Þjóðviljinn - 01.03.1988, Blaðsíða 3
___________________FRETTIR_______________
Söluskattur af bókum
Skilar 220 miljónum
íslenskar kvikmyndir skila 3,6 miljónum íár. Heilsu-
rœkt 80-90 miljónum króna
Áætlað er að söluskattstekjur
af íslenskum bókum verði um 220
miljónir króna í ár. í fyrra námu
þessar tekjur um 180 miljónum
króna. Þetta kemur fram í skrif-
legu svari fjármálaráðherra við
fyrirspurn Svavars Gestssonar,
sem lagt var fram á Alþingi í gær.
Jón Baldvin Hannibalsson
svaraði á fimmtudag tveimur öðr-
um fyrirspurnum frá Svavari sem
varða söluskatt, annarsvegar af
íslenskum kvikmyndum og hins-
vegar af heilsurækt.
I svari fjármálaráðherra kom í
ljós að áætlað er að söluskattur af
íslenskum kvikmyndum verði um
3,6 miljónir króna í ár, miðað við
að tvær kvikmyndir verði frum-
sýndar og að 40 þúsund manns
sæki sýningar hvorrar myndar-
innar fyrir sig.
Svavar benti á að bæði Hrafn
Gunnlaugsson og Þráinn Bertels-
son hafi sagt að þeir muni sitja
sjálfir í miðasölunni og selja að-
gang að kvikmyndum sínum þar
sem sala listamanna á eigin verk-
um beint til neytenda er sölu-
skattslaus samkvæmt öðrum
ákvæðum í söluskattslögunum.
Heilsuræktin á að skila ríkis-
sjóði 80-90 miljónum í ár að sögn
fjármálaráðherra. Svavar benti á
að ef fólk væri nuddað og upplýst
að læknisráði þyrfti ekki að
greiða söluskatt auk þess sem
íþróttafélög þyrftu ekki að greiða
söluskatt af heilsurækt, enda
hygðust einstaklingar nú stofna
íþróttafélög um heilsurækt sína.
Albert Guðmundsson sagði að
tvímælalaust væri meira rugl í
innheimtu söluskatts nú en nokk-
urn tímann áður, en megin mark-
mið laganna var að einfalda sölu-
skattskerfið.
-Sáf
Vestmannaeyjar
Samningamir
felldir
Verkfall hjá Snót á laug-
ardag
Á fundi í verkalýðsfélagi
Vestmanneyja um sl. helgi voru
nýgerðir kjarasamningar Verka-
mannasambandsins felldir með
17 atkvæðum gegn 6. Jón Kjart-
ansson formaður félagsins undir-
ritaði ekki samningana í Garða-
stræti i síðustu viku.
Deilu verkakvennafélagsins
Snótar og vinnuveitenda hefur
verið vísað til ríkissáttasemjara,
en boðað verkfall Snótar tekur
gildi á laugardag. Vinnuveitend-
ur hafa boðið Snótarkonum
VMSÍ-samninginn en þær hafa
hafnað honum óbreyttum.
-•g-
Fasteignir
Heildaimatið tæpir
412 miljaiðar
Þriggja herbergja íbúðirnar hœkkuðu langmest. Ein-
býlishúsin halda engan veginn í við fjölbýlið. Kring-
lan og Flugstöðin tœp 10% af heildaraukningunni í
fyrra
Samkvæmt útreikningum Fast-
eignamats ríkisins hækkuðu
þriggja herbergja íbúðir hlut-
fallslega mest allra fasteigna á ný-
liðnu ári. Áður hafði mest hækk-
un orðið á fjögurra herbergja
íbúðum en einbýlishús héldu eng-
an veginn í við fjölbýlishúsin I
þeirri hækkunarbylgju sem varð
á fasteignum á sl. ári.
Verðhækkanir á íbúðum á
landsbyggðinni voru fyllilega
sambærilegar við hækkunina á
höfuðborgarsvæðinu. Á Akur-
eyri var hækkunin langmest og
þar var fasteignamat hækkað um
44% en 34% á fjölbýli á höfuð-
borgarsvæðinu. Hækkunin var
hins vegar nokkuð minni á
Suðurnesjum eða 28%.
Heildarmat allra fasteigna í
landinu leggur sig nú á tæpa 412
miljarða. Matseiningar eru tæp-
lega 200 þúsund talsins, þar af
87.151 íbúð.
Hlutfallsiega var fasteigna-
matshækkunin mest á íbúðum í
Reykjavík 34,1% en heildarfast-
eignamat í borginni er uppá rúma
192 miljarða. Næst kemur
Reykjaneskjördæmi með tæpa 99
miljarða en minnst fasteignavirði
er á Austfjörðum, metið á rúma
13,2 miljarða.
Á sl. ári var stærðaraukning á
húsnæði í landinu tæpir 3 miljónir
rúmmetra. Aðeins tvær bygging-
ar sem byggðar voru á árinu,
Flugstöð Leifs Eiríkssonar og
Kringlan eru uppá 271 þús. rúm-
metra eða rúmlega 9% af heildar-
aukningunni. -lg.
Forráðamenn og flugmenn Kabo Air taka hér við Suðurfara úr höndum Björns Theódórssonar og Sigurðar Helgasonar í
fimbulkulda á Keflavíkurflugvelli.
Flugleiðir selja Suðurfara
Kabo Air í Nígeríu kaupir elstu þotu Flugleiða. Uppstokkun á Evrópufluginu
Afimmtudaginn í síðustu viku notuð sem varaflugvél í Evrópu- landafluginu og einnig aldursfor-
var gengið frá kaupum á fluginu síðustu mánuðina og er setinn í öllum flugflota félagsins.
Suðurfara, þotu Flugleiða, til salan einungis einn liður í Það er því með trega sem við
Kabo Air í Nígeríu. heildaruppstokkun Flugleiða á kveðjum þann trygga og trausta
Suðurfari hafði verið í eigu vélakosti sínum á þessari leið. ferðafélaga sem Suðurfari sann-
Flugleiða frá því í ársbyrjun 1986, „Hálf-áttan“ eins og Suðurfar- arlega var mörgum okkar er hann <
en félagið hafði haft vélina á leigu inn var kallaður var elsta vélin heldur lúnum beinum í sólina og
frá því 1982. Vélin hafði verið sem Flugleiðir notuðu í milli- hitann á suðurslóðum. _ tt
Ríkisstjórnin
Niðurskurður framkvæmda og lána
Fríðindi tilfiskvinnslu og útgerðar. Húsnæðislán og vegaframkvœmdir undir niðurskurðarhnífinn
Meginaðgerðir efnahagsráð-
stafna þeirra sem ríkis-
stjórnin boðaði í gær fela í sér
úrlausnir fyrir útlutningsgrein-
arnar. Þannig verður uppsafnað-
ur söluskattur í fiskvinnslu og út-
gerð greiddur að fullu til baka og
þýðir það um 587 miljón króna
aukaútgjöld fyrir ríkissjóð.
Launaskattur í sjávarútvegi og
samkeppnisgreinum iðnaðar er
felldur niður og kostar það ríkis-
sjóð 200 miljónir í tekjutapi.
Lenging lána hjá Fiskveiðasjóði
eiga að létta greiðslustöðu fyrir-
tækja í sjávarútvegi um 370 milj-
ónir á árinu og vaxtamunur sem
bankarnir taka vegna gengis-
bundinna afurðalána mun lækka
um 0,25%
Til að hamla gegn viðskipta-
halla og erlendri skuldasöfnun
verða ríkisútgjöld lækkuð um 300
miljónir á þessu ári, þar af út-
gjöld til vegamála um 100 miljón-
ir, framlög til byggingasjóðs
ríkisins um 100 miljónir og og
önnur útgjöld um 75 miljónir. Þá
ætlar ríkið að spara sér 260 milj-
ónir með því að fresta breyting-
um á verkaskiptingu ríkis og
sveitarfélaga.
Gjald á erlendar lántökur á að
skila 290 miljónum í ríkissjóð en
það á að standa einungis út þetta
ár. Þá verða erlendar lántöku-
heimildir fjárfestingalánasjóða
og annarra aðila lækkaðar um
300 miljónir og opinberra aðila
um 100 miljónir. Lántökur at-
vinnuvegasjóða skornar niður
um 175 miljónir og Herjólfur fær
ekki að taka 25 miljónir í er-
lendum lánum.
Nafnvextir innlánsstofnana
lækka frá og með deginum í dag
um 2% að meðaltali og Seðla-
bankinn lækkar vexti til
innlánsstofnana um sama hlut-
fall. Raunvextir á ríkisskulda-
bréfum verða lækkaðir og drátt-
---------------------------------f-
arvextir verða hér eftir reiknaðir
sem dagvextir. Þá boðar ríkis-
stjórnin frumvarp um skatt-
skyldu frjárfestingarlánasjóða og
veðdeilda banka.
-Ig-
Efnahagsráðstafanirnar
Engin trygging fyrir lágri verðbólgu
Ólafur Ragnar Grímsson: Kaupmáttur lœgstu launa lcekkar enn frekar. Vandamálin óleyst
Þessar aðgerður fela það í sér
að kaupmáttur láglaunafólks
mun halda áfram að minnka og
það er víðs fjarri að tekið sé á
þeim grundvallarvandamálum
sem snúa að viðskiptahalla og
gengi. Það var reyndar athyglis-
vert að formaður Framsóknar-
flokksins viðurkennir að síðar á
árinu gæti þurft að fella gengið á
nýjan leik og ráðstafanirnar muni
lítt megna að draga úr þeim 10
miljarða viðskiptahalla sem
fyrirsjáanlegur er á árinu, segir
Olafur Ragnar Grímsson for-
maður Alþýðubandalagsins um
efnahagsráðstafanir ríkisstjórn-
armnar.
- Efnahagsaðgerðirnar veita
því launafólki ekki neinar trygg-
ingar fyrir lágri verðbólgu nema
síður sé og erlend skuldasöfnun
mun halda áfram vegna vaxandi
viðskiptahalla. Það er svo athygl-
isvert að lánveitingar til húsnæð-
ismála eru skertar og ríkið tekur í
sinn hlut stórar upphæðir sem
áður áttu að fara til sveitarfé-
laganna, svo að fyrirheitunum
sem gefin voru í húsnæðismálum
og breytta verkaskiptingu
sveitarfélögunum í hag er einnig
kastað fyrir róða.
Ólafur sagði það því táknrænt
að Jóhanna Sigurðardóttir fél-
agsmálaráðherra hafi gengið úr
þingsalnum undir ræðu forsætis-
ráðherra í gær. - Því miður er
niðurstaðan sú að grundvallar-
vandamálin í íslensku efnahags-
lífi eru óleyst og láglaunafólkið í
landinu mun búa við lélegri kjör
en áður þrátt fyrir fyrirheitin um
að kjarabætur til láglaunafólksins
ættu að hafa forgang.
-<g-
Þriðjudagur 1. mars 1988 ÞJÓÐVILJINN - SÍÐA 3