Þjóðviljinn - 06.12.1988, Page 2

_______________________FRETTIR________________________
Arnarflug
Óvissa um framtíðina
Fjármáiaráðherra: Fjárhagsstaða Arnarflugs verri en ætlað var.
Verður tekið til rœkilegrar skoðunar. Flugfélögin rœði sameiningu.
Kristinn Sigtryggsson: Sameining kemur ekki til greina
Framtíð Arnarflugs er nú í höndum stjórnvalda.
Olafur Ragnar Grímsson fjár-
málaráðherra segir að
skoðun embættismanna fjár-
málaráðuneytisins á rekstri Arn-
arflugs fyrstu 9 mánuði ársins,
hafi leitt í Ij'ós að rekstrarstaða
félagsins sé mun verri en ætlað
var. Ólafur leggur ríka áherslu á
að forsvarsmenn Flugleiða og
Arnarflugs skoði stöðuna með
opnum huga og útiloki ekki neina
möguleika fyrirfram. Kristinn
Sigtryggsson forstjóri Arnar-
flugs, segir að sameining flugfé-
laganna sé óskynsamleg en sam-
vinna um ýmsa þætti í rekstri gæti
hins vegar verið skynsamleg.
Samgönguráðherra átti í gær
fund með forráðamönnum Arn-
arflugs og Flugleiða. Ásamt
fjármála- og forsætisráðherra
mun hann síðan fara betur ofan í
málefni Arnarflugs nú í vikunni.
Ólafur Ragnar sagði við Þjóðvilj-
ann að vilji flugfélaganna til sam-
einingar kæmi í ljós í viðræðun-
um, hann leggði áherslu á að
menn útilokoðu ekkert fyrir-
fram. Það hefði átt sér stað sú
breyting og myndi eiga sér stað í
ríkara mæli, að æ fleiri erlend
flugfélög fljúgi til íslands. Hann
vissi til þess að Flugleiðir gerðu
ráð fyrir minnkandi markaðsh-
lutdeild af þessum sökum. Þann-
ig að gamla röksemdin um að ís-
lendingar verði sjálfir að hafa tvö
flugfélög, til að koma í veg fyrir
einokun, væri ekki eins gild og
fyrir 5-10 árum.
Kristinn Sigtryggsson sagði
Þjóðviljanum, að hann hefði
alltaf sagt að óskynsamlegt væri
að sameina flugféiögin, og sú af-
staða hefði ekkert breyst. Það
væri grundvallaratriði fyrir þjón-
ustu og verðlagningu að hafa
fleiri en eitt félag. „Ég hef hins
vegar lýst því yfir að samstarf sem
getur lækkað rekstrarkostnað sé
skynsamlegt,“ sagði Kristinn. Fé-
lögin hefðu samstarf um þjón-
ustuliði en yrðu keppinautar að
öðru leyti. Þetta samstarf yrði þó
að vera þannig að samningsstaða
félaganna væri jöfn. Flugleiðum
hefði nánast verið afhent flug-
stöðin og Arnarflug þyrfti að
kaupa þjónustu af þeim. Þetta
hefði kostað Arnarflug 30-35
miljónir á þessu ári.
Áð sögn Kristins er vandi Arn-
arflugs fyrst og fremst of mikill
fjármagnskostnaður sem hafi
komið illa við reksturinn. Þetta
ár væri þó ekki dæmigert í rekstri
félagsins, þar sem það hefði tvö-
faldað afkastagetuna með
kaupum annarrar þotu, og ekki
væri hægt að ná upp fullri nýtingu
á aðeins einu ári. Hann sagði
Arnarflug, ásamt samgöngu- og
fjármálaráðherra, hafa sett upp
þríhliða dæmi til að rétta við
reksturinn. Hlutafé frá einka-
geiranum og eldri hluthöfum
verði aukið, hlutafé komi frá rík-
inu og endurfjármögnun fari
fram á annarri þotu félagsins.
„Þessi markaður hér skiptir
stóru erlendu flugfélögin engu
máli,“ sagði Kristinn. En ís-
lensku flugfélögin lifðu á honum
og yrðu þess vegna að bjóða upp
á rétta tíðni ferða, leiðir og þjón-
ustu. Stóru félögin fleyttu rjó-
mann yfir háannatímann sem
kæmi Flugleiðum og Arnarflugi
vel. Tvö flugfélög á Islandi gerðu
þennan markað minna spennandi
fyrir útlendinga.
-hmp
Framhaldsskólar
Þrengslin aukast
næsta haust
Nemendum áframhalds-
skólastigi á eftir aðfjölga
verulega á Stór-Reykja-
víkursvœðinu nœsta
haust
Nú í haust sitja um 8300 nem-
endur í framhaldsskólum á
Stór-Reykjavíkursvæðinu. Það
er veruleg aukning frá því fyrir
ári, og hefur það komið fram í því
að víða hafa forráðamenn og
nemendur skólanna kvartað sár-
an undan þrcngslum og húsnæð-
isskorti.
Að sögn Stefáns Ólafs Jóns-
sonar deildarstjóra í mennta-
málaráðuneytinu er gert ráð fyrir
enn verra ástandi í þessum efnum
næsta haust, samkvæmt spám
sem gerðar voru fyrir nokkrum
árum.Ergert ráð fyrir að nem-
endum sem vilja sækja fram-
haldsskóla á þessu svæði fjölgi
um 1500 frá því sem nú er. Gangi
það eftir má gera ráð fyrir að
þrengslin í framhaldsskólunum á
þessu svæði verði enn alvarlegri
en nú er.
Stefán sagði að það væri verið
að skoða þessi mál í ráðuneytinu
og ekki lægi fyrir hvernig þessum
vanda yrði mætt. Hann sagði að
aðsókn væri mikil í bóklegt nám
en hins vegar væri hægt að bæta
við nemendum á námsbrautir
sem kenndu verklegt nám, s,s,
málmiðnaðarbrautir, vélstjóra-
og stýrimannanám.
-sg
Kvennaathvarfið
Borgið
r
i
bili
Ingibjörg Jónsdóttir, talsíma-
kona, hefur gefið Kvennaat-
hvarfinu í Reykjavík eina miljón
króna, en upphæðinni hefur hún
safnað síðasta áratuginn. Hún
segist vonast til að fjármununum
verði varið til eflingar barnastarfi
athvarfsins.
Alls hafa Kvennaathvarfinu
áskotnast ríflega þrjár miljónir
króna frá því bágur fjárhagur
þess vitnaðist fyrir fáeinum vik-
um, og hafa fjölmargir lagt hönd
á plóg; einstaklingar, félaga-
samtök og sveitarfélög.
Efnt var til fjársöfnunartón-
leika fyrir athvarfið í fyrrakvöld á
Hótel íslandi og höfðust 200 þús-
und krónur upp úr krafsinu, en
allir sem komu fram gáfu vinnu
sína og húsið fékkst til afnota án
endurgjalds.
Guðrún Jónsdóttir, starfskona
barnahóps athvarfsins, sagði að
tónleikarnir hefðu heppnast vel,
ekki síst í ljósi þess að umfjöllun-
in um Kvennaathvarfið og mál-
efni þess í tengslum við tón-
leikana hefði orðið til að ýta við
þeim fjölmörgu sem látið hefðu
fé af hendi rakna að undanförnu.
/HS
Sjónvarpsauglýsingar
Mega vera en marklausar
Athyglisverð könnun Neytendablaðsins: Aðeins tœp 30% aðspurða
vill auglýsingalaustsjónvarp. Eldrafólk vill auglýsingar en tekurekki
mark á þeim. Karlar frekar á móti en konur
Mun færri vilja að auglýsingar
séu bannaðar í sjónvarpi en
þeir sem vilja óbreytt ástand frá
því sem nú ríkir. Hins vegar eru
nær flestir á móti því að auglýs-
ingum sé skotið inn í kvikmynda -
sýningar í sjónvarpi. Þetta er
niðurstaða úr ítarlegri könnun á
auglýsinguni í sjónvarpi sem birt-
ar eru í nýútkomnu félagsblaði
Neytendasamtakanna.
Könnunin náði einungis til
höfuðborgarsvæðisins og var
hringt til rúmlega 600 aðila. Ríf-
lega 45% aðspurða vildi óbreytta
stefnu í auglýsingum í sjónvarpi,
en 28,5% vildu sjónvarp án
auglýsinga. 18% stóð á sama og
um 8% tóku ekki afstöðu. At-
hygli vekur að karlar voru meira
á móti auglýsingum en konur.
Nær 33% þeirra vildu sjónvarp
án auglýsinga en aðeins 26%
kvenna.
Þó að fleiri víldu leyfa auglýs-
ingar en ekki, þá voru nær allir á
móti því-að auglýsingum sé skotið
inn í kvikmyndasýningar. Yfir
90% aðspurðra sögðu það slæmt
en aðeins rúm 4% mæltu með
því. Yngra fólkið var frekar á
móti en það eldra.
Stærsti hópur þeirra sem vill
sjónvarp án auglýsinga er á aldr-
inum 38-55 ára, en eldra fólkið,
56 ára og eldri, vill mun frekar
auglýsingar. Þá kemur í ljós í
könnuninni að yngra fólk virðist
taka meira mark á auglýsingum
og kaupa vörur vegna sjónvarps-
auglýsinga en aðeins um 17%
elsta fólksins sagðist haga inn-
kaupum sínum eftir sjónvarps-
auglýsingum.
Meirihluti aðspurðra eða rúm
50% sagðist ekki taka eftir
óbeinum auglýsingum í sjónvarpi
en tæp 43% sögðust verða vör við
slíkar auglýsingar. Nefndu marg-
ir Stöð 2 sérstaklega í því sam-
bandi.
-•g-
Söngskólinn
Afmælistónleikar Jómnnar
Tónleikar í tilefni 70 ára afmœlis Jórunnar Viðar ííslensku óperunni í
Söngskólinn í Reykjavík efnir
til tónleika í íslensku óperunni
í dag kl. 17, í tilcfni sjötugsafmæl-
is Jórunnar Viðar tónskálds, en
Jórunn verður 70 ára á morgun.
Á tónleikunum verða meðal ann-
ars frumflutt tvö einsöngslög Jór-
unnar, Við Kínafljót, við texta
Þorgeirs Sveinbjarnarsonar, og
Sönglag á göngu við texta Valg-
arðs Egilssonar.
Jórunn Viðar hefur verið einn
af frumkvöðlum íslensks tón-
listarlífs síðan hún kom frá námi í
stríðslok. Hún hélt utan árið
dag
1937, eftir að hafa stundað tón-
listarnám hjá móður sinni, Katr-
ínu Viðar, hjá Páli ísólfssyni, og
hjá Árna Kristjánssyni við Tón-
listarskólann í Reykjavík. Fram-
haldsnám stundaði Jórunn við
Tónlistarháskólann í Berlín í 2 ár,
og lærði eftir það tónsmíðar við
Juillard tónlistarháskólann í New
York, auk þess sem hún var í
einkatímum í píanóleik. Undan-
farin 12 ár hefur Jórunn kennt við
Söngskólann í Reykjavík.
Á tónleikunum verður meðal
annars fluttur kafli úr Svítu fyrir
fiðlu og píanó, Tilbrigði fyrir
selló og píanó auk einsöngslaga,
kórlaga og þula eftir Jórunni.
Fjöldi tónlistarmanna kemur
fram á tónleikunum, meðal ann-
arra Elísabet Eiríksdóttir, Hólm-
fríður Sigurðardóttir, Jórunn
Viðar, Kristinn Sigmundsson,
Laufey Sigurðardóttir og Lovísa
Fjeldsted, ásamt öllu starfsfólki
Söngskólans í Reykjavík og
fleirum, sem flytja kórverk og
þulur.
LG
2 SfÐA - ÞJÓÐVILJINN