Þjóðviljinn - 10.06.1988, Blaðsíða 5

BYGGINGABLAÐ
Laugarneskirkja
Steinuð upp á nýtt
Illa farin vegnafrostskemmda. Skipt einnig um alltgler í
gluggum. Kostnaður áœtlaður 4-5 miljónir króna
Viö Laugarneskirkju standa
nú yfir miklar framkvæmdir á
vegum Eðalverks hf. og verð-
ur kirkjan steinuð upp á nýtt
vegna mikilla frostskemmda
sem orðið hafa á henni. Áætl-
aður kostnaður við verkið er
4-5 miljónir króna. Kirkjan er
eitt af verkum Guðjóns
Samúelssonar húsameistara
ríkisins og var byggð í stríðinu.
í ár eru liðin 40 ár frá því hún
var formlega tekin í notkun.
Að sögn Steingríms Stein-
grímssonar verkstjóra er það
mikið verk að komast fyrir frosts-
kemmdirnar og erfitt. Trépallar
hafa verið reistir allt í kringum
kirkjuna úr nýjum viði og er net
umhverfis þá þar sem þeir standa
uppvið kirkjuturninn. Það er gert
til að varna því að steinflísum
rigni yfir næsta nágrenni. Verkið
er unnið með loftpressum og
áætlað að það þurfi um 5 tonn af
mulningi utan á kirkjuna þegar
farið verður að steina hana á ný.
Stefnt er að því að klára verkið
í sumar og vinna við það 5-6
starfsmenn og þar af ein stúlka
sem Steingrímur verkstjóri segir
að gangi í öll störf eins og hver
annar. Auk þess verður skipt um
allt gler í giuggum kirkjunnar og
verður það að sjálfsögðu iitað
eins og jtað upphaflega. Kirkjan
er alfriðuð og strangiega bannað
að breyta henni í einu né neinu.
Umsjón með verkinu hefur emb-
ætti húsameistara ríkisins.
Öryggið ífyrirrúmi
Steingrímur verkstjóri segir
veggi kirkjunnar vera 30-40 sm
þykka og lítið um járnabindingar
í henni. Skýringin á því er að
sjálfsögðu sú að á byggingartíma
hennar var lítið um járn í landinu
sökum seinni heimsstyrjaldarinn-
ar.
Þegar blaðamaður klifraði upp
á trépallana umhverfis kirkjuna
hafði hann orð á því hve traust-
lega þeir væru byggðir. Svarið
sem hann fékk frá Steingrími var
þetta: „ Það eru margir pallarnir
sem ég mundi aldrei í lífinu stíga
fæti mínum á.“ Hann sagði að sitt
fyrirtæki legði mikið upp úr ör-
yggi á vinnustað og ekki vanþörf
á að fleiri gerðu svo.
Aðspurður hvernig gengi að fá
verkamenn í viðgerðavinnu sagði
Steingrímur það vera erfitt þar
sem þetta væri líkamlega erfið
vinna og oft á tíðum unnin við
afar erfiðar aðstæður. Varðandi
það hvort fyrirtækið hefði á
prjónum að setja auglýsingaskilti
á vinnupallana eins og gert hefði
verið á Hallgrímskirkjuturn,
sagði hann það vel geta komið til
greina. Þó ekki til að auglýsa fyr-
irtækið heldur til að nágrannarnir
vissu hverjir stæðu fyrir verkinu
ef eitthvað bjátaði á og þyrfti að
ná í forsvarsmenn fyrirtækisins.
-grh
1000VATTA
HÖRKUTÓL
FRÁ
PANASONIC
PANASONIC KYNNIR NÝJA
ÁHRIFAMIKLA RYKSUGU í
BARÁTTUNNI VIÐ RYKIÐ.
1000 VÖTT.
TVÍSKIPTUR VELTIHAUS.
HÓLF FYRIR FYLGIHLUTI
í RYKSUGUNNI.
INNDRAGANLEG SNÚRA.
STIGLAUS STYRKSTILLIR.
RYKMÆLIR FYRIR POKA.
OG UMFRAM ALLT
HLJÓÐLÁT, NETT OG
■ MEÐFÆRANLEG.
VERÐ AÐEINS KR. 7.980
JAPISS
BRAUTARHOLT2 • KRINGLAN • SlMI. 27133
Eins og sjá má á myndinni þarf að fleyga töluvert af ytra byrði Laugarneskirkju til að komast fyrir
frostskemmdirnar. Steingrímur verkstjóri segir að verkið verði klárað í sumar, en í ár eru 40 ár liðin frá þvf
kirkjan var formlega tekin í notkun. Mynd: iþ.