Þjóðviljinn - 27.02.1987, Blaðsíða 5

SKAK
Sjöunda umferð ofurmótsins
Portisch hægði
á Short
Grimmileg átök hjá Tal og Kortschnoi.
íslensku meistararnir héldu sínu.
Ljubo að spekjast
Taflmennskan á IBM mótinu
mótast nú nokkuð af forskoti
Shorts. Hann getur nú leyft sér að
leggja minna á stöður sínar en
áður og semja jafntefli ef hann
kærir sig um. Það er hins vegar
ekki víst að það falli að skapgerð
hans. 1 gær gerði hann jafntefli en
bilið milli hans og næstu manna
mjókkaði þó ekkert því aðrir
keppendur reittu hver af öðrum.
Helgi átti í höggi við Timman. Teflt
var Drottningarbragð og kom upp
nokkuð jöfn staða og eftir nokkur
mannakaup var samið. Var það lík-
lega skynsamleg ákvörðun hjá báðum
eftir andbyr í síðustu umferð enda
telja margir skákmeistarar heppilegt
að tefla upp á jafntefli í næstu umferð
eftir tap til að ná jafnvægi. Þá fóru
þeir Agdestein og Ljubojevic sér
hægt í sinni skák.
Jón L. beitti Drottningarindverskri
vörn á móti Polugajevskí. Jón flækti
taflið snemma og kom upp flókin
staða þar sem báðir höfðu færi. Eftir
tuttugu leiki féllu kapparnir í þunga
þanka, hafa líklega verið að reyna að
finna út hvor stæði betur en þegar
tímahrak var framundan sömdu þeir
um skiptan hlut. í>ar var samið um
jafntefli eftir fimmtán leiki og virðist
sem Ljubojevic sé eitthvað farinn að
stillast eftir æsilega taflmennsku
undanfarna daga.
Eins og fyrr sagði þá leyfði Short
fyrsta jafnteflið í mótinu í gær en þá
mætti hann Portisch með svörtu.
Short beitti enn Grjótgarðinum í Hol-
lensku vörninni og eftir nokkurt
vopnaskak á kóngsvæng var samið
jafntefli.
Jóhann hafði hvítt á móti Margeiri
Hrað-Skák
Ekki er unnt annað en
minnast á mótsblaðið, Hrað-
Skák, og væri reyndar mak-
legt að geta þess að góðu á
hverjum degi. Jóhann Þórir
ritstjóri Skákar heldur blað-
inu úti af alkunnum myndar-
skap og kemur það út eftir
hverja umferð. Blaðið geymir
allar skákirnar, flestar með
skýringum, og allar prýddar
mörgum stöðumyndum og
einnig greinargóðar töflur um
stöðuna í mótinu. í því eru
auk þess greinar og hugleið-
ingar um skák, stutt viðtöl við
mótsgesti og síðast en ekki síst
fjöldi mynda af keppendum
og áhorfendum. Blaðið fæst á
mótsstaðnum en einnig er
unnt að fá það sent hvert á
land sem er. Það er orðtak
manna á Loftleiðum að IBM
eigi þakkir skildar fyrir að
fjármagna mótið, Skáksam-
bandið fyrir framkvæmdina
og þeir Hrað-Skákarmenn
fyrir að festa atburðarásina
alla á blað.
og var byrjunin einhvers konar sam-
suða úr Grunfelds vörn og Slavneskri
vörn. Jóhann kom riddara sínum til
c7 þar sem hann truflaði liðskipan
svarts og virtist vera að kafsigla Mar-
geir. Hann varðist af seiglu, skipti
upp á drottningum og tókst að snúa
sig út úr úlfakreppunni og vinna peð.
Skákin fór í bið eftir 48 leiki í þessari
stöðu:
Margeir lék biðleik. Svartur á tvö
frípeð en hvítur getur leitað mótfæra
kóngsmegin. Framundan er peða-
kapphlaup en þar sem við Þjóðvilja-
menn höfum kvekkst svolítið á að spá
í biðstöður undanfarið er víst örugg-
ast að fullyrða ekki meira en að horf-
ur Margeir séu vænlegri.
Hetja umferðarinnar var eldsálin
frá Riga, Mikhail Tal. Hann tefldi við
gamlan og nýjan keppinaut Viktor
Kortschnoi og tókist að snúa á hann í
mikilli baráttuskák.
Skák dagsins
Hvítt: Tal
Svart: Kortschnoi
Spænskur leikur
1. e4 e5
2. Rf3 Rc6
3. Bb5 a6
4. Ba4 Rf6
5. 0-0 Rxe4
Kortschnoi er opna afbrigðinu trúr
þótt hann sitji nú gegnt Tal sem var
aðstoðarmaður Karpofs í einvígi hat-
ursins á Filippseyjum 1978. Tal
laumaði þar snilldarlegri hugmynd í
þessari byrjun að heimsmeistaranum
sem sló Kortschnoi alveg út af laginu.
BRAGI JÓN
HALLDÓRSSON TORFASON
Hér verður því eflaust hart barist.
Þeir Tal og Kortschnoi hafa teflt ara-
grúa skáka síðustu þrjá áratugi og Tal
farið heldur halloka þar til á allra síð-
ustu árum að hann hefur heldur náð
að rétta sinn hlut.
6. d4 b5
7. Bb3 d5
8. dxe5 Be6
9. Rb-d2 Rc5
1. 2. 3. 4. 5. 6. 7. 8. 9. 10. 11. 12. Vinn.
1. Jón L. 1 0 0 1/2 1/2 1/2 1/2 3
2. Margeir 0 4 0 0 0 B 0 1/2 v2+b
3. Short 1 1 4 1 1/2 1 1 1 6V2
4. Timman 1 1 0 4 r 1 0 1/2 41 * * * * 6 7 8 9/2
5. Portisch 1/2 1 1/2 4 1/2 1 1 0 41/2
6. Jóhann Vz B 4 0 0 1/2 0 1 2+B
7. Polugajevskí 1/2 1 4 1/2 1/2 1/2 0 1/2 3Í/2
8. Tal 1/2 1 v2 4 1/2 1/2 B 1/2 31/2 +B
9. Agdestein 0 0 1/2 1/2 1/2 4 1/2 1 3
10. Ljubojevic 0 0 0 1 1/2 1/2 1/2 4 21/2
11. Kortchnoi 1 0 1 1 0 1 B 4 4+B
12. Helgi 1/2 1/2 0 1/2 1/2 1/2 0 4 2V2
Simen Agdestein hefur sótt á eftir slæma byrjun. í sjöundu umferð gerði hann jafntefli við júgóslavneska
stórmeistarann Ljubojevic.
10. c3 d4
Kortschnoi lék þennan fyrstur
manna gegn Karpof. Áður var leikið
10. ... Be7.
11. Bxe6 Rxe6
12. cxd4 Rcxd4
13. Re4 Be7
14. Be3 Rf5
15. Dc2 0-0
Slæmt er að leika 15. ... Rxe3
vegna 16. Dc6+ Kf8 og hvítur stend-
ur betur.
16. Ha-dl ...
Sterkara var sennilega að leika 16.
Rf6+ Bxf617. Dxf5 Be718. Hf-dl og
hvítur stendur betur. Nú nær svartur
að losa aðeins um sig og tvístra peða-
stöðu hvíts.
16. ... Rxe3
17. fxe3 Dc8
18. h3 Hd8
19. Rh2 Hxdl
20. Dxdl De8
21. Dh5 Rc5
Ljóst er að svartur stendur betur að
vígi í endatafli og því forðast hvítur
frekari mannakaup en reynir að
skapa sér sóknarfæri á kóngsvæng.
22. Rg3 a5
23. Rf5 Ha6
Hrókurinn kemst í tæka tíð í vörn-
ina.
24. Rg4 Hg6
Kortschnoi hefur nú jafnað taflið.
25. b3 Bd8
Góður leikur hefði svartur fylgt
honum eftir á réttan hátt því að bisk-
upinn hlýtur að vera sterkari en ridd-
ari ef til endatafls kemur.
26. Rf2 Dc6
Sterkari leikur en 26. ... f6 með
hótuninni 27. ... Hxg2+ og hvíta
drottningin fellur. Hvítur getur þá
leikið 27. Rg4 aftur og haft sóknar-
færi. Nú hótar svatur máti á g2 og
hvítur getur aðeins varist með einu
móti.
Áskorenda-Skák
Rétt þegar blaðið var að
fara í prentun komu fregnir
um það frá Linares á Spáni að
önnur skákin í einvígi Karpofs
og Sokolofs hefði farið í bið
eftir 41 leik. Karpof hafði
hafnað jafnteflisboði en stað-
an var talin jafnteflisleg.
Fyrstu skákinni lauk með
jafntefli.
27. e4 De8?
Betra var að leika 27. ... Re6 og
síðan 28. ... Dc5 því þá er vandséð
hvernig hvítur getur varið peðin á e-
línunni.
28. Ddl ...
Hvítur valdar peðið óbeint og kem-
ur drottningunni í gagnið með mót-
færum.
28. ... Be7
29. Dd2 Bf8
30. Dxa5 Dxe5
31. Dxb5 He6
32. Db8 ...
Tal hefur tekist að flækja taflið að
nýju en svartur stendur samt betur
ennþá.
32. ... h5
33. Dd8 g6??
Fingurbrjótur. Jafntefli eru líkleg-
ustu úrslitin eftir 33. ... He8 34. Dd4
Rxe4 35. Dxe5 Hxe5. Tal gengur
strax á lagið eins og honum einum er
lagið sjái hann fléttu.
34. Rh6+! Kg7
35. Rf-g4!! ...
Sterkara en 35. Rxf7 Df6 en ekki
35. ... Kxf7 vegna36. Rg4+ oghvítur
vinnur. Framhaldið er þvingað.
35. ... hxg4
36. Hxf7+ Kxh6
37. Dxf8+ Kg5
38. h4+ Kxh4
39. Dh6+ Dh5
40. g3+ Kxg3
41. Df4+ Kh4
42. Df2+ g3
Ef 42. ... Kg5 43. Dxc5+ Kh6 44.
Df8+ Kg5 45. Dd8+ Kh6 46. Dh8+
Kg5 47. Hh7 og drottningin fellur.
43. Hf4+ Kg5
44. Dxg3+ Kh6
45. Hh4 Hxe4
46. Hxh5+ Kxh5
47. Dxc7
Hér fór skákin í bið og Kortschnoi
Föstudagur 27. febrúar 1987 ÞJÓÐVILJINN - SfÐA 5
lék biðleik. Hvítur hlýtur að vinna
þessa stöðu.
.ICELAND
STÓRMÓT ’87
Úrslit
Polugajevskí - Jón L. 1/2 - 1/2
Jóhann - Margeir - biðskák
Portisch - Short 1/2 - 1/2
Timman - Helgi 1/2 - 1/2
Tal - Kortschnoi biðskák
Agdestein - Ljubojevic 1/2 - 1/2
Biðskák úr 6. umferð:
Margeir - Portisch 0-1
Kjallara-Skák
Það er víðar teflt á Hótel
Loftleiðum en í Kristalssaln-
um. í kjallaranum heyja þeir
Dan Hansson og Þröstur Þór-
hallsson einvígi um Reykja-
víkurmeistaratitilinn og er
teflt sömu daga og mótið
stendur.