Þjóðviljinn - 06.03.1986, Blaðsíða 2

Aukning á sölufrystra afurða hjá SÍS en samdráttur
hjá SH. Guðjón B. Olafsson: Erum að auka
markaðshlutdeild okkar. Guðmundur H. Garðarsson:
Ekki á okkar kostnað. Erum svo til birgðalausir
__________FRÉTT1R
Fisksala
TORGIÐ
Síðustu tveir mánuðir hafa ver-
ið mestu sölumánuðir í sögu
Iceland Seafood Corporation,
dótturfyrirtækis Sambandsins í
Bandaríkjunum. Á sama tíma
hefur hins vegar orðið nokkur
samdráttur í sölu frystra afurða
hjá Coldwater Seafood dótturfyr-
irtæki Sölumiðstöðvarinnar.
„Við höfum verið að auka okk-
ar markaðshlutdeild og þessi
aukning hefur náðst þrátt fyrir
verulegan vöruskort. Það hefur
vantað illilega ýmsar mikilvægar
tegundir og ég get slegið því
föstu, að það hefði verið hægt að
hafa söluna talsvert meiri,“ sagði
Guðjón B. Ólafsson forstjóri Ice-
land Seafood í samtali við Pjóð-
viljann. Fyrirtækið seldi í janúar
og febrúar frystar fiskafurðir fyrir
um 29 miljón bandaríkjadollara
og nam söluaukningin tæpum 9
miljónum dollara miðað við sama
tíma í fyrra.
A þessum sama tíma seldi
Coldwater Seafood frystar fisk-
afurðir fyrir samtals 37.8 miljón
dollara sem er um 7% minni sala
en í janúar og febrúar í fyrra.
„Ástæðan fyrir þessari sölu-
minnkun hjá okkur er fyrst og
fremst sú að við seldum mjög vel
þessa mánuði á si. ári og síðan
ekki síst að Coldwater hefur alls
ekki fengið nóg af fiski til sölu.
Sérstaklega hefur skort karfa-
flök. Það vantar fisk og við erum
svo til birgðalausir,“ sagði Guð-
mundur H. Garðarsson blaða-
fulitrúi SH í samtali við Þjóðvilj-
ann. Hann sagði af og frá að sölu-
aukning . Sambandsins væri á
kostnað SH en hins vegar væri
það að koma núna skýrt í ljóst að
meiri aukning hefði verið á síð-
ustu árum hjá Sambandsfrysti-
húsum í frystingu og útgerð og
það væri kvótakerfið sem þar
hefði ráðið mestu um. _ie.
Má ekki bara endurskoða nið-
urgreiðslur á kaupmætti?
Megas heldur konsert í Roxzý í kvöld: Ljósm. eik.
Roxzý
Lifandi músik
á boðstólum
Erlendir listamenn líka ísigtinu
Gamla Safari hefur heldur bet-
ur fengið innri upplyftingu
eftir að nýir eigendur, 6 talsins,
tóku við staðnum. Mikilvægasta
breytingin er sú að danspallurinn
er á miðju gólfi - var áður úti í
horni - og stækkanlegt svið við
enda hans, enda markmið
eigenda staðarins að bjóða upp á
lifandi tónlist á fimmtudags- og
föstudagskvöldum, en diskótek á
laugardögum. Nafn staðarins er
nú Roxzý.
Þessa vikuna býður Róxzý upp
á hljómleika með Megasi en þeir
verða í kvöld, fimmtudag, og
Kukli, sem spilar annað kvöld,
nýkomið úr hljómleikaferð í Evr-
ópu. í næstu viku koma þar fram
Grafík, The Voice og Skaga-
bandið Winston Light Orchestra
og þeirri þar næstu Drýsill (þetta
verða þeirra kveðjuhljómleikar),
Centaur og Akureyrarsveitin
Skriðjöklar.
Húsið er opnað kl. 21 á
fimmtudögum en 22 á föstudög-
um og laugardögum, og verður
aðgangseyrir öll kvöld 250 krón-
ur, nema þegar útlendir músik-
antar koma fram, en slíkt er á
dagskrá í samvinnu við Grammið
og Mjöt. Engin nöfn hafa verið
nefnd í því sambandi, en órök-
studdar fréttir herma að ekki sé
útilokað að Tom Waits, Imperiet
og Cabaret Voltaire fáist hingað
til hljómleikahalds. Þá hefur
heyrst að til standi að Roxzý haldi
sína eigin listahátíð í ár.
Þeir sem hafa áhuga að troða
upp í Roxzý geta haft samband
þangað (Skúlagötu 30, s. 11555)
eða í síma 23878 (Pétur) og 14988
(Freyr). Og svo er bara að sjá
hvort þetta þarfa framtak í að
gefa fólki kost á lifandi músik
verður metið að verðleikum.
-A
Sambandið með sölumet
Samtök kvenna
Oviðunandi samningar
Kjaraskerðingunni viðhaldið. Engin lágmarkslaun tilgreind. Engin verðtrygging
Samtök kvenna á vinnumark-
aði lýsa óánægju sinni með ný-
gerða kjarasamninga. Ástæðurn-
ar eru fyrst og fremst eftiríar-
andi.
1. Frá júní 1983 hafa laun
verkafólks verið skert um 30%.
Þessir samningar viðhalda þeirri
skerðingu. Kaupmáttur hefur
rýrnað um 5% frá áramótum. 5%
launahækkun nú er eingöngu til
að mæta því. Launahækkanir síð-
ar á árinu eiga greinilega að mæta
hluta af hækkun vöruverðs.
2. Engin lágmarkslaun eru til-
greind í samningunum. Lægstu
taxtar verða enn undir 20 þúsund
krónum í árslok. Laun flestra
kvenna munu hækka um 800-
1500 kr. við samþykkt samninga.
Segir það lítið í verðhækkanir síð-
ustu mánaða.
3. Fátækrastyrkurinn, sem
mest getur orðið nálægt 600 kr. á
mánuði, hlotnast einungis þeim
lægst launuðu sem ekki hafa tæki-
færi til að slíta sér út í bónus.
vaktavinnu og yfirvinnu. Fá-
tækrastyrkurinn miðast við heild-
artekjur.
4. Engin verðtrygging felst í
samningunum. Hvað sem öllum
forsendum líður hrynur verð-
bólgan ekki á einum degi úr 35%
í 7%. Dag hvern munu launin
okkar skerðast áfram án bóta. í
samningunum felst að þótt vöru-
verðhækkifrá 1. jan. -1. nóv. um
6,1%, þá verður það aldrei bætt
eða rætt. Vöruverð hækkar meira
og þær verðhækkanir verða
ræddar af svokallaðri launa-
nefnd, sem mun ekki tryggja
okkur dýrtíðarbætur.
5. Samkvæmt samningunum
fær fiskvinnslufólk loks mögu-
leika til fastráðningar og 4ra
vikna uppsagnarfrests. Þessi
mannréttindi ná þó ekki til far-
andverkafólks og atvinnurekend-
ur seilast í atvinnuleysistrygg-
ingasjóð til að standa straum af
kostnaðinum.
6. Boðuð er ný leið - verðlækk-
unarleið, sem felst í því að greiða
niður vísitölu framfærslukostn-
aðar. Þess vegna lækka td. tollar
á bílum þarsem rekstur einkabfls
mælir 15% í grundvelli framfærs-
luvísitölunnar. Lækkun búvöru-
verðs felst í því að sumar búvörur
hækka ekki 1. mars, enda mælist
búvara aðeins 9,4% af framfærs-
lukostnaði. Láglaunafólk eyðir
mun stærri hluta af tekjum í ma-
tvæli, og gömlu bílarnir hrynja í
verði.
Lækkun skatta felst í því að
samræma krónutöluna lægri
launum en áætluð höfðu verið
fyrir þetta ár. Tekjuskattur og út-
svar verða sama hlutfall af tekj-
um ársins og áætlað var.
Verðlækkun á ýmsum þjónustu-
liðum hins opinbera er lækkun á
þegar orðnum hækkunum, sem
við höfum þegar greitt fyrir janú-
ar og febrúar.
7. Það er hart að verkalýðs-
hreyfingin gangist inná það að af-
henda stóran hluta af lífeyrissjóð-
um sínum til að íhaldið geti staðið
við kosningaloforðin sín varð-
andi húsnæðismál, en lofað var
að lán skyldu nema 80% af íbúð-
arverði.
Þegar búið er að fara yfir samn-
ingana kemur í ljós að það er
launafólk sem borgar brúsann.
Þeir sem græða eru sem fyrr at-
vinnurekendur og ekki s st versl-
unareigendur og heildsalar.
Samningarnir eru ávísun á á-
framhaldandi vinnuþrælkun
kvenna og annarra láglauna-
hópa.
VININsf. HEILDVERSLUN,
Pósthólf 10 095 SÍMI 91 -672211
/eMy- ÖRYGGISLOKAR
Aukum öryggi
barnanna
Lokumöllum raf-
magnsinnstung-
um svo að sak-
laus leikur endi
ekki í hörmulegu
slysi.

/y- AUTOMATIC
Lokar sjálfkrafa rafmagnsinnstungunni
um leíð og klóin er tekin úr. Auðvelt að
stinga aftur í samband.

- AUTOMATIC
Fyrir rafmagnsinnstungur án jarðteng-
ingar.
-duo
Öryggisloki sem lýsir í myrkri og aðeins
er hægt að fjarlægja með sérstökum lykli.
/<e*/*/y- Einfaldur öryggisloki fyrir
innstungur án jarótengingar. Fjarlægist
með lykli.
/tr*/*(u-
¥y- Einfaldur öryggisloki sem
hentar vel fyrir lítið notaðar innstungur.
Fjarlæg ist með lykli.
2 SÍÐA - ÞJÓÐVILJINN Fimmtudagur 6. mars 1986