Þjóðviljinn - 14.05.1988, Blaðsíða 13
ERLENDAR FRETTIR
Ber er hver að baki nema sér bróður eigi. Eða hvað? Nú verða þessir afgönsku hermenn að spjara sig af eigin rammleik.
Afganistan
Sovétmenn á heimleið
Fyrstu sovésku dátarnir halda heimleiðis á morgun. Ymsir fréttaskýrenda fullyrða að
Bandaríkjastjórn muniekki unnasér hvíldarfyrr en Najibullah hrökklistfrá völdum
Danmörk
„Allt nema
Glistmp“
Höfuðmarkmið
jafnaðarmanna að
útiloka
„Framfaraflokkinn “frá
áhrifum og völdum
Danskir stjórnmálaforingjar
ræða ekki lengur um Nató, kjarn-
orkuvopn um borð í herskipum
eða vonbrigði og harm fyrir-
manna í Washington og Lundún-
um. Nú er það mál málanna að
klastra einhverju saman sem með
allríkum velvilja mætti ncfna rík-
isstjórn Danmerkur.
Formaður Jafnaðarmanna-
flokksins, Svend Auken, sagði í
gær að það væri höfuðmarkmið
sitt og flokkssystkina sinna að
tryggja að „Framfaraflokkur'1
Mogens Glístrúps yrði utan
stjórnar og áhrifalaus með öllu í
danskri pólitík. Glístrúpar unnu
sem kunnugt er 7 nýja þingmenn í
kosningunum í vikunni, fengu 16
en höfðu 9 áður.
Pað kom Paul Schlúter ber-
sýnilega á óvart að Margrét
drottning skyldi fela forseta þing-
sins, jafnaðarmanninum Svend
Jakobsen, að annast milligöngu í
stjórnarmyndunarmakki flokk-
anna. Hafði hann vitaskuld
reiknað með því að fá umboð
drottningar strax eftir að hann
sagði af sé forsætisráðherraemb-
ætti „til bráðabirgða".
Vitaskuld hefur Glístrúp ráð
fjórflokkastjórnar Schluters í
hendi sér. íhaldsmenn og jafnað-
armenn þykjast ekki vilja vinna
saman þannig að gamli lýðskrum-
arinn virðist standa með pálmann
íhöndunum. Hann vill sem kunn-
ugt er afnema félagslega þjón-
ustu og svæla útlendinga, einkum
þeldökkt fólk, úr landi. Pað sem
helst fer þó í taugar Schlúters er
sú litla virðing sem Glístrúp hefur
ávallt sýnt Nató.
Reuter/-ks.
Sovéskir hermenn í Kabúl búa
sig nú af kappi undir lokaferð
sína um berangurslegar og hrjóst-
ugar víðáttur Afganistans;
heimferðina. Eftir níu ára hern-
að, engum til ávinnings en miljón-
um manna til ómældra þjáninga,
eru sovéskir dátar farnir að hugsa
sér til hreyfings. Hinir fyrstu úr
áætluðu 115 þúsund manna liði
Rauða hersins í þessu hálenda As-
íuríki munu halda heimleiðis á
morgun einsog kveðið er á um í
samningi Afgana og Pakistana,
Sovétmanna og Bandaríkja-
manna, sem undirritaður var í
Genf fyrir nokkru.
Najibullah forseti kvað vera
fullviss um að flokkur hans,
Lýðræðislegi alþýðuflokkurinn,
muni standast allar atlögur upp-
reisnarmanna þótt sovéskum lið-
styrk verði ekki lengur til að
dreifa í landinu. En fréttaskýr-
endur eru á öðru máli og sumir
þeirra staðhæfa að Bandaríkja-
stjórn hyggist bola honum frá
völdum með einum eða öðrum
hætti þrátt fyrir heitstrengingarn-
ar í Genf um afskiptaleysi.
„Bandaríkjamönnum er mikið
í mun að sannfæra heiminn um að
Sovétmenn hafi farið algera
sneypuför til Afganistans. Þess
vegna kosta þeir kapps um að
velta Najibullah úr sessi.“ Þessi
orð hafði fréttamaður Reuters
eftir „vestrænum“ sendimanni í
Kabúl sem ekki vildi láta nafns
síns getið.
Sovéskir herforingjar í höfuð-
borginni vildu ekki greina frétta-
mönnum frá því hvaða herflokk-
ar yrðu kvaddir heim fyrst en ó-
staðfestar fregnir herma að allir
sovétdátar hafi verið fluttir á
brott frá borgunum Jalalabad í
austri og Kandahar í suðri en um
þær liggja tvær helstu þjóð-
brautirnar að landamærum Paki-
stans. Afganskir stjórnarher-
menn kváðu hafa leyst þá af
hólmi.
Allt var með kyrrum kjörum í
Kabúl í gær. Hvarvetna voru
glaðlegir sovéskir hermenn á
vappi, léttklæddir í steikjandi sól-
arhita, augljóslega nreð hugann á
heimaslóðum. Verðir við hern-
aðarmannvirki voru ákveðnir og
röggsamir að vanda en ekki jafn
tortryggnir og fyrrum. Á úti-
mörkuðum var ys og þys sem
endranær.
Ríkisstjórnin í Kabúl hefur
boðið fréttamönnum hvaðanæva
að úr heiminum að fylgjast með
brotthvarfi fyrstu sovétdátanna
úr landi. Fastlega er búist við því
að Najibullah efni til frétta-
mannafundar í dag eða á morgun
og bjóði fjendum sínum sættir og
þátttöku í „þjóðstjórn". Fæstir,
síst hann sjálfur, búast við því að
skæruliöar gíni við agninu enda
hefur „uxinn“ ekki í hyggju að
deila völdunt með Gulbuddin
Hekmatyar og hans nótum.
Rcuter/-ks.
Frakkland
Rýfur forsetinn þingið?
Michel Rocard, nýskipaður forsœtisráðherra Frakklands, villþingrof
og kosningar
Michel Rocard, nýskipaður
forsætisráðherra Frakk-
lands, sagðist í gær vera áfram
um að Francois Mitterrand for-
seti ryfi þing án tafar og efndi til
kosninga. Forseti væri hinsvegar
enn að íhuga málið.
„Við þurfum að draga skýrar
línur í frönskum stjórnmálum,“
sagði Rocard á fyrsta fundi sínum
með fréttamönnum frá því hann
var skipaður í hið háa embætti.
Hann sagði ekki til setunnar boð-
ið því nýir herrar þyrftu að snúa
sér sem fyrst að þeim fjölmörgu
málum er biðu úrlausnar, einkum
á alþjóðavettvangi, svo sem af-
vopnun og undirbúningi undir
efnahagssamruna Evrópuríkja.
„Slíkt er ekki á færi ríkisstjórnar
sem á stöðugt yfir höfði sér að
þingheimur samþykki á hana
vantraust.“
Rocard skýrði frá því að þeir
forsetinn hefðu gert miðju-
mönnum ákveðið tilboð um sam-
starf en því hefði verið hafnað.
Nokkrir nýskipaðra samráð-
herra Rocards gáfu sterklega í
skyn í gær að stjórnin yrði ekki
lengi við völd og yrðu Frakkar
hugsanlega að kjósa nýtt þing
von bráðar. Að kosningunum af-
stöðnum yrði síðan mynduð
stjórn með þátttöku vinstri- og
miðjumanna. í nýju stjórninni
eru sósíalistar í miklum meiri-
hluta og virðast því tilraunir Roc-
ards og Mitterrands til að fá ein-
hverja málsmetandi forystumenn
miðfylkingarinnar til samstarfs
hafa farið út um þúfur.
Áður en ríkisstjórnarfundur
hófst í gær ræddu ýmsir ráðherra
við fréttamenn. Sumir gerðu því
skóna að „pólitískri uppstokkun“
væri ólokið og að miðjumenn
yrðu teknir í stjórn áður en langt
um liði.
Innanríkisráðherrann Pierre
Joxe mælti: „Margir miðjumanna
gera sér fyllilega grein fyrir því að
ef frönsk stjórnmál eiga ekki að
hjakka ætíð í sama farinu verður
að opna einhverjar gáttir. Það
mun gerast, vertu viss! Það tekur
máski nokkrar vikur eða mánuði.
Ræddu við mig eftir þrjá mán-
uði.“
Það er alkunna að ekki eru lið-
in nema tvö ár frá því Frakkar
urðu sér úti um þinglið. Hægri og
miðjumenn, undir forystu Jacqu-
es Chiracs, hrepptu þá nauman
meirihluta sæta á löggjafarsam-
kundunni. Kjörtímabilið rennur
ekki út fyrr en í mars árið 1991 en
að sjálfsögðu er forseta í lófa
lagið að rjúfa þing og boða til
kosninga.
Reuter/-ks.
Sovétríkin
Glæsileg útför
Kim Philby var lagður til hinstu
hvílu í gær. Var honum sýndur sá
sómi sem honum bar að sovéskri
venju enda var hann orðinn hers-
höfðingi í KGB, sovésku leyni-
þjónustunni, þegar kallið kom.
Philby lést þann 11. þessa mánað-
ar á sjúkrahúsi í Moskvuborg en
þar hafði hann legið rúmfastur
undanfarnar þrjár vikur.
Að sögn sjónarvotta voru fjöl-
margir kollega „félaga Kims“
viðstaddir útförina. Lúðrasveit
lék sorgarlög og ungir foringjar
úr KGB stóðu heiðursvörð er
kistan var borinn að gröfinni.
Um 200 syrgjendur fylgdu „fé-
laga Kim“ til grafar. Þar á meðal
voru hin rússneska ekkja hans,
Rufa, og sonur hans John sem
býr á Bretlandi. Philby var 76 ára
gamall er hann lést og hafði þjón-
að Sovétríkjunum af stakri
samviskusemi frá unga aldri.
Reuter/-ks.
Ráðningarskrifstofa
Reykjavíkurborgar
Vinnumiðlun
fyrir fatlaða
Nokkur pláss eru laus viö garöyrkjustörf á Mikla-
túni í júní og júlí, aðallega fyrir hádegi. Vinna
þessi er ætluö fötluðum ungmennum sem þurfa
mikinn stuðning í starfi. Takmarkaöur fjöldi.
Umsóknir berist fyrir 21. maí nk. Nánari upplýs-
ingar gefa Elísabet Guttormsdóttir og Þórgunnur
Þórarinsdóttir í síma 623037, Borgartúni 3.
Innilegar þakkir fyrir auðsýnda samúð og vinarhug við fráfall
og jarðarför eiginmanns míns, sonar okkar, föður, tengda-
föður og afa
Ragnars Á. Sigurðssonar
sparisjóðsstjóra
Neskaupstað
Kristín Lundberg
Kristrún Helgadóttir Sigurður Hinriksson
Sigurður Ragnarsson Ragnheiður Hall
Sigurborg Ragnarsdóttir Hólmgrímur Heiðreksson
Kristrún Ragnarsdóttir Snorri Styrkársson
Jóhanna Kr. Ragnarsdóttir Hjálmar Kristinsson
og barnabörn.
Þökkum auðsýnda samúð við andlát og jarðarför
Gunnars M. Magnúss
rlthöfundar
Magnús Gunnarsson Málfriður Óskarsdóttir
Gunnsteinn Gunnarsson Agnes Engilbertsdóttir
Oddný Sigurðardóttir
tengdabörn, barnabörn og barnabarnabörn
ÞJÓÐVILJINN - SÍÐA 13