Þjóðviljinn - 10.10.1986, Síða 3

FRETTIR
Endurkoma villimannanna...
Hafa þelr Reagan og Gorbatsjoff
þá verlð hérna áður?
Landkynning
íslensk
kvikmynda-
hátíð
■ Kvikmyndasjóður hefur í til-
efni leiðtogafundarins um helgina
sett upp dagskrá fyrir íslenska
kvikmyndahátíð í Regnboganum
sem hófst í gær og stendur fram á
mánudag. A hátíðinni verða
sýndar 9 íslenskar kvikmyndir
sem allar hafa verið gerðar á síð-
ustu árum.
Meðal myndanna sem sýndar
verða er ný amerísk útgáfa á
Hrafninn flýgur eftir Hrafn
Gunnlaugsson, en hin endur-
bætta útgáfa nefnist „Endur-
koma villimannanna“. Aðrar
myndir eru Skiiaboð til Söndru,
Rokk í Reykjavík, Atómstöðin,
Skammdegi, Á hjara veraldar,
Húsið, Með allt á hreinu og Út-
laginn.
~*g-
Leiðtogafundurinn
Ögrun
við þjóðina
Fundur Reagans og Gorbat-
sjofs í Reykjavfk er ekki í þágu
friðar heldur hið gagnstæða.
Hann er ögrun við íslensku þjóð-
ina, sem aldrei hefur verið spurð
um það hvar hún vill skipa sér á
vettvangi alþjóðamála. Við mót-
mælum því harðlega að leyfí
skyldi gefíð fyrir þessum fundi
hér á landi, segir m.a. í ályktun
sem Baráttusamtök fyrir stofnun
kommúnistaflokks sendu frá sér i
gær.
I ályktuninni enn fremur bent á
að risaveldin tvö hafi verið í far-
arbroddi vígbúnaðarkapphlaups-
ins svo að kjarnorkuvopnabúr
hvors þeirra um sig nægi til að
tortíma jarðkringlunni mörgum
sinnum.
-gg
Forsœtisráðherrann
Góðvinir
Sovétmanna
Þar sem ísland á aðild að
NATO er það ekki hlutlaust ríki,
en við höfum alltaf átt vinsamleg
samskipti við Sovétríkin, segir
Steingrímur Hermannsson m.a. í
viðtali við þýska dagblaðið Die
Welt, sem birtist í dag.
Haft er eftir Steingrími að ís-
land hafi verið valið sem fundar-
staður leiðtoganna vegna góðra
samskipta landsins við bæði risa-
veldin og ennfremur vegna þess
að hér sé fremur rólegt og heppi-
legt andrúmsloft fyrir fund af
þessu tagi.
Austfirðingar
Erum leiðir á þögninni
íbúar á Djúpavogi sendu mótmœlaskjal til útvarpsins
vegnaþess að þeir ná ekki Rás2. Hörður Vilhjálmsson
fjármálastjóri: Á von á að sendum verði komið upp
nœsta sumar
Við undirritaðir íbúar á Djúpa-
vogi mótmælum því misrétti
sem viðgengst hjá Ríkisútvarp-
inu. Við erum orðin leið á þögn-
inni! Svo segir í bréfhaus undirsk-
riftalista sem 200 íbúar á Djúpa-
vogi hafa sent útvarpsstjórum
Ríkisútvarpsins, vegna þess að
ekki heyrist í Rás 2 á staðnum og
ríkir mikil óánægja meðal íbú-
anna vegna þessa.
í bréfinu segir einnig að íbú-
arnir sjái ekki ástæðu til þess að
greiða sama afnotagjald og aðrir
landsmenn er hafa þá þjónustu
sem Rás 2 veitir. „Við bíðum
ennþá eftir viðbrögðum við þessu
bréfi og ef þau verða engin þá
munum við taka okkur saman og
senda alla afnotagjaldsseðlana til
baka og biðja um nýja með lægri
upphæðum“, sagði Hafdís Boga-
dóttir íbúi á Djúpavogi í samtali
við blaðið.
Blaðið kannaði hvernig þessi
mál standa á öðrum stöðum sem
ekki heyra í Rás 2, á Fáskrúðs-
firði, Stöðvarfirði og á Breiðdals-
vík og kom það fram í máli
manna að almenn óánægja ríkir
meðal íbúanna á þessum stöðum.
Sums staðar heyrist þó ógreini-
lega í rásini ef komið er upp sér-
stökum loftnetum á húsþökum
eða „uppi um alla kletta“ einsog
einn af • viðmælendum blaðsins
tók til orða.
„Ég hef kynnt þetta mjög vel
og tel það nánast öruggt að aðalá-
hersla verði lögð á það næsta
sumar að fleiri sendum verði
komið upp fyrir Rás 2 fyrir
austan“, sagði Hörður Vilhjálms-
son fjármálastjóri útvarpsins í
samtaii við blaðið. „Endanleg
ákvörðun hefur ekki verið tekin
en ég á von á því að hægt verði að
byrja strax með vorinu.“ - vd.
Undimefnd samninganefndarinnar (síldarsölusamningunum hélt langan fund í gær. Lengst til vinstri er Einar Benedikts-
son, þá Alexey Russov, Alexander Kolesov og Gunnar Flóvenzframkvæmdastjóri síldarútvegnefndarinnar. Mynd Sig.
Síldarviðrœður
Engar niöurstöður ennþá
Sfldarútvegsnefnd fundar enn
við Rússa fyrir luktum dyr-
um. Sem kunnugt er hefur verð-
lagsráð sjávarútvegsins ákveðið
að bíða með verðákvörðun á salt-
sfld þar til eitthvað kemur út úr
samningaviðræðunum og jafn-
framt hefur verið ákveðið að bíða
með verðákvörðun á frystri sfld
þar til línur skýrast á Evrópu-
mörkuðum, en verð er mjög lágt
þar nú.
Að sögn Hermanns Hanssonar
formanns Félags sfldarsaltenda á
Norður- og Austurlandi draga lág
tilboð Norðmanna úr líkum á því
að góðir samningar náist við
Rússa um saltsfldarkaup. Á
nokkrum stöðum fyrir austan er
hafin frysting á sfld til beitu og að
sögn Hermanns er þörfin innan-
lands fyrir beitusfld talin um 5000
tonn. Árlega eru seld um 18.000-
24.000 tonn af frystri sfld til Evr-
ópu en leyfilegt er að veiða
65.000 tonn.
-vd.
Æskulýðsfylkingin
A-flokkar vinni saman
ÆFAB-þing hafnar samstarfi við íhaldið
Þing Æskulýðsfylkingar Al-
þýðubandalagsins um síðustu
helgi hvatti þess að A-flokkarnir
vinni saman, og samstarfí við
Sjálfstæðisfíokkinn hafnað.
Á landsþinginu í Ölfusborgum
var samþykkt ítarleg ályktun um
utanríkismál, stjórnmálaályktun
og ályktanir sem beint var til
þingflokks AB um viðskiptabann
á Suður-Afríku, byggingu náms-
mannaíbúða, sömu krónutölu í
fæðingarorlof og um æskulýðs-
sjóð til stuðnings æskulýðsstarfi.
í stjórnmálaályktuninni segir
meðal annars að landsþingið
hvetji til þess „að Alþýðubanda-
lag og Alþýðuflokkur vinni sam-
an á þingi nú í vetur með það fyrir
augum að fara saman í ríkisstjórn
eftir næstu kosningar. Samstarfi
við Sjálfstæðisflokk hafnar lands-
þingÆFAB. Verkalýðsflokkam-
ir eiga að sameinast um efnahags-
stefnu sem miðar við hagsmuni
alþýðuheimila. Grundvallar-
atriði slíkrar stefnu er að leitað
verði nýrra rekstrarforma fyrir
þann atvinnurekstur sem ekki
getur borgað mannsæmandi
laun. Bendum við á starfsmanna-
stjórnir í því sambandi.
ÆFAB á sér samvirka forystu í
framkvæmdanefnd og voru kjör-
in í hana þau Anna Hildur Hildi-
brandsdóttir, Gerður Gestsdótt-
ir, Sölvi Ólafsson, Einar Braga-
son og Ragnar A. Þórsson. Vara-
menn eru Eiríkur Hjálmarsson,
Árni Björn Ómarsson og Ásdís
Þórhallsdóttir.
Þingið ávörpuðu gestirnir Ás-
mundur Stefánsson, Kristín Á.
Ólafsdóttir, Ólafur Ragnar
Grímsson og Svavar Gestsson.
__________-m
ORFRETTIR'
Málarar
á fslandi virðast hraustari en
gengur og gerist samkvæmt nið-
urstöðum ítarlegrar könnunar á
heilsufari 622 hérlendra málara.
Það var atvinnusjúkdómadeild
Vinnueftirlitsins sem stóð fyrir
þessari athugun en deildin er nú
að kanna heilsufar og vinnuað-
stæður hjá fiskverkunarfólki.
Kennarasamband-
ið
harmar að leiðtogafundurinn um
helgina skuli raska skólastarfi og
valda truflun sem erfitt sé að
bæta nemendum upp. Væntir
stjóm KÍ að framkvæmd við
fundahöld muni í framtíðinni ekki
raska því mikilvæga kennslu- og
uppeldisstarfi sem fram fer í
skólum landsins.
Stórstúkan
hefur sent þeim Reagan og Gor-
batsjoff bréf þar sem segir m.a.
að alþjóðaregla góðtemplara
hveti til fækkunar kjarnavopna og
stöðvunar vígbúnaðarkapp-
hlaupsins. Einnig að komið verði
á kjarnorkulausum svæðum og
lýsir jafnframt vanþóknun sinni á
hvers kyns kenningum um
möguleika á takmörkuðu kjarn-
orkustríði.
Verðkönnun
Neytendafélags Reykjavíkur og
nágrennis og verkalýðsfélag-
anna á ýmsum algengum
neysluvörum leiddi (Ijós að verð-
munur á Dún mýkingarefni var
allt að 55,4% á milli verslana.
Lýsing h.f.
nefnist nýtt hlutafélag sem
Landsbankinn, Búnaðarbankinn,
Brunabótafélagið og Sjóvá hafa
stofnað til að annast fjármögnun-
arleigu. Þessi félög hafa tekið
saman höndum til að byggja upp
íslenskt fyrirtæki á þessu sviði
sem sé nægilega öflugt til að
tryggja að forystan á þessu sviði
só í höndum fslendinga. Hlutafé
er 50 miljónir og stjórnarformað-
ur Helgi Bergs.
Landakot
Skortur á sjúkraliðum
Þetta er í fyrsta skipti sem við
eigum í vandræðum með að fá
sjúkraliða til starfa“, sagði Guð-
rún Marteinsson hjúkrunarfor-
stjóri á Landakotsspítala í samtali
við blaðið, en þar vantar nú
sjúkraliða í 9 stöður.
Landakotsspítali hefur einnig
auglýst nokkrum sinnum eftir
hjúkrunarfræðingum á nætur-
vaktir en að sögn Guðrúnar hefur
enginn sótt um og erfitt er að fá
fólk til þess að gegna störfum á
næturvöktum þrátt fyrir það að
deildarstjóralaun séu í boði sam-
kvæmt samningum Hjúkrunarfé-
lags íslands. AUflestir sjúkraliðar
á Landakoti hfa sagt upp störfum
frá 1. október.
-vd.
Föstudagur 10. október 1986 ÞJÓÐVILJINN - SÍÐA 3
-gg/Reuter