Þjóðviljinn - 15.09.1988, Blaðsíða 11

Og þetta
líka...
Mjög erfitt
er að áætla hvaða þjóðir styðja um-
sókn íslendinga um heimsmeistara-
keppnina 1993. Helsta von landans
er að ýmsar þjóðir þriðja heimsins
ásamt löndum Austur-Evrópu náist á
okkar band. Ýmis Afríkuríki eru ör-
ugglega á okkar bandi vegna aðstoð-
ar sem HSÍ hefur veitt þeim í lið á
handknattleikssviðinu. Síðastliðinn
vetur fóru t.a.m. Hilmar Björnsson og
Viðar Símonarson þangað suður og
leiðbeindu innfæddum og því líklegt
að Island fái að njóta góðs af.
Mats Wilander
er nú besti tennisleikari í heimi, eftir
að hafa sigrað Ivan Lendl á Opna
bandaríska meistaramótinu á dögun-
um. Lendl var efstur á listanum, hafði
verið það í tæplega þrjú ár og vantaði
aðeins þrjár vikur til viðbótar til að slá
met Jimmy Connors frá 1977 sem
hljóðaði upp á 159 vikur samfleytt á
toppnum. Lendl og Wilander léku
einnig til úrslita í fyrra og þá sigraði
Lendl, en Wilander er fyrsti Svíinn til
að sigra á þessu stórmóti. Björn
Borg, einhver snjallasti tennisleikari
allra tíma, átti ævinlega I mestu vand-
ræðum á mótinu og tókst aldrei að
sigra.
Steffi Graf
sigraði á þessu tennismóti í kvenna-
flokki og vann þar með „slemmu"
(Grand Slam), en hún vinnst með því
að sigra á fjórum stærstu mótum árs-
ins. Hin þrjú eru Wimbledonmótið,
Opna ástralska og Opna franska
meistaramótið. Þetta er í fyrsta sinn
sem slemman vinnst síðan árið 1970
en þá vann Margaret Smith þetta af-
rek. Þetta er einnig í fyrsta sinn í 14 ár
að hvorki Martina Navratilova né
Chris Evert leika í úrslitum mótsins,
en 18 ára gömul stúlka, Gabriela Sa-
batini, lék til úrslita gegn hinni 19 ára
Steffi Graf.
Veðurfræðingar
í Seoul hafa gert mjög nákvæmar
veðurspár fyrir leikana sem hefjast á
laugardag. Samkvæmt henni verður
rigning fjóra keppnisdaga, þar á með-
al á sunnudag þegar fyrstu verð-
launin verða afhent. Einnig á að rigna
19., 25. og 30. seþtember! Á opnun-
arhátíðinni á laugardag er búist við
skýjuðu veðri en úrkomulausu. Það
verður gaman að sjá hvort auðveld-
ara er að spá fyrir um veður þar ey-
stra en við eigum að venjast hér.
Ásgeir Sigurvinsson
skoraði fyrsta markið í leik Stuttgart
og Nurnberg í v-þýsku Bundesligunni
á þriðjudagskvöld. Stuttgarl sigraði
4-0 og skoraði Karl Allgöwer annað
markið og markakóngurinn Jurgen
Klinsmann tvö síðustu. Stuttgart er
Ásgelr Sigurvfnsson.
þá jafnt Bayern Múnchen að stigum á
toppi deildarinnar með 11 stig en
Bæjarar gerðu jafntefli við Werder
Bremen, 2-2. Bayer-liðin tvö, Leverk-
usen og Urdingen, eru í næstu sæt-
um með 10 stig. Leikið var í miðri viku
vegna farar ólympíulandsliðsins til
Seoul, en V-Þjóðverjar eru með sig-
urstranglegustu liðunum á leikunum.
Vegna þátttöku þeirra verður ekkert
leikið í deildinni næstu vikurnar en
keppni hefst að nýju 1. október.
_________________IÞROTTIR____________________
Handbolti
„Saltfisksmót“ hjá
konum um helgina
Spánn og Portúgal taka þátt í þriggja landa móti hér á landi.
Landsliðinu varpað á dyr
íslenska kvennalandsliðið æfir
nú af fullum krafti fyrir C-
heimsmeistarakeppnina sem
haldin verður í Frakklandi í októ-
ber. Nú um helgina fer fram
þriggja landa undirbúningsmót
þar sem Spánverjar og Portúgalir
mæta A-og B-liðum Islands.
Leikið verður á þremur stöð-
um 17.-19. september. Á laugar-
daginn leikur A-liðið við Por-
túgal og B-liðið við Spán í Kefla-
vík og hefjast leikirnir kl. 15.00.
Á sunnudeginum verður leikið í
Hafnafirði á sama tíma og leika
þá A- og B-liðin annars vegar og
Spánn og Portúgal hins vegar.
Mótinu lýkur síðan í Seljaskóla á
mánudag þegar A-liðið leikur við
Spán og B-liðið við Portúgal, en
sá leikur hefst kl. 19.45.
Spánverjar komu til landsins í
gærkvöld og leika við A-lið ís-
lands í Vestmannaeyjum í kvöld.
C-keppnin
Þjóðirnar þrjár, sem hafa í
gegnum tíðina haft mest sam-
skipti í gegnum saltfiskinn, taka
allar þátt í C-keppninni í borginni
Dreux í Frakklandi í október.
Liðin leika öll í sama riðli ásamt
Frökkum og Grikkjum. „Salt-
fisksmótið“ ætti því að gefa
nokkra hugmynd um hvar við
stöndum miðað við aðrar þjóðir í
dag.
„Við eigum jafna möguleika
og önnur lið í C-keppninni og það
getur einfaldlega verið spurning
um heppni hvort okkur tekst að
sigra í henni,“ sagði landsliðsþ-
jálfarinn Slavko Bambir í gær.
Hann mun velja endanlega hóp
fyrir C-keppnina eftir mótið um
helgina þannig að mikið ríður á
að stelpurnar standi sig vel.
Síðustu leikir landsliðsins fyrir
keppnina verða svo í Hollandi,
en þar tekur liðið þátt í fjögurra
þjóða keppni ásamt heima-
mönnum, Pólverjum og Ung-
verjum. Hollendingar eru ein-
mitt í hinum riðlinum í C-
keppninni og hefst mót þeirra 20.
október, 6 dögum fyrir C-
keppnina.
Vandamál með húsnæði
íslenska kvennalandsliðið
virðist ekki hafa forgang í íþrótta-
hús höfuðborgarinnar og er það
alger hneisa að liðinu skuli hrein-
lega verið varpað á dyr. Liðið
æfir nú 10 sinnum í viku og eru
þar af þrjár æfingar á milli kl. 7 og
8 á morgnana! Stúlkurnar æfa
síðan fjórum sinnum í hádeginu
og þrisvar í viku á kvöldin. Það
segir sig sjálft að slíkir æfingatím-
ar eru ekki landsliði bjóðandi.
Þessa tíma mun landsliðið senni-
lega missa eftir 10 daga og hefur
gengið illa að fá aðra tíma í stað-
inn.
„Helsta vandamál landsliðsins
er hve erfitt er að fá æfingatíma.
Ég á í erfiðleikum með að skipu-
leggja tímann þegar ég veit ekki
hvenær æfingar verða og svona
nokkuð þekkist örugglega hvergi
annars staðar," sagði Bambir
óhress í gær. Það er vonandi að
almennilegt húsnæði fáist sem
fyrst og þá á góðum tíma.
Kvennalandsliðið hefur varla
verið svona gott í aldarfjórðung
og mikil bjartsýni framundan,
nema hvað hugarfarsbreyting
væri æskileg hjá ýmsum aðilum
innan íþróttahreyfingarinnar.
-þóm
Slavko Bambir, hinn haröi þjálfari kvennalandsliösins, er ekki ánægð-
ur með æfingaaðstöðu liðs síns.
Fótbolti
„Suður skal það vera“
Vopnfirðingar tóku ekki við silfurverðlaunum 3. deildar
vegna furðulegra vinnubragða mótanefndar KSÍ
Eins og fram hefur komið þá
sigraði Stjarnan frá Garðabæ lið
Einherja frá Vopnafirði í úrslita-
leik 3. deildar um síðustu helgi.
Einherji fer einnig upp í 2. deild
en leikmenn liðsins tóku ekki við
silfurverðlaunum vegna furðu-
legrar ákvörðunar um leikstað.
Keppt var á Tungubakkavelli í
Mosfellssveit, sem er nánast
steinsnar frá Garðabæ miðað við
það ferðalag sem Vopnfirðingar
þurftu að sætta sig við.
„Þetta er lýsandi dæmi um
vinnubrögð KSÍ þegar lands-
byggðin er sett gegn höfuðborg-
arsvæðinu,“ sagði Pétur H. Is-
leifsson formaður Einherja í sam-
tali við Þjóðviljann í gær. „Það er
eins og liðin fyrir sunnan hafi það
mikil ítök innan KSÍ að þau geti
ráðið leikstaðnum eftir eigin geð-
þótta. Það legst allt á eitt: Suður
skal það vera,“ bætti Pétur við og
greinilegt er að Vopnfirðingar
sætta sig ekki við svona lagað.
Liðin tvö höfðu áður sæst á
Dalvík sem keppnisstað, enda
ætti sá völlur að vera hlutlaus.
Það var ekki fyrr en á fimmtudag,
tveimur sólarhringum fyrir
leikinn, að Einherji fékk skeyti
frá mótanefnd og þeim til mik-
illar furðu var búið að ákveða
Tungubakkavöll sem keppnis-
stað. Þá höfðu nokkrir leik-
manna Einherja þegar haldið til
Akureyrar og miklum erfið-
leikum bundið að „smala í lið“.
Leikmenn og forráðamenn
Einherja eru alls ekki að mót-
mæla úrslitum leiksins en hins
vegar hlýtur það að vera Stjörn-
unni í hag að leika í næsta ná-
grenni með alla sína stuðnings-
menn sem áhorfendur. Hins veg-
ar fara Vopnfirðingar skiljanlega
ekki til Reykjavíkur vegna þessa
leiks, sérstaklega ekki þegar
hann er settur á með svona stutt-
um fyrirvara. -þóm
Fótbolti
Tveggja mánaða bið
Farið getur að BÍ verði að skila
gullverðlaunum sínum í 4. deild,
Austri sitji eftir í 4. deild og annað
hvort Kormákur, Leiknir F. eða
Valur Rf. fari upp í staðinn. Þetta
eru afleiðingar afgreiðslutíma
Úí A á kæru sem lögð var eftir leik
Leiknis og Vals á Fáskrúðsfirði
24. júní í sumar.
Dómarinn sem dæmdi leikinn
var ólöglegur samkvæmt úr-
skurði KSI en Valur áfrýjaði
dómi ÚÍA til þeirra. Nú þarf
leikurinn að fara fram á ný og
vinni Valur keppa þeir við Kortn-
ák og Austri situr eftir, en
Leiknir þarf að vinna með sex
mörkum til að hreppa hnossið.
Flókið?
-þóm
ÞJÓÐVILJINN - SÍÐA 11
0g þetta
líka ...
Bandaríska
ólympíunefndin hefur einnig ákveðið
hvaða stúlkur keppa í 4x100 metra
boðhlaupinu. Florence Grlffith-
Florence Grlffith-Joyner.
Joyner, sem setti glæsilegt heimsmet
í 100 metra hlaupi fyrir stuttu, verður
að sjálfsögðu í sveitinni, en auk henn-
ar munu Evelyn Ashford, Gwen Tor-
rence og Shiela Echols reyna að
hlaupa til sigurs. Ashford var um
langt skeið sú allra fljótasta og átti
einmitt heimsmetið í 100 m á undan
Griffith-Joyner.
Carl Lewis
vann eftirminnilega til ferna gullverð-
launa á siðustu ólympiuleikum og
endurtók þannig hið frækna afrek
Jesse Owens í Berlín 1936. Lewis á
hins vegar möguleika á að leika
sama leikinn aftur en hann fékk loks
leyfi til að keppa í ölium fjómm
greinunum. Hann vann sér rétt til að
keppa í 100 og 200 metra hlaupum
ásamt langstökkinu í úrtökumótinu í
ágúst en bandaríska ólympíunefndin
dró á langinn ákvörðun um hverjir
yrðu í sveit þeirra í 4x100 metra boð-
hlaupi. Það er nú Ijóst að Lewis verð-
ur í sveitinni ásamt fyrrum heimsmet-
hafanum Calvin Smith, Dennis Mitc-
hell og Albert Robinson. Þó geturfar-
ið svo að Lewis keppi aðeins í úrslit-
unum og Joe Deloach taki sæti hans í
undanrásunum vegna hins mikla
álags á hetjunni.
í dag
verður ákveðið hvort íslendingar fá
að halda heimsmeistarakeppnina í
handbolta árið 1993. Þing alþjóða-
handknattleikssambandsins, IHF,
stendur nú yfir og í kvöld verður kosið
um mótsstaðinn. Eins og allir vita
sækjast Svíar eftir keppninni og vill
hvorug þjóðin draga sig til baka. (s-
lendingar vilja að Svíar minnki
áherslu sína á keppnina 1993 oa fái
þá að halda hana tveimur árum síðar.
Svíar vilja það alls ekki, sem verður
að teljast furðulegt þegar haft er í
huga að heimsbikarmótið í norræn-
um greinum skíðaíþrótta verður
væntanlega í Svíþjóð í ferbrúar 1993,
eða á sama tíma og handboltakeppn-
in. Hún myndi þá drukkna í fréttum af
Gunde Svan og félögum og frétta-
stofa Reuters kæmi jafnvel til með að
sniðganga hana.
. Sundfólk
í Seoul verður að gjöra svo vel að
skipta um föt í búningsklefum sínum
en ekki á sundlaugarbakkanum. For-
ráðamenn í Seoul hafa hneykslast á
því að sundfólkið hefur oft á tíðum
verið einungis með handklæði vafið
utan um sig fyrir framan þúsundir
áhorfenda og vilja alls ekki að slíkt
komi fyrir á ólympíuleikunum. Því
hafa þeir komið fyrir skilti f búnings-
klefunum hvar segir orðrétt:
„Olympíukeppendur. Dömur og herr-
ar. Þið eruð mjög góðir íþróttamenn.
Vinsamlegast afklæðið ykkur aðeins I
búningsklefum, ekki á sundlaugar-
bakkanum." Þetta kallar maður að
fara mjúku leiðina að íþróttafólki.