Þjóðviljinn - 07.07.1988, Blaðsíða 3
Thailensku stúlkurnar
Launaleið-
rétting enn
óviss
I dag hittast Geir Gunnar
Geirsson bóndi s Vallá í Kjós,
Ragna Bergmann formaður
verkakvennafélagsins Framsókn-
ar og fulltrúi Dagsbrúnar að máli
og áformað er að gengið frá
leiðréttingum á launakjörum
thailensku stúlknanna sem verið
hafa á hænsnabúi Geirs frá því í
september á síðasta ári.
Með því er hugmyndin að leiða
til lykta afturvirkni á samningum
Verkamannasambandsins sem
Geir hefur sagst fallast á en gangi
það eftir ber honum að greiða um
200 þúsund krónur til leiðrétting-
ar á launum fram að deginum í
dag.
Ragna Bergmann sagðist vilja
fá það vottfest að Geir viður-
kenni samninginn því einhver orð
yfir borð vegi ekki þungt á
metunum.
- Það hefur verið talsvert um
að fólk komi hingað og biðji um
að haft verði strangara eftirlit
með kjörum erlends vinnuafls
hér á íslandi. Þó þetta mál sé
leiðinlegt í sjálfu sér og erfitt fyrir
stúlkurnar þá hefur það ýtt við
fólki. Við viljum ekki að fólk sem
kemur frá öðrum löndum fái
miklu minna en okkar lágmarks-
laun segja til um, segir Ragna.
Stúlkurnai vilja vera áfram á
Vallá og því finnst Rögnu brýna
nauðsyn bera til að tryggt verði:
og vottfest, að þær fái sína 8 frí-
daga í mánuði, tvívegis um helgi,
og 10,7% í orlof.
- Ég held þetta mál sé búið,
segir Ragna, en segist utn leið
ekki vilja fullyrða það. Hún vilji
fá það vottfest áður en hún trúi
því. -«
Jafnréttisráð
Villl fa rök-
stuðning
Jafnréttisráð hefur sent stjórn
Sparisjóðs Neskaupstaðar bréf og
óskað eftir upplýsingum um um-
sækjendur um sparisjóðsstjórast-
öðuna sem veitt var á dögunum,
og rökstuðning stjórnarinnar
fyrir þeirri ákvörðun sinni að
vcita Sveini Árnasyni stöðuna.
Það var einn umsækjendanna
og starfsmaður sjóðsins, Klara
ívarsdóttir sem kærði stjórnina
fyrir Jafnréttisnefnd Neskaup-
staðar sem vísaði málinu til um-
fjöllunar Jafnréttisráðs.
Elsa Þorkelsdóttir fram-
kvæmdastjóri Jafnréttisráös
sagði i samtali við Þjóðviljann að
máiið yrði tekið til afgreiðslu hjá
ráðinu um leið og svör hafa borist
frá stjórninni og þá m.a. tekin
ákvörðun um hvort málið verði
kært til dómsfóia. - hntp.
FRETTIR
Nú er unnið af kappi til að Ijúka byggingu níundu hæðarinnar á Búsetablokkinni í Frostafold áður en fyrsti vetrarsnjór fellur. Hagvirki
hefur séð um byggingu hússins frá grunni. Mynd: Ari.
Búseti
mættisins
Búsetablokkin 20% ódýrari í byggingu en samskonar byggingar á höfuðborgarsvœdinu.
Reynir Ingibjartssonframkvœmdastjóri: Ætlunarverkið að takast
Nú er að rísa níunda hæ'ðin á
Búsetablokkinni í Frostafold og
jafnframt sú síðasta. Blokkin er
orðin sú hæsta í Grafarvoginum
og Búsetamenn segjast nú Joks
komnir nógu nærri almættinu, í
bili.
Þeir allra bjartsýnustu í Búseta
ætla að afhending íbúða fari fram
á afmælisdag Búseta, 26. nóvem-
ber, en ef það næst ekki, þá 1.
desember.
- Við höfum haft hljótt um
okkur til að geta sýnt þeim sem
efuðust um heilindi okkar í upp-
hafi að okkur er fuli alvara og
okkar kostur, Búseta-fyrirkomu-
lagið, á fullan rétt á sér hér einsog
á hinum Norðurlöndunum, sagði
Reynir Ingibjartsson fram-
kvæmdastjóri Búseta í Reykjavík
f samtali við Þjóðviljann.
46 íbúðir eru í húsinu í Frosta-
fold og er handhafar búseturétt-
arins þar úr flestum stéttum þjóð-
félagsins: námsmenn, öryrkjar,
eftirlaunaþegar, iðnaöarmenn,
verslunarmenn, ríkisstarfsmenn
og verkamerin, svo dæmi séu
nefnd.
Byggingakostnaður er með því
allra lægsta sem um getur á höf-
uðborgarsvæðinu, en verðið á
fermetra í Búsetablokkinni í
Frostafoldinni er um 41 þúsund
krónur á móti 50 þúsund krónum
í sambærilegum byggingum.
- Þetta er 20% munur. Það
munar um minna og því er þetta
ein ástæðnanna fyrir því hve lágt
búsetugjaldið er, sagði Reynir.
- Stefnan hefur verið sú að
byggja vandaðar en ódýrar íbúðir
og nú sjá það aliir sem vilja að
það hefur tekist!
Búseti hefur sótt um lóð í
suðurhlíðum Kópavogs fyrir 44
íbúðir og er áformað að hefja
undirbúning framkvæmda í
haust. Einnig hefur Búseti sótt
um lóð f nýju hverfi sunnan Hval-
eyrarholts í Hafnarfirði fyrir 20
íbúðir og er miðað við að fram-
kvæmdir þar hefjist á næsta ári.
Stefnt er að kaupum á íbúðum í
fjölbýli á Kolbeinsstaðamýri á
Seltjarnarnesi og hjá Reykjavíkr-
borg liggja inni umsóknir fyrir
116 íbúðir.
-tt
Hannesarhneykslið
Lýsa yfir vanþóknun
FundurstjÖrnmálafrœðinema: Hagsmunir stúdenta fyrir borð bornir. Skora á
Éirgi að skipa hæfun mann. Dylgjum ráðherrans mótmælt
Opinn fundur stjórnmála-
fræðinetna við Háskólann lýsir
yfír vanþóknun sinni á þeirri lítil-
svirðingu sem menntamála-
ráðherra hefur sýnt Háskóla ís-
lands og nemendum í stjórnmála-
fra:ði með skipun Hannesar
Ilólmsteins Gissurarsonar í stöðu
lektors í stjórnmálafræði. Þetta
segir í upphafi ályktunar sem
gerð var á vel sóttum fundi stjórn-
máiafræðinema á þriðjudags-
kvöld. Fundurinn skorar á
menntamálaráðherra að bæta
Forsœtisráðherra
Þværhendur sínar af Hæmesi
Forsætisráðherra neitar að hafa beðið rektor um gott veður í lekt-
orsmálinu. Sigmundur Guðbjarnason: Gert að beiðni Þorsteins
Þorsteinn Pálsson, forsætisráð-
herra þvær hendur sínar af því að
hafa hlutast til um við Sigmund
Guðbjarnason, háskólarektor,
að hann og stofnunin brygðist
ekki ókvæða við þó menntamála-
ráðherra skipaði Hannes Hólms-
tein Gissurarson sem lektor f
stjórninálafræði. Til undir-
strikunar á þessu hafa forsætis-
ráðherra og háskólarektor skrif-
að undir sameiginlega yfirlýsingu
þar sem fréttir um hið gagnstæða
eru bornar til baka. Sigmundur
Guðbjarnason sagði í samtali við
Þjóðviljann í gær að hann hefði
undirritað yfirlýsinguna að
beiðni Þorsteins.
í yfiriýsingu Þorsteins og Sig-
mundar segir að frétt Bylgjunnar
frá því 4. þessa mánaðar þess efn-
is að forsætisráðherra hafi hringt í
rektor „í júníbyrjun til að biðja
um gott veður í málinu þegar að
því kæmi að menntamála-
ráðherra skipaði Hannes í stöðu-
na“, sé með öllu ósönn og úr
lausu lofti gripin.
Sigmundur sagði að á háskól-
aráðsfundi sem haldinn verður á
morgun, verði fjailað um tillögu
að bókun í sambandi við lekt-
orsmálið. - Ég á ekki von á því að
við eigum margra annarra kosta
völ, sagði Sigmundur er hann var
inntur eftir því hvort háskólaráð
gæti látið málið til sín taka á ann-
an hátt en að bóka um það.
-rk
fyrir óhappaverk þetta með því
að lektorsstaða í stjórnmálafræði
verði skipuð hæfum manni.
Fundurinn lýsti yfir fuilum
stuðningi við dómnefndina sern
mat umsækjændur og fordæmdi
harðlega þær dylgjur sem ráð-
herrann hefði viöhaft um félags-
vísindadeild og kennsluhætti þar.
Þá segir í ályktuninni að stjórn-
málafræðinemar séu undrandi á
að menntamálaráðherra skuli
hafa gengið framhjá tveimur um-
sækjendum er hlotið hefðu ótví-
ræðan hæfnisdóm og skipað
mann í stöðuna sem hefði enga
undirstöðumenntun í stjórnmála-
fræði.
Stjórnmálafræðinemarnir
mótmæla því að álit tveggja fyrr-
verandi kennara Hannesar og álit
dr. Gunnars Pálssonar hefði veg-
ið þyngra en álit faglegrar dóm-
nefndar. „Það er algerlega óvið-
eigandi að ráðherra hunsi faglega
dómnefnd Háskólans með þess-
um hætti,“ segir orðrétt í ályktun-
inni.
í ályktuninni er áréttað að Há-
skólinn eigi að sjá um sínar stöðu-
veitingar sjáifur út frá faglegum
forsendum sem skólinn hafi besta
aðstöðu forsendur til að meta. -
Síöðuveitingar í frjálsum
menntastoínunum eins og Há-
skóii ís'nds á að vera, mega alls
ekki stjórnasí af duttlungum mis-
viturra stjórnmálamanna.
Stjórnmálafræðinemar hafa
einnig áhyggjur af gæðum
menntunar sinnar. „Með því að
skipa mann í stöðuna sem ekki
hefur hlotið ótvíræðan hæfnis-
dóm dómnefndar eru hagsmunir
stúdenta við Háskóla íslands
fyrir borð bornir. Því skorar
fundurinn á menntamálaráð-
herra, Birgi fsleif Gunnarsson,
að bæta fyrir óhappaverk þetta
með því að lektorsstaða í
stjórnmálafræði við HÍ verði
skipuð hæfum rnanni."
Að sögn Grétars Eyþórssonar
sem stýrði fundinum var hann vel
sóttur þrátt fyrir það að hann var
ekkert auglýstur. Um 60 manns
mættu á fundinn en á síðasta
misseri voru 89 nemendur í
stjórnmálafræði, þar af 32 ný-
nemar' - hmp
Fimmtudagur 7. júlí 1988 .ÞJÓÐVILJINN - SÍÐA 3