Þjóðviljinn - 11.03.1987, Blaðsíða 2

—SPURNINGIN-
Hvað finnst þér um að sala
myndablaða með nöktum
konum verði bönnuð?
Ester Bjartmars,
húsmóðir:
Ég er yfir höfuð á móti boðum
og bönnum. Af hverju er ekki
allveg eins hægt að selja blöð
með myndum af berum körlum.
Annars veröur að gera greinar-
mun á klámi og erótík. Nekt er
ekki klám.
Þórólfur Ólafsson,
verkamaður:
Ég kæri mig kollóttan um það
hvort slíkt er leyft eða ekki. Þeir
eru til sem endilega vilja nálgast
þessi blöð samt sem áður.
Guðný Oddsdóttir,
húsmóðir:
Það er sjálfsagt að banna
svona blöð. Mér finnst leiðinlegt
að sjá þetta. Maður skilur ekki
smekk þeirra sem hafa gaman af
svona löguðu.
Þórir Axelsson,
sjómaður:
Mér líst ekkert á það. Svona
myndir eru augnayndi. Ég lít ekki
á myndir af nöktum konum sem
klám.
Ástríður Kristjánsdóttir,
húsmóðir:
Það er spurning hvort þetta sé
klám. Það þarf að athuga það
áður. Ef þetta reynist klám þá er
sjálfsagt að banna svona blöð.
FRÉTTIR
Dagvistarheimili
Fráleit söluhugmynd
Stjórnarandstaðan í borgarstjórn: Skylda sveitarfélaga að reka góð dagvistarheimili.
Davíð œtti að vinna íþeim málum og hætta öllufrjálshyggjugaspri
Fulltrúar stjórnarandstöðunn-
ar í borgarstjórn hafa sent frá
sér harðorð mótmæli vegna
þeirra yfirlýsinga Davíðs Odds-
sonar borgarstjóra á nýliðnu Við-
skiptaþingi að vel kæmi til greina
að selja 30 af barnahcimilum
borgarinnar til einkaaðila. Segja
borgarfulltrúar Alþýðubanda-
lags, Alþýðuflokks, Framsóknar-
flokks og Kvennalista þessar hug-
myndir fráleitar þar sem Ijóst er
að einkarekin dagheimili yrðu
einungis fyrir börn sterkefnaðs
fólks.
„Pláss á dagvistarheimilum
borgarinnar eru nú allt of fá og
þess vegna eru það nær eingöngu
börn forgangshópanna svoköll-
uðu þ.e. einstæðra foreldra og
námsmanna sem.þar komast að.
Það er ljóst að þessir hópar hefðu
ekki fjárhagslegt bolmagn til að
greiða fullt gjald, meira og minna
óniðurgreitt, auk þess sem inn í
gjaldskrá yrði að taka þátt einka-
aðilanna í kostnaði við kaup eða
leigu á húsnæði.
Þetta útspil borgarstjórans er
enn ein aðför Sjálfstæðisflokks-
ins að félagslegri þjónustu í
landinu og í andstöðu við þá
grundvallarhugmynd, að það sé
skylda sveitarfélaga að reka góð
barnaheimili, rétt eins og talið er
sjálfsagt að bjóða börnum upp á
skólavist.
Það er sjálfsögð krafa að öll
börn sem þess þurfa eigi aðgang
að dagvistarheimilum og að því
ætti borgarstjóri að vera að vinna
en ekki að gaspra um einkarekst-
ur í anda frjálshyggjunnar," segir
í ályktun borgarfulltrúanna.
Félag leikara
Viður-
kenning
í nafni
Lárusar
Félag íslenskra leikara hefur
samþykkt að veita við hverja út-
skrift úr Leiklistarskóla íslands
einum leiklistarnema viðurkenn-
ingu fyrir vandaða framsögn og
meðferð íslensks máls. Viður-
kenning þessi verður tengd nafni
og minningu Lárusar Pálssonar
leikara.
Á aðalfundi félagsins á dögun-
um var kosin þriggja manna dóm-
nefnd fyrir þessa viðurkenningu
og eiga sæti í nefndinni þau Rúrik
Haraldsson formaður, Kristbjörg
Kjeld og Sigurður Karlsson.
270 meðlimir eru nú í leikara-
félaginu þe. leikarar, óperu-
söngvarar, listdansarar og
leikmynda- og búningsteiknarar.
Formaður Félagsins er Arnór
Benónýsson, Sigríður Þorvalds-
dóttir varaform., Kristbjörg
Kjeld gjaldkeri, Katrín Sigurðar-
dóttir ritari og Ásdís Magnús-
dóttir meðstjórnandi. í vara-
stjórn eru Lilja Guðrún Þor-
valdsdóttir, Helga E. Jónsdóttir
og Jakob Þór Einarsson.
-lg-
Félagsráðgjafar
Boða verkfall
Verkfallið hefst 26. mars n.k,
hafi samningar ekki tekist fyrir
þann tíma og nær það til fé-
lagsráðgjafa sem starfa hjá rík-
inu. Starfsemi félagsráðgjafanna
fellur niður við Öskjuhlíðar-
skólann, hjá Greiningarstöð
ríkisins og á ríkisspítölunum og er
það einkum alvarlegt á geð-
deildunum þar sem fólk er til
langtímameðferðar og hætt við
að allar áætlanir þar að lútandi
riðlist. -sá.
„Vertíðin fór illa af stað en það er nú eitthvað að rætast úr því“, sagði Hreinn Hreinsson á Ernu RE-47. Sömu sögu er að
segja annars staðar, - loðnan er komin og ekki að sökum að spyrja. Mynd: Sig.
Þorskur
Afli að glæðast
Loðnan gengin á miðin. Slœmt hljóð í Grindvíkingum:
A ulastór kvikindi
Þetta hefur verið reitingsafli en
er eitthvað að lifna við núna.
Loðnan gengin á miðin og þorsk-
urinn fylgir á eftir. Það verður
fiskur nú eins og vant er, sagði
Soffanías Cecilsson, útgerðar-
maður á Grundarfirði, í samtali
við Þjóðviljann.
Vertíðin fór ekki vel af stað en
nú er að rætast úr því víðast hvar.
Reykjavíkurbátarnir hafa fiskað
þokkalega allra síðustu daga eftir
dræma byrjun. Eins er með báta
sem gerðir eru út frá Keflavík og
Njarðvík, að sögn Þórhalls
Helgasonar á hafnarvigtinni í
Keflavík. Hann sagði að menn
þar væru vongóðir um að vertíðin
færi að ganga betur og fiskurinn
væri einkar vænn.
Rúnar Steingrímsson í Grinda-
vík sagði að aflinn hefði verið
afar rýr og ekkert benti til þess að
hann væri að aukast. „Þetta er
enginn hefðbundinn vertíðarfisk-
ur, þetta eru aulastór kvikindi.
Ég sé ekki betur en að hér verði
allt steindautt eftir nokkur ár.“
Að sögn Rúnars eru nú nokkrir
Grindavíkurbátar gerðir út frá
öðrum höfnum á Suðurnesjum,
bæði Keflavfk og Njarðvík. Það
kemur þó ekki niður á atvinnunni
á staðnum þar sem aflanum er
ekið til Grindavíkur.
-hj.
2 SÍÐA - ÞJÓÐVILJINN Miðvikudagur 11. mars 1987