Þjóðviljinn - 23.07.1987, Blaðsíða 4

LEIÐARI
Ríkisstjórnar Steingríms Hermannssonar
mun einna lengst verða minnst fyrir þá sök, að
hún lagði í rúst líf þúsunda fjölskyldna sem
reyndu að koma þaki yfir höfuð sér fyrstu árin
eftir að stjórnin tók við völdum.
Nú virðist ríkisstjórn Þorsteins Pálssonar
ætla að feta sömu slóð. Allt bendir til, að hún
hyggist hefja stjórnartíð sína með því að leggja
sömuleiðis þungar búsifjar á húsbyggjendur og
íbúðakaupendur.
Hækkun vaxta af almennum lánum Bygging-
arsjóðs ríkisins er ekkert annað en aðför að
ungu fólki. Óréttlætanlegt óþverrabragð af hálfu
úrræðalausrar ríkisstjórnar.
Því hefur verið lýst yfir að hækkun vaxta af
húsnæðislánum sé nauðsynleg, þar sem Hús-
næðisstofnun þurfi að greiða lífeyrissjóðum
mun hærri vexti af sínu lánsfé. Þessi hækkun
yrði því þeim mun brýnni sem vextir af ríkis-
skuldabréfum hækkuðu meira, - einsog nú er
fyrirhugað að gera.
En hér er hins vegar rétt að staldra við og
spyrja: Hvers vegna þurfa vextir af ríkisskulda-
bréfum að vera svona háir?
Fyrir því eru færðar tvær ástæður. [ fyrsta lagi
hefur ákvörðun vaxta verið gefin frjáls, þannig
að vöxtum er ráðið af framboði og eftirspurn
eftir fjármagni. Það er ekki órökrétt, að þessi
breyting á skipan peningamála hafi tímabundið
í för með sér háa vexti.
í öðru lagi bætir ríkisstjórnin gráu ofan á svart
með því að reka ríkissjóð með miklum halla,
Aðför að ungu folki
sem hún hyggst óhikað fjármagna með sölu
ríkisskuldabréfa innanlands. í því felst hins veg-
ar ekkert annað en viðbótareftirspurn eftir tak-
mörkuðu lánsfé, sem vitaskuld leiðir við núver-
andi aðstæður óhjákvæmilega til enn frekari
hækkunar vaxta.
Það er því getuleysi fyrrverandi og núverandi
ríkisstjórnar til að afla ríkissjóði tekna til að
mæta útgjöldum, sem veldur því, að nú stefnir í
mikinn mun á vöxtum af almennum húsnæðis-
lánum og vöxtum af ríkisskuldabréfum.
Þetta getuleysi er hins vegar með engu móti
hægt að nota til að réttlæta hækkun vaxta af
húsnæðislánum. Nú þegareru þessir vextir3,5
af hundraði. Engin skynsamleg rök mæla með
því að vextir af jafnlöngum lánum og húsnæðis-
lánin eru, séu hærri en þetta. Síst af öllu tíma-
bundið ástand á fjármagnsmarkaðnum, sam-
fara hallarekstri ríkissjóðs, - sem er núverandi
og fyrrverandi ríkisstjórn einni að kenna.
Það eru aðrar leiðir færar til að bregðast við
þessum vaxtamun.
í fyrsta lagi verður þessi ríkisstjórn - eða
önnur sem tekur við af henni - að koma á betra
jafnvægi í ríkissbúskapnum, til að minnka þenn-
an mun.
í öðru lagi kemur ekki annað til greina en
ríkissjóður beri vaxtamuninn, meðan hann var-
ir.
í þriðja lagi verður svo alfarið að breyta útlán-
areglum Byggingarsjóðs ríkisins, þannig að þar
fái einungis þeir lán, sem þurfa í raun og sann á
þeim að halda. Þeirri ósvinnu verður einfaldlega
að linna, að fólk, sem á stórar húseignir skuld-
lausar og hyggst minnka við sig, geti fengið
í húsnæðislán til að braska með á fjármagns-
markaðnum. Það nær einfaldlega ekki nokkurri
átt, að sumir geti fengið lán hjá ríkinu á lágum
vöxtum, til að lána ríkinu á háum vöxtum.
En þungamiðjan í þessari vitleysu liggur ekki í
lágu vöxtunum, heldur þeim háu. Á þeim á ríkis-
stjórnin sína sök.
Vísindaveiðum mótmælt
Nú hefur hópur náttúruvísindamanna sent frá
sér mótmæli við hvalveiðum í vísindaskyni. í
þessum hópi eru tveir virtir prófessorar við líf-
fræðideild Háskólans og fjölmargir starfsmenn
Náttúrufræðistofnunar og Líffræðistofnunar
Háskóla íslands.
í skjali líffræðinganna er skorað á ríkisstjórn
íslands að hætta hvalveiðunum og kosta rann-
sóknir á hvalastofnum með öðrum hætti en með
ágóða af hvalveiðum.
Þjóðviljinn telur sérstaka ástæðu til að vekja
eftirtekt á lokaorðum líffræðinganna:
„Hvalveiðar okkar íslendinga eru ... ekki rétt-
lætanlegar einsog á stendur, og við teljum rangt
að kenna þær við vísindi".
-ÖS
KLIPPT OG SKORHÐ
Grímur og Staksteinar
Grím Thomsen bar á góma í
þessum hógværu dálkum Þjóð-
viljans fyrir skömmu. Þar var
meðal annars leitt getum að því
að ef til vill hefði stórgrýtt skap-
lyndi Bessastaðabóndans átt sinn
þátt í tilurð hinna ágætu kvæða
hans. Eða eins og þar stóð skrif-
að:
„Þegar svo geðofsinn greip
hann með árunum, hafði hann
tök á að beisla hann í einskonar
skapandi kraft, sem hann veitti
gegnum Ijóð sín. Þannig getum
við síðari tíma kynslóðir á vissan
hátt verið þakklátar fyrir ofsann í
Grími, kanski gaf einmitt hið
úfna geð okkur kvæðin.“
Einsog sæmir blaði, sem borg
sína byggir á bjargi, var £ þessu
sambandi vitnað til þess menn-
ingarpáfa, sem mest hefur síðari
tíma manna gert til að halda við
nafni Grfms Thomsen. Raunar
lifað sig svo vandlega inn í hugs-
unarhátt Grírris og kvæði, að af
skrifunum er næsta ljóst, að við-
komandi stendur fótum fastar í
samtíma Gríms Thomsen en nú-
tímanum.
Ilbleikir úlfar
Hér er auðvitað átt við ára-
langan málvin Þjóðviljans og um-
sjónarmann Staksteina Morgun-
blaðsins, Stefán Friðbjarnarson.
En til þessa liðsstjóra Stak-
steina var vitnað svofelldum orð-
um, að honum liði „beinlínis illa
Ijúki einhverri vikunni svo, að
honum takist ekki að vitna í
gamla Thomsen“.
Að sönnu er rétt, að hjá höf-
undum stjórnmálskrifa Morgun-
blaðsins er gjarnan „lítt..af setn-
ingi slegið“ einsog Grímur gamli
kvað um trúða þá og leikara sem
léku um völl í höllu Goðmundar á
Glæsivöllum. Þessvegna mega
þeir vafalaust oftar þola af hálfu
bráðlátra flokksmanna Iast en lof
fyrir sitt skoplitla framlag til bar-
áttunnar.
Sfðustu mánuði hefur það
meira að segja orðið að tísku hjá
flokksmönnum að kenna mál-
gagninu um ósigurinn mikla í apr-
íl, og ef til vill skýrir það hina
áberandi tilvistarangist sem nú
verður æ oftar vart í stjórnmálas-
krifum Mogga. Víst er, að oft
virðist einföldum lesara sem sál-
arástand höfundanna sé ekki
ósvipað og væru þeir í sporum
hins hundelta, sem Grímur
Thomsen lýsti þannig á einum
stað:
„Eftir honum úlfar þjóta
ilbleikir með strengdan kvið.. “
Hjartakul
Að minnsta kosti eru þeir á
Mogga óvanir orðnir því að ein-
hver víki til þeirra góðu. Það er
ekki lengur hægt að skjóta að
þeim mildilega hughreystandi
orðum, klappa þeim á koll fyrir
ágæta frammistöðu án þess að
þeir sjái í hinni mildu hönd upp
reiddan refsivönd.
Þeir eru kalnir á hjarta, einsog
segir í Ijóðinu Gríms, sem gæti
eins átt við þá og vistina hjá Sjálf-
stæðisflokknum:
Náköld er Hemra,
því Niflheimi frá
nöpur sprettur á.
En kaldara und rifjum er kon-
ungsmönnum hjá.
Kalinn á hjarta þaðan slapp eg.
Hjartakulið kom vitaskuld
best í ljós í viðbrögðum þeirra við
því trausti sem klippari lét uppi á
trúnaði Staksteina við minningu
Gríms Thomsen. Þau gæskuríku
orð sem féllu í þessum dálki, vita-
skuld vel meint einsog annað sem
hér er skrifað, voru þannig túlk-
uð sem árás á alla þrjá í senn:
höfund Staksteina, Grím Thoms-
en og Eið Guðnason, glaðlynd-
asta þingmann þjóðarinnar.
En mildilegri umfjöllun okkar
um þekkingu Stefáns Friðbjarn-
arsonar á Grími Thomsen var
svarað með eftirfarandi skoti úr
einni af hinum skammdrægu fall-
byssum Morgunblaðsins, sem í
daglegu tali er kölluð Víkverji:
„Þó er eitt blað,“ segir Víkverji
eftir að hafa lesið einkar jákvæða
lýsingu klippara á þeim þremenn-
ingum, Staksteinari, Grími og
Eiði, „Þjóðviljinn, stanzlaust við
skammdegisskrifln, þrátt fyrir
náttlausa voraldarveröld. Það
hefur allt á hornum sér - ár og síð
og alla tíð. Það agnúast jafnvel út
í fjarskyldan frænda Víkverja,
Staksteinar, fyrir að vitna í Grím
gamla Thomsen. ..!“
Freudískar duldir
Það er þó ekki eini glæpur
Þjóðviljans. Málgagn sósíalis-
mans leyfir sér annað og verra, að
mati Víkverja, því „í leiðinni
staðhæflr blaðið að Eiður nokkur
Guðnason hljóti að vera skap-
fúll...“!!
Þá hafa menn það.
Þessi setning er nefnilega ekki
einungis barmafull með freudísk-
ar duldir af svo miklu dýpi, að
þær myndu í sjálfu sér verðskulda
meira en einn miðilsfund til að fá
sjúkdómsgreininguna frá Sig-
mund sjálfum - því miður illa
fjarri góðu gamni efnisheimsins.
En hún er líka merkileg fyrir þá
sök, að hún er einskonar spegil-
mynd af sálarástandi Morgun-
blaðsins um þessar mundir.
Látum vera þó blaðið bíti
höndina sem klappar því. Það eru
einungis viðbrögð við þeim
skömmum, sem sífellt dynja á
Morgunblaðsmönnum innan úr
Sjálfstæðisflokknum. Hitt er
verra, ef lífssýn manna innahúss
er svo svört orðin, að blaðið sér
sérstaka ástæðu til að hafna því
opinberlega að Eiður Guðnason
„hljóti að vera skapfúll“.
Fundin skýring
Þjóðviljinn ætlar ekki að láta
teyma sig út í opinbera ritdeilu
við Morgunblaðið um meint dap-
urlegt sálarástand tiltekinna
þingmanna Alþýðuflokksins.
Það á sínar skýringar - einsog all-
ir þeir vita sem hafa lesið stefnu-
yfirlýsingu ríkisstjórnarinnar.
Hitt er sönnu næst að hér er
komin skýring á allri þeirri
svartsýni sem hellt er yfir þjóðina
í ritstjómargreinum Morgun-
blaðsins um þessar mundir. Við
öðru er nefnilega ekki að búast af
mönnum sem eru svo illa haldnir
af langvarandi skorti á léttu geði
að þeir sjá sérstaka ástæðu til að
mótmæla því í nafnlausum rit-
stjórnarpistlum að Eiður Guðna-
son sé ekki glaðværasti þingmað-
ur þjóðarinnar.
þlOÐVILJINN
Málgagn sósíalisma, þjóöfrelsis
og verkalýðshreyfingar
Utgefandi: Útgáfufólag Þjóðviljans.
Ritstjórar: Árni Bergmann, Þráinn Bertelsson, össur
Skarphóðinsson.
Fróttaatjóri: Lúðvík Geirsson.
Blaðamenn: Garðar Guðjónsson, Guðmundur Rúnar Heiðarsson,
Hrafn Jökulsson, HjörleifurSveinbjömsson, IngunnÁsdísardóttir,
Kristín Ólafsdóttir, Kristófer Svavarsson, Logi Bergmann Eiðsson
(íþróttir), Magnús H. Gíslason, MörðurÁrnason, ÓlafurGíslason,
RagnarKarisson, SigurðurÁ. Friðþjófsson, StefánÁsgrímsson, Vil-
borg Davíðsdóttir, Yngvi Kjartansson (Akureyri).
Handrita-og prófarkalestur: Elías Mar, HildurFinnsdóttir.
Ljósmyndarar: Einar Ólason, Sigurður Mar Halldórsson.
Útlitateiknarar: Sævar Guðbjörnsson, GaröarSigvaldason.
Framkvæmda8tjóri: Guðrún Guðmundsdóttir.
Skrifatofustjóri: Jóhannes Harðarson.
Skrifstofa: Guðrún Guðvarðardóttir, Kristín Pótursdóttir.
Auglý8inga8t]óri: Sigríður Hanna Sigurbjörnsdóttir.
Auglýslngar: Unnur Ágústsdóttir, Olga Clausen, Guðmunda Krist-
insdóttir.
Símvarala: Hanna Ólafsdóttir, SigriðurKristjánsdóttir.
Bílstjóri: Jóna Sigurdórsdóttir.
Ótbreiðslu-og afgreiðslustjóri: HörðurOddfríðarson.
Afgreiðsla: Bára Sigurðardóttir, Hrefna Magnúsdóttir.
Innheimtumenn: Brynjólfur Vilhjálmsson, OlafurBjömsson.
Útkeyrsla, afgreiðsla, ritstjórn:
Síðumúlað, Reykjavík, sími 681333.
Auglýslngar:Síðumúla 6,símar681331 og 681310.
Umbrotog setning: Prentsmlðja Þjóðviljans hf.
Prentun: Blaðaprent hf.
Verð í lausasölu: 55 kr.
Helgarblöö: 60 kr.
Áskriftarverð á mánuði: 550 kr.
4 SÍÐA - ÞJÓÐVILJINN Fimmtudagur 23. júlf 1987