skilið svart-
asta afturhaldið. Þar með var sett
á laggirnar sú þjóðfrelsishreyfing
sem berst við afturhaldið undir
forystu Duartes sem fjármagnað-
ur er af Bandaríkjastjórn.
Þannig segir m.a. í frétt frá E1
Salvadornefndinni á íslandi. í
dag var ætlunin að hingað til
lands kæmi Ola Heining sem
ásamt öðrum er höfundur skyg-
gnusýningar er ber nafnið E1
Dorado. Vegna bráðra veikinda
getur ekkert orðið af sýningunni í
bili, en það mun standa til bóta.
Jólasöfnun E1 Salvadornefnd-
arinnar hefur gengið vel og hafa
safnast yfir 120.000 krónur.
Nefndin bendir hins vegar þeim
sem enn eiga eftir að gefa fé að
hægt er að leggja inn á ávísana-
reikning E1 Salvadornefndarinn-
ar í Búnaðarbankanum við
Hlemm og er númerið 59957.
Merkja skal gíróseðilinn Jóla-
söfnun, E1 Salvadornefndin póst-
hólf 1032, 121 Reykjavík.
f gær var dregið í Happdrætti Þjóðviljans 1984.1. vinningur, Corona tölva kom
á miða nr. 12228,2. vinningur, farseðill með Samvinnuferðum Landsýn á miða
nr. 17802,3. vinningur, húsgögn frá íslenskum húsbúnaði á miða nr. 14703,4.
vinningur, húsgögn frá Furuhúsinu á miða nr. 23358,5. vinningur, húsgögn frá
Árfelli á míða nr. 9450,6. vinningur, heimilistæki frá Fönix á miða nr. 14700, 7.
vinningur, hljómtæki frá Japis á miða nr. 12104, og 8.-13. vinningar, bókaút-
tektir frá Máli og menningu á miða nr. 18024, 25388, 10021, 3003, 6666,
24365. - Þjóðviljinn þakkar öllum þeim sem veittu honum stuðning með þátt-
töku í happdrættinu. Vinninga má vitja á skrifstofu blaðsins, Síðumúla 6, sími
81333. Ljósm. E.ÓI.
Rafeindavirkjar
Fæðingum
fækkar
íslendingar verða að fara að
huga að viðhaldi stofnsins ef svo
fer sem horfir. Landsmönnum
fjölgaði minna síðasta ár en fyrr
eða aðeins um 0.94%. Tala lif-
andi fæddra var 2-300 lægri en
árið áður.
Mannfjöldi á landinu var eftir
bráðabirgðatölum Hagstofunnar
240.122 þann 1. desember 1984.
Karlar eru 120.779 en konur ívið
færri, eða 119.343.
-jp
120 ganga úr félagi símamanna
Rafeindavirkjar hjá hinu opinbera vilja sameinast með öðrum í Sveinafélaginu.
Samgönguráðherra leggst á móti
Samgönguráðherra hefur ný-
lega sent frá sér bréf þar sem
hann leggst gegn því að rafeinda-
virkjar, áður símvirkjar, sem
starfa í þjónustu ríkisins fái að
ganga í Sveinafélag rafeinda-
virkja. Telur ráðuneytið að
höfðu samráði við menntamála-
og Qármálaráðuneyti að varhug-
avert sé að Ijá máls á því að þeir
aðilar sem starfa að fjarskipta-
málum innan Póst- og símamála-
stofnunarinnar falli ekki undir
lög og réttindi og skyldur opin-
berra starfsmanna.
Um 180 rafeindavirkjar starfa
nú hjá Pósti og síma og nær 80 hjá
öðrum opinberum stofnunum
eins og útvarpi, sjónvarpi og
flugmálastjórn. Nú um áramótin
sögðu um 120 þessara starfs-
manna sig úr félagi íslenskra
símamanna þar af allir trúnaðar-
menn símvirkja og hyggjast
ganga í Sveinafélag rafeindavir-
kja. í skoðanakönnun meðal sím-
virkja hefur komið fram að nær
allir starfsmennirnir vilja samein-
ast í einni starfsstétt með öðrum
rafeindavirkjum í Sveinafé-
laginu. Samgönguráðuneytið vill
hins vegar halda þessum starfs-
mönnum innan vébanda opin-
berra starfsmanna.
Þeir 120 rafeindavirkjar sem
standa nú utan stéttarfélaga
óskuðu í sumar eftir viðræðum
við samgönguráðuneytið um
hvernig standa ætti að félaga-
skiptunum. Þeirri beiðni hefur
ráðuneytið nú svarað með áður-
nefndu bréfi þar sem lagst er gegn
félagaskiptum.
Að sögn forráðamanna utan-
garðsmanna eins og þeir kalla sig
er ekki og mun aldrei verða
samningsatriði hvort af samein-
ingunni verður í Sveinafélaginu
heldur hefur verið óskað eftir
viðræðum um hvemig standa eigi
að þeirri sameiningu. Málið er
því enn í biðstöðu.
-*g-
2 SÍÐA - ÞJÓÐVILJINN Þriðjudagur 22. janúar 1985
JTAJM , JLlJj.1