Þjóðviljinn - 29.10.1988, Blaðsíða 3

Hvaladeilan
_____________________FRETTIR________________________
Rœkja
40% samdráttur á tveim ámm
Félag rækju- og hörpudiskframleiðenda: Meiriháttar áfall.
að er allt útlit fyrir 25% sam-
drátt í úthafsrækjuveiðum í
ár þrátt fyrir aukna sókn og ljóst
að margir ná ekki að veiða upp í
kvóta sína. Þá leggur Hafrann-
sóknastofnun til að úthafrækjuk-
vótinn 1989 verði aðeins 20 þús-
und tonn þannig að samtals er hér
um 40% samdrátt í rækjuveiðum
á 2 árum sem er meiriháttar
áfall“, sagði Jón Alfreðsson for-
maður Félags rækju- og hörpu-
diskframleiðenda og kaupfélags-
stjóri Kaupfélags Steingríms-
fjarðar á Hólmavík.
í nýafstöðnum rannsóknar-
leiðangri Hafrannsóknarstofn-
unar frá Norðurkanti að Hér-
aðsdjúpi kom í ljós sem margann
hafði grunað, mikil minnkun á
stofnstærð frá 1987 til 1988. Við
upphaf úthafsrækjuveiða var afli
á sóknareiningu um 150 kíló á
klukkutímann en hefur minnkað
all verulega eða úr 93 kg/klst.
1985 í 65 kg við Norðurland í ár
og úr 125 kg/klst. 1986 í 84 kg við
Norðausturland.
í ár er aðeins búist við að út-
hafsrækjuaflinn verði aðeins um
27 þúsund tonn en var á síðasta
ári 35 þúsund tonn af 39 þúsund
tonna heildarafla. Þegar rækju-
verksmiðjum var úthlutað kvóta í
ár urðu margir ókvæða við og
töldu sig hafa fengið minna en
skyldi. I dag prísa þeir sig sæla ef
þeir ná kvótanum og margir telja
það næsta vonlaust vegna mun
minni afla en gert hafði verið ráð
fyrir.
Verulegar birgðir voru af
rækju í landinu síðsumars en
grynnkað hefur á þeim upp á síð-
kastið enda lítil framleiðsla verið
síðustu 2 mánuðina. Rækjuverð
er áfram slakt en hefur þó staðið í
stað að undanförnu en þangað til
hafði það lækkað um 15% frá því
í júní sl.
Rækjuveiðar í Húnaflóa máttu
byrja í vikunni en vegna veðurs
fóru fáir bátar á sjó fyrsta daginn.
13 bátar gera út á rækju Hólma-
víkurmegin, vestanmeginn, en
sitthvað færri austanmegin.
Kvóti hefur verið ákveðinn 1800
tonn. Lítið er af seiðum í flóanum
;n því meir af smárækju.
-grh
ALDI kaupir
Vestur-þýska fyrirtækið ALDI
mun halda áfram viðskiptum við
Sölustofnun lagmetis en ALDI
hafði áður lýst því yfir að öllum
kaupsamningum yrði rift vegna
hvalveiða íslendinga.
Stjórn Sölustofnunarinnar
segir í fréttatilkynningu sem send
var út í gær að ekki beri að van-
meta áhrifamátt Greenpeace og
samtaka umhverfisverndar-
manna á skoðanamyndun al-
mennings í helstu viðskipta-
löndum okkar. Stöðvun við-
skipta þýska fyrirtækisins Tang-
elmann við SL hafi þegar skaðað
markaðsstöðuna þarlendis og af-
komu fjölda lagmetisverksmiðja
um tugi miljóna króna.
Fiskifélag íslands
Fiskiþing sett
á mánudag
Stendur í 5 daga með
þátttöku 39 fulltrúa frá
landsbyggðinni og helstu
hagsmunasamtökum
sjávarútvegsins
Á mánudag 31. október nk. set-
ur Þorstcinn Gíslason fiskimála-
stjóri 47. Fiskiþing sem stendur
til 4. nóvember nk. Rétt til þing-
setu hafa 39 fulltrúar, sem koma
frá Iandsbyggðinni og helstu
hagsmunasamtökum sjávarút-
vegsins.
Helstu málaflokkar þingsins
verða afkoma sjávarútvegsins,
ástand fiskistofna, framkvæmd
fiskveiðistjórnunar, byggðaþró-
un og framtíð hinna ýmsu útgerð-
arstaða, fiskmarkaðir og frjáls
verðlagning á fiski, markaðsmál
og útflutningur á óunnum fiski,
öryggis- og fræðslumál og önnur
mál er snerta sjávarútveg.
Auk þessa munu fjölmargir að-
ilar flytja erindi á fyrsta degi
þingsins ss. Vilhjálmur Egilsson
hagfræðingur, Arni Benedikts-
son framkvæmdastjóri, Einar
Oddur Kristjánsson fram-
kvæmdastjóri, dr. Grímur Vald-
imarsson forstjóri Rannsókna-
stofnunar fiskiðnaðarins og fiski-
fræðingarnir Unnur Skúladóttir
og Hrafnkell Eiríksson. Þá mun
Halldór Ásgrímsson sjávarút-
vegsráðherra ávarpa þingið við
upphaf þess.
-grh
Söfnun
300.000
heimilis-
lausir
Mið-Ameríkunefndin
safnar til fórnaríamba
,Jóhönnu“
Um þrjú hundruð þúsund
manns eru taldir hafa misst heim-
ili sitt í Nicaragua þegar fellibyl-
urinn Jóhanna óð þar yfir, og hef-
ur Mið-Ameríkunefndin ákveðið
að hefja söfnun til styrktar fórn-
arlömbum náttúruhamfaranna.
Það er sendiráð Nicaragua í
Stokkhólmi sem hefur beðið um
að gengist verði fyrir söfnuninni á
Norðurlöndum, og hvetur ein-
staklinga og samtök að leggja sitt
af mörkum.
Reikningur söfnunarinnar hér
er sparisjóðsbók númer 801657 í
Alþýðubankanum, Laugavegi,
og er hægt að leggja fram fé með
gíróseðli í öllum bönkum og
sparisjóðum. Mið-Ameríku-
nefndin veitir nánari upplýsingar
í síma 17966 frá kl. 17-19 alla
virka daga.
UMTALAÐA N0RSKA HEIMIIDARMYNDIN
STÖD 2 SUNNUDAGSKVÖLD KL. 22:15
Þetta er heimsfræg, norsk heimildarmynd um eina hræðilegustu niðurlasgingu mannkyns:
Kynferðislega misnotkun á bömum. Hún er gerð fyrir norska dómsmálaráðuneytið og kostuð af því,
ásamt Rauða krossinum og einkaaðilum. Myndin hefur vakið fádæma athygli og viðbrögð í öllum löndum
þar sem hún hefur verið sýnd. Hún þykir gefa skýra mynd af þessum hryllingi víðsvegar í heiminum.
Myndinni er ekki ætlað að veita nein svör, - heldur fræða og sánna að þessi glæpur er bláköld staðreynd.
Athugið að myndin er alls ekki við hæfi bama og að í myndinni eru atriði
sem viðkvæmt fólk ætti ekki að sjá.
Eftir útsendingu myndarinnar verður bein útsending frá umræðum í sjónvarpssal Stöðvar 2. Þar er þetta
vandamál til umfjöllunar og rætt um á hvem hátt það tengist íslensku samfélagi.
KYNFERÐISLECT 0FBE1DIÁ BÖRNUM ER MÁL
SEMEKKIÁABÞEGJAYFIR.