Þjóðviljinn - 19.07.1985, Blaðsíða 6

Forstöðumaður
Fóðurverksmiðju
Búnaðardeild Sambandsins óskar að ráða vél-
fræðing, véltæknifræðing eða mann með hliðstæða
menntun til að veita fostöðu fóðurverksmiðju deildar-
innar.
Starfssvið hans er að hafa yfirumsjón með framleiðslu
og annarri starfsemi verksmiðjunnar.
Umsóknir með upplýsingum um menntun og fyrri störf
sendist starfsmannastjóra er veitir nánari upplýsingar.
Umsóknarfrestur er til 25. þessa mánaðar.
SAMBAND ÍSL.SAMVINNUFÉLAGA
STARFSMANNAHALD
LINDARGÖTU 9A
Blikkiðjan
Iðnbúð 3, Garðabæ
onnumst þakrennusmiði og
uppsetningu — ennfremur
hverskonar blikksmiði.
Gerum föst verðtilboð
SIMI 46711
Útboð -
lyftur og færistigar
Hagkaup hf. Lækjargötu 4, Reykjavík, óskar eftir til- ’
boði í smíði og uppsetningu á lyftum og færistigum
fyrir verslanamiðstöð í Kringlumýri í Reykjavík.
Tilboð óskast í eftirtaldar vökvalyftur og færistiga:
A. Tvær fólkslyftur
B. Tvær vörulyftur
C. Tvo færistiga
Uppsetningu A, B og C skal lokið fyrir 1. febrúar 1987.
Einnig er óskað eftir tilboði í eftirtaldar vökvalyftur sem
settar verða upp síðar:
D. Tvær fólkslyftur
E. Fjórar vörulyftur
F. Eina útsýnislyftu
Útboðsgögn verða afhent á Verkfræðistofu Sigurðar
Thoroddsen hf. Ármúla 4 Reykjvík frá og með þriðju-
deginum 23. júlí 1985 gegn 5.000,- kr. skilatryggingu.
Tilþoðum skal skila til Hagkaupa hf., Lækjargötu 4,
Reykjavík fyrir kl. 14.00 þriðjudaginn 17. september
1985 en þá verða þau opnuð þar að viðstöddum þeim
bjóðendum sem þess óska.
Hagkaup h.f.,
Lækjargötu 4, Reykjavík.
FERÐAVASABOK
FJÖLVÍS 1985
Vi6 höfum meira en 30 ára reynslu í
utgafu vasabóka, og sú reynsla kemur
viðskiptavinum okkar að sjálfsögðu til
góða. Og okkur hefur tekist einkar vel
með nýju Ferðavasabokina okkar og
erum stoltir af henni. Þar er að finna
ótrulega fjölbreyttar upplysingar, sem
koma ferðafölki að ometanlegu gagni
jafnt heima sem erlendis.
Meðal efnis t.d.: 40 Islandskort - Kort
af öllum hringveginum - Heimshluta-
kort - Sendiráð og ræðismannaskrif-
stofur um allan heim - Ferðadagbók -
Ferðabókhald - Öryggiskort - Gjald-
eyristöflur - Kaupstaðakort - Evrópu-
vegirnir - Neyðar- og viðgerðaþjón-
usta - Vegalengdatöflur - Bandariska
hraðbrautakerfið - o.m.fl. sem of langt
er upp að telja.
AWINNULÍF
Fisksala
íslensk stjóm-
völd áhugalaus
Sveitarstjórnarmenn nýkomnir úr Þýskalandsför.
Sturla Þórðarson varaoddviti Blönduósi: Þjóðverjar
vilja kaupa meirifisk afokkur en kvarta undan
áhugaleysi íslenskra stjórnvalda. Þjóðverjar bjóða
uppá hagstœðari kjör varðandi markað, tolla og
þvíumlíkt.
Sturla: Heimsókn okkar sveitarstjórnarmanna var sýndur mikill áhugi. Ljósm.:
Ari.
Ráðamenn í Neðra-Saxlandi í
V-Þýskalandi sem við töluðum
við kvörtuðu undan því að þeir
hefðu reynt að komast í samband
við stjórnvöld á íslandi en þau
ekki sýnt áhuga. Þeir töldu að
kannski kæmi meira út úr því að
efla samband við sveitarstjórnar-
menn og vildu t.d. gjarnan að
Cuxhaven næði vinabæjar-
tengslum við einhvern bæ á ís-
landi, sérstaklega í sambandi við
sameiginlega hagsmuni sem eru
fiskveiðar. Þetta sagði Sturla
Þórðarson varaoddviti á Blöndu-
ósi í samtali við Þjóðviljann en
hann er nýkominn úr boðsferð til
V-Þýskalands ásamt hópi ís-
lenskra sveitarstjórnarmanna.
- Hvernig gætum við hagnast á
slíkum vináttutengslum?
- Landbúnaðarráðherra
Neðra-Saxlands, sem við áttum
viðræður við en undir hann heyra
einnig fiskveiðar, sagði að þeir í
Cuxhaven vildu ná auknum við-
skiptasamböndum við íslend-
inga. Aðeins 30-40% af þeim
fiski, sem neytt er í V-
Þýskalandi, er aflað með þýskum
skipum. Þeir vilja helst fá óunn-
inn fisk og eru tilbúnir að ræða
um samskipti á þeim grundvelli
að við sæjum þeim fyrir einhverju
ákveðnu fiskmagni og kæmumst
þá að hagstæðari kjörum í sam-
bandi við markað, tolla og þess
háttar.
Sturla sagði að íslendingunum
hefði gefist kostur á að kynnast
hvernig kerfið í V-Þýskalandi er
byggt upp en þar eru fjögur stig í
stjórnsýslunni þar sem hér eru
aðeins þrjú (sveitarfélag, sýsla,
ríki). Þar mynda sýslufélögin
fylki sem mega hafa sín eigin lög
svo fremi sem þau brjóta ekki í
bága við stjórnarskrá sambands-
lýðveldisins.
- Telurðu að við íslendingar
gætum kannski tekið okkur
vestur-þýska kerfið til fyrir-
myndar?
- Nei, ég tel það alltof þungt í
vöfum og of mikið skrifstofubákn
í kringum það. Við sögðum að á
íslandi væri búið að leggja fram
nýtt frumvarp að sveitarstjórnar-
lögum og þá sagði fyrrnefndur
landbúnaðarráðherra Neðra-
Saxlands að þeirra kerfi væri ekki
til fyrirmyndar og ekki til eftir-
breytni. Þjóðverjarnir telja of
mikla yfirstjórn í sínu kerfi og
voru hræddir um að borgararnir
væru í of litlum tengslum við
stjórnmálamenn og öfugt. Það
mætti passa sig á að hafa
einingarnar ekki of stórar. Ann-
ars er erfitt að gera samanburð á
íslandi og V-Þýskalandi að þessu
leyti þar sem þar eru um 100 þús-
und kjósendur í hverri sýslu.
- Fóruð þið víða um V-
Þýskaland?
- Heimsóknin var aðallega til
Helmstedt en einnig fórum við á
fylkisþingið í Hannover og einn
dag fórum við til Berlínar. Fyrsti
dagurinn fór í að kynna okkur
landamæraástandið en Helm-
stedt liggur rétt við landamæri
A-Þýskalands. Það var svona
áróður. Annars kom á alla að
kynnast ástandinu þarna á landa-
mærunum og mjög skiljanlegt
hvernig Þjóðverjar þar hugsa.
Þarna er þjóðinni skipt af utan-
aðkomandi aðilum og ég tel það
ekki vera sósíalismanum til fram-
dráttar. Enda lít ég þannig á að
stjórnkerfið í A-Þýskalandi eigi
fremur skylt við harðstjórn en
sósíalisma.
- Hvernig kom þessi boðsferð
til?
- Hún kom í kjölfar heimsókn-
ar þýskra sveitarstjórnarmanna
til fslands en það voru Kristilegir
demókratar sem buðu. Einstök-
um sveitarstjórnum í V-
Þýskalandi er óheimilt að bjóða
slíkum hópum frá útlöndum og
þess vegna var þetta form haft á. I
íslenska hópnum voru sveitar-
stjórnarmenn úr bæði fámennum
og fjölmennum sveitarfélögum
og úr öllum stjórnmálaflokkum.
Þetta var 10 manna hópur og
heimsókninni var sýndur mikill
áhugi. Sem dæmi get ég nefnt að
haft var viðtal við mig í norður-
þýska sjónvarpinu.
B SÍÐA - ÞJÓÐVILJINN Föstudagur 19. júlí 1985