Þjóðviljinn - 18.07.1986, Blaðsíða 7
inm var
Rœtt við Bjarna Tryggvason tónlistarmann um þótíð, nútíð og framtíð
.Að gefa út plötu var draumur
sem maður varð óléttur af fyrir
löngu. Maður varð að fœða“,
sagðl trúbadúrinn Bjarni
Tryggvason frö Neskaupstað
sem nýlega sendi frö sér plöt-
una Mitt líf, bauðst eitthvað
betra.
„Ég er búinn að vera að spila í
nokkur ár. Byrjaði að gutla á gít-
ar 14-15 ára. Annars kann ég
ekkert á gítar nema nokkur grip,
svona tjúttum og tröllum. Þetta
stendur mér nokkuð fyrir þrifum
í tónlistinni. Ég ætla mér að læra
eitthvað í tónlist, er að spá í að
læra söng. Undirstöðuatriðin
verður maður að kunna til að
geta beitt röddinni rétt.
Bjarni Tryggva samdi öll lögin
og textana sem eru á plötunni.
Það fer líklega ekki fram hjá
neinum sem hlustar á plötuna að
textarnir eru fremur sorglegir.
Því spurði blaðamaður Bjarna
hvort honum fyndist allt vonlaust
og svart.
„Nei, alls ekki. Ég bara nenni
ekki að syngja um eitthvað hæ,
hó, jibbíjei, það er kominn 17.
Júnf. Ég er bara að fjalla á plötu-
nni um hluti sem ég hef gengið í
gegnum. Ég tek fyrir mál sem
skipta mig máli. T.d. fjalla ég
mikið um tilfinningar. Ég er ekki
svartsýnn en reiði kemur oft í ljós
á plötunni. Svo á maður nú líka
einn og einn undurljúfan ástar-
texta. Annars er ég bara afskap-
lega skemmtilegur strákur."
Kem að neðan
Bjarna hefur verið líkt við
Bubba Morthens. En hvað finnst
Bjarna um það?
„Hann Bubbi hefur hjálpað
mér heilmikið að byrja, enda er
hann allur í því að hjálpa tón-
listarmönnum að koma sér á
framfæri, en við erum allt öðru-
vísi tónlistarmenn. Það sem er
líkt með okkur er að við höfum
svipaðan bakgrunn.Komum báð-
ir einhversstaðar að neðan, úr
fiskinum, slorinu og ógeðinu.“
Bjarni hætti í skóla þegar hann
var búinn með gaggó og fór á sjó-
inn. Af hverju og hvernig var?
„Þegar ég var búinn með
grunnskólann fannst mér skipta
mestu máli að eignast pening, hús
og bíl. Sem ég og gerði en nú
finnst mér þetta ekkert mikil-
vægt. Ég er búinn að selja allt
draslið. Ég kunni illa við mig á
sjónum. Þetta er mannskemm-
andi, sérstaklega fyrir unga
stráka. Maður sér ekki nokkurn
lifandi mann nema lítinn hóp,
þ.e. áhöfnina, í mörg ár. Svo þeg-
ar maður er svona ungur er mað-
ur alltaf að hugsa um allt það sem
maður er að missa af. Maður sér
bara sjóinn og úti er oftast skíta-
kuldi en inni er svitafýla og tá-
fýla. Svo kom maður' í land í
nokkra tíma, átti sand af seðlum
sem fóru í brennivín og vitleysu á
stundinni. En ég tel þessa reynslu
mér líka til tekna. Maður fékk
innsýn inn í annan heim.“
Almennilegt
sveitaball
Aðspurður um áhugamál fyrir
utan tónlist sagði Bjarni að hann
hefði lengi verið með bíladellu,
átti flotta bfla. Og svo á fjöl-
skyldan hans marga hesta sem
hann hafði mikinn áhuga fyrir á
Neskaupstað.
“Svo hef ég farið dálítið á böll-
in hérna í bænum. Maður fer
mest í Roxí og á Borgina því þar
er besta tónlistin. Annars er ég
orðinn hundleiður á þessum
diskótekum hér, mig er farið að
langa til að komast á almennilegt
sveitaball."
Skyggnst inn
í einkalífið
Til að svala forvitni aðdáenda
Bjarna Tryggva hélt blaðamaður
áfram að hnýsast í einkalíf trúba-
dúrsins og komst að því að Bjarni
á eitt barn. „Maður verður að
eiga erfingja“, sagði hann. Bjarni
er ekki giftur og hann langar ekki
til að búa á Neskaupstað í fram-
tíðinni. „Á veturna er Neskaup-
staður eins og draugabær. Það er
svo mikill flótti unga fólksins
suður, vegna þess að ekkert er
gert fyrir það á Neskaupstað, og
það er óhugnanlegt að vera þarna
á veturna.“
Bjarni lifir og hrærist í tónlist
þessa dagana en hverjir eru uppá-
haldstónlistarmenn hans?
„Af íslenskum tónlistarmönn-
um er það tvímælalaust Bubbi.
Hann er eini maðurinn sem hefur
verið að segja eitthvað af viti í
mörg ár. Svo hlusta ég mikið á
blús, Frank Zappa, Lou Reed
o.fl.. Égermjögóldáþvíímúsík-
smekk. Helst vil ég hlusta á
gamla tónlist. Núna er ég alltaf að
hlusta á Talk Talk. Það er mitt
uppáhaldíbili.“
Flokkapólitík skítug
Aðspurður um pólitískar skoð-
anir og framtíðarplön sagði
Bjarni:
„Hvað er póiitík? Fyrir mér er
flokkapólitík bara eitthvað
skítugt. Ég hef mínar pólitísku
skoðanir en læt þær ekkert uppi.
Að vísu er mikið af ádeilutextum
á plötunni og skoðanir eru alltaf
pólitískar. í sambandi við fram-
tíðina þá er minn draumur að
geta lifað af tónlistinni. Auðvitað
reynir maður að vinna við það
sem manni finnst skemmtilegast.
Ég er byrjaður að starfa með ný-
jum mönnum og við vonumst til
að starfa saman áfram næsta árið
allavega. Þessir menn heita
Bergsteinn Björgúlfsson á trom-
mum, Steinar Gunnarsson á
bassa, Ingvar Jónsson á hljóm-
borði og Orn úr Spilafíflunum á
gítar. Svo mun ég syngja.“
Smó óróður í lokin
Af því að þetta viðtal er nú á
unglingasíðu látum við smá upp-
eldisfræðilegan boðskap fylgja
með í lokin. Blaðamaður spurði
Bjarna Tryggva hvað honum
fyndist um vímuefni.
„Ég nota ekki hass eða nein
svoleiðis efni en ég reyki eins og
strompur og verð að fara að
endurskoða það ef ég á að geta
sungið eins og engill“. (Rosah-
látur.) „Nú svo hef ég gaman af
að drekka rauðvín og fæ mér kon-
íak eftir góða máltíð. Ég notaði
einu sinni allskonar rugl-efni en
eins og allir vita, sem þekkja mig,
þá er ég steinhættur því.“
Fleiri voru þau orð ekki í bili,
viðtalið er búið. —SA.
Föstudagur 18. júli 1986 ÞJÓÐVILJINN - SÍÐA 7