Þjóðviljinn - 22.07.1988, Blaðsíða 9

■
Nýi vegurinn í Suöurgil og hluti nýju bílastæðanna, sýnt með bláu. Kofinn á myndinni er
kofi Ármenninga þar sem topplyfta þeirra byrjar.
Hörður Guðmundsson, Hjördís Johnson og Eiríkur Haraldsson kampakát með vinnuna í
Bláfjöllunum. Myndir Sig.
Grunnur nýja Ármannsskálans við Sólskinsbrekku.
En skálinn sjálfur er í smíðum á Selfossi.
Framkvæmdagleði í Bláfjöllunum
Miklar framkvœmdir eiga sér nú stað í
Bláfjöllunum. Tveir skálar verða reistir
þar ísumar. Pegar hefur verið lagður
vegur út íSuðurgil. Ný barnalyfta
væntanleg. Bílastœðum fjölgar verulega
Það ríkir mikil framkvæmda-
gleði hér hjá okkur í Bláfjöllu-
num. Við höfum þegar lokið við
að leggja veg úti í Suðurgil. Þetta
er um 600 metra langur vegar-
spotti sem á væntanlega eftir að
gerbreyta nýtingu á stólalyftunni
í Suðurgili, sagði Þorsteinn
Hjaltason fólksvangsvörður en
hann hefur nóg að gera í Bláfjöll-
unum þó ekki sé nokkurn snjó að
sjá. Þrátt fyrir annríkið gaf hann
sér tíma til að ráfa um svæðið og
fræða okkur um það helsta sem
verið væri að gera í Bláfjöllunum
til að bæta aðstöðuna fyrir þá
fjölmörgu sem stunda skíði á vet-
urna. Hann sagði að samfara veg-
agerðinni hefðu verið búin til ný
bflastæði. í allt gerði Þorsteinn
ráð fyrir að þeim fjölgaði um
75% frá því sem áður var.
Ármannsskálinn
- Ármenningar ætla að reisa
nýjan skála við Sólskinsbrekku,
hann verður væntanlega kominn í
gagnið fyrir næstu skíðavertíð.
Þar verður aðstaða fyrir almenn-
ing til að borða nestið sitt og þar
verður einnig salernisaðstaða en
hana vantaði á þessum slóðum.
Þessar framkvæmdir, vegurinn
og skálinn eiga eftir að gerbreyta
öllu hér. Nýtingin á þeim tveim
lyftum sem eru á þessum slóðum
hefur verið heldur slök á meðan
langar biðraðir hafa verið í lyft-
urnar við Bláfjallaskálann, sagði
Þorsteinn.
Mikil aðsókn var í Bláfjöll á sl.
vetri og hefur rekstur skíðasvæð-
isins aldrei gengið eins vel. „Við
gerum ráð fyrir að hingað hafi
komið um eitt hundrað þúsund
manns, ýmist til að renna sér í
brekkunum eða til að stunda
skíðagöngu, þannig að við erum
rojög ánægð,“ sagði Kolbeinn
Pálsson formaður Bláfjalla-
nefndar, þegar hann var spurður
um hvernig reksturinn hafi
gengið sl. vetur. Hann bætti við
að hann geri ráð fyrir að um 10%
fólksfjölda á þessu svæði stund-
aði skíði yfir vetrartímann, tak-
markið væri að koma þvf hlutfalli
í 20% eins og það væri víða, td. í
Kananda; en til þess þarf að bæta
aðstöðuna, sagði hann.
- Við höfum óskað eftir því við
sveitarfélögin 13 sem eiga aðild
að Bláfjallanefnd að við fáum að
halda í þann styrk sem var ætlað-
ur til að greiða með starfseminni
á sl. vetri. Að viðbættum rekstr-
arafgangi síðasta vetrar, gerum
við okkur vonir um að hafa til
ráðstöfunar um fimmtán og hálfa
miljón króna til að framkvæma
hér að þessu sinni, sagði Kol-
beinn og bætti við að Bláfjalla-
nefnd ætlaði sér að styðja við
bakið á þeim tveim félögum sem
nú standa í skálabyggingum á
svæðinu.
Mælt hefur verið fyrir nýrri stólalyftu ( Kóngsgili þó ekki hafi verið ákveðið hvenær hún verður sett upp.
Hugmyndin er að hún liggi frá þessum hæl er blaðamaður tyllir fæti sínum á, og nái upp þar sem topplyfta
Ármenninga endar. Talið er að ný stólalyfta á þessum stað kosti ekki undir 150 miljónum kr.
- Við eigum í viðræðum við
Kópavogskaupstað og Breiða-
blik um kaup á þeirra lyftu. Hug-
myndin er að færa hana yfir í Eld-
borgargil þar sem skíðadeild
Fram hefur sína aðstöðu. Ef af
þessu verður tengist Framsvæðið
mun betur öðrum skíðasvæðum í
Bláfjöllum.
Framskálinn
- Við ætlum að gera þennan
skála fokheldan í þessum mán-
uði. Hann á að verða tilbúinn
þegar skíðatímabilið hefst, sagði
Haraldur Eiríksson húsasmiður
og Framari af líf og sál. En hann
vinnur nú við þriðja mann að því
að reisa nýjan skála Framara í
Eldborgargili. Skáli þessi verður
um 150 fermetra að stærð á
tveimur hæðum. Að auki verður
svefnloft í skálanum. Haraldur
sagði að skálinn myndi breyta
miklu fyrir allt félagsstarf Fram-
ara en hjá þeim er að hans sögn
eitt öflugasta unglingastarf í
Bláfjöllunum. Haraldur sagði að
ekki væru nein áform hjá þeim í
Fram að auka við lyftukostinn að
sinni. Haraldur fagnaði þeim
hugmyndum að færa Breiðabliks-
lyftuna yfir í Eldborgargilið. Við
það myndu öllu þrjú skíðasvæðin
í Bláfjöllunum verða að einu
svæði, sagði hann. -*g
Nýi Framskálinn verður reisulegt hús.
Við tókum efni í nýja veginn út í Suðurgil hér úr brekkunni fyrir aftan en okkur hefur fundist hún vera of brött,
sagði Þorsteinn Hjaltason fólkvangsvörður í Bláfjöllum. En hér stendur hann fyrir framan brekkuna sem er
norðan megin við stólalyftuna í Kóngsgili.

8 SÍÐA - ÞJÓÐVILJINN Föstudagur 22. júlí 1988
Föstudagur 22. júlf 1988 ÞJÓÐVILJINN - SÍÐA 9