Þjóðviljinn - 07.07.1988, Blaðsíða 16
—SPURNINGIN—
Spurning dagsins: Er nógu vel
fylgst með því að almenn réttindi
séu virt gagnvart útlendingum
sem starfa hérlendis?
Martha Jóhannsdóttir,
kennari:
Nei greinilega ekki en það
hljóta að verða gerðar einhverjar
úrbætur núna eftir að mál thai-
lensku stúlknanna komst í fjöl-
miðlana.
Sigríður Stefánsdóttir,
framhaldsskólakennari:
Ég er ansi hrædd um að víða
sé pottur brotinn í þeim efnum.
Þaö er augljóst að þörf er á
strangara eftirliti.
Lóa Sigurvinsdóttir,
spákona:
Það efast ég stórlega um. Það
þarf að koma upp betra vinnueft-
irliti og veita fólki betri upplýsing-
ar áður en það kemur hingað til
lands.
Helga Loftsdóttir,
bankastarfsmaður:
Já það held ég. Þar sem ég
þekki til, í fiskvinnslunni þá hafa
útlendingar sömu réttindi og aðr-
ir. Ef til vill eru þó útlendingar
stundum plataðir hingað á röng-
um forsendum.
Þorvaldur Guðlaugsson,
teiknari:
Ég trúi því ekki að það sé af
illvilja að farið sé verr með útlend-
inga en annað fólk. Við verðum
þó að vera vel á verði og ég tel
rétt að eftirlit með þessum málum
fari um hendur verkalýðsfélag-
anna.
þlÓÐVILIINN
Fimmtudagur 7. júlí 1988 152. tölublað 53. árgangur
SÍMI 681333
Á KVÖLDIN
681348
Á LAUGARDÖGUM
681663
Marianne E. Karhinke, prófessor við Háskólann í lllinois er í hópi þeirra sem heldur fyrirlestur á málþinginu.
Hjá henni situr Úlfar Bragason, forstöðumaður stofnunar Sigurðar Nordals.
y Bókmenntir
Utlendir grúska
í íslenskum fræðum
Skinnhandrit og bókmenntir mið-
alda njóta meiri hylli útlendinga
en nútímaverk íslendinga
- Það er mikill áhugi erlendis
fyrir íslenskum fræðum og fer
kennsla fram í 45 háskólum víða
um heim, m.a. í Ástralíu, Nýja-
Sjálandi, Suður-Afríku og Japan.
Ahuginn erlendis bcinist aðallega
að samfélagi miðalda, sögu þess
tíma, bókmenntum og tungu en
minni gaumur er gefinn að nútím-
aíslensku og bókmenntum okkar
tíma, sagði dr. Úlfar Bragason
forstöðumaður stofnunar Sigurð-
ar Nordals en stofnunin gengst
síðar í þessum mánuði fyrir mál-
þingi í Reykjavík um kennslu og
rannsóknir í íslenskum fræðum.
Fjöldi erlendra fræðimanna og
íslenskra mun flytja fyrirlestra á
málþinginu og fjalla þeir um efni,
allt frá aldri eddukvæða til ís-
lensks nútímamáls.
- Það er mikill ávinningur að
því fyrir íslendinga að rannsóknir
fari fram erlendis á íslenskum
fræðum, þó það sé kaldhæðnis-
legt þá hafa erlendir fræðimenn
oft meiri tækifæri og tíma til að
sinna rannsóknum á íslenskum
fræðum en íslendingar sjálfir.
Auk þess skapa rannsóknir út-
lendinga ólík sjónarmið og vekja
upp líflegar umræður um fræðin
og ef til vill líka deilur því íslend-
ingar eru nú nokkuð stífir á sínum
meiningum, sagði Úlfar.
Marianne E. Kalinke, prófess-
or við Háskólann í Illinois er
meðal gesta sem halda mun fyrir-
lestur á málþinginu. Hún hefur
rannsakað riddarasögur sérstak-
lega og sagði að þeim hefði verið
lítið sinnt af fræðimönnum í
gegnum tíðina en aftur á móti
verið geysivinsælt lesefni al-
mennings allt fram á 19. öld. Hún
flytur fyrirlestur sinn á ensku og
nefnist hann „The Problem of
Romance in Iceland". Stofnun
Sigurðar Nordals hefur það hlut-
verk að efla hvarvetna í heimin-
um rannsóknir og kynningu á ís-
lenskri menningu að fornu og
nýju og tengsl íslenskra og er-
lendra fræðimanna á því sviði.
Málþing þetta er liður í því starfi
og er haldið í framhaldi af ráð-
stefnu sem haldin var hér í vetur
undir yfirskriftinni „Á íslensk
menning framtíð fyrir sér?“ Úlfar
sagði að íslendingar vildu
gjarnan og beittu sér fyrir því að
erlendis yrði kennsla í fornís-
lensku og bókmenntum tengd
meira við nútímaíslensku og
sagði að erlendis væri tilhneig-
ingin sú að kenna íslensku á
svipaðan hátt og latínu, þ.e. sem
dautt mál.
Málþingið verður sett í Odda
sunnudaginn 24. júlí og stendur
fram til 26. júlí. Stuttir fyrirlestr-
ar verða haldnir og fyrirspurnum
svarað á eftir. Málþingið er opið
öllum sem hafa áhuga.
•Þ
Hvammstangi
Þjónar á floti
Margvíslegar uppákomur í tilefni 50 ára afmœlis Hvammstangahrepps
Forvitnilegt dót á útimarkaði,
volgir snúðar að hætti hrepps-
nefndar, uppákoma í sundlaug
staðarins í ætt við uppiifun Lísu í
Undralandi þar sem gestum verð-
ur komið á óvart með ýmsum
frumlegum atvikum sem undir-
búin eru með leynd en ljóst er þó
að þjónar munu fljóta um laugina
og bjóða veitingar, hljómsveitir
spila undir berum himni á sviði
sem byggt hefur verið yfir
Hvammsá og saga staðarins verð-
ur rifjuð upp með frumsaminni
revíu í léttum dúr og ótalmargt
fleira verður á döfinni á 50 ára
afmælishátið Hvammstanga sem
hefst á morgun.
í tengslum við afmælið hófust
útsendingar frá svæðisútvarpi
Hvammstanga í gær og standa
þær yfir þar til afmælishátíðinni
lýkur á sunnudaginn kemur. Yfir
40 dagskrárgerðarmenn munu
sjá til þess að öllum dagskrárlið-
um hátíðarinnar verði gerð góð
skil og þegar yfir lýkur er ætiunin
að varðveita upptökurnar á sýslu-
skjalasafninu.
- Heppsnefndin ákvað að veg-
leg afmælishátíð skyldi haldin
með þau markmið í huga að auka
samheldni bæjarbúa, gera fegr-
unarátak í bænum, auka tengsl
fyrrverandi og núverandi íbúa
Hvammstanga og síðast en ekki
síst að minna á sögu staðarins og
gera íbúa hans betur meðvitaða
um hana, sagði Þórður Skúlason
hreppsstjóri á Hvammstanga.
Örn Ingi formaður fram-
kvæmdarnefndar afmælisins
sagði að um 200 manns eða um
þriðjungur bæjarbúa innu nú
baki brotnu við undirbúninginn
og færu æfingar á skemmtiat-
riðum fram með mikilli leynd að
næturlagi. Auk þess hafa bæjar-
búar allir verið samstíga í að fegra
og snyrta bæinn og sæist oft til
garðyrkjumanna um miðja nótt á
kafi í blómabeðum sínum.
- Ég fullyrði að þetta verður
ein skemmtilegasta og frumleg-
asta útiskemmtun sumarsins og
hvet alla gamla Hvammstanga-
búa og aðra til að koma og taka
þátt í veislunni með okkur, sagði
Örn Ingi.