Þjóðviljinn - 03.12.1987, Blaðsíða 2

rSPURNINGIN-1
Áttu von á gengisfellingu
á næstunni?
Kjartan Sigurgeirsson
forritari:
Ég hef bara ekki hugmynd um
þaö.
Margrét Ósvaldsdóttir
hjúkrunarfræöingur:
Nei, það held ég ekki. Þeir þora
það ekki.
Jón Gunnarsson
sjómaður:
Alveg eins, en hversu mikil er
ómögulegt að segja.
Edith Nicolaidóttir
húsmóðir:
Ég býst alveg eins við því, en
vonandi verður hún ekki mikil.
Hörður Ragnarsson
bílstjóri:
Nei, það held ég ekki. Ég hef trú á
því að þeir haldi þessu stöðugu.
FRETTIR
Patreksfjörður
Uthaldslitlir kratar
Úlfar B. Thoroddsen sveitarstjóri: Afstaða Alþýðuflokksins veldur okkur
vonbrigðum. Ekki sjálfgefið að kvótifylgi skipi. Ekkert sveitarfélag orðið jafn illa
fyrir barðinu á kvótaeign útgerðarmanna
Það veldur okkur miklum von-
brigðum að Alþýðuflokkur-
inn með Sighvat Björgvinsson í
fylkingarbrjósti, skuli ekki hafa
meiri dug og þor til að halda
þeirri skoðun til streitu að skilja á
milli þess að kvóti fylgi bát í þeirri
endurskoðun sem fram fer á nú-
gildandi fiskveiðistjórnun. Ekk-
ert sveitarfélag hefur orðið jafn
ilia fyrir barðinu á kvótaeign út-
gerðarmanna og Patreksfjörður,
sagði Úlfar B. Thoroddsen
sveitarstjóri í samtali við Þjóð-
viljann í gær.
Það vakti mikla athygli á dög-
unum sú skoðun alþýðuflokks-
manna að það væri ekki sjálfgefið
að kvóti ætti að fylgja bátum og
skipum. Seinna kom það á dag-
inn að þessi skoðun kratanna rist-
ir ekki djúpt og er aðeins leikur í
refskák flokksins við samstarfs-
flokka hans í ríkisstjórninni til
þess að auðvelda öðrum málum
hans að ná í gegn á þingi. Það eina
sem eftir stendur er að endur-
skoða eigi fiskveiðistefnuna öðru
hvoru, þegar mönnum þykir það
henta.
Að sögn Úlfars er Patreks-
fjörður ekki nema svipur hjá sjón
sem útgerðarpláss í dag miðað
við það sem það var fyrir fimm
árum. Þá voru gerðir þaðan út
um 10 vertíðarbátar. í dag er búið
að selja þá flesta til annarra
byggðarlaga og jafnframt hefur
afli sem á land hefur borist
minnkað að mun. í dag eru á
Patreksfirði gerðir út tveir stórir
bátar og einn togari auk smábáta.
„Sú ráðstöfun að láta útgerðar-
menn halda kvótanum er að mínu
mati alvarlegasta aðförin sem
gerð hefur verið að hagsmuna-
máli allrar þjóðarinnar, sem er
sameiginleg auðlind hennar á
fiskimiðum í kringum landið. Ég
átti von á því að Alþýðuflokkur-
inn hefði sterkari bein heldur en
raun ber vitni,“ sagði Úlfar B.
Thoroddsen.
grh
Myndlist
Listakona í
gróandanum
Kristín Jónsdóttir - Listakona í
gróandanum, nefnist nýút-
komin bók eftir Aðalstein Ingólfs-
son, sem bókaútgáfan Þjóðsaga
hefur gefið út. Bókin er hin vand-
aðasta að allri gerð og er prýdd 65
litmyndum sem gefa gott yfirlit
yfir ævistarf þessarar listakonu,
sem var ekki bara brautryðjandi
meðal kvenna í íslenskri mynd-
list, heldur tilheyrði líka
brautryðjendakynslóð islenskra
myndlistarmanna, en Kristín
hefði orðið 100 ára þann 25. janú-
ar næstkomandi.
Kristín Jónsdóttir stundaði
nám við Listaakademíuna í
Kaupmannahöfn 1911-1916 og
var búsett þar til ársins 1924 er
hún fluttist heim með manni sín-
um, Valtý Stefánssyni, sem síðan
gerðist ritstjóri Morgunblaðsins.
Kristín lést í Reykjavík árið 1959.
Á blaðamannafundi sem hald-
inn var í gær í tilefni útkomu bók-
arinnar, sagði Aðalsteinn Ing-
ólfsson að við rannsókn á ævi-
starfi Kristínar hefði honum
komið á óvart hversu sjálfu sér
samkvæmt en um leið fjölbreyti-
legt framlag Kristínar hefði verið
til íslenskrar myndlistar, sem og
sá skilningur sem hún hefði haft á
framlagi málara af yngri kynslóð-
inni sem Ieiddu ab-
straktmálverkið til vegs í íslenskri
myndlist.
Bókin um Kristínu Jónsdóttur
er 197 bls. að stærð og prentuð í
Prentsmiðjunni Odda.
-ólg.
Kristín Jónsdóttir í vinnustofu sinni í Kaupmannahöfn árið 1917
Sambandið
Vinnumiðlun komin í gagnið
Fjölnir Sigurjónsson trúnaðarmaður: Erum að jafna okkur. Verst fyrir elstu starfsmennina
Við bindum vonir við að hægt
verði að útvega flestum aðra
vinnu, sagði Fjölnir Sigurjónsson
trúnarðarmaður loðbandsdeild-
ar Ullariðnaðar Sambandsins um
stöðu þeirra 80 starfsmanna sem
var sagt upp þar þegar ullariðn-
aðurinn var sameinaður Alafossi.
í gær var sett á stofn vinnumiðlun
hjá Sambandinu, en í gegnum
hana verður leitast við að útvega
þeim vinnu sem sagt var upp.
Fjölnir sagði að fólk væri
smám saman að jafna sig eftir
uppsagnirnar sem bar mjög brátt
að. Verst hefðu þær komið við
starfsfólk sem væri búið að vera
mjög lengi á vinnustaðnum, en
margt þeirra óttaðist að fá ekki
vinnu aftur. Útlitið væri hins veg-
ar ekki eins slæmt og virtist í
fyrstu. „En sálræni hlutinn er
auðvitað erfiðastur. Allir þekkja
skrekkinn sem fylgir því að byrja
í nýju starfi og hann er auðvitað
mestur hjá elsta starfsfólkinu,"
sagði Fjölnir.
Alls var 140 manns sagt upp
vegna sameiningarinnar. k.Ó1.
Bjórfrumvarpið
Læknaprófessorar á móti
Sextán prófessorar í læknis-
fræði við Háskóla íslands hafa
sent alþingismönnum undirritað
bréf þar sem þeir lýsa áhyggjum
sínum vegna bjórfrumvarpsins,
sem nú liggur fyrir þinginu.
í bréfinu segir að þetta sé eitt
afdrifaríkasta frumvarpið sem
Alþingi hafi haft til meðferðar
um heilbrigðismál til þessa. Segir
í bréfinu að með samþykkt frum-
varpsins sé stefnt að aukinni
heildarnotkun áfengis, en sannað
sé að slík aukning muni auka á
þau áfengisvandamál sem séu
fyrir í þjóðfélaginu. Undir bréfið
skrifa eftirtaldir prófessorar: Ás-
mundur Brekkan, Gunnar Þór
Jónsson, Helgi Valdimarsson,
Jónas Hallgrímsson, Jóhann Ax-
elsson, Margrét Guðnadóttir,
Víkingur Arnórsson, Þórður
Harðarson, Gunnar Guðmunds-
son, Hjalti Þórarinsson, Hrafn
Tulinius, Magnús Jóhannsson,
Tómas Helgason, Þorkell Jó-
hannesson og Hannes Blöndal.
"■ -ólg
2 SÍÐA - ÞJÓÐVILJINN Fimmtudagur 3. desember 1987