Þjóðviljinn - 17.12.1987, Blaðsíða 2
nSPURNINGIN
Hver er þín reynsla af
frjálsum vöxtum?
Fanney Úlfljótsdóttir
bókari:
Ég hef eiginlega enga reynslu af
þeim. Þó koma þeir sér illa vegna
afborgana á eftirstöðvalánum hjá
mér.
Örn Jónsson
iðnaðarmaður:
Ég hef ekki mikla reynslu af þeim,
það er frekar verðtrygging á lán-
um sem er mjög slæm því ég
stend í byggingum.
Katrín Sól Högnadóttir
starfsstúlka á sjúkrahúsi:
Ég hef slæma reynslu af þeim.
Ég er að káupa íbúð og það hefur
verið mjög erfitt.
Gunnar Þórisson
húsasmiður:
Ég hef enga reynslu af þeim.
Guðmundur Arason
nemi:
Ég hef enga reynslu af þeim enn
sem komið er.
FRETTIR
Rækja við Djúp
Veiði hætt í bili
Kristinn H. Gunnarsson starfsmaður rœkjusjómanna:
Skammdegisjólastopp á rækjunni. Byrja aftur veiðar 8. janúar nk.
Vikuaflinn allt að 20 tonn að meðaltali. Stofninn í uppsveiflu. Rækja
veiðist út um allt Djúp. Stór og góð
Frá því rækjuveiðar hófust í
ísafjarðardjúpi í haust hefur
meðalafli þeirra 32 báta sem hafa
veiðileyfi verið um 20 tonn á dag.
Heildaraflinn er nú orðinn 752
lestir af 1800 lesta kvóta sem
heimilt er að veiða af rækju á
þessari vertíð, sagði Kristinn H.
Gunnarsson starfsmaður rækj-
usjómanna við Djúp í samtali við
Þjóðviljann.
Árlegt skammdegis- og jóla-
stopp rækjusjómanna við Djúp
er nú hafið. Rækjusjómenn láta
vel af stærð rækjunnar og veiðist
hún svo til út um allt Djúpið, og
meira að segja fyrir utan mynni
Skutulsfjarðar sem ekki hefur
gerst í áraraðir. Er vertíðin í ár
miklu betri en til dæmis í fyrra en
þá var hún með eindæmum léleg.
Því bendir allt til þess að rækjust-
ofninn í Djúpinu sé í mikilli upp-
sveiflu um þessar mundir.
Rækjuverksmiðjurnar við ísa-
fjarðardjúp, sem eru sjö talsins,
greiða allt að 20% minna verð
fyrir inndjúpsrækjuna en þær
greiddu fyrir úthafsrækjuna í
sumar eða 50 kr. að meðaltali
fyrir kílóið. f mörgum tilvikum
jafnvel meir því þær gerðu mikið
af því að taka þátt í útgerðar-
kostnaði úthafsrækjuskipa sem
þær gera ekki við útgerðir rækju-
bátanna við Djúp.
Byrjað verður aftur að veiða
rækjuna 8. janúar og stendur
veiðitíminn fram til 30. apríl. Þó
bjóst Kristinn ekki við því að
vertíðin stæði svo lengi ef sama
veiðin heldur áfram. Verða sjó-
menn þá væntanlega búnir með
kvótann um miðjan marsmánuð.
Þá er heldur ekki vitað hvort
kvótinn heldur sér eða hvort
hann verður eitthvað skorinn
niður eftir áramótin, en þá fer
Hafrannsóknastofnun í rann-
sóknaleiðangur um Djúpið til að
kanna stofninn og hvort mikið sé
um seiði á veiðislóðunum. Ef
mikið reynist af seiðum í Djúpinu
er vel líklegt að einhverj um veiði-
svæðum verði lokað.
-grh
Skammdegið
Eflir sam-
kenndina
Sr. Karl Matthíasson á
Suðureyri: Eindæma
veðurblíða ásamt góðri
fœrð dregur úrskamm-
degisáhrifum
„Skammdegið hefur þau áhrif
á fólkið hér að það þjappar sig
meira saman en ella og þátttaka
þess í ýmiss konar félagslífi er
aldrei meiri en einmitt nú þegar
hvað dimmast er,“ sagði séra
Karl Matthíasson prestur á
Suðureyri við Súgandafjörð.
Þar vestra örlar nú rétt á
dagskímunni sólarlausri frá 11 á
morgnana til nóns, en þá fer birtu
strax að bregða.
Að sögn Karls hefur skamm-
degið farið vel í íbúa Suðureyrar
enda er veðrið búið að vera gott í
allan vetur og einstök færð á fjall-
vegum. „Þessi góða tíð hefurgert
það að verkum að menn hafa
ekki eins fundið fyrir innilokun-
inni eins og endranær þegar allt
hefur verið á kafi í snjó,” sagði
Karl. - grh
AB/Garðabœ
Fjöragt á
matarfundi
Þetta tókst vel hjá okkur og við
ætlum að halda áfram, sagði Þór-
ir Steingrímsson í Alþýðubanda-
laginu í Garðabæ eftir félagsfund
í fyrrakvöld þarsem flokksfor-
manninum var boðið í mat hjá A.
Hansen í Húsinu í Hafnarfírði.
Þetta er tilraun til að víkja frá
hinu hefðbundna formi og króa
forystumennina af á huggulegum
matarfundi, sagði Þórir. -Þarna
flugu margar spurningar og at-
hugasemdir á skemmtilegum
fundi, og einna mest talað um
nýju fiskveiðistefnuna. Við höf-
um fullan hug á að halda þessu
áfram eftir hátíðirnar.
Frá matarfundi Garðbæinga á Hansen í fyrrakvöld (Mynd: KGA).
Kvennaþing
Skemmtilegt, skipulagt kaos
Undirbúningur samnorrœna kvennaþingsins í Osló kominn áfulltskrið. Reiknað
með að yfir200 íslenskar konur sœki þingið
Eg vonast til þess að þingið
verði skemmtilegt, skipulagt
kaos, sagði Guðrún Agústsdóttir í
Framkvæmdanefnd um launamál
kvenna og annar fulltrúi Islend-
inga í samnorrænni undirbún-
ingsnefnd um norrænt kvenna-
þing sem fyrirhugað er að halda í
Osló dagana 30. júlí til 7. ágúst.
Um 90 konur eru nú virkar í
undirbúningsnefndinni hér á
landi og „fleiri og fleiri konur
bætast stöðugt í hópinn,“ sagði
Guðrún.
Guðrún sagði að hugmyndin
um samnorrænt kvennaþing hafi
fyrst komið upp hjá íslenskum
konum, en héðan hafi hún farið
inní Norrænu ráðherranefndina
og Norðurlandaráð. „Markmiðið
með þinginu er að færa konur nær
jafnrétti og kvenfrelsi og ekki
síður að gefa norrænum konum
tækifæri til þess að gráta og hlæja
saman og veita hver annarri
gagnkvæman styrk til þess að ná
markmiðinu". Guðrún lagði
áherslu á að þingið væri hugsað
sem grasrótarþing, en ekki ein-
göngu fyrir þær konur sem oftast
fjölmenna á kvennaráðstefnur.
Það væri ekki nauðsynlegt að
geta talað hin norðurlandamálin
því styrkur hefði fengist til þess
að ráða túlk og búið væri að setja
fram kröfur um það að á tímarit-
inu sem gefið verður út á þinginu
starfi íslenskur blaðamaður.
„Allir eiga að fá að njóta sín,“
sagði Guðrún, en á þinginu verð-
ur mjög fjölbreytt dagskrá; fyrir-
lestrar, panelumræður, hópum-
ræður, vinnubásar og mikið um
listrænar uppákomur.
Guðrún sagði ótrúlegt hversu
margar íslenskar konur væru
búnar að taka við sér og sína
áhuga á þinginu. „Við höfðum
það markmið að íslenskir þátt-
takendur yrðu 200 talsins, en nú
sýninst okkur að þeir verði miklu
fleiri. Enda er það fyrir flestar
okkar ekki nema einu sinni á
ævinni sem við fáum tækifæri til
þess að vera í kvennabúðum heila
viku þar sem allt er undir lagt af
starfsemi kvenna“. í heildina er
áætlað að fjöldi þeirra sem sækja
þingið verði á bilinu 7-8 þúsund.
Guðrún sagði að flestar konur
ættu að sjá sér fært að fara á þing-
ið, en kostnaður verður í algjöru
lágmarki. Þá sé búist við því að
ýmis félagasamtök og sveitarfé-
lög styrki konur til fararinnar, en
nokkur sveitarfélög hafa nú þeg-
ar riðið á vaðið.
-K.Ól.
2 SÍÐA - ÞJÓÐVILJINN Flmmtudagur 17. desember 1987