Þjóðviljinn - 11.10.1988, Blaðsíða 13
ERLENDAR FRÉTTIR
Tamílskir skæruliðar - barist fyrir sjálfstæði með barnamorðum.
SriLanka:
66 drepnir
Morðárás Tamíla á þorp
Að minnsta kosti 66 manns hafa
verið drepnir á Sri Lanka síð-
an um helgina í árásum skæru-
liða, bardögum þeirra og ind-
verskra hermanna og í átökum
mótmælafólks og lögreglu.
Undirrótin er óánægja meðal
jafnt Singhala og Tamfla, tveggja
Qölmennustu þjóðerna eyjarinn-
ar, með samning stjórna Indlands
og Sri Lanka, gerðan með það
fyrir augum að binda endi á
mannskæð vígaferli Singhala og
Tamfla, sem staðið hafa yfir í
fímm ár.
Mesta mannfallið varð í árás
skæruliða, sem talið er að hafi
verið úr liði svokallaðra Frelsis-
tígra, á singhalskt þorp norðan til
á miðhluta eyjarinnar. Drápu
skæruliðar 45 manns, þar á meðal
18 börn. Frelsistígrarnir eru öflu-
gastir tamflsku skæruliða-
hreyfinganna á eynni. 11 Frelsis-
tígrar féllu f viðureign við ind-
verska hermenn á norðurhluta
eyjarinnar, og á suðurhluta henn-
ar drap lögregla nokkra menn úr
hópum mótmælafólks af sing-
hölsku þjóðerni.
í umræddum samningi er gert
ráð fyrir að norðurhluti eyjarinn-
ar, þar sem Tamflar eru þorri
íbúa, og austurhéruðin, þar sem
býr fólk af ýmsu þjóðerni, fái
sjálfstjórn nokkra. En hinir rót-
tækari meðal Tamfla telja það
ekki nóg fyrir sitt fólk og margir
Singhalar álíta að með samningn-
um sé verið að ofurselja Indverj-
um hluta landsins. Indverjar hafa
haft her á Sri Lanka síðan samn-
ingurinn var gerður til að brjóta á
bak aftur tamílska skæruliða. í
forustu meðal þeirra Singhala, er
mótmæla samningnum, er Þjóð-
frelsisfylking svokölluð, sem er
sögð marxísk. Reuter/-dþ.
Palestínumenn:
Ríkisstofnun fyrirhuguð
Haft er eftir áreiðanlegum
heimilduni að leiðtogar
Palcstínu-Araba hafi komist að
samkomulagi um að lýsa yfir
stofnun ríkis á Vesturbakkanum
og í Gaza. Reynist fréttin á rökum
byggð, myndi samkomulag þetta
að líkindum fela í sér einskonar
viðurkenningu á tilverurétti ísra-
els sem ríkis.
Hér væri því um að ræða
grundvallarbreytingu á afstöðu
Palestínu-Araba til þessa. Sagt er
að harðlínumenn í Frelsissam-
tökum Palestínu (PLO) muni lítt
hrifnir af tillögu þessari, en lík-
legt sé engu að síður að hún nái
fram að ganga innan samtak-
anna. Mikilvægar ástæður að
baki samkomulaginu munu vera
tilkynning Jórdaníustjórnar í júlí
Arafat - viðurkennir hann ísrael?
s.l. um að hún afsalaði sér öllu
tilkalli til Vesturbakkans og vax-
andi áhrif íslamskra bókstafs-
trúarmanna meðal almennings
þar og í Gaza, en á bókstafstrúar-
menn lítur PLO sem keppinaaut.
Háttsettur talsmaður PLO
skýrði svo frá í gær að endanleg
ákvörðun um þetta yrði líklega
tekin fyrir mánaðamótin. Yrði
hinu nýja ríki þá skipuð bráða-
birgðastjórn, sem yrði þó líklega
að dveljast í útlegð meðan ísrael-
ar halda Vesturbakkanum og
Gaza hernumdum. Af hálfu ísra-
elsstjórnar hefur því þegar verið
lýst yfir, að hún líti á þetta sam-
komulag palestínskra forustu-
manna sem markleysu eina.
Reuter/dþ.
Fleiri Sovét-Gyöingar
fá að fara
En fáir þeirra halda til ísrael
Is.l. mánuði var fleiri Gyðing-
um leyft að flytjast frá Sovétr-
íkjunum en á árunum 1985 og
1986 samanlögðum, að sögn al-
þjóðlegrar stofnunar í Genf, sem
fylgist með flutningum fólks milli
landa. í sept. s.l. fóru 2295 Gyð-
ingar frá Sovétríkjunum, og eru
þetta mestu flutningar þeirra
þaðan í einum mánuði síðan í
aprfl 1980, er 2470 fóru.
Kringum 1980 slepptu sovésk
stjórnarvöld tugum þúsunda
Gyðinga úr landi, en drógu mjög
úr veitingu fararleyfa til þeirra
um miðjan yfirstandandi áratug.
1985 fengu aðeins 1140 Gyðingar
að flytjast frá Sovétríkjunum og
943 1986. En síðan hafa sovésk
yfirvöld tekið að gerast örlátari á
flutningaleyfi við þarlenda Gyð-
inga og það sem af er árinu 1988
hafa 11.815 þeirra farið úr landi.
ísraelar, sem hafa áhyggjur af
því að þarlendum Aröbum fjölg-
ar miklu hraðar en Gyðingum,
leggja mikið kapp á að fá sovéska
Gyðinga til að setjast að hjá sér,
en með fremur litlum árangri.
Flestir þessara útflytjenda frá So-
vétríkjunum kjósa heldur að
flytjast til Bandaríkjanna.
Reuter/-dþ.
Tékkóslóvakía:
Umbótasinni
segir af sér
Lubomir Strougal, forsætisráð-
herra Tékkóslóvakíu síðan
1970, sagði af sér því embætti í
gær. Er talið að afsögnin stafi af
dcilum milli hans og hinnar harð-
íhaldssömu forustu kommúnista-
flokks og ríkis í Tékkóslóvakíu.
Miðað við aðra í forustunni
hefur Strougal verið talinn um-
bótasinnaður, þótt ekki sé hann
það á við perestrojkumenn Gor-
batsjovs. Hefur Strougal hvatt til
þess að umbótum í efnahagslífi sé
hraðað og gagnrýnt yfirvöld fyrir
harðleikni við pólitíska andófs-
menn. Giskað er á að tékkósló-
vakískir valdhafar séu á nálum
um að Pragvorið endurtaki sig ef
eitthvað sé látið eftir umbóta-
sinnum og muni þessvegna hafa
bolað Strougal úr embætti.
Reuter/-dþ.
Angóla:
Kúbanir á fönim?
Haft er eftir bandarískum
embættismönnum að Kúba hafi
samþykkt að kalla heim her-
sveitir sínar í Angólu á næstu 24-
0 mánuðum. Suður-Afríkustjórn
hefur fyrir sitt leyti samþykkt að
fallast á áætlun Sameinuðu þjóð-
anna um að veita Namibíu sjálf-
stæði á eins árs tímabili, er hefjist
1. nóv. n.k., með því skilyrði að
áður næðist samkomulag um
brottför Kúbana frá Angólu.
Viðræður um þetta hafa undan-
farið staðið yfir í New York milli
fulltrúa Suður-Afríku, Angólu,
Kúbu og Bandaríkjanna.
Reuter/-dþ.
Óeirðirnar í Alsír:
Heittrúarmenn í forustu
Óeirðirnar í Alsír halda áfram
og hafa her og lögregla landsins
þegar drepið um 100 manns í
þeim, að sumra sögn, og sært
mörg hundruð. Hreyfing ís-
lamskra bókstafstrúarmanna
virðist nú hafa tekið forustuna
meðal þess fólks, sem stofnað
hefur til óeirða vegna reiði út af
sparnaðarráðstöfunum
stjórnvalda, er rýrt hafa lífskjör
almennings. Þetta er mesta of-
beldisalda í sögu Alsírs síðan það
varð sjálfstætt 1962.
Reuter/-dþ.
Bílakaup ríkisins
1989
Innkaupastofnun ríkisins áætlar aö kaupa um
140 bíla fyrir ríkisstofnanir áriö 1989. Lýsing á
stærðum og útbúnaði bílanna er aö fá á skrifstofu
vorri og þurfa þeir bifreiðainnflytjendur, sem vilja
bjóöa bíla sína að senda verðtilboð og aðrar upp-
lýsingar til skrifstofunnar fyrir 11. nóvember nk.
INNKAUPASTOFNUN RÍKISINS
BORGARTUNI 7, POSTHÓLF 1450. 125 REYKJAVÍK.
AV Notaðu
' endurskinsmerki
-og komdu heil/l heim.
Eiginkona mín
Ólöf Grimea Þorláksdóttir
Stóragerði 23
lést í Landspítalanum 9. október
Sigursveinn D. Kristinsson
Þri&judagur 11. október 1988 ÞJÓÐVILJINN - SÍÐA 13
Móðir okkar
Sólveig Böðvarsdóttir
Fannborg 7, Kópavogi
lést í Borgarspítalanum sunnudaginn 9. október.
Árni Stefánsson
Ingunn Erna Stefánsdóttir