Þjóðviljinn - 13.12.1986, Blaðsíða 5

AB — sterkir
framboðs-
listar!
Framboðsmál Alþýðubanda-
lagsins fyrir alþingiskosningarn-
ar eru nú óðum að skýrast. Það
hefur vakið verðskuldaða at-
hygli, hversu vel röðun á lista hef-
ur tekist ýmist í forvali eða sam-
kvæmt ákvörðunum kjördæmis-
ráðs.
Það hefur sljákkað í áróð-
ursmeisturum annarra flokka,
sem sameinast höfðu um að
reyna að gera Alþýðubandalagið
tortryggilegt í augum fólks með
sífelldum fréttaflutningi af ógur-
legum klofningi og innanflokks-
óeirðum í Alþýðubandalaginu.
Þessir sömu áróðursmeistarar
hafa nú látið af þessari iðju um
stund, ekki vegna þess að þeir
hafi hugsað sér að viðurkenna þá
staðfestu og einingu sem fram-
boðslistar Alþýðubandalagsins
eru til merkis um, heldur vegna
þess að þeir hafa meira en nóg að
starfa í eigin flokkum við að
reyna að þyrla upp moldviðri til
að fela þann klofning og ó-
ánægju, sem prófkjör hafa dregið
fram í dagsljósið.
En við skulum ekki fást um
framboðsraunir á öðrum bæjum
heldur líta á hina sterku fram-
boðslista sem Alþýðubandalagið
mun bjóða fram í öllum kjör-
dæmum og reyna að sjá út helstu
einkenni þessara lista.
Hlutur kvenna
Fyrst ber að nefna að hlutur
kvenna er mjög mikill á þessum
listum, og er það til merkis um
það að sú umræða sem átt hefur
sér stað um jafnréttismál í Al-
þýðubandalaginu hefur borið ár-
angur. Hlutur kvenna á fram-
boðslistum Alþýðubandalagsins
er meiri en hjá nokkrum öðrum
flokki. Konur unnu annað,
fjórða og fimmta sætið í forvali
Alþýðubandalagsins í Reykjavík
og höfðu um 2000 atkvæði sam-
tals í sex efstu sætin, en karlar um
1700 atkvæði í sex efstu sætin.
Margrét Frímannsdóttir
oddviti á Stokkseyri hlaut efsta
sætið í öruggri kosningu á Suður-
landi, og hefur sá listi verið á-
kveðinn í kjördæmisráði.
Unnur Sólrún Bragadóttir
varð í öðru sæti á Austurlandi,
þar sem Alþýðubandalagið hefur
átt tvo þingmenn að undanfömu.
Unnur Sólrún tekur því við því
sæti sem Helgi Seljan alþingis-
maður hefur skipað undanfarin
ár.
Svanfríður Jónasdóttir áDal-
vík vann annað sætið í forvali Al-
þýðubandalagsins í Norðurlands-
kjördæmi eystra, og Sigríður
Stefánsdóttir á Akureyri er þar í
þriðja sæti.
Olga Guðrún Árnadóttir vakti
athygli með góðum árangri sín-
um, þegar hún vann fimmta sætið
í forvalinu í Reykjavík.
Sú starfssveit sem Alþýðu-
bandalagið sendir fram í kosning-
unum er sterkari og samhentari
en í nokkrum öðrum stjórnmála-
flokki: Þingmenn bjóða sig fram
til endurkjörs á listunum og þar
eru þær konur sem þegar hafa
verið nefndar, að ógleymdum
sterkum frambjóðendum eins og
þeim Ásmundi Stefánssyni, sem
skipar þriðja sætið í Reykjavík og
Ólafi Ragnari Grímssyni, sem
skipar annað sætið í Reykjanes-
kjördæmi, samkvæmt tillögu
kjörnefndar.
Sundurþykkja
Aðrir flokkar, sem mjög hafa
geipað um sundurþykkju og
klofning í Alþýðubandalaginu,
þurfa nú að sanna mál sitt með
því að stilla upp samhentari fram-
boðslistum. En hvað er að ger-
ast?
Sjálfstæðisflokkurinn í
Reykjavík er með Albert Guð-
mundsson efstan á lista. Og for-
maður flokksins gefur loðin svör í
sjónvarpi, þegar hann er spurð-
ur, hvort þessu verði breytt.
En burtséð frá Albert Guð-
mundssyni og fyrsta sætinu á lista
Sjálfstæðisflokksins í Reykjavík
spyrja menn sem svo: Á Sjálf-
stæðisflokkurinn lítið af fram-
bærilegum konum, sem
treystandi er fyrir sæti á fram-
boðslista? Eru konurnar í flokkn-
um sjálfstæðiskonur eða konur
sj álfstæðismanna?
Hjá Sjálfstæðisflokknum á
Reykjanesi lendir alþingismað-
urinn Gunnar Schram í fimmta
sæti, og það eru veruleg átök um
framboðslista flokksins á Vest-
fjörðum, Norðurlandi vestra,
Áusturlandi og Suðurlandi.
Og þrátt fyrir þetta verður lítil
sem engin endurnýjun í þing-
mannaliði Sjálfstæðisflokksins.
Eða Alþýðuflokkurinn: Ein-
hver eftirminnilegustu átök
haustsins voru í prófkjöri Al-
þýðuflokksins á Vestfjörðum
milli þeirra Karvels og Sighvats.
Lítil eining ríkir í því kjördæmi.
Hverjar viðtökur fengu skip-
brotsmennirnir úr Bandalagi
jafnaðarmanna, þegar þeir
skiluðu sér aftur heim til föður-
húsa? Þeim er sparkað út í ystu
myrkur, og enginn þingmanna
Bandalagsins á von um þingsæti á
nýjan leik.
Efnahags-
ráðgjafinn
En eflaust kunna menn vel að
meta hreinskilnislega framkomu
Alþýðuflokksmanna með fram-
boðinu í Reykjavík, þar sem for-
stjóri Þjóðhagsstofnunar leiðir
flokkinn. Þetta undirstrikar eina
meginstaðreynd kosningabarátt-
unnar: Efnahags- og atvinnu-
stefna Alþýðuflokksins og núver-
andi ríkisstjórnar er í rauninni ein
og hin sama, enda hefur Jón Sig-
urðsson verið efnahagsráðgjafi
ríkisstjórnarinnar allt þetta kjört-
ímabil, sem tekist hefur að fela
góðærið fyrir meirihluta þjóðar-
innar.
Ekki er heldur fagurt um að
litast eftir þær rústir sem standa
enn eftir framboðsraunir Fram-
Gunnlaugur Haraldsson, Akranesi í
öðru sæti G-listans á Vesturlandi.
Margrét Frímannsdóttir í efsta sæti
G-listans á Suðurlandi.
Ásmundur Stefánsson í þriðja sæti í
forvali í Reykjavík.
sóknarflokksins: Formaðurinn er
flúinn úr dreifbýlinu, eins og til
að undirstrika byggðastefnu
flokksins, sem er í sárum. Fram-
sóknarflokkurinn er algerlega
klofinn eftir átökin í Norður-
landskjördæmi eystra og Stefán
Valgeirsson hefur við orð að
stofna nýjan flokk og bjóða fram
í öllum kjördæmum - hafandi
verið þingmaður Framsóknar um
langt árabil.
En Framsóknarmenn hafa
víðar lent í átökum en á Norður-
landi eystra. Haraldur Ólafsson
fékk hrikalega útreið í prófkjör-
inu í Reykjavík, þar sem Guð-
mundur G. Þórarinsson ráð-
herraefni vann fyrsta sætið. Heist
tókst Finni Ingólfssyni með
stuðningi unga fólksins í Fram-
sóknarflokknum að standa uppi í
hárinu á Guðmundi, en þó ekki
nægilega til að hafa sigur, enda
fátt ungt fólk í Framsóknar-
flokknum um þessar mundir.
Ein kona
á 70 árum
Það hefur líka verið mikill has-
ar hjá framsóknarmönnum á
Vestfjörðum, Norðurlandi vestra
og á Suðurlandi. En þau tíðindi
eru lítil miðað við þau átök sem
áður er minnst á og skipta engu
máli miðað við þá hrikalegu
staðreynd, að konurnar ætla að
yfirgefa flokkinn og kjósa aðra
flokka í næstu kosningum, eftir
áskorun formanns Framsóknar-
kvenna. Þessi áskorun kemur
ekki fram að ástæðulausu. Hlutur
kvenfólksins í Framsóknar-
flokknum er sá, að einungis ein
kona hefur verið kosin á þing í 70
ára sögu Framsóknarflokksins -
og það var fyrir 35 árum!
En nú þurfa kjósendur, karlar
og konur, ekki að kjósa Kven-
Kristinn H. Gunnarsson, efstur f for-
vali AB á Vestfjörðum.
Óiafur Ragnar Grímsson í öðru sæti á
Reykjanesi.
Álfheiður Ingadóttir í fjórða sæti sam-
kvæmt niðurstöðu forvals Alþýðu-
bandalagsins í Reykjavík.
nalistann til þess að koma konum
á þing. Alþýðubandalagið vinnur
að því að koma á raunverulegu
j afnrétti kynj anna, og framboð s -
íistar flokksins endurspegla
þann einlæga og samstillta vilja.
Staða Alþýðubandalagsins í
upphafi kosningabaráttunnar er
góð. Flokkurinn stendur sterkur
og sameinaður að baki frambjóð-
endum sínum. Nú er verk að
vinna - og við látum andstæðinga
okkar ekki lengur komast upp
með að breiða yfir eigin sundur-
þykkju með því að klifa á trölla-
sögum um óeirðir í Alþýðu-
bandalaginu.
Skoðanakannanir hafa að und-
anförnu verið notaðar til að ham-
pa Alþýðuflokknum. En kosn-
ingar eru eitt og skoðanakannan-
ir annað. Nú að undanfömu hef-
ur það verið að koma í ljós, hvert
formaður Alþýðuflokksins ætlar
sér: Hann ætlar í stjóm ineð
íhaldinu hvað sem tautar og
raular. Hann vill ekki samstarf
með Alþýðubandalaginu, því að
Alþýðubandalagið er vinstri
sinnaður flokkur, sem krefst þess
að jafnaðarstjórn verði mynduð
til að koma góðærinu til fólksins
að kosningum loknum.
Alþýðuflokkurinn vill eina
ferðina enn stefna að því að verða
hjáleiga frá höfuðbóli íhaldsins,
og hjáleigubóndinn Jón lætur sig
dreyma um að verða ráðsmaður í
höfuðbólinu sem forsætisráð-
herra í ríkisstjórn með íhaldinu.
Jón Baldvin virðist trúa því
sjálfur um þessar mundir, að Þor-
steinn Pálsson muni að loknum
kosningum leiða hann til sætis á
stól forsætisráðherra og fela hon-
um að skipa krata í öll helstu ráð-
herraembættin, en sætta sig við
að verða utanríkisráðherra sjálf-
ur, meðan hjáleigubóndinn
stjórnar óðalinu.
En það er kannski ekki mark
Unnur Sólrún Bragadóttir í öðru sæti
á Austurlandi í forvali.
Endur-
nýj iin
i
efstu
sœturn
Olga Guðrún Árnadóttir, sem hlaut
fimmta sætið í forvali AB í Reykjavík.
takandi á þessum hugmyndum
Jóns Baldvins, því að honum
dettur margt skondið í hug um
þessar mundir. Til dæmis að gera
Matthías Johannessn Morgun-
blaðsritstjóra að menntamála-
ráðherra. Ekki fylgir þessari hug-
mynd Jóns Baldvins þó meiri al-
vara en svo, að hann hefur líka
tilnefnt sem líkalega kandidata
þá Sigurbjörn Einarsson biskup
og ennfremur Birgi ísleif Gunn-
arsson (af því að hann spilar vel á
píanó).
En maður á kannski ekki að
vera að eyða orðum á þessa flug-
eldasýningu Jóns Baldvins. Eftir
stendur sú staðreynd, að þeir sem
kjósa Alþýðuflokkinn eru með
því að kjósa yfir sig íhaldið, með
óbreyttri stefnu í utanríkis- og
friðarmálum, að ekki sé talað um
áframhaldandi frjálshyggjur
ævintýri. Efnahagssamvinnu
Steingríms Hermannssonar og
Jóns Sigurðssonar þekkja menn,
og óvíst að efna-
hagsmálasamstarf Jóns Sigurðs-
sonar og Þorsteins Pálssonar væri
betra.
Jöfnuð -
ekki ójöfnuð!
Vinstrimenn, jafnaðarmenn
og samvinnumenn eiga þann kost
að skipa sér undir merki Alþýðu-
bandalagsins. Þeir sem ekki vilja
óhefta uppivöðslu frjálshyggj-
unnar og hermangsins eiga að-
eins einn valkost: Alþýðubanda-
lagið, því að þar er samankomið
það fólk, sem hefur hæfni og
styrk til að bera fram stefnu sam-
vinnu, jafnaðar og félagshyggju
fram til sigurs í kosningabarátt-
unni.
Aldrei aftur viðreisnarstjórn.
Við viljum jöfnuð, ekki ójöfnuð.
- Þráinn
Laugardagur 13. desember 1986 ÞJÓÐVILJINN - SÍÐA 5