Þjóðviljinn - 22.03.1988, Blaðsíða 13

r
ERLENDAR FRETTIR
7
Nicaragua
Úrslitin í Baden-Wurttemberg eru áfall fyrir Kohl kanslara, en talin styrkja möguleika Spáths forsætisráðherra til að taka
síðar að sér forystuhlutverk Kohls meðal kristilegra demókrata. Spáth gagnrýndi Bonn-stjórnina óvægilega í kosninga-
baráttu sinni í fylkinu.
Vestur-Þýskaland
Fáir ánægðir
Kristilegir hélduþingmeirihluta sínum í Baden-Wiirttemberg en
töpuðufylgi. Hœgri-öfgamennfengu óánœgjuatkvæðifrá
ríkisstjórnarflokkunum
Kristilegir héldu meirihluta sín-
um á fylkisþinginu í Stuttgart
í kosningunum á sunnudag þar-
sem allir þingflokkarnir töpuðu
fylgi. Einu fagnaðarlætin koma
frá samtökum lengst til hægri sem
unnu talsvert fylgi frá flokkunum
sem mynda meirihlutann í Bonn.
CDU hélt þingmeirihlutanum í
Baden-Wiirttemberg, því „landi“
sem tekur yfir suðvesturhluta
Þýska sambandslýðveldisins,
þrátt fyrir 3 prósenta tap miðað
við síðustu fylkiskosningar og
minnihlutastuðning meðal kjós-
enda, 49,1% atkvæða. Úrslitin
eru túlkuð sem áfall fyrir leiðtoga
flokksins á landsvísu, Kohl kansl-
ara í Bonn, en sem sigur fyrir for-
sætisráðherrann í Stuttgart, Lot-
har Spáth, sem gagnrýndi Kohl
óvægilega í kosningabaráttunni.
Spáth er talinn einn af líklegustu
eftirmönnum Kohls, sem flokks-
menn kenna nú um sífellt hnign-
andi gengi Kristilegra í fylkis-
kosningum og landstjórn.
Þráttfyrir fylgistap stjórnar-
flokksins eru aðrir flokksleiðtog-
ar í Stuttgart lítt hressir. Frjálsir
demókratar (FDP) töpuðu fylgi
(5,9% nú-7,2fyrir fjórum árum)
og högnuðust ekki á hnignun
CDU einsog í öðrum undanförn-
um fylkiskosningum, jafnaðar-
menn töpuðu einnig lítillega
(32%, áður 32,4) og græningjar.
stóðu svo að segja í stað með tæp
átta prósent.
Fasískum og hálffasískum sam-
tökum yst til hægri jókst hinsveg-
ar verulega fylgi, fengu samtals
5,1% en aðeins um hálft prósent
síðast, náðu þó ekki manni á
þingið. Ljóst er að hér eru á ferð
fyrri stuðningsmenn kristilegra
og frjálslyndra, helst smábændur
óánægðir með landbúnaðar-
stefnu Bonn-stjórnarinnar. Óháð
könnunarstofa segir flesta þessa
kjósendur karlmenn yfir sextugu,
og þarmeð uppalda á myrkum
tímum í þýskri sögu.
Spáth forsætisráðherra sagði
eftir kosningarnar að ekki væri
ástæða til að hafa verulegar
áhyggjur af þessum óvænta styrk
aflanna yst til hægri, en Vogel,
leiðtogi SPD, taldi hinsvegar rétt
að Þjóðverjar stöldruðu við til
umhugsunar og aðgerða.
Norður-írland
Ensk-írskur neyðarfundur
Ofbeldisaldan rís hœrra í Norður-Irlandi, stjórnirnar í London og
Dublin boða samráðsfund
Ríkisstjórnirnar í London og
Dublin hafa tilkynnt að í vikunni
verði haldinn samráðsfundur
með fulltrúum stjórnanna og á
þar að ræða síðustu ofbeldisat-
burði í Norður-írlandi.
Fundurinn er haldinn í sam-
ræmi við samkomulag stjórnanna
frá ‘85 þarsem írska stjórnin fékk
hlutdeildarrétt um málefni
Norður-írlands.
í gær var lögreglumaður
skotinn til bana í bæjarhverfi
kaþólikka í Londonderry og er
það níunda mannfallið síðan um
síðustu helgi, - og á laugardag
voru tveir breskir hermenn
drepnir eftir að þeir óku að jarð-
arför IRA-manns, sem drepinn
var í skotárás í enn annarri jarð-
arför í síðustu viku. írski lýðveld-
isherinn segist hafa drepið bresku
hermennina, sem voru vopnaðir
en óeinkennisklæddir í ómerkt-
um bfl þegar þeir óku að jarð-
arförinni. ftilkynningu IRA segir
að hinir myrtu hafi verið í vík-
ingasveit breska hersins, SAS,
sem mjög hefur verið beitt gegn
IRA, nú síðast í Gíbraltar-
drápunum. Bresk hernaðaryfir-
völd segja mennina hafa verið
venjulega hermenn, en hafa ekki
upplýst um erindi þeirra í hverfi
kaþólikka.
Á árinu hefur 21 fallið í átök-
unum á Norður-fralandi auk
IRA-mannanna þriggja sem
skotnir voru í Gíbraltar. Á
tveimur áratugum eru um 2650
taldir hafa fallið í borgarastyrj-
öldinni.
Hollywood
Leikarar í aug-
iysingaverkfalli
FAO
Danir
skrúfafyrir
Tilkynnt var í Höfn í gær að
Danir væru hættir að leggja fram
fé til nýrra verkefna Matvæla- og
landbúnaðarstofnunar Samein-
uðu þjóðanna (FAO) í Róm.
Danska stjórnin telur FAO illa
rekið skrifræðisveldi undir stjórn
núverandi framkvæmdastjóra,
Líbanans Saouma, og hefur
stöðvað framlög sín til að knýja á
um úrbætur. Talsmaður dönsku
þróunarstofnunarinnar sein frá
þessu skýrði sagði Norðmenn,
Svía og Finna mundu fylgja í
kjölfar Dana gagnvart FAO.
Fram kom að Danir hyggjast eng-
anveginn hætta aðild að FAO.
Bandarískir leikarar hófu í gær
verkfall og neita að leika í auglýs-
ingum í sjónvarpi og útvarpi. í
stéttarfélögunum tveimur sem
boðuðu verkfallið eru um 100
þúsund manns, en talsmcnn
auglýsenda segjast munu halda
áfram framleiðsiu með verkfalls-
brjótum utan félaganna.
Félögin hafa krafist dýrtíðar-
bóta og endursýningargjalds af
auglýsingum í sífellt viðameira
kapalsjónvarpi. Verkfallið tekur
til allra auglýsinga, einnig þeirra
auglýsinga forsetaframbjóðenda
sem öllu skipta í forkosningabar-
áttunni.
í bandarískum sjónvarps- og
útvarpsiðnaði er auk verkfalls
auglýsingaleikaranna í gangi
kjaradeila milli atvinnurekenda
og handritsgerðarmanna sem
valdið hefur seinkun nýrra fram-
haldsþátta og endursýningum á
endursýningar ofan á skjám
Bandaríkjamanna.
Rætt við kontraliða
Stjórnarherinn hœttur átökum meðanfyrstu
eiginlegu viðræður standa yfir við kontraliða
Igærkvöldi hófust i landamæra-
bænum Sapoa í suðri viðræður
stjórnarinnar í Managua við
nokkra af leiðtogum kontraliða
sem herja í landinu með banda-
rískum stuðningi.
Viðræðurnar fara nú fram í
fyrsta sinn innan landamæra Nic-
aragua og í fyrsta sinn eru í við-
ræðunefndunum háttsettir menn
frá hvorumtveggja.
Stjórnarher Nicaragua hefur
verið boðið að forðast átök við
kontrasveitir meðan á viðræðun-
um stendur, en þær fara fram í
skugga þeirra atburða í síðustu
viku þegar Bandaríkjaforseti
sendi 3200 manna herlið til
Hondúras sem svar við meintum
árásum Nicaragua-hers yfir
landamærin.
Varautanríkisráðherra Man-
agua-stjórnar sagði áður en við-
ræðurnar hófust að Bandaríkja-
stjórn gerði það sem hún gæti til
að spilla fyrir samkomulagi, og
væru þar á bæ ennþá bundnar
vonir við að setja stjórn sandín-
ista í Nicaragua af með afli hern-
aðar.
Ekki er búist við miklum ár-
angri íviðræðunum í Sapoa. Full-
trúar stjórnarinnar vilja einungis
ræða við kontramenn um fram-
kvæmd vopnahlés, en kontra-
megin eru bornar fram miklar
kröfur um stjómarfarsbreytingar
í landinu, þar á meðal er þess
krafist að 75 þúsund manna her
Managua-stjórnar verði lagður
niður.
Enginn eiginlegur milligöngu-
maður stjórnar viðræðunum, en
biskupinn Miguel Obando y Bra-
vo, sem áður gegndi því hlut-
verki, og Joao Baena Soaraes,
hinn brasilíski framkvæmdastjóri
Bandalags Ameríkuríkja
(OAU), eru viðstaddir fundina.
Mitterrand
Af eðaá
í vikunni
Mitterrand Frakklandsforseti
tilkynnti á sunnudag að hann
mundi segja af eða á um það í
þessari viku hvort hann sækist
eftir öðru kjörtímabili.
Tæpar fimm vikur eru nú til
fyrri umferðar kosninganna, og
eru lysthafendur orðnir lang-
þreyttir á þögn forseta, þótt
fullvíst sé talið að hann fari í
slaginn.
Charles Pasqua ráðherra og
hægri hönd frambjóðandans
Chiracs spáði því í gær að Mitter-
rand tilkynnti um framboð sitt
með einhverju pólitísku sirkus-
bragði, og datt helst í hug að for-
setinn segði af sér til að fá frjálsar
hendur sem frambjóðandi. Gerði
hann það tæki forseti öldunga-
deildarinnar, Alain Poher, við til
bráðabirgða.

Hafnarfjörður
Víðivellir
Þroskaþjálfi óskast nú þegar á sérdeild Víðivalla.
Ráðning er til óákveðins tíma. Upplýsingar gefur
deildarþroskaþjálfi sérdeildar í síma 54835.
Norðurberg
Fóstra óskast til starfa á leikskólann Norðurberg.
Vinnutími er eftir hádegi. Upplýsingar gefur for-
stöðumaður í síma 53484.
Smáralundur
Fóstra/starfsmaður óskast til starfa á leikskólann
Smáralund. Upplýsingar gefur forstöðumaður í
síma 54493.
Nýtt dagvistarheimili
Fóstrur og annað uppeldismenntað starfsfólk
óskast til starfa á nýtt dagvistarheimili í Hafnar-
firði. Upplýsingar gefur forstöðumaður í síma
652495 og dagvistarfulltrúi í síma 53444.
Félagsmálastjórinn í Hafnarfirði
Laus staða
Staða bókara er laus til umsóknar hjá Siglu-
fjarðarkaupstað. Krafist er góðrar bókhaldskunn-
áttu og reynslu í notkun tölvu við bókhald. Laun
samkvæmt kjarasamningi Siglufjarðarkaupstað-
ar við SMS. Umsóknarfrestur er til 28. mars n.k.
Viðkomandi þarf að geta hafið sförf sem allra
fyrst. Umsóknum sé skilað á bæjarskrifstofuna,
Gránugötu 24, Siglufirði.
Bæjarstjórinn á Siglufirði.
Þriöjudagur 22. mars 1988 ÞJÓÐVILJINN - SÍÐA 17