Þjóðviljinn - 19.02.1985, Síða 3

FRÉTTIR
Stjórnarandstaðan:
Ránskjaravísitöluna burt
Lágmarkskrafa að binda húsnœðislán við byggingarkostnað
Vill félagsmálaráðherra lýsa
því yfir hér og nú að húsnæð-
islán sem nú eru bundin lánskjar-
avísitölu verði flutt yfir á bygg-
ingavísitöluna eða eiga skuldir
húsbyggjenda að halda áfram að
vaxa í hvert sinn sem tóbak og
áfengi hækkar? spurði Svavar
Gestsson m.a. í umræðum um
húsnæðismálin á alþingi í gær.
Skrif Þjóðviljans um ránskjar-
avísitöluna og þá staðreynd að
50% hækkun á áfengi og tóbaki
s.l. 11 mánuði hækkar skuldir
húsbyggjandans um 7-27 þúsund
krónur blönduðust mjög í um-
ræðuna í neðri deild í gær. Það
var Jón Baldvin Hannibalsson
sem hóf hana og ítrekaði að
Byggung væri aðeins að fara
framá að ríkisstjórnin stæði við
sínar eigin samþykktir og færi að
lögum um útborganir lána. Hann
fordæmdi ránskjaravísitöluna og
sagði ríkisstjórnina hafa sett ís-
landsmet í vanefndum varðandi
húsnæðismálin.
Steingrímur J. Sigfússon rifj-
aði upp loforð Sjálfstæðisflokks-
ins um 80% lán til þeirra sem
byggja í fyrsta sinn og loforð
Framsóknar um 80% lán til allra
til 42ja ára. Ekkert stæði eftir
annað en orðin tóm í þeim efn-
um. Steingrímur minnti einnig á
yfirlýsingu ríkisstjórnarinnar frá
26. september 1983 og þá staðr-
eynd að þeir sem gerðu fokhelt í
október til desember það ár,
hefðu ekki enn fengið loka-
greiðslu á sínum lánum. G-lánin
hefðu staðið í stað talsvert á ann-
að ár og 2-4 manna fjölskylda
fengi nú 115 þúsund í lán ef hún
skipti um íbúð og keypti gamalt.
Þetta jafngilti 11.5% af verði
staðalíbúðar.
Svavar Gestsson sagði að ríkis-
stjórnin hefði ekki aðeins svikið
öll loforð í húsnæðismálum held-
ur einnig skorið svo niður kaup
fólksins í landinu að það gæti ekki
staðið í skilum. Nú þegar allt væri
að komast í þrot og Lögbirtinga-
blaðið væri yfirfullt af tilkynning-
um um nauðungarsölu, þá opn-
aði ríkisstjórnin ráðgjafaþjón-
ustu fyrir þá sem væru í van-
skilum! Þangað mega menn náð-
arsamlegast hringja tvo tíma á
morgni hverjum til að fá tíma
sama dag, sagði Svavar, og að
Margaret Joan Anstee ásamt aðstoðarmanni sínum á blaðamannafundinum í
gær. (Mynd: - eik.)
Þróunaraðstoð
íslendingar hafa
unnið braubyðjendastörf
Margaret Joan Anstee, aðstoðarfram-
kvœmdastjóri SÞ, í heimsókn hér á landi til að
leita eftir aðstoð við þróunarverkefni á sviði
jarðhita og vatnsaflsnýtingar
Hér á landi er nú stödd hæst
setta konan sem starfar hjá
Sameinuðu þjóðunum. Margaret
Joan Anstee heitir hún, er bresk
og ber titil aðstoðarfram-
kvæmdastjóra. Hún veitir for-
stöðu deild sem fer með tækni-
samvinnu og þróunarmál og er-
indi hennar hingað til lands er að
semja við íslensk stjórnvöld um
framlag okkar til þróunarverk-
efna á sviði jarðhita og
vatnsaflsnýtingar.
Frú Anstee bar íslendingum
vel söguna í þróunaraðstoð og
sagði þá hafa unnið merkt
brautryðjendastarf. íslenskir sér-
fræðingar hafa verið víða við
störf, bæði að skammtíma- og
langtímaverkefnum. Hún minnt-
ist sérstaklega á Svein S. Einars-
son sem nú er nýhættur störfum
eftir 15 ára dvöl, lengst af í Mið-
Ameríku, á vegum SÞ. En maður
kemur í manns stað og nú í apríl
fer annar íslendingur, Valgarður
Stefánsson, til starfa í höfu-
ðstöðvum SÞ á sviði jarðhitanýt-
ingar.
Anstee er hingað komin til að
kynna sér hvert gæti verið hugs-
anlegt framlag íslendinga í fram-
tíðinni á sviði jarðhita- og ekki
síður vatnsaflsnýtingar. Hún
kvaðst vilja gera fastan samning
um slíka þróunaraðstoð en fram
til þessa hefur hún verið með
þeim hætti að íslendingar hafa
sent menn þegar leitað hefur ver-
ið eftir því og hæfir menn hafa
verð tiltækir.
- ÞH
hvaða gagni kemur slíkt fólki úti
á landi? Þá benti hann á að
„skortur á vanskilum" yrði til
þess að fólk fengi enga úrlausn.
Ef fólk skuldar ekki yfir 150 þús-
und og væri með það allt í van-
skilum fengi það enga aðstoð.
Þeim sem hefði tekist að halda
vanskilunum t.d. í 70 þúsund
krónum, væri vísað frá. „Og
hvernig á svo að fjármagna van-
skilalánin?“ spurði Svavar. „Með
því að taka 150-200 miljónir af
nýbyggingalánum." Þá minnti
Svavar á heilræði sem forsætis-
ráðherra hefur gefið þessu fólki,
- menn ættu bara að selja, þeir
hefðu reist sér hurðarás um öxl.
„Þetta er huggulegt heilræði fyrir
þá sem búa t.d. í Hnífsdal eða
annars staðar úti á landi þar sem
ekki er hægt að selja húsnæði‘%
sagði Svavar.
Hann spurði að lokum hversu
langt ríkisstjórnin ætlaði sér að
draga þennan svikaslóða á eftir
sér. Ríkisstjórnarflokkarnir vildu
ekki afla tekna til byggingarsjóð-
anna, það eina sem þeir gerðu
væri að slá lán á lán ofan, m.a.s.
erlend lán, upp á 250 miljónir
króna, en skammtímalán til
húsnæðisstofnunar í fyrra námu
800 miljónum og bera þau 4-8%
vexti auk verðtryggingar.
- ÁI
Norðmenn
Stóraukin sala á saltfiski
Seldu nýlega 10.000 tonn fiskjar til Portúgal fyrir 95 kr. kílóið
Nýlega gerði sölusamlag norsku
saltfískverkunarstöðvanna
„Unidos“ sölusamning við saltisk-
einkasöluna í Portúgal um sölu á
10.000 tonnum af fullverkuðum
þurrum saltfíski. Heildarsölu-
verðið er n.kr. 214 miljónir eða
n.kr. 21.40 fyrir hvert kfló. Sam-
kvæmt skráðu gengi nú er þetta í
íslenskum krónum 95.23 fyrir
hvert kfló.
Fyrsta sendingin af þessari
rnikíu sölu fer frá Noregi í byrjun
mars. Sala á fullverkuðum norsk-
um saltfiski hefur gengið greið-
lega að undanförnu og liggur nú
lítið af fiski í geymslum þurrk-
stöðvanna.
Árið 1983 seldu Norðmenn
tæp 6000 tonn af saltfiski til Port-
úgals, en á sl. ári fór þessi sala í
13.361 tonn og 940 kg. í því
magni voru 1202 tonn af löngu og
449 af keilu. Ekki er vitað urn
samsetningu sendingarinnar sem
nú var verið að selja.
Heildarsala á fullverkuðum
saltfiski frá Noregi tvö síðustu
árin er þessi: árið 1983 44.771
tonn og 250 kg. Árið 1984 62.727
tonn og 881 kg. Þetta er 40.1%
söluaukning á milli ára. Þessi tvö
árin var seldur saltfiskur til 23ja
landa. - J.J.E. Kúld
COROLLA1300
Ný Corolla - ný viðmiðun.
Hin nýja Corolla 1300 er hönnuð
til að vera fremst meðal jafningja og
gæðaflokki ofar en verðið segir til um. Léttbyggð og sparneytin 1,3lítra, 12ventla vélin
er kraftmikil, enda nýjasta framlag Toyota til betrumbóta — sumir segja byltingar — á bíl
vélum. Aksturseiginleikar gerast vart betri. Framhjóladrif og 1. flokks fjöðrunar-og stýris
búnaður skapa mikinn stöðugleika og rásfestu. Farjaega-og farangursrýmið stenst allan
samanburð hvað varðar nýtingu, þægindi og hagkvæmni.
Þú getur treyst ToyotaCorolla-taví ánægðum eigendum fjölgar stöðugt um allan heim.
TOYOTA
Nybylavegiö 200 Kópavogi S 91-44144
Þriðjudagur 19. febrúar 1985 ÞJÓÐVILJINN - SÍÐA 3