Þjóðviljinn - 11.10.1988, Blaðsíða 1

Þriðjudagur 11. október 222. tölublað 53. órgangur
Brotið
blað í
þingsögu
Fyrsta skipti í1000 ára söguAlþingis sem kona
verðurforseti sameinaðs þings. Samkomulag
um nefndarskipan stjórnarflokka. Stjórnar-
andstaðan hafnar samstarfi. Hlutkesti látið
ráða í neðri deild
í dag verður skipað í helstu
stöður og nefndir Alþingis. Allt
bendir til þess að Guðrún Helga-
dóttir þingmaður Alþýðubanda-
lagsins verði forseti sameinaðs
þings. í>að yrði í fyrsta skipti í
1000 ára sögu Alþings sem kona
gegnir þeirri virðingarstöðu.
Þetta verður líka í fyrsta skipti
sem kona verður handhafi forset-
avalds þegar forseti íslands er í
útlöndum eða forfallast. Sighvat-
ur Björgvinsson Alþýðuflokki
verður áfram formaður fjárveit-
inganefndar og Páll Pétursson
Framsóknarflokki verður for-
maður utanríkisnefndar.
Ólafur Ragnar Grímsson for-
maður Alþýðubandalagsins
sagðist búast við svari stjórnar-
andstöðunnar í dag við tilboði
sem stjórnin gerði henni í gær um
formennsku í nefndum Alþingis.
Sér hefði lengi þótt eðlilegt að
stjórnarandstaðan á þingi ætti
meira af formönnum nefnda en
tíðkast hefði og þannig átt meiri
hlutdeild í störfum þeirra.
Ólafur G. Einarsson formaður
þingflokks Sjálfstæðismanna
sagði hins vegar í gærkvöld að
stjórnarandstaðan myndi ekki
semja um nefndakjör í neðri
deild og þar yrði því hlutkesti
látið ráða.
í gær var enn óljóst um skipan
stöðu varaformanns í utanríkis-
nefnd, en Alþýðubandalagið vill
gjarnan skipta á öðrum fulltrúa
sínum í fjárveitinganefnd fyrir
varaformannsstöðuna sem Hjör-
leifur Guttormsson er nefndur
til. Við þingsetning'úha í gær
tók Kristinn Pétursson sæti
Sverris Hermannssonar á þingi
en Sverrir hefur sagt af sér þing-
mennsku þar sem hann er orðinn
bankastjóri í Landsbankanum.
Guðrún Halldórsdóttir kom inn
sem varamaður Þórhildar Þorl-
eifsdóttur Kvennalista og Lára
V. Júlíusdóttir kom inn sem vara-
maður Jóns Baldvins Hannibals-
sonar Alþýðuflokki, en utanrík-
isráðherrann er á leið til Banda-
ríkjanna á þing Sameinuðu þjóð-
anna.
-hmp
Guðrún Helgadóttir þingmaður Alþýðubandalagsins mun að öllum líkindum setjast í stól forseta sameinaðs
þings í dag, fyrst kvenna. Forseti sameinaðs þings er æðsta staða þingsins og er hann handhafi forseta-
valds ásamt forseta hæstaréttar og forsætisráðherra þegar forseti (slands forfallast eða er erlendis.
Skák
BSRB
Sinfonía
í þrem
þáttum
Þeim skákáhugamönnum sem
lögðu leið sína í Borgarleikhúsið í
fyrradag mun seint líða úr minni
hin geysispennandi og tilþrifa-
mikla viðureign Jóhanns Hjartar-
sonar og Garríjs Kasparovs
heimsmeistara.
Kasparov stýrði hvítu og í
fyrsta þættinum þrengdi hann
jafnt og þétt að Jóhanni. í öðrum
þætti braust hvíta liðið inní híbýli
svartliða, ótímabært áhlaup segja
sumir, sem tóku hressilega á móti
og skópu sér gagnfæri. í loka-
þættinum hristi heimsmeistarinn
fléttu fram úr erminni og sigraði
með dramatískum tilþrifum.
Helgi Ólafsson stórmeistari
skýrir þessa skák og ennfremur
viðureign Tals og Portisch sem
lauk með glæsilegum sigri
„Töframannsins frá Ríga“.
Sjá síðu 11
Þrír í formannsslag
Kristján Thorlacius gefur ekki kost á sér til endurkjörs. Guðrún Árnadóttir, Örlygur Geirsson og
Ögmundurjónassonnefndsemeftirmennhans. Tekist á um starfssvið skrifstofu samtakanna
Ljóst er að Kristján Thorlacius
mun ekki gefa kost á sér til endur-
kjörs sem formaður BSRB á
þingi samtakanna, sem hefst
mánudaginn 17. október. Tvö
mál mun bera hæst á þinginu,
annarsvegar kosningu nýs for-
manns og hinsvegar umræðu um
starfssvið skrifstofu samtakanna
að Grettisgötu 89.
Nokkuð ljóst er að frambjóð-
endur til formanns BSRB verða
þrír. Það eru þau Guðrún Árna-
dóttir, framkvæmdastjóri sam-
takanna, sem er frambjóðandi
þeirra Kristjáns Thorlaciusar og
Einars Ólafssonar. Þá hefur Ör-
lygur Geirsson, skrifstofustjóri í
menntamálaráðuneytinu einnig
mikinn áhuga á starfinu og má
búast við að kratar muni styðja
hann. Þriðji frambjóðandinn sem
rætt er um er Ögmundur Jónas-
son, fréttamaður, en samkvæmt
heimildum Þjóðviljans hefur ver-
ið þrýst mjög á hann að gefa kost
á sér.
Ögmundur mun hafa tekið
frekar dræmt í það fyrst að gefa
kost á sér, en samkvæmt áreiðan-
legum heimildum er hann nú klár
í slaginn.
Auk formannsslagsins má bú-
ast við talsverðum átökum á
þinginu um starfssvið skrifstofu
samtakanna. Þar sem sérhvert
aðildarfélag er komið með samn-
ingsrétt þykir ýmsum tilhlýðilegt
að draga úr starfsemi skrifstof-
unnar. Aðrir telja að einmitt
vegna þess að samningsrétturinn
sé kominn til félaganna sé
nauðsynlegt að efla enn meira
upplýsingastarf samtakanna, auk
þess sem full nauðsyn sé á að að-
stoða minni félögin við samnings-
gerð, þannig að skrifstofan sé síst
ofmönnuð í dag. -Sáf
JJeilbrigðismál
Sérfræðingakerfið
hefur þanist út
Það var mál manna að það
þyrfti að koma böndum aftur á
sérfræðingakerfið innan heil-
brigðiskerfisins, það hefur þanist
út á undanförnum árum, segir
Kristín Ólafsdóttir í viðtali við
Þjóðviljann.
En um helgina var haldin ráð-
stefna á vegum Alþýðubanda-
lagsins um heilbrigðismál þar
sem ma. kom fram að kostnaður
við sérfræðingaþjónustu hefur
aukist gífurlega. Einnig var fjall-
að um ytri áhrif á heilbrigði
manna, en þar kom fram að
mikið átak þarf að gera til að fyrir
byggja sjúkdóma. Jafnframt var
fjallað um stjórn og starfsmann-
askort.
Sjá síðu 5