Þjóðviljinn - 07.10.1987, Qupperneq 2

FRETTIR
Hlíf
F—SPURNINGIN
Viltu að Vigdís Finn-
bogadóttir gefi áfram
kost á sér í embætti
Forseta íslands.
n
Björn Sveinsson,
sölumaður:
Já, hún hefur staðið sig vel og er
góð landkynning. Það er enginn
vafi á því að hún ræður við starf-
ið.
Ágúst Karlsson,
tæknifræðingur:
Já, mér finnst það allt í lagi. Hún
er vön embættinu og veldur því
fyllilega.
Sigríður Þorvaldsdóttir,
skrifstofumaður:
Já, alveg endilega. Hún hefur
staðið sig afar vel og er mjög
frambærileg.
Herborg Karlsdóttir,
húsmóðir:
Já, svo sannarlega, enda eigum
við engan frambærilegri. Kyn-
ferðið finnst mér ekki skipta máli í
þessu sambandi.
Sigríður Jónasdóttir,
skrifstofumaður:
Endilega. Mér finnst hún hafa
staðið sig mjög vel. Það skiptir
ekki máli hvort karl eða kona
gegnir embættinu, bara ef við-
komandi stendur sig vel.
Vinnubrögð VMSÍ átalin
Félagsfundur Hlífar: Óeiningin innan VMSÍskrifastá kostnað
framkvœmdastjórnar. Villfresta viðrœðum við VSÍ. Niðurröðun
starfsheitafyrst. Sigurður T. Sigurðsson: Viljum heiðarleg vinnubrögð
Okkar skilyrði eru heiðarleg
vinnubrögð og opnar um-
raeður. En að við ætlum að segja
skilið við Vcrkamannasamband-
ið í næstu samningum, það gerum
við ekki fyrr en í lengstu lög, sagði
Sigurður T. Sigurðsson, hjá
Verkamannafélaginu Hlíf í Hafn-
arfirði, en nýlega átaldi félags-
fundur Hlífar harðlega þau vinn-
ubrögð sem framkvæmdastjórn
sambandsins og launanefndin
hefði viðhaft við tillögugerð að
launaflokkakerfi fyrir næstu
samninga.
- Það jafngildir tímasprengju
og ýtir undir óeiningu að setja
fram kröfu um fjögurra launa-
flokka kerfi án þess að nefna til
sögunnar annað starfsheiti en
sérhæft fiskvinnslufólk. Það er
okkar meining að röðun starfs-
heita í launaflokka hefði átt að
ákveðast áður en byrjað var á
viðræðum við atvinnurekendur.
Menn mega ekki gleyma því að
starfsheitin eru hátt á annað
hundrað og okkur í Hlíf er spurn
hvar á að raða þeim niður, sem
ekki bera heitið sérhæft fisk-
vinnslufólk, sagði Sigurður T.
Sigurðsson.
I ályktun félagsfundar Hlífar
segir að óskynsamlegt sé að við-
ræðum við vinnuaflskaupendur
sé haldið áfram meðan niður-
röðun starfsheita á launaflokka
sé óútkljáð innan Verkamanna-
sambandsins.
- Þá sundrungu sem nú gerir
vart við sig innan Verkamanna-
sambandsins má fyrst og fremst
rekja til óvandaðra vinnubragða
framkvæmdastjórnar og 19
manna nefndarinnar, segir í á-
lyktun Hlífar. - Verði ekki
breytingar á vinnubrögðum
VMSÍ forystunnar er hætt á að
Verkamannasambandið leysist
upp.
- rk
Ráðhús
Hver
ákvað
staðinn?
Borgarráð bendir á
borgarstjóra. Finnst
hvergi í bókun þess.
Ákvörðunin tekin
framhjá borgar-
fulltrúum
„Hver tók ákvörðun um stað-
setningu ráðhúss að byggja það í
einu horni Tjarnarinnar?“ spyr
Kristín Á. Olafsdóttir, borgar-
fulltrúi Alþýðubandalagsins á
síðasta borgarstjórnarfundi þeg-
ar samþykkt var bygging ráðhúss
í og við Tjörnina.
I svari borgarstjóra kom fram
að borgarráð hefði tekið ákvörð-
un um það, en ekki bar borgar-
ráðsfulltrúum saman um það.
Borgarfulltrúi Framsóknar-
flokksins, sem sæti átti í dóm-
nefndinni um tillögur að ráðhúsi
sagðist ekki geta séð það í fundar-
gerðum ráðsins að það hafi tekið
ákvörðun um staðsetninguna og
ekki hafi það verið í valdi dóm-
nefndar að taka ákvörðun um
það, heidur einungis að meta
framkomnar tillögur um bygg-
ingu hússins.
Undir sjónarmið fulltrúa
Framsóknarflokksins, Sigrúnar
Magnúsdóttur tók fulltrúi
Kvennalistans, Ingibjörg Sólrún
Gísladóttir.
Það bendir því allt til þess að
ákvörðunin um staðsetningu ráð-
hússins í Tjörninni hafi verið
tekin framhjá kjörnum fulltrúum
borgarbúa og verið ákveðin upp á
eindæmi borgarstjóra og hjálpar-
sveinum hans í borgarkerfa, án
þess að kjörnir borgarfulltrúar
hafi nokkru um það ráðið.
-grh
Forráðamenn Starfsþjálfunar fatlaðra í nýja kennsluhúsnæðinu að Hátúni 10. Frá v. Guðrún Hannesdóttir forstöðumað-
ur, Margrót Margeirsdóttir, Ingimundur Magnússon og Arnþór Helgason sem eiga sæti í stjórn Starfsþjálfunarinnar
Mynd-Sig.
Fatlaðir
Fjölbreytt starfsþjálfun
14 hófu nám ígær hjá Starfsþjálfun fatlaðra. Endurhœfing til
frekari náms eða starfa
Starfsþjálfun fatlaðra tók f gær
til starfa í nýrri kennsluað-
stöðu að Hátúni 10 í Reykjavík.
14 fatlaðir einstaklingar á aldrin-
um 17 ára til fimmtugs hófu nám í
starfsþjálfun í gær og annar hóp-
ur mun hefja nám um næstu ára-
mót.
- Þetta er fólk sem þarf stuðn-
ing áður en það fer út í störf eða
frekara nám. Það eru fleiri um-
sóknir sem liggja fyrir en við höf-
um getað annað að sinni og þörf-
in því brýn, sagði Margrét Marg-
eirsdóttir deildarstjóri í félags-
málaráðuneytinu sem á sæti í
stjórn Starfsþjálfunarinnar. Auk
hennar sitja í stjórninni sem full-
trúar Öryrkjabandalagsins þeir
Arnþór Helgason og Ingimundur
Magnússon.
Starfsþjálfun fatlaðra er nú
kostuð af ríkissjóði en áður rak
Rauði krossinn Skóla fatlaðra í
Iðnskólanum með stuðningi ann-
arra félagasamtaka. Samkvæmt
nýjum starfsreglum fyrir þessa
kennslu fatlaðra sér Félagsmála-
ráðuneytið um fjárhagslega
ábyrgð en Öryrkjabandalagið um
rekstur skólans.
Að sögn Guðrúnar Hannes-
dóttur námsráðgjafa sem hefur
verið ráðin forstöðumaður
Starfsþjálfunarinnar, verður
megináherslan lögð á kennslu í
íslensku, ensku, verslunarr-
eikningi, bókfærslu, samfélags-
fræði og tölvufræðslu. - g*
2 SÍÐA — ÞJÖÐVILJINN Mi&vikudagur 7. október 1987