Þjóðviljinn - 25.02.1987, Blaðsíða 3

FRETT1R
Verslunin
Misjöfn
útkoma
Sigurður E. Haraldsson
form. Kaupmannasam -
takanna: Veitekki á
hverju Þjóðhagsstofnun
byggirsínar tölur
r
Eg vcit ekki á hverju Þjóðhags-
stofnun byggir sína spá um út-
komu verslunar á sl. ári en það er
víst að hún er mjög misjöfn og þó
gangi vel í ákvcðnum greinum þá
gengur illa annars staðar og þá
einkum úti á landi, sagði Sigurð-
ur E. Haraldsson formaður
Kaupmannasamtakanna í sam-
tali við Þjóðviljann í gær.
Sigurður sagði að endanlegar
rekstrartölur fyrir verslunina á sl.
ári lægju enn ekki fyrir en þó væri
að heyra á ýmsum eins og t.d.
stjórnarformanni Miklagarðs að
þar og hjá KRON væri útkoman
ekki langt yfir núllinu. - Ég held
að menn geti verið sammála um
að atvinnurekstur á að vera réttu
megin við núllið en þar með er
ekki sagt að ofsagróði eigi rétt á
sér, sagði Sigurður.
-lg.
Alþingi
Vegaáætlun
samþykkt
Vegaáætlun fyrir árin 1987-
1990 var samþykkt og henni vísað
til fjárveitingancfndar í gær.
Það kom fram í máli sam-
gönguráðherra að meðal árs-
bensíneyðsla bíla var árið 1970
1732 lítrar en var á síðasta ári
1260 lítrar.
Það þýðir að tekjur af bensín-
gjaldi sem nú er 10,49 kr. af
hverjum lítra bensíns, hafa ekki
aukist í jöfnu hlutfalli við gríðar-
lega fjölgun bíla á tímabilinu.
-sá.
Hafrannsókn
Mikið um
skyndilokanir
- Það hefur verið óvenjumikið
um skyndilokanir það sem af er
þessu ári eða 30 sinnum. Allt árið
í fyrra var lokað veiðisvæðum 75
sinnum, - segir Sigfús Schopka
fiskifræðingur hjá Hafrannsókn-
arstofnun í samtali við Þjóðvilj-
ann.
Ástæðan fyrir þessum miklu
skyndilokunum að undanförnu
er að mikið af smáfiski er á mið-
unum umhverfis landið en þó að-
allega út af vestur-, norður- og
austurlandi. Er hér um að ræða
þorsk árgangana 1983 og 1984 en
þeir eru stórir.
Viðmiðunarmörkin sem
gengið er út frá þegar ákveðin er
lokun veiðisvæða er að ef í afla
mælist 30% eða meir undir 55 cm
að stærð.
Við mælingar eftirlitsmanna
um borð í togurunum hefur
stundum allt að 70% af afla mælst
yfir þessum viðmiðunarmörk-
um.
g.r.h.
SVR
íhaldið fækkar ferðum
Strœtó á 20 mínútna fresti ístað 15. Össur Skarphéð-
insson: Dœmi um uppgjöfíhaldsins. Sveinnforstjóri:
Þarfekki að leiða til verri þjónustu
Stjórn SVR íhugar nú að fækka
grunntíðni ferða strætisvagna
úr 15 mínútum niður í 20 mínútur
i sumar. Sveinn Björnsson for-
stjóri SVR sagði í samtali við
Þjóðviljann að með því að fækka
ferðum á þeim tímum þegar
vagnarnir eru lítið notaðir væri ef
til vill hægt að fjölga ferðum á
annatímum. Hann kvað ýmislegt
mæla breyttum sumaráætlunum
bót. Sömuleiðis væri farþegum að
fækka, og bílum hefði í fyrra
ijölgað um 6000. „Það þarf að
jafna framboð og eftirspurn“,
sagði Sveinn.
„Auðvitað leiðir þetta ekki til
neins nema verri þjónustu við
Reykvíkinga", sagði Össur
Skarphéðinsson sem situr í stjórn
SVR fyrir Guðrúnu Ágústsdótt-
ur. „Og þegar haft er í huga að
konur, unglingar og aldrað fólk
eru þeir hópar sem mest nota
SVR sést auðvitað hvar for-
gangur íhaldsins liggur. Sjálf-
stæðisflokkurinn virðist ekki
heldur hafa áhuga eða getu til að
reyna nýjar leiðir til að bæta
þjónustu SVR, og þetta er enn
eitt dæmið um uppgjöf þeirra."
Össur sagði svo að það væri
dæmigert fyrir vinnubrögðin, að
undirbúningur að fækkun ferða
hefði þegar verið hafin af for-
stjóra SVR í samráði við stjórn-
arformanninn, Sigurjón Fjeld-
sted, án þess að nokkur sam-
þykkt lægi fyrir af hálfu núver-
andi stjómar SVR um fækkun-
ina. „Þetta lið þekkir ekki orðið
lýðræði,,, sagði Össur.
-k.ól
Hér eru fyrstu konurnar sem kosnar hafa verið aðalmenn á Búnaðarþing: Ágústa Þorkelsdóttir á
Refstað í Vopnafirði og Anna Bella Harðardóttir í Hækingsdal í Kjós. Á milli þeirra er brjóstmynd af
Steingrími Steinþórssyni fyrrum búnaðarmálastjóra, gerð af Ríkharði Jónssyni. Þær stöllur kunna engan
veginn illa við sig í því karlasamfélagi sem Búnaðarþing óneitanlega er en gjarnan vildu þær samt sjá fleiri
konur á því þingi. (Mynd: Sig).
Norðurlandaráð
Samstarf
um selinn
Frá fréttaritara Þjóðviljans i Helsinki,
Eiríki Hjálmarssyni:
Norski sjávarútvegsráðher-
rann Bjarne Mörk Eidem vakti
máls á selamálinu á þinginu í
Helsinki í gær og iagði til að hafín
yrði samvinna um að rannsaka
lifnaðarhætti selsins, en menn
hafa ekki enn fundið viðhlítandi
skýringar á „sclainnrásinni" eins-
og ráðherrann orðaði það.
Ennfremur vildi hann að Norð-
urlöndin hæfu áróðursherferð til
að hækka heimsmarkaðsverð á
selskinnum.
Þessari hugmynd var vel tekið
af Grænlendingum og íslending-
um en Guðrún Helgadóttir
minnti á að samstarfsviljinn hafi
ekki alltaf verið svona mikill og
benti meðal annars á samninga
Norðmanna við Sovétmenn um
loðnuveiðar í Barentshafi þar
sem ekkert samráð var haft við
íslendinga.
—vd/ E.Hj.
Norðurlandaráðsþingið
Deilt um aukiö samstarf
Vinstri flokkarnir vilja aukið samstarf. Hœgri menn vilja ekki
umfjöllun um utanríkismál
Frá fréttaritara Þjóðviljans í Helsinki,
Eiríki Hjálmarssyni:
ikið hefur verið deilt um það
hér í Helsinki hversu víðtækt
samstarfíð milli Norðurlanda-
þjóðanna skuli vcra. í þessu máli
kemur hægri/vinstri-skiptingin á
þinginu hvað skýrast fram.
Vinstri flokkarnir vilja auka sam-
starfíð og færa það út á nýjar
brautir.
Þetta felur meðal annars í sér
að afstaðan á alþjóðavettvangi til
ýmissa mála verði í auknum mæli
sameiginleg. Þetta felur þó ekki í
sér að tekin verði sameiginleg af-
staða til öryggis-og varnarmála.
Hægri flokkarnir hafa snúist
gegn þessum hugmyndum á þeim
grundvelli að Norðurlandaráðið
skuli ekki fjalla um utannkismál.
„Ef Norðurlöndin vilja hafa
einhverja möguleika á að ráða
sjálf sínum málum hvað varðar
umhverfismál og alþjóðlegt fjár-
magn sem snerta mjög daglegt líf
fólks verða þau að standa saman“
sagði Guðrún Helgadóttir í sam-
tali við Þjóðviljann í gær þegar
hún var innt álits á þessum
deilum. „Nú eru ákvarðanir í
þessum málum að mestu í hönd-
um samtaka á borð við Efnahags-
bandalagið og EFTA og þar höf-
um við engin áhrif á.“
Guðrún hefur flutt tvær til-
Iögur um aukið samstarf Norður-
landanna. Önnur þeirra er um
umhverfisverndarmál og felur í
sér stóraukna samvinnu Norður-
landanna á því sviði, en öll löndin
eru strandríki þannig að sam-
eiginlegir hagsmunir eru þar
miklir. Meðflutningsmenn til-
lögunnar eru hinir meðlimir ís-
lensku sendinefndarinnar hér á
þinginu, auk fjölda þingmanna
frá hinum Norðurlöndunum.
Hin tillagan er um að stofnuð
verði nefnd sérfræðinga í al-
þjóðastjórnmálum og alþjóða-
fjármálum sem verði Norður-
landaráði og ráðherranefndinni
til ráðgjafar í þessum málum.
Fyrri tillagan er þegar komin til
meðferðar í ráðinu.
-vd/E.H(j.
Alþingi
Má bjóða þér beitukóng?
Samþykkt tillaga AB-manna um að rannsaka botnlœg skeldýr við landið
Ef til vill verða báruskeljar og
ígulker verðmæt útflutnings-
vara í framtíðinni, - að minnsta
kosti gerir tillaga sem þingið sam-
þykkti í gær ráð fyrir að þessi
kykvendi og önnur botnlæg
skeldýr verði rannsökuð með til-
liti til nýtingar, nýtingarmögu-
leika, vaxtarhraða og lífsskil-
yrða.
Tillöguna fluttu átta Alþýðu-
bandalagsmenn og var fyrsti
flutningsmaður Hjörleifur Gutt-
ormsson. í greinargerð segir að
nú sé rækja og hörpudiskur eink-
um veiddir á grunnslóð og séu
þessar tegundir taldar fullnýttar
og tímabært að rannsaka önnur
botndýr sem lítt eða ekki hafa
verið nýtt til þessa, svo sem trjón-
ukrabba, beitukóng, kúfskel,
krækling, öðu, báruskeljar og íg-
ulker.
í kjölfarið þurfi svo að fylgja
markaðsöflun og vöruþróunar-
starf, en þegar er vitað að hátt
verð fæst fyrir ýmsar afurðir þess-
ara furðudýra, td. þykir trjónu-
krabbi víða í Évrópu hinn mesti
dýrindismatur og sums staðar
teljast ígulkerjahrogn auka
mönnum getu í bólinu og eru því
rándýr. sá.
Miðvlkudagur 25. febrúar 1987 ÞJÖÐVILJINN - SÍÐA 3