Þjóðviljinn - 23.07.1987, Blaðsíða 1

Fimmtudagur 23. júlí 1987 158. tölublað 52. árgangur
Spariskírteini:
Vaxtaslagur í stjómiimi
Ágreiningur innan ríkisstjórnarinnar um vaxtahœkkun afspariskírteinum ríkissjóðs. Guðmundur Bjarnason: Efumst
um tilætluð áhrif vaxtahœkkunarinnar. Jóhanna Sigurðardóttir: Neyðarúrræði, finnist ekki aðrar leiðir
Við efumst um gagnsemi vaxta-
hækkunarinnar og að hún
skili því sem henni er ætlað. Auk
þess erum við mjög hræddir við
þær hliðarverkanir sem hún gæti
haft, sagði Guðmundur Bjarna-
son heilbrigðis- og trygginga-
málaráðherra um afstöðu Fram-
sóknarráðherranna til vaxta-
hækkunar á spariskírteinum rík-
issjóðs, en ágreiningur er uppi
um það innan ríkisstjórnarinnar
hvort falla eigi frá vaxtahækkun-
inni eða ekki.
Guömundur Bjarnason sagðist
hafa varað við ákveðnum hættum
við vaxtahækkunarleiðina þegar
unnið var að málefnasamningi
ríkisstjórnarinnar og hann hefði
enn sömu fyrirvara á varðandi
vaxtahækkun. „Við viljum mjög
gjarnan að aðrar leiðir til þess að
styrkja stöðu ríkissjóðs séu vand-
lega skoðaðar. Finnist hins vegar
ekki vænlegri lausn að þessu sinni
munum við ekki skorast undan
því samkomulagi sem gert hefur
verið innan ríkisstjómarinnar,"
sagði Guðmundur.
Jóhanna Sigurðardóttir fé-
lagsmálaráðherra sagði í samtali
við Þjóðviljann, að það væri rétt
eftir henni haft í blaðinu í gær, að
hún teldi vaxtahækkanir á spar-
iskírteinum ríkissjóðs neyðarúr-
ræði og leita bæri annarra leiða,
en fyrirsögnin um að hún væri
beiníínis andvíg hækkunum vaxta
af spariskírteinum, væri villandi.
Jóhanna sagði að það væri eðli-
legt að skoða vel hvort vaxta-
hækkun hefði í reynd þau áhrif að
örva sölu spariskírteina eins og
að er stefnt og jafnframt hvaða
áhrif og afleiðingar slík hækkun
hefði á lánskjör og fjármagns-
markaðinn í heild. „Það er mín
skoðun að það sé neyðarúrræði
að þurfa að fara vaxtahækkunar-
leiðina í sölu spariskírteina þegar
ekki er á vísan að róa um árangur
og ekki síst ef að hún leiðir til
keðjuverkandi áhrifa t.d. á
skuldabréfakaup lífeyrissjóð-
anna og hugsanlega vaxtarkjör af
húsnæðislánum. En séu ekki aðr-
ar leiðir en vaxtahækkun af spar-
iskírteinum færar mun ég ekki
leggjast gegn slíkri ákvörðun."
Samkvæmt heimildum Þjóð-
viljans frá aðilum nærri ríkis-
stjórninni má búast við miklu
þófi um vaxtamálið á næsta ríkis-
stjórnarfundi. Er þar gert ráð
fyrir að Jóhanna Sigurðardóttir
og Framsóknarráðherrarnir
muni berjast gegn vaxtahækkun-
inni, en Jón Sigurðsson og líklega
Jón Baldvin Hannibalsson ásamt
ráðherrum Sjálfstæðisflokksins
muni leggja áherslu á að hún
verði keyrð í gegn sem fyrst.
- K.Ól.
Knattspyrnuhátíð á Ólafsflrði. Helmingur bæjarbúa mætti á völlinn til að hvetja sina menn til dáða. Það nægði þó ekki því Framarar sigruðu Leiftur. f
hinum bikarleiknum, f gærkvöldi sigraði Þór ÍBK, eftir vítaspyrnukeppni. Mynd E.ÓI. Sjá bls. 15
Tölvuháskóli VÍ
— ^ _ íoivunasKou vi ^ r
Inmstæðulausar profgraður
Verðbólga nafngifta- gengisfellingþekkingar, segja háskólamenn um Tölvuháskólann. Páll
Jensson: Nemendur ekki öfundsverðir afinnistœðulausumprófgráðum. Halldór Guðjónsson:
Á ekkert skylt við háskólanám
Nú skal allt nefnast háskóli og
háskólapróf. Það hefur verið
talað um gengisfellingu þekking-
ar, en það mætti allt eins kalla
þetta verðbólgu nafngifta, sagði
Páll Jensson, forstöðumaður
Reiknistofnunar Háskólans, um
boðaðan tölvuháskóla og tveggja
ára BS-nám í tölvufræðum á veg-
um Verzlunarskóla íslands.
Kynlífnámskeið
Árangurmn ótvíræður
Fœrri en vildu komust á námskeið um kynfullnœgju
kvenna. Pátttakandi: Lœrdómsríkt
Vel tókst til á námskeiðurn
Jónu Ingibjargar Jónsdóttur
kennara í kynfræðslu, en nám-
skeiðunum, sem staðið hafa í allt
sumar, er að Ijúka.
Að sögn Jónu sóttu um 30 kon-
ur námskeiðin og 30 konur voru
komnar á biðlisti þegar að hún
lokaði fyrir skráninguna. „Við-
brögðin voru mjög góð og engin
kona datt úr lestinni,“ sagði Jóna
og einn þátttakandinn sagði í
samtali við Þjóðviljann: „Ég
lærði mjög mikið og ráðlegg
öllum að fara á slíkt námskeið“.
Sjá bls. 2 -K.ói.
- Það er vissulega þörf fyrir
hagnýtt nám í tölvufræðum eins
og Verzlunarskólinn hyggst
kenna, en það er alveg út í hött að
nefna þetta háskóla og háskóla-
nám. Pví ekki að kalla þetta ein-
faldlega tölvuskóla. Þetta nám
gefur ekki sama fræðilega grunn
og tölvufræðin í Háskólanum.
Fræðilegum þætti námsins er
sleppt, en sá hagnýti látinn
standa, sagði Páll Jensson.
- Ég er ansi hræddur um það
að enginn nemandi, sem hyggur á
framhaldsnám erlendis, verði
öfundsverður af því að skreyta sig
ineð innstæðulausri háskólapróf-
gráðu af þeim toga sem hér ræðir,
sagði Páll Jensson.
I sama streng tók Halldór Guð-
jónsson, kennslustjóri Há-
skólans. Ljóst væri að þörfin væri
brýn fyrir það nám sem Verzl-
unarskólinn hyggðist setja á fót. -
En ég tel það algerlega óhugsandi
að fræðilegt nám geti verið
samansett á þann veg sem rætt er
um. Þetta er fyrst og fremst
starfsnám og ég get ekki greint
nein rök sem mæla með því að
háskólanám í þessari grein taki
skemur en þrjú ár, sagði Halldór
Guðjónsson.
- I sjálfu sér gætum við boðið
uppá sama nám og Verzlunar-
skólinn er að hleypa af stokkun-
um. Við höfum allt sem þarf:
kennara, góðan tölvukost og
húsnæði, - allt neina aðgang að
opinberu fé, sagði Óskar Hauks-
son, skóiastjóri Tölvufræðslunn-
ar. - RK
Líffrœðingar
Hættum
veiðunum
Áskorun líffrœðinga:
Rangtað kenna
veiðarnar við vísindi.
Virðum bannið
I áskorun til ríkisstjórnarinnar
frá 21 lífTræðingi í líffræðideild
háskólans, á Líffræðistofnun og
Náttúrufræðistofnun er hvatt til
þess að „vísindaveiðunum“ verði
hætt og hið tímabundna veiði-
bann Hvalveiðiráðsins virt.
í áskoruninni segir m.a.:
„Þrátt fyrir söfnun gagna með
hvalveiðum í áratugi hefur ekki
reynst að ákvarða stærð og veiði-
þol hvalastofna hér við land. Nú-
verandi „veiðar í vísindaskyni“
breyta þar litlu um. Hvalveiðar
okkar Islendinga eru því ekki
réttlætanlegar eins og á stendur
og við teljum rangt að kenna þær
við vísindi.“
Sjá síðu 3 - m
Washington
Gagnkvæm
tillitssemi
Viðræðum íslend-
inga og Bandaríkja-
manna um hval-
veiðimálið lokið í bili
Um klukkan tíu í gærkvöldi
lauk viðræðum íslensku og
bandarisku sendinefndanna um
hvalveiðimálið í Washington.
Niðurstaðan varð sú að aðilar
tóku tiliit til sjónarmiða hvors
annars, Bandaríkjamenn ætla
ekki að lýsa því yfir að hvalveiðar
íslendinga brjóti í bága við sam-
þykkt Alþjóða hvalveiðiráðsins
og íslensk stjórnvöld hyggjast
framlengja hvalveiðihlé.
Halldór Ásgrímsson sjávarút-
vegsráðherra sagði að ekki hefði
verið við meiru að búast en gat
þess jafnframt að frekari við-
ræðna væri þörf. -ks.
wmmammamaammmmam