Þjóðviljinn - 16.07.1985, Síða 13

FRETT1R
REUTER
Umsjón:
ÞRÖSTUR HARALDSSON
Kvennaráðstefna
konurnar settu fram kröfu um að
engar ályktanir yrðu samþykktar
nema um þær ríkti full eining en
slíkt fyrirkomulag hefði í raun
veitt þeim neitunarvald.-Konurn-
ar úr þriðja heiminum vildu láta
einfaldan meirihluta ráða úr-
slitum í atkvæðagreiðslum.
í umræðunum héldu banda-
rísku konurnar því fram að þriðji
heimurinn vildi einungis sýna
vald sitt og atkvæðamagn en voru
í staðinn sakaðar um að reyna að
eyðileggja ráðstefnuna. Eftir
nokkurt málþóf féllust banda-
rísku konurnar á að ræða „apart-
heid” og létu af kröfu sinni um að
full eining skuli ríkja um allar
ályktanir. Enn ríkir ósamkomu-
lag um 58 af 372 málsgreinum í
lokaályktun ráðstefnunnar.
Samhliða ráðstefnunni er hald-
in önnur ráðstefna sem nefnist
Forum 85 en hana sitja 10.000
fulltrúar kvennahreyfinga sem
ekki eru háðar ríkisstjórnum.
Enn bólar ekki á sendinefnd
frá Suður-Afríku þótt sögur hafi
gengið um að hún væri á leiðinni.
Félagar úr Afríska þjóðarráðinu,
ANC, settust í sæti þau sem frá-
tekin voru fyrir fulltrúa Suður-
Afríku. Þeir sögðust vera lög-
mætir fulltrúar suður-afrísku
þjóðarinnar og myndu þeir
hvergi hvika þótt opinberir full-
trúar stjórnarinnar í Pretoríu
mættu á staðinn.
Forseti ráðstefnunnar var kjör-
in Margaret Kenyatta, dóttir
Jomo Kenyatta, fyrsta forseta
Kenýa. Arftaki hans á forseta-
stóli, Daniel Arap Moi, fluttí
setningarræðuna og sagði ma. að
þótt augljóst væri að margt bæri á
milli væri það skylda ráðstefnu-
gesta við konur heimsins að ár-
angur næðist af ráðstefnunni.
Kenýanskur kvennakór syngur um frið á hliðarráðstefnunni Forum 85.
Nairobi - Ráðstefna Sam-
einuðu þjóðanna sem haldin
er í Kenýa í tilefni af lokum
kvennaáratugarins var sett í
gær að viðstöddum 4.000 full-
trúum. Strax í upphafi
ráðstefnunnar kom fram mikill
ágreiningur þróunarríkja og
vestrænna iðnríkja með
Bandaríkin i broddi fylkingar.
Deilurnar snerust bæði um
dagskrá og fundarsköp. Fulltrúar
þriðja heimsins vildu taka á dag-
skrá umræður um „apartheid”,
vandamál palestínubúa og störf
alheimshreyfingarinnar gegn
kjarnorkuvopnum. Bandaríska
sendinefndin mótmælti og sagði
að þessi mál ættu ekkert erindi
inn á ráðstefnu sem hefði það
hlutverk að leggja mat á árangur
kvennaáratugar SÞ. Bandarísku
Þær bandarísku
gáfu eftir
Harðar deilur um dagskrá ogfundarsköp
Live-Aid
Fær Geldof friðarverðlaunin?
London - Mestu rokktónleikar
sögunnar - Live-Aid - sem
haldnir voru beggja vegna
Atlantshafsins á laugardaginn
heppnuðust í alla staði vel.
Framkvæmd þei.rra var með
ágætum og árangur fjár-
söfnunarinnar sem fram fór
samtímis fór fram úr öllum
vonum.
Gjaldkeri tónleikanna, Philip
Rusted, giskaði á að safnast
hefðu 40 miljón sterlingspund
(tæplega 2,2 miljarðar íslenskra
króna) en endanlegar niðurstöð-
ur liggja ekki fyrir fyrr en undir
helgi. Alls keyptu 162 þúsund
manns sig inn á tónleikana sem
haldnir voru á Wembley-leik-
vanginum í Lundúnum og John
F. Kennedy leikvanginum í
Philadelphia í Bandaríkjunum.
Bhopal
Börn fæðast vansköpuð
Nýju-Delhi - Ekki færri en 21
barn hefur fæðst vanskapað
og 36 konur hafa misst fóstur í
indversku borginni Bhopal þar
sem sprenging varð í verk-
smiðju Union Carbide í des-
ember sl. með þeim af-
leiðingum að eitrað gasský
lagðist yfir borgina.
Talið er að 27 börn til viðbótar
hafi látist vegna þess að mæður
þeirra önduðu að sér gasinu á
meðgöngutímanum. Alls kostaði
sprengingin 2.500 manns lífið og
125 þúsund manns hlutu heilsu-
tjón af henni. Ekki hefur orðið
vart við blindu meðal þeirra sem
urðu fyrir gasinu, en um tíma var
óttast að fólk gæti misst sjón af
völdum eitrunarinnar.
Verksmiðjunni var formlega
lokað í síðustu viku og standa nú
yfir málaferli vegna hamfaranna
sem hún olli.
Það var þó aðeins brot þeirra sem
fylgdust með, því alls er talið að
hálfur annar miljarður fólks í 169
löndum hafi horft á tónleikana í
beinni sjónvarpsútsendingu.
Rusted sagði að nú tæki við
ráðstöfun söfnunarfjárins sem á
að renna til hjálparstarfs á
hungursvæðum Eþíópíu og Sú-
dans. Sagðist hann eiga von á að
sveltandi íbúar þessara landa
færu að njóta aðstoðarinnar
innan fjögurra vikna. Þegar er
búið að setja af stað áætlun um að
senda vörubíla til Súdans en
skortur á flutningatækjum hefur
hamlað því að aðstoð sem veitt er
berist til þeirra sem á þurfa að
halda.
Mikil ánægja ríkir á öllum víg-
stöðvum með tónleikana og
bresku blöðin hafa gert írska tón-
listarmanninn Bob Geldof sem
gerði þá að veruleika að hetju.
Norskur þingmaður lagði til að
Geldof yrði sæmdur friðarverð-
launum Nóbels og undir þá til-
lögu hafa tekið breskir þingmenn
og forsætisráðherra frlands.
Nýja kókið
Velheppnuð mistök
New York - Akvörðun banda-
ríska gosdrykkjarisans Coca
Cola um að hefja á ný sölu á
„gamla” kókinu birtist flestum
sem ósigur fyrirtækisins, að
það hefði gert stór mistök með
því að vera að hringla með
bragðið á þessum vinsælasta
drykk heimsins. Nú virðist fyr-
irtækið þó vera að snúa ósigr-
inum upp í sigur.
Eins og fram hefur komið hér í
blaðinu setti Coca Cola fyrirtæk-
ið nýtt kók á markaðinn í vor og
hætti að framleiða þetta gamla
góða. Þessi breyting náði að vísu
aðeins til Bandaríkjanna en þar
voru viðbrögðin líka ótvíræð.
Ákafir kókaðdáendur mótmæltu
harðlega og bréfum og skeytum
til fyrirtækisins snjóaði inn.
í síðustu viku lét það undan
þrýstingnum. Framleiðsla gamla
kóksins er hafin á ný. Nýja kókið,
sem flestum þykir of sætt og ekki
eins frískandi og það gamla,
verður þó áfram selt undir merk-
inu Coca Cola. En það gamla
verður selt undir merkinu Coca
Cola Classic - Sígilt kók.
Þessum tíðindum var tekið á
þann veg að menn gripu til sam-
líkinga við önnur stór mistök í
viðskiptalífinu. Það var td. farið
að rifja upp stærstu mistök sem
orðið hafa í sögu bílaframleiðsl-
unnar þegar Ford setti lúxus-
bílinn Edsel á markað í lok sjötta
áratugarins.
Stjórnendur Coca Cola brugð-
ust hins vegar rétt við og virðast
nú vera að snúa mistökunum upp
íhreinamarkaðssókn. Viðskipta-
prófessorinn Mark Albion við
Harvard háskóla segir að Coca
Cola hafi dottið ofan á eitt mesta
snilldarbragð aldarinnar á sviði
markaðsmála.
Markaðsfræðingar eru sam-
mála forstjóra Coca Cola, Ro-
berta Guizueta, um að nú hafi
skapast gott lag til að auka enn
við gosdrykkjuna í heiminum.
Með þessu bragði takist Coca
Cola að tryggja sér aukið hillu-
rými í verslunum og þar með
meiri athygli. Síðasta stórsóknin
á gosdrykkjamarkaðnum var
þegar Pepsi Cola setti af stað það
sem nefnt var „Pepsi áskorunin.”
Hún bliknar í samanburði við það
umtal sem Coca Cola hefur tryggt
sér með nýja kókinu.
Guizueta lýsti þeirri framtíðar-
sýn sinni að nú færi fólk að
drekka hinar ýmsu tegundir kóks
á mismunandi tfmum dagsins: á
morgnana drekkur fólk sígilt
kók, megrunarkók með hádegis-
matnum, kirsuberjakók síðdegis
og nýja kókið á kvöldin.
Ekki
skipulagt
Samkeppnin um hylli
gosdrykkjaneytenda er geysi-
hörð enda er mikið fé í húfi. í
Bandaríkjunum einum er veltan
á gosdrykkjamarkaðnum 23 milj-
arðar dollara á ári. Mjótt er á
mununum milli Pepsi og Coca
Cola en það síðarnefnda hefur þó
vinninginn. Markaðshlutfall
Coca Cola er nú 21,7% í Banda-
ríkjunum en á heimsmarkaði þar
sem veltan er uþb. 50 miljarðar
dollara er hlutur fyrirtækisins
mun stærri, eða 37%.
Illar tungur segja að allur há-
vaðinn í kringum nýja kókið og
endurkomu þess gamla hafi verið
skipulagður frá upphafi. For-
svarsmenn Coca Cola neita því
staðfastlega og segja það hund-
ingslegt tal, fyrirtækið hafi
einfaldlega gert mistök.
„Sannleikurinn er sá að við erum
hvorki nógu heimskir né nógu
snjallir til að finna upp á slíku.
Þetta hefur verið auðmýkjandi
reynsla,” sagði Donald Keough
forstjóri Coca Cola.
En hlutabréfin hafa hækkað í
verði síðustu daga og það skiptir
mestu.
Bandaríkin
Reagan
braggast
Washington - Ronaid Reagan
forseti Bandaríkjanna bragg-
ast framar öllum vonum eftir
uppskurð sem gerður var á
honum á laugardaginn. Þá var
fjarlægt æxli í meltingar-
veginum og 60 sm bútur af
ristlinum.
Læknar sáu ekkert sem benti
til þess að æxlið væri illkynjað en
það var sent í rannsókn og í gær
beið bandaríska þjóðin eftir því
að vita hvort forsetinn væri hald-
inn krabbameini. Niðurstöðu
rannsóknarinnar var að vænta
seint í gærkvöldi.
Þetta
gerðist
... Tveir sovéskir geimfarar eru
farnir af stað áleiðis til Bandaríkj-
anna til fundar við bandaríska koll-
ega stna en saman ætla geim-
fararnir að endurtaka sögulegt
handtak sem átti sér stað úti í
geimnum tyrir réttum 10 árum eða
17. júií 1975 en þá mættust Soyuz
og Apollo geimför þeirra úti í
geimnum. Að þessu sinni takast
geimfararnir i hendur á jörðu niðri.
...Sendiráðsfulltrúi egypta í ísrael
hefurboriðframkvörtun um að ís-
raelar hafi að ráðnum hug verið að
ögra egyptum og stefna friðar-
umræðum í tvísýnu þegar þeir
efndu’til 5.000 manna bjórveislu á
umdeiidum landsskika nærri
landamærum ríkjanna í síðustu
viku.
...Fimm danskir ferðamenn fórust
og nokkrir slösuðust þegar lang-
ferðabíll með 75 ferðamenn ók á
brúarhandrið og valt í nágrenni
borgarinnar Kassel í Vest-
ur-Þýskalandi.
...Þúsundir verkamanna yfirgáfu
um helgina verksmiðjulóð Ford í
Buenos Aires i Argentínu eftir að
hafa haldið hennl í herkví í 19
sólarhringa. Þeir voru að mótmæla
brottrekstri 33 vinnufélaga sinna
sem stjórnendur sökuðu um krón-
ískan skrópisma.
...Mexíkanskir hægrimenn efndu
til mótmæla víða í norðurhluta
landsins í gær. Þeir halda því fram
að víðtækt kosningasvindl hafi átt
sér stað i kosningum sem fram
fóru í landinu fyrir rúmri viku og
vilja að þær verði ógildaðar.
...Kínverski flotinn hefur gert vei
heppnaða tilraun með að skjóta
eldflaugum sem borið geta kjarn-
orkuvopn milli heimshluta úr kaf-
bátum, að því er kínverska frétta-
stofan hermir.
...Belgíski aðstoðarforsætis-
ráðherrann, Jean Gol, sagði af sér
embætti í gær í mótmælaskyni við
meðferð stjórnarinnar á eftir-
málum harmleiksins á Haysel-leik-
vanginum í lok mai þegar 38
manns fórust við upphaf knatt-
spyrnuleiks. Talið er að þetta geti
boðað fall belgísku stjórnarinnar
og að efnt verði til kosninga innan
skamms.
...Bandaríska stjórnin beindi í gær
þeim tilmælum til Hæstaréttar
landsins að hann taki til endur-
skoðunar úrskurð sinn frá árinu
1973 sem sló þvi föstu að rétturinn
til fóstureyðingar væri stjórnar-
skrárbundinn. Þetta er í fyrsta sinn
í 30 ár sem ríkisstjórnin biður
Hæstarétt að breyta úrskurði sem
snertir grundvallarréttindi og eru
stjórnarskrárbundin að mati
réttarins. Stjórnin hefur lýst því
yfir að fóstureyðing jafngildi
morðl.
ÞJÓÐVILJINN - SÍÐA 17