Þjóðviljinn - 30.06.1987, Blaðsíða 11
ÖRFRÉTTIR ■■
Smokkar með
mjólkurpóstinum
Uppburðarlitlir Hamborgarbú-
ar þurfa ekki lengur að fyrirverða
sig fyrir að biðja um smokka í
verslunum þar í borg. Framtaks-
sömum aðilum hefur nefnilega
hugkvæmst að setja á fót sólar-
hrings heimsendingarþjónustu á
smokkum. Nú geta menn hringt í
símanúmer smokkapóstsins og
fengið sendingu beint heim að
dyrum, á sama hátt og mjólkur-
pósturinn kemur með mjólkina á
morgnana. Þjónustan kostar þó
sitt og er stykkið af smokknum
þrisvar sinnum dýrara með
þessu móti, en séu þeir keyptir á
gamla og pínlega háttinn.
Steingerður
Panda-björn
Fréttastofan Nýja-Kína til-
kynnti í gær um fund fjögurra milj-
ón ára gamals steingervings af
Panda-birni í suðvesturhluta
landsins. Samkvæmt fréttastof-
unni eykur þessi fundur mikið
þekkingu manna á dýralífi fortíð-
arinnar. Björninn fannst á sömu
slóðum og elstu kínverskar
mannvistarleifar hafa fundist til
þessa.
Uppstytta fyrir
rokktónleika
Veðurguðirnir léku við hvurn
sinn fingur, er einir mestu poppt-
ónleikar sumarsins voru haldnir í
Haag í Hollandi um helgina. Að
sögn heimamanna var þetta fyrs-
ti sólardagur sumarsins, en það
sem af er sumri hefur rignt nær
látlaust á Niðurlendinga. Á þriðja
hundrað þúsund manns voru við-
staddir tónleikana, sem tókust
óhappalítið. Meðal flytjenda voru
ýmis stórstirni, s.s. Los Lobos,
Def Leppard, Curtis Mayfield og
Katrina and the Waves, auk fjöl-
margra smástirna.
Hollendingar
styrkja ANC
Andstæðingar aðskilnaðar-
stefnu hvítra í Suður-Afríku hafa
safnað einni milljón hollenskra
gyllina, sem munu að stærstum
hluta renna til vopnaðrar baráttu
hinna bönnuðu samtaka, Afríska
þjóðarráðsins - ANC. Að sögn
talsmanns hollensku andstöðu-
hreyfingarinnar gegn aðskilnað-
arstefnunni, er féð afhennt ANC
án nokkurra skilyrða.
Hollendingar gera það ekki
endasleppt í stuðningi við
blökkumenn í Suður-Afríku.
„Borgarstjóri Amsterdam til-
kynnti fyrir skömmu að ANC
myndi opna skrifstofu í borginni,
með fullu samþykki borgaryfir-
valda.
Tungumála-
erjur í Belgíu
Ef marka má skoðanakannanir
í Belgíu er hinn frávikni borgar-
stjóri, Jose Happart, meö vin-
sælli stjórnmálamönnum í frön-
skumælandi hluta Belgíu. Happ-
art þessi komst heldur betur í
sviðsljósið í fyrra, er hann stor-
kaði flæmingjum í Belgíu fyrir að
neita að tala hollensku og sem
leiddi til þess að honum var vikið
úr borgarstjórastöðunni. [ skoð-
anakönnun, sem vallónska dag-
blaðið La Libre Belgique, lét gera
á dögunum meðal frönskumæl-
andi Belga, um það hvaða ein-
staklinga þeir vildu helst sjá áber-
andi í stjórnmálum á næstunni,
reyndist Happart með vinsælli
mönnum. 35% spurðra vildu sjá
veg Happarts vaxa á
stjórnmálasviðinu.
Kosningum flýtt
Ástralskir frumbyggjar eyjar-
innar Banthurst, sem er um 50
sjómílur norður af Darwin í Ástral-
íu, fengu heimild til þess að neyta
atkvæðisréttar í áströlsku þing-
kosningunum 13 dögum fyrir
kosningar. Þar sem kosningarn-
ar ber upp á sama tíma og eyjar-
skeggjar eru uppteknir við helgi-
hald, afréðu stjórnvöld að gera
þeim kleift að neyta atkvæðisrétt-
arins fyrir tímann.
ERLENDAR FRETTIR
Suður-Kórea
Arangursríkt andóf
Chungforseti lét í minnipokann. Fallist á kröfur
stjórnarandstöðunnar um umbœtur. Stjórnarandstaðan hrósarsigri
Eftir miklar og almennar róstur
í Suður-Kóreu undanfarnar
vikur, hefur Chun Doo Hwan,
forseti afráðið að iáta af oflæti
sínu og boða breytingar í átt til
frjálslyndis og lýðræðis. Chung
hefur heitið landsmönnum því að
kosningalögum verði breytt,
þannig að forseti verði kjörinn
beinni kosningu, jafnframt því
sem heitið er auknum
mannréttindum og pólitísku frelsi
og „sakaruppgjöf“ mikils hluta
pólitískra fanga.
Arftaki forsetans, Roh Tae-
Woo, tilkynnti í nótt að gengið
hefði verið að öllum kröfum
stjórnarandstöðunnar, nema
þeirri, að forsetinn segði tafar-
laust af sér. Formaðurinn sagði
jafnframt að kæmu umbótaáætl-
anir stjórnvalda ekki til fram-
kvæmda, myndi hann tafarlaust
segja af sér formennsku og hætta
við fyrirhugað forsetaframboð.
Að vonum kættust andstæð-
ingar forsetans við þessi gleðitíð-
indi, en stjórnarandstaðan hefur
undanfarnar vikur látið mikinn
og hvað eftir annað hafa orðið til
róstur á götum úti, milli lögreglu
og andófsmanna.
„Þetta er fyrsti vísirinn að al-
þýðuvöldum. Árangur af bar-
áttu, sem kostaði blóð, svita og
tár,“ sagði í yfirlýsingu Kim
Young-Sam, eins af leiðtogum
Sameinaða lýðveldisflokksins,
eins helsta stjómarandstöðu-
flokksins, eftir að Chung forseti
hafði tilkynnt tilslakanir sínar.
Eftir að ljóst varð að upp úr
syði, ef ekki yrðu boðaðar um-
Forsetinn og arftakinn. Chung, forseti Suður-Kóreu, og Roh, formaður stjórnarflokksins, kampakátir á góðri stundu.
hæpið að þeir séu eins brosmildir í dag, eftir að hafa neyðst til að fallast á kröfur stjórnarandstöðunnar um
tilslakanir í lýðræðisátt.
bætur í lýðræðisátt, hefur Banda-
rikjastjórn þrýst mjög á Chung
forseta að slaka á og að hann
leitaði eftir viðræðum við stjórn-
arandstöðuna. Fram til þessa
hafa stjórnvöld í Bandaríkjunum
ekki haft miklar áhyggjur af
stjórnarfari í Suður-Kóreu, en
landið hefur, ásamt Filipps-
eyjum, lengi verið einn helsti
bandamaður Bandaríkjamanna í
Suðaustur-Asíu.
Að Chung forseta hafa reyndar
beinst fleiri spjót en andóf stjórn-
arandstöðunnar. Víða hafa verið
uppi miklar efasemdir um það
hvort Suður-Kórea væri þess
verðug að halda ólympíuleikana
1988, eins og afráðið hefur verið,
en leikarnir eru eitt helsta trom-
pið af hálfu stjórnvalda þar í
landi, til þess að gera sig gildandi
í augum heimsbyggðarinnar.
-RK
Aðalheimild: REUTER
Panama/Bandaríkin
Vinskapur á bláþræði
Öldungadeild Bandaríkjaþings krefstþess að Noriega hershöfðingi
verði settur af
Samskipti Panama og Banda-
ríkjanna hafa ekki verið stirð-
ari í annan tíma, og veldur því
krafa öldungadeildar Banda-
ríkjaþings þess efnis að yfirmanni
hersins í Panama og stjórnanda
landsins í raun, Manuel Antonio
Noriega, verði vikið frá.
Panama hefur brugðist hart við
afskiptasemi Bandaríkjanna, og
kröfum þeirra um endurreist lýð-
ræðis í landinu. Pólitísk framtíð
stjórnvalda í Panama er nú eitt
stórt spurningarmerki, sem og
hagsmunir Bandaríkjanna í
landinu, en þar hafa þeir sína
stærstu herstöð í gjörvallri Suður-
Ameríku, og drottna þar með yfir
hinum hernaðarlega mikilvæga
Panamaskurði. Hafa samskipti
ríkjanna ekki lent í erfiðari próf-
raun síðan samningar um Pan-
amaskurðinn voru undirritaðir
fyrir tíu árum, eftir langt og erfitt
þóf.
Noriega ber af sér allar ásakan-
ir og þykir halda vel á sínum spil-
um. Hann hefur nokkur tengsl
við ráðamenn á Kúbu, en auk
þess á hann innangengt í
hernaðar- og njósnaheim Banda-
ríkjanna. í síðustu viku, þegar
gagnrýnisraddirnar í Bandaríkj-
unum náðu hámarki, bauð hann
Daniel Ortega, forseta Nicarag-
ua, velkominn til landsins í opin-
bera heimsókn.
Meðan á heimsókninni stóð
hafði Ortega fögur orð um hin
nánu tengsl Panama og Nicarag-
ua, og er nærtækt að líta svo á að
með heimboðinu hafi Panama-
stjórn viljað leggja áherslu á
sjálfstæða utanríkisstefnu sína,
og andstöðu við harðlínustefnu
Reaganstjórnarinnar í málefnum
Mið-Ameríku.
Panama er eitt Contadoraland-
anna, en undanfarin ár hafa þau
reynt að miðla málum í viðsjám
þeim sem uppi eru milli stjórnar
Nicaragua og nágrannaríkjanna
sem njóta stuðnings Bandaríkj-
anna. HS
Líbýa
Gaddafi
ifllsír
Gaddafi Líbýuleiðtogi er stadd-
ur í Alsír þessa dagana, tii að
ræða samskipti og hugsanlegt
bandalag ríkjanna. Gaddafi hef-
ur löngum verið umhugað um að
mynda bandalag arabaríkja og
hefur lengst af talið sjálfan sig
sjálfkjörinn talsmann og foringja
arabaríkjanna.
„Bæjarferð“ Líbýuleiðtogans
kom fréttaskýrendum og er-
lendum sendimönnum i Alsír
gersamlega í opna skjöldu. Als-
írsk og líbýsk stjórnvöld Iétu ekk-
ert frá sér fara fyrir heimsóknina,
sem gæfi þennan atburð til
kynna.
í viðtali við blað frá Kuwait
fyrir nokkru lét Gaddafi í það
skína að ríkin myndu á næstunni
stofna formlega bandalag araba-
ríkja. Leiðtoginn tók það fram að
Sýrlendingar væru velkomnir að
slást í hópinn. Að sögn frétta-
skýrenda, þykir ósennilegt að af
slíku bandalagi verði, því alsírsk-
um stjórnvöldum sé ekki síður
umhugað um að ná forystu fyrir
bandalagi arabaþjóða, en Líbýu-
mönnum.
Vík milli vina
Spaghettístríð í algleymingi
Bandaríkin og Evrópubandalagið deila hart um niðurgreiðslur á pöstu
Pasta er uppistaðan í viðskipta-
i
stríði sem Evrópubandalagið
og Bandarikin eiga nú í.
Talsmaður Evrópubandalags-
ins segir að sættir séu ekki í sjón-
máli í deilunni, og óttast menn nú
að þjark upphefjist um fleiri svið
viðskiptalífsins ef ekki finnst
lausn fljótlega.
Bandaríkjamenn vitna í sam-
þykktir Gatt - tollastofnunarinn-
ar - þess efnis að ekki megi niður-
greiða útflutningsvarning, og
krefjast þess að Evrópubanda-
lagið virði samþykktir þessar, en
niðurgreiðslur á pöstu hafa gert
ítölum kleift að sölsa undir sig
stóran hluta Bandaríkjamarkað-
ar. Deilan snýst um hve mjög
skuli dregið úr niðurgreiðslum.
Bandaríski verslunarfulltrúinn
Jim Murphy er nú snúinn til síns
heima eftir fimm daga samninga-
umleitanir.
í ágúst á síðasta ári urðu greinir
með sömu aðilum, og þá vegna
takmarkana á útflutningi á
bandarískum sítrus-ávöxtum
(appelsínur, sítrónur) til landa
Evrópubandalagsins. Sú deila
var til lykta leidd á sínum tíma
með því fororði að „spaghettí-
stríðinu“ skyldi lokið 1. júlí á
þessu ári. Af hálfu Evrópubanda-
lagsins taka menn nú ekki nema
mátulega mikið mark á þessari
dagsetningu, þar sem Banda-
ríkjaþing hafi látið undir höfuð
leggjast að binda lyktir sítrus-
deilunnar í lög.
HS
ÞJÓÐVILJINN — SÍÐA 15