Þjóðviljinn - 14.10.1987, Qupperneq 2

—SPURNINGIN-
Hefur þú trú á því að fjár-
lög verði rekin hallalaus
á næsta ári?
Sigurður Dementz,
söngkennari:
Ég skal ekki segja. Maður vonar
það besta.
Eiríkur Sigurðsson,
bílamálari:
Því hef ég ekki minnstu trú á -
ekki frekar en á undangengnum
árum. Það vaeri hreint kraftaverk
ef það tækist á næsta ári.
Agnar Geirfinnsson,
bílaleigu Flugleiða:
Þau verða rekin með halla að
venju. Ég held að það sé lítil
ástæða til að ætla annað.
Kjartan Kjartansson,
verslunarmaður:
Ég er satt að segja vantrúaður á
að það takist frekar á næsta ári
en undanfarin ár.
Fríður Hannesdóttir,
sjúkraliði:
Nei ég hef ekki minnstu trú á því
að það takist. Það er svo fjar-
lægur möguleiki að maður lætur
sig ekki dreyma um það.
■BÉBHEBBBBBBI
FRÉTTIR
Fjárlög
Forsendumar á floti
Ragnar Arnalds: Framlagningin einkennist af miklu írafári
Framlagning fjárlagafrum-
varpsins einkennist af miklu
írafári. Ríkisstjórnin fór að
hræra í frumvarpinu á síðustu
stundu og breytti ýmsum atriðum
verulega og kom því ekki fram
með frumvarpið fyrr en á þriðja
degi Alþingis, sem er mjög
óvenjulegt. Stjórnarandstöðunni
hefur því ekki gefist neitt tækifæri
til þess að kanna efni frumvarps-
ins, sagði Ragnar Arnalds við
Þjóðviljann þegar leitað var álits
hans á fjárlagafrumvarpinu.
„Þessi málsmeðferð er ekki
traustvekjandi og manni virðist
að allar efnahagsforsendur sem
frumvarpið byggir á séu mjög á
floti. Það er mikil óvissa ríkjandi
um gengi, kjaramál, stefnuna í
vaxtamálum o.s.frv. Ég get því
ekki séð að fjárlagafrumvarpið sé
sá burðarás efnahagsstefnunnar,
sem gefið er í skyn.“
Ragnar sagði afar óljóst hvort
vextir muni ekki hækka um hálft
til eitt prósent vegna aðgerða
ríkisstjórnarinnar með sölu spar-
iskírteina. „Áætlanir þeirra um
sölu spariskírteina eru byggðar á
mjög mikilli bjartsýni. Sennilega
eru það ekki raunhæfar áætlan-
ir.“
Þá sagði Ragnar að vaxtaút-
gjöldin í frumvarpinu væru 9,4
milljarðar, sem stafar af gríðar-
legum hallarekstri ríkissjóðs á
undanförnum árum og að vaxta-
hækkanir muni því koma í bakið
á ríkisstjórninni.
„Að öðru leyti sýnist manni að
megineinkenni fjárlagafrum-
varpsins sé stórhækkun á neyslu-
sköttum. Söluskattsbreytingarn-
ar gefa ríkissjóði um tvo
milljarða í viðbótatekjur og þar
vega matarskattarnir langsam-
lega þyngst. Satt best að segja er
það ömurleg byrjun á stjórnar-
samstarfi að aftur og aftur er grip-
ið til þess að hækka brýnustu
nauðsynjar í verði.“
Annað sem Ragnar sagði að
vekti athygli sína væri meðferðin
á sveitarfélögum. Jöfnunarsjóð-
ur sveitarfélaga hefur verið stór-
lega skertur undanfarin ár og
ekki virðist eiga að breyta þeirri
stefnu.
„Nú er velt yfir á sveitarfélögin
stórfelldum kostnaðarliðum, t.d.
öll framlög til tónlistarkennslu,
Ragnar Arnalds segist eiga erfitt með að sjá að fjárlagafrumvarp Jóns Baldvins sé eitthvert tímamótafrumvarp einsog
fjármálaráðherra hefur gefið í skyn.
til dagvistarheimila, til iðnráð-
gjafar, til landshafna, vatns-
veitna o. fl. eru skorin niður í ekki
neitt. Sveitarfélögin eiga að taka
við þessu og fá í staðinn vilyrði
um minni skerðingu á jöfnunar-
sjóði en verið hefur. Fyrst er stol-
ið af sveitarfélögunum lögboðn-
um tekjustofni í stórum stíl og svo
er lofað að skila einhverjum hluta
af þeim stuldi til baka en í staðinn
skorin niður önnur lögbundin
framlög."
Þá sagði Ragnar að framlög til
grunnskóla lækkuðu í krónutölu
og það kæmi illa niður á lands-
byggðinni við uppbyggingu
skóla, en auk þess væri óveruleg
hækkun til hafnarmála. Framlög
til félagsheimilasjóðs eru alveg
skorin út og einnig til íþróttasjóðs
og byggðasöfn skorin út úr frum-
varpinu.
„Þegar litið er á framlög til
menningarmála þá eru þau við-
unandi á mörgum sviðum, það
skal fúslega viðurkennt. Eftir-
tektarvert er þó að kvikmynda-
sjóður, sem fékk í fyrsta skipti í
fyrra það sem honum ber sam-
kvæmt lögum, hann er nú skorinn
niður. Framlagið til Þjóðarbók-
hlöðunnar er líka skorið stórlega
niður. Það var lagður á sérstakur
eignarskattur til að ljúka við
Þjóðarbókhlöðuna á nokkrum
árum en nú ætlar ríkissjóður að
næla sér í tvo þriðju hluta af því
fé.“
Ragnar sagði að ýmis gæluvið-
fangsefni ríkisstjórnarinnar sem
bæru stóra útgjaldaliði í fjár-
lögum einsog t.d. aðalskrifstofur
ráðherranna, en þær fá stóraukin
framlög og algengt er að þau
hækki um 57-72% að sögn Ragn-
ars. Þá er flugstöðin mjög þung á
fóðrum og tekur til sín um 820
milljónir króna.
Að lokum sagði Ragnar að erf-
itt væri að sjá að þetta væru tíma-
mótafjárlög. „Reynist það rétt að
ríkissjóður verði rekinn án halla
næsta ár þá er það mikil framför
frá því sem verið hefur í tíð
seinustu stjórnar, en þá var ríkis-
búskapurinn með endemum. En
það á alveg eftir að koma í ljós að
hve miklu leyti frumvarpið er
raunhæft því óvissan í efna-
hagsmálum er svo mikil. í frum-
varpinu er miðað við 18% hækk-
un framfærsluvísitölu og 14,5%
hækkun byggingarvísitölu en allir
landsmenn vita að verðbólgan
æðir áfram þessa mánuði og því
með öllu óljóst hversu raunhæfar
þessar tölur eru.“
-Sáf
Könnun
Fallegasta
Að mati 5000 frímerkjasafnara
víða um heim sem eru í föstum
viðskiptum við Frímerkjasölu
Pósts- og símamálastofnunar var
fallegasta frímerkið sem gefið var
út hérlendis á sl. ári, smáörk með
mynd eftir August Meyer af ferj-
ustað á Hvítá við Iðu árið 1836.
Alls voru sendir út um 30 þús.
atkvæðaseðlar og komu nær 1000
frímeikið
svör frá Danmörku, um 700 frá
íslenskum söfnurum og önnur
700 frá Svíþjóð, 618 frá V-
Þýskalandi og 510 frá Noregi.
Næstfallegasta merkið var val-
ið Evrópumerki með mynd af
Jökulárgljúfrum og í þriðja sæti
var merki úr sömu útgáfu af
Skaftafelli í Öræfum bæði
teiknuð af Þresti Magnússyni.
-Ig-
eððotttescotið
ÍSLAND *
2000 o
AUGUSTE MAYER: FERJUSTAÐUR Á HVÍTÁ HJÁ IÐU 1836
DAGUR FRÍMHRKISINS 9 OKTÓBER 1986-VERÐ KR 30.00
2 SÍÐA - ÞJÓÐVILJINN Mlðvikudagur 14. október 1987