Þjóðviljinn - 17.05.1986, Síða 9

MðfMUINN HELUSSANDUR/RIF Sigurdór Sigurdórsson
GRUNDARFJÖRÐUR/ÓIAFSVÍK
P Neshreppur utan Ennis
Oþolandi
kyrrstaða
Kristinn Jón Friðþjófsson: Óþolandi kyrrstaða.
Ég hef verið einn í stjórnar-
andstöðu í hreppsnefnd Nes-
hrepps utan Ennis, þ.e. Hell-
issands, Rifs og Gufuskála, á
liðnu kjörtímabili og það sem
hefur angrað mig mest er
þessi kyrrstaða í öllum málefn-
um hreppsins. Meirihlutinn
hefur í engu notfært sér það
mikla góðæri til lands og sjáv-
ar sem ríkt hefur á kjörtímabil-
inu. Það vantar ekki að menn
hafi haft uppi góð orð um að
gera eitt og annað, en svo hef-
ur bara alltof lítið gerst, sagði
Kristinn Jón Friðþjófsson,
skipstjóri, en hann skipar efsta
sætið á framboðslista Alþýðu-
bandalagsins og óháðra við
hreppsnefndarkosningarnar
31. maí nk.
Kristinn Jón benti á að Rif og
Hellissandur hefðu nokkra sér-
stöðu miðað við aðra útgerðar-
bæi á landinu.
„Frá Rifi er örstutt á fengsæl-
ustu fiskimið landsins og afla-
gengd í Breiðafirði hefur verið
með eindæmum góð sl. tvö ár.
Það hefur aldrei tekið stærri bát-
ana hér styttri tíma að fylla kvóta
sinn en í vetur, enda bæði afli og
gæftir einstakar. Hér framundan
láðinu eru einnig fengsæl rækj-
umið. En við eigum enga rækju-
vinnslu hér, auk þess sem rækju-
veiðar og -vinnsla eru háðar
leyfum og Ólafsvík, Grundar-
fjörður og Stykkishólmur hafa
rækjuleyfin í Breiðafirði. Ég tel
það alveg nauðsynlegt að hér
verði unnið að því að fá rækju-
vinnslu og leyfi fyrir okkar báta
til veiða.“
Ertu með þessu að segja að
stóru bátana skorti verkefni nú í
lok vetrarvertíðar?
„Því miður er það staðreynd að
fyrir þá er ekkert að gera. Þannig
hefur það verið síðan kvótinn var
settur á. Þetta hefur aftur leitt til
þess að trilluútgerð hefur stór-
aukist, ekki síst nú eftir að rýmk-
að hefur verið til fyrir trillurnar.
Það eru auðvitað sjómenn af
stóru bátunum, sem hafa verið að
fá sér trillur til að hafa eitthvað að
gera. En hvaða vit er í því að
leggja stærstu, öruggustu og vel
útbúnu skipunum og stefna öllum
sjómönnum á trillur? Þetta er af-
leiðing kvótakerfisins. Vegna
aukinnar trillubátaútgerðar er
ljóst að bæta þarf aðstöðu smá-
báta í Rifs-höfn, til dæmis með
flotbryggju, hjá því verður ekki
komist eins og nú háttar."
Ef þú lítur yflr sviðið hér, hvað
er það þá sem mest er aðkallandi?
„Það er því miður fjölmargt.
Ég get nefnt sem dæmi að ekkert
hefur verið byggt af íbúðum fyrir
aldraða, engir verkamannabú-
staðir, þótt leyfi hafi verið fyrir
þremur slíkum, þá var það ekki
nýtt. Nú aftur á móti, nokkrum
vikum fyrir kosningar rýkur
meirihlutinn til og auglýsir eftir
umsóknum til verkamannabú-
staða. Þá berast 12 til 15 umsókn-
ir. Á því sést hve brýn þörfin hef-
ur verið að byggja slíkar íbúðir.
Árið 1981 var nýtt grunnskóla-
húsnæði tekið í notkun hér. Þá
átti eftir að ganga frá hluta húss-
ins, sem og skólalóðinni og einnig
vantaði ýmis tæki fyrir skólann.
Nákvæmlega ekkert hefur verið
gert í þessum málum á liðnu
kjörtímabili.
Segja má að það eina sem þessi
meirihluti hefur gert á kjörtím-
abilinu er að ljúka hluta leik-
skólabyggingar. Þeim tókst ekki
einu sinni að ljúka innréttingu
hússins og þeim mun ekki takast
það fyrir kosningar eins og til
stóð. Svona aumt er þetta nú.
Eitt er það verkefni sem nú
knýr á en það eru gagngerar
endurbætur á félagsheimilinu
Röst. Húsið hefur verið látið
drabbast niður. Það þarf að
skipta um glugga, hurðir og gólf í
húsinu. Hreppurinn á 2/3 hluta í
húsinu á móti ýmsum félögum í
hreppnum, og á því eðlilega að
hafa forgöngu í málinu.“
„Þá langar mig að hreyfa máli
sem er að verða aðkallandi, en
það er aukin þjónusta við flotann
og sjómenn í Rifshöfn. Þar er
verslun en nú hefur henni verið
lokað, þannig að fyrir aðkomu
sjómenn er nákvæmlega engin
þjónusta við höfnina. Þá er og
segir Kristinn Jón
Friðþjófsson,
skipstjóri,
efsti maðurá lista
Alþýðubandalags
og óháðra
í Neshreppi
engin þjónusta fyrir menn sem
eru að koma hingað með báta
sína. Og það er ekki bara verslun
sem vantar. Vinna verður að því
að fá menn til að setja upp
iðnaðarþjónustu-fyrirtæki við
höfnina, fyrirtæki sem þjóna flot-
anum. Auðvitað er það í verka-
hring hreppsnefndar að greiða
fyrir því með ýmsum hætti. Þar
sem atvinnulíf er jafn einhæft og
hér, þar sem allt snýst um útgerð
og fiskvinnslu eru þarna mögu-
leikar á að auka fjölbreyttni at-
vinnulífsins. Nefna má sem dæmi
viðgerðarverkstæði fyrir flotann
því nú er aðeins ein smiðja fyrir
allan flotann í Rifi og Ólafsvík.
Hér í hreppnum er enginn raf-
virki sem sinnir flotanum. Við
verðum að sækja rafvirkja til Ól-
afsvíkur ef eitthvað bilar hjá okk-
ur.
Ég tel alveg nauðsynlegt fyrir
sveitarfélag eins og Neshrepp
utan Ennis að vera ævinlega með
verkefni á vegum hreppsins í
gangi til að nýta það fé sem hann
hefur yfir að ráða, í stað þess að
láta þá reitast skipulagslaust í
ekki neitt. Ég lít svo á að fyrir
sveitarfélagið sé nauðsyn að vera
með eitt myndarlegt verkefni í
gangi hverju sinni, ljúka því og
hefjast handa við það næsta.
Þannig á þetta að vera og að því
viljum við Alþýðubandalags-
menn vinna,“ sagði Kristinn Jón
að lokum.
-S.dór
Neshreppur utan Ennis
Hér þarf að taka til hendinni
Hann yrði æði langur verk-
efnalistinn sem vinna þarf að í
þessu byggðarlagi eftir kyrr-
stöðu og aðgerðarleysi síð-
ustu 4ra ára; ef ég teldi hann
allan upp. Eg ætlaði því að
nefna aðeins nokkur mjög
brennandi mál, sem þola enga
bið, sagði Hallgrímur Guð-
mundsson 2. maður á lista Al-
þýðubandalagsins og óháðra i
Neshreppi utan Ennis.
Skólahúsnæðið
Ég vil fyrst nefna frágang
skólahúsnæðisins, skólalóðarinn-
ar og tækjakaup fyrir grunn-
skólann. Árið 1981 var nýja
skólahúsnæðið tekið í notkun og
má segja að um 3A hlutar þess hafi
þá verið tilbúnir. Síðan hefur
nákvæmlega ekkert verið gert til
að ljúka verkinu. Varðandi hús-
gögn fyrir skólann þá ægir þar
saman gömlum og nýjum hlutum
og það er enn á verkefnalista
hreppsnefndar að kaupa ný hús-
gögn. Eftir er að ljúka við frá-
gang á eldhúsi og eðlis- og efna-
fræðistofu. Þá þarf að ljúka lag-
færingum á gamla skólahúsnæð-
inu. Þar fer nú fram handavinnu-
kennsla við ófullkomnar aðstæð-
ur þar sem ægir öllu saman.
Saumakennsla fer fram í bóka-
safnsstofu og annað er eftir því.
Ég tel mjög áríðandi að koma
handavinnukennslunni í viðun-
andi húsnæði enda er mikil óá-
nægja með málin eins og er.
Ég fæ ekki betur séð en það
þurfi þó nokkur skipulagning að
koma til nú þegar ef ljúka á þess-
um verkum fyrir haustið, en
kennarar og fleiri telja það áríð-
andi að málin verði leyst áður en
skólastarfið hefst aftur í haust.
Á því kjörtímabili sem nú er að
ljúka hefur hreinlega ekkert ver-
ið unnið við innréttingar í þessum
hluta nýja hússins. Auðvitað er
þetta ekkert annað en slóðahátt-
ur hjá núverandi hreppsnefndar-
meirihluta. Og þetta er til
skammar fyrir okkur hér í
sveitarfélaginu, þar sem ná-
grannasveitarfélögin hafa öll
komið þessum málum í fullkomið
horf, en samt byrjuðu þau á
skólabyggingu á eftir okkur hér á
Hellissandi.
Atvinnumál
aldraðra
Hvernig standa atvinnumálin
hjá ykkur um þessar mundir?
Alveg frá því í haust er leið
hefur verið góð atvinna. En nú er
vetrarvertíð lokið fyrir all nokkru
vegna kvótakerfisins og því er
fyrir séð að dauft verður með at-
vinnu fram á haust. Ég giska á að
það verði 2-3 mánuðir í sumar
sem atvinna verður með minnsta
móti. Svo er það aftur þannig hjá
okkur eins og fleirum yfir vertíð-
ina, að þá er unnið myrkranna á
milli, þannig að þetta er ýmist í
ökla eða eyra.
Hitt er svo annað mál að
atvinnulífið hér er afskaplega
einhæft. Það eru alls ekki allir
sem geta staðið í þeirri orrahríð
sem vetrarvertíðin krefst af fólki.
Aldrað fólk og líkamlega
veikburða rís ekki undir því álagi.
Ég tel því mjög áríðandi að koma
hér á atvinnu fyrir það fólk. Það
er margt eldra fólk hér sem svo
sannarlega vildi vinna ef til væri
eitthver atvinna við þess hæfi. Úr
þessu þarf að bæta og það er vel
hægt. Það mætti hugsa sér starf-
semi varðandi fullvinnslu á fiski,
sem væri óháð aflahrotum.
Hverskonar veiðarfæravinnu og
viðgerðir svo dæmi séu nefnd.
Vissulega kemur margt annað til
greina, sem flokkast undir léttan
iðnað.
Ég lít svo á að það hljóti að
vera hlutverk hreppsnefndar
hverju sinni að hafa forystu í
svona málum. Ég er ekki þar með
að segja að hreppurinn eigi að
reka svona starfsemi en það á að
vinna í því að laða svona atvinnu-
starfsemi að hreppnum. Okkur
þykir mörgum sárt að sjá gamla
fólkið hrökklast héðan burt bæði
vegna þess að það hefur ekkert
við að vera og ekki síður vegna
þess að ekkert hefur verið byggt
af íbúðum fyrir aldraða eða yfir-
leitt hugsað um að hlynna að
gamla fólkinu, sem hefur skilað
öllu sínu lífsstarfi hér og vill
hvergi annarsstaðar vera ef
mögulegt er. Þessu viljum við Al-
þýðubandalagsmenn breyta.
Heilsugæslustöðin
Mig langar einnig að benda á
að hér er heilsugæslustöð. Samt
hefur því ekkert verið sinnt að
koma hlutunum í þann farveg að
hér heima fari fram rannsóknir,
svo sem krabbameinsrannsóknir
fyrir konur og fleira. Þessa þjón-
ustu þarf að sækja í annað
sveitarfélag, Ólafsvík. Hérer enn
eitt dæmið um sinnuleysi og
kyrrstöðu í málefnum sveitarfé-
lagsins hjá núverandi hrepps-
nefndarmeirihluta. Við viljum
breyta þessu og fá hjólin til að
snúast aftur, segir Hallgrímur
Guðmundsson.
-S.dór
segir Hallgrímur
Guðmundsson, 2. maður á
lista Alþýðubandalagsins
og óháðra
Hallgrímur Guðmundsson: Fjölbreyttara at-
vinnulíf.
Laugardagur 17. maf 1986 .ÞJÓÐVIUINN - SÍÐA 9