Þjóðviljinn - 22.03.1988, Blaðsíða 2

1
í
Forsetakosningar 25. júní
Framboðsfrestur vegna forsetakjörs í sumar rennur út 21. maí n.k.
en forsætisráðuneytið hefur ákveðið að forsetakosningar verði haldnar
25. júní.
Væntanlegt forsetaefni þarf að hafa meðmæli minnst 1500 og mest
3000 kosningabærra manna. 1090 til 2180 þurfa að vera búsettir í
Sunnlendingafjórðungi, 110 til 220 í Vestfirðingafjórðungi, 210 til 420 í
Norðlendingafjórðungi og minnst 90 og mest 180 í Austfirðingafjórð-
ungi. Frú Vigdís Finnbogadóttir forseti íslands hefur þegar tilkynnt að
hún verði í kjöri til forseta í sumar. Hún hefur gegnt embætti forseta
tvö kjörtímabil.
Lánskjaravísitalan upp um 1.07%
Lánskjaravísitalan í apríl er 1989 stig og hefur hún hækkað um
1.07% frá fyrra mánuði. Umreiknað til árshækkunar samsvarar þessi
hækkun á vísitölunni 13,6% hækkun í síðasta mánuði og 16,9% hækk-
un á síðustu þremur mánuðum.
Dagbók verkakonu 1915-23 nýfundin
Nýkomin er fram í dagsljósið dagbók verkakonu úr Reykjavík frá
árunum 1915 til 1923. Úr dagbókinni verður lesið á aðalfundi félags
áhugafólks um verkalýðssögu sem verður haldinn í húsnæði FÍP,
Hverfisgötu 21, annað kvöld kl. 20.30. Þá verður einnig lesið upp úr
greinum Bríetar Bjarnhéðinsdóttur um verkfall fiskverkunarkvenna í
Hafnarfirði árið 1912.
Hagnaður hjá Tollvörugeymslunni
Hagnaður af rekstri Tollvörugeymslunnar í Reykjavík á sl. ári var
rúmar 7,5 miljónir. Rekstrartekjur voru nær 81 miljón, sem eru þær
næsthæstu í sögu fyrirtækisins. Eigið fé Tollvörugeymslunnar í lok sl.
ár var rúmar 105 miljónir.
Boy George á leiðinni
Hinn heimskunni breski popp-
söngvari Boy George kemur til
landsins í næsta mánuði og heldur
eina tónleika í Laugardalshöll-
inni, laugardagskvöldið 9. apríl.
Miðaverð á tónleikana verður
2000 kr. Þá er frágengið að
hljómsveitirnar The Blow Monk-
eys og The Christians muni leika
hér á Listahátíð 16.-18. júní í
sumar.
Alvopnaðir hermenn í Keflavík
Lögreglan í Keflavík stöðvaði á dögunum bifreið á vegum banda-
ríska hersins sem ók um götur bæjarins en í bílnum voru fjórir hermenn
undir alvæpni. Blaðið Víkurfréttir í Keflavík segir að hermennirnir
hafi borið því við að þeir hafi villst á leið frá Rockville-stöðinni á
Miðnesheiði. Þeim var þegar vísað af götum bæjarins og inn á hersvæð-
ið aftur.
Dagvistarþörfin verði könnuð
Borgarfulltrúar stjórnarandstöðunnar í Reykjavík hafa lagt til að
Félagsvísindastofnun Háskólans verði falið að kanna hvar reykvísk
börn undir skólaskyldualdri dvelja á daginn og einnig hverjar óskir
foreldra eru um dagvist. Er gert ráð fyrir að könnunin nái til þeirra
foreldra sem eiga börn á biðlistum og annarra foreldra sem eiga börn á
forskólaaldri.
Kynntu nýja björgunarþyrlu
Icecraft hf., sem er umboðsaðili Bell Heiicopter Textron hér á landi,
kynnti í gær forsvarsmönnum björgunarmála í landinu nýja björgunar-
þyrlu sem getur rúmað allt að 20 manns. Nefnd á vegum norska
utanríkisráðuneytisins hefur mælt sérstaklega með þyrlu til notkunar
við strendur landsins.
1
FRÉTTIR
Undirskriftalistar
r
Uthýst úr laugum
s
Iprótta-og tómstundaráð: Umsókn samtakana Tjörnin lififelld.
Astœða: Raskar ró sundgesta. Margrét Porsteinsdóttir: Pólitískt
gerrœði
Okkur er úthýst úr sundstöðv-
um borgarinnar með undir-
skriftalistana vegna þess að þeim
er stefnt gegn skoðunum meiri-
hluta sjálfstæðismanna í borgar-
stjórn. Það þola þeir ekki og beita
okkur pólitísku gerræði, sem mér
finnst nú ansi lélegt af sjálfstæðis-
mönnum og sannar bara hvað
málstaður þeirra stendur höllum
fæti meðal borgarbúa, sagði
Margrét Þorsteinsdóttir, starfs-
maður samtakana Tjörnin lifi við
Þjóðviljann.
Á fundi íþrótta-og tómstunda-
ráðs Reykjavíkur í gær var sam-
tökunum Tjörnin lifi synjað um
heimild til að láta undirskrifta-
lista liggja frammi á sundstöðum
borgarinnar, þar sem borgarbúar
gætu látið í ljós mótmæli sín gegn
fyrirhugaðri ráðhússbyggingu í
Tjörninni.
Þegar umsókn Tjarnarsamtak-
anna kom til afgreiðslu í ráðinu
lagði formaður þess, Júlíus Haf-
stein borgarfulltrúi fram frávís-
unartillögu þess efnis að undir-
skriftalistarnir röskuðu ró sund-
laugargesta og bæri þvf að hafna
henni á þeirri forsendu að sund-
stöðvar borgarinnar væru griða-
staður þar sem fólk ætti að fá að
vera í friði! Frávísunartillagan
var samþykkt með þremur at-
kvæðum gegn tveimur.
Fulltrúar minnihlutans í
íþrótta- og tómstundaráðinu, þau
Tryggvi Þór Aðalsteinsson og
Kristín Blöndal, létu þá bóka að
þau teldu að undirskriftalistar
væru ein af leiðum borgarbúa til
að láta í ljós skoðanir sínar og
þeir ættu fullan rétt á að rita nöfn
sín á blað í opinberum stofnun-
um, enda sé þess að sjálfsögðu
gætt að það hafi sem minnsta
truflun í för með sér. -grh
Félagar í VR voru ekki lengi að kaupa upp alla þá miða sem þeim voru ætlaðir. Mynd Sig.
Lion Air
Salan gengur misvel
VR og BSRB hafa selt í öll sín sæti. Hin félögin eiga enn langt í land
VR og BSRB eru búin að fylla
sinn kvóta. A sunnudaginn
seldist í öll sætin sem bæði þessi
félög höfðu tekið frá fyrir sína fé-
lagsmenn. Hin starfsmannafé-
lögin sem höfðu pantað í ferðirn-
ar með Lion Air eiga enn talsvert
af ónýttum miðum.
Kennarar
Úrslit í kvöld
Hvort kennarar í KÍ
fara í verkfall kemur í
Ijós í kvöld.
Niðurstöðu í
atkvæðagreiðslu HÍK
er að vœnta eftir helgi
Auk VR og BSRB höfðu Félag
járniðnaðarmanna, Félag blikk-
smiða, Félag bifvélavirkja,
Verkakvennafélagið Framsókn
og Starfsmannafélagið Sókn ætl-
að sínum félagsmönnum sæti í or-
lofsferðunum sem fyrirhugað er
að fara með Lion Air. Salan hjá
þeim gekk ekki eins vel en ástæð-
una fyrir því sögðu forráðamenn
þeirra ekki vera ljósa. Þó fannst
þeim að misskilnings hefði gætt
innan félaganna því margir af
þeirra félögum hefðu haldið að
BSRB væri eitt með söluna en í
fyrra tókst ekki betur til en svo að
fólk beið frá miðnætti í biðröð.
Gunnhildur Lýðsdóttir, fram-
kvæmdastjóri Verkakvennafé-
lagsins Framsóknar, sagði er
Þjóðviljinn innti hana eftir því
hvers vegna ekki væri meiri sala
hjá þeim, að hugsanlega hefðu
ferðirnar ekki verið nógu vel
kynntar. Hún sagðist einnegin
halda að sú hefð að BSRB seldi í
ferðirnar hefði ráðið einhverju.
„Ég held að það sé ekki rétt að
þetta sé spurning um einhvern
launamismun, konurnar eru bara
að taka við sér,“ sagði Gunnhild-
ur.
Þórunn Sveinbjörnsdóttir, for-
maður Sóknar, tók í svipaðan
streng og Gunnhildur og sagði að
margir sem hefðu talað við sig
væru enn órólegir vegna BSRB
biðarinnar í fyrra. En hvort fé-
lagar hennar í Sókn væru eitthvað
óákveðnari en aðrir vildi hún
ekki meina, því „maður situr nú
yfir því í nokkurn tíma áður en
maður fer að hoppa á einhverja
ferð, þótt hún sé ódýr.“
Síðustu daga hefur verið bið-
staða hjá kennurum en í kvöld
skýrast línurnar eitthvað því þá
liggur fyrir niðurstaða atkvæða-
greiðslu KI um heimild til verk-
fallsboðunar.
Ólöf Arngrímsdóttir kjörstjóri
hjá KÍ sagði að sér sýndist kjör-
sókn hafa verið ágæt en auðvitað
væri ekki hægt að sjá það fyrr en
að lokinni talningu. Það verður
byrjað að telja klukkan 15:30 og
sagðist Ólöf búast við að talningu
yrði lokið um áttaleytið ef allt
gengi að óskum. Fundur verður
haldinn í húsnæði ríkissáttasemj-
ara í dag og hefst hann klukkan
16:00.
-tt
Borgaraflokkurinn
Bann við fóstureyðingum
Guðmundur Agústsson og Kol-
brún Jónsdóttir, þingmenn
Borgaraflokksins, hafa lagt fram
á Alþingi boðað fóstureyðingafr-
umvarp flokksins.
Markmið laganna er að varð-
veita líf sem kviknað hefur í móð-
urkviði einsog segir í fyrstu máls-
grein frumvarpsins.
í þriðja kafla laganna, sem ber
yfirskriftina Fóstureyðing, stend-
ur: „Líf sem kviknað hefur í
móðurlífi er friðheilagt.“ Einu
ástæðurnar sem heimila fóstur-
eyðingu samkvæmt frumvarpinu
eru ef ætla má að líf eða heilsu
konu sé hætta búin af meðgöng-
unni og ef sterkar líkur eru á að
barn fæðist vanskapað eða haldið
alvarlegum sjúkdómi. Einnig ef
stúlka yngri en 16 ára er þunguð
og ætla má að þungun eða til-
koma barns verði henni of erfið
vegna óviðráðanlegra félagslegra
orsaka og að lokum ef kona verð-
ur þunguð vegna nauðgunar eða
sem afleiðing af öðru refsiverðu
athæfi. -Sáf
2 SÍÐA - ÞJÓÐVILJINN Þriðjudagur 22. mars 1988