Þjóðviljinn - 26.07.1989, Page 2

FRETTIR
Fiskvinnslan
Þrýst á um gengisfellingu
Arnar Sigurmundsson: Stefnir Í1300 miljóna tap hjá vinnslunni ef
ekkert verður að gert. Tapið nœr helmingi minna en ífyrra. Jón
Sveinsson, aðstoðarmaðurforsœtisráðherra: Gengisfelling ekki verið
rœdd í ríkisstjórn
Samvinnufélaganna, sagði Þjóð-
hagsstofnun reikna launa-
kostnað, fiskverð og aðra kostn-
aðarliði með sama hætti og fisk-
Arnar Sigurmundsson, for-
maður Sambands flsk vinnslu-
stöðva, segir að úttekt á 32 físk-
vinnslufyrirtækjum sýni að útlit
sé fyrir 1,3 miljarða tap á fisk-
vinnslunni í ár, verði ekkert að
gert. En tapið á fiskvinnslunni í
fyrra er áætlað tæpir 3 miljarðar.
Arnar telur að ekki verði hjá því
komist að fella gengið, ætli ríkis-
stjórnin sér að standa við gefin
loforð í síðustu kjarasamningum,
um viðunandi rekstrarskilyrði
fiskvinnslunnar.
Forystumenn Sambands fisk-
vinnslustöðva hafa ekki fengið
nein bein viðbrögð frá
stjórnvöldum vegna þessarar
niðurstöðu. Aðstoðarmaður
Steingríms Hermannssonar, Jón
Sveinsson, sagði Þjóðviljanum
að gengisfelling hefði ekki verið
til umræðu hjá ríkisstjórninni og
bjóst ekki við því að hún yrði á
dagskrá á fundi stjórnarinnar á
morgun.
Samkvæmt útreikningum
Þjóðhagsstofnunar er tap fisk-
vinnslunnar um 2%. Fiskvinnslu-
menn segja tapið hins vegar vera
að meðaltali 4,2%. Þessi munur
stafar af áragömlum ágreiningi
þessara aðila um reikningsaðferð
varðandi vaxtakostnað. Utreikn-
ingar Þjóðhagsstofnunar fela það
einnig í sér að gengistap sem
verður vegna gengisfellingar er
ekki reiknað til fulls á yfirstand-
andi ár, heldur er því dreift í sam-
ræmi við lengd lána.
Arnar sagði vissulega jákvætt
að vextir hefðu lækkað og vaxta-
kjör Atvinnutryggingasjóðs væru
hagstæð, þetta hjálpaði allt. Nú
þyrfti að ná vöxtum enn frekar
niður, leiðrétta gengið og svo
þyrftu fyrirtæki að halda áfram
að hagræða í eigin rekstri. Hafa
yrði í huga að hvert prósentustig í
tapi væri há upphæð af veltu fisk-
vinnslunnar, eða rúmar 300 milj-
ónir. Með sama áframhaldi
myndi eigið fé fyrirtækjanna
brenna upp.
Enginn ágreiningur er á milli
Þjóðhagsstofnunar og samtaka
fiskvinnslunnar um meðferð ann-
arra kostnaðarliða vinnslunnar
en vaxta. Benedikt Árnason, for-
maður Vinnumálasambands
vinnslan. „En þetta er síðan ein-
hver sjúkdómur varðandi vext-
ina,“ sagði Benedikt. Fyrirtækin
töpuðu eigin fé vegna þess að
kostnaður þeirra væri ekki
reiknaður eins og hann væri,
heldur væri honum dreift á lengri
tíma. Eina leiðin væri að fyrir-
tækin fengju að hafa hagnað til
uppbyggingar. Þótt það kynni að
vera sársaukafullt, yrði ekki hjá
því komist að auka tekjur þeirra
umfram gjöld.
-hmp
Knattspyrna
Siggi til
Arsenal
Sigurður Jónsson, knatts-
pymumaðurinn knái frá Akra-
nesi, hefur ákveðið að ganga til
liðs við ensku meistarana Arse-
nal og verður samningur þar að
lútandi undirritaður á morgun.
Sigurður er annar fslendingurinn
sem gengur til Iiðs við þetta forn-
fræga knattspyrnulið en á undan
honum gerði Albert Guðmunds-
son sendiherra garðinn frægan
með Iiðinu. _grh
Náttúrufegurð Hornstranda er stórbrotin og heillar æ fleiri sem þangað leita.
Hornbjarg
Logn og sól uppá hvem dag
Ólafur Þ. Jónsson: Man ekki eftir annarri eins veðurblíðu með 17-18
stiga hita. Umgengniferðamanna með miklum ágœtum
Eg man nú bara ekki eftir öðru
eins blíðviðri og hér hefur ver-
ið allan þennan mánuð með 17-18
stiga hita uppá hvem dag, logn og
sól, sagði Ölafur Þ. Jónsson vita-
vörður á Hornbjargsvita.
Að sögn Ólafs er álíka mikið
um ferðamenn á Hornströndum í
sumar og verið hefur síðustu
sumur, en þeim fer sífellt fjöl-
gandi sem láta heillast af þeirri
stórbrotnu náttúrufegurð sem
þar er að sjá og finna. Þá verður
það æ vinsælla að fara með áætl-
unarbílnum norður til Ingólfs-
fjarðar á Ströndum og ganga
norður eftir og enda túrinn síðan
með siglingu með Djúpbátnum
frá Hornvík til ísafjarðar og/eða
öfugt. Ólafur sagði umgengni
ferðafólksins vera með ágætum
og ekkert uppá það að klaga
nema síður væri.
Aðspurður hvort eitthvað
hefði sést til landsins forna
fjanda, hafíssins, sagði Ólafur
svo ekki vera nema hvað einstak-
ir jakar hefðu sést frá bjarginu.
Að öðru leyti sæist ekkert til hans
þótt hann væri skammt undan
eða um 30 sjómílur norðvestur af
Horni.
Ólafur sagði of snemmt að
segja nokkuð til um það hver
berjasprettan yrði nyrðra í sumar
þar sem hann heldur seint hefði
vorað. En ef blíðan héldist
eitthvað áfram væri ekki loku
fyrir það skotið að sprettan yrði
góð, sem og annað frá náttúrunni
við þessar frábæru aðstæður.
Þrátt fyrir veðurblíðuna er
ekkert lát á snjókomunni á skján-
um hjá vitaverðinum á Hornb-
jargi og hefur svo verið um ára-
raðir. Til að bæta úr því þarf að
setja upp sendi á Öxarfjall sem
ekki aðeins mundi gagnast
heimilsfólkinu í Látravík heldur
mundi flotinn einnig njóta góðs
af. -grh
Lífeyrissjóður
Vpsturlands
Sex vikna
frestur
Forystumenn verkalýðsfélag-
anna f Borgarnesi, Ólafsvík og
Búðardai munu krefjast opin-
berrar rannsóknar á starfsemi
Lífeyrissjóðs Vesturlands eftir
10. september liggi þá ekki fyrir
skýrsla frá þeim aðilum sem
ráðuneytið hefur ráðið til að
fylgjast með starfsemi sjóðsins,
þar sem sérstaklega verði fjallað
um ábyrgð stjórnar sjóðsins,
banka og endurskoðanda hans.
Að sögn Jóns A. Eggertssonar
formanns verkalýðsfélagsins í
Borgarnesi var þeim Gunnari
Zoéga, löggiltum endurskoð-
anda og Ara Edwald lögfræðingi í
fjármálaráðuneytinu falið að
fýlgjast með framgangi verkáætl-
unar lífeyrissjóðsins og gera
ráðuneytinu grein fyrir fram-
vindu málsins. Jafnframt var
Gunnari falið að athuga sérstak-
lega og taka saman í skýrslu þær
athugasemdir sem fram komu í
bréfi verkalýðsfélaganna til ráðu-
neytisins dagsettu 21. maí.
Jón Agnar sagðist ekki vera
sammála því að stjórn sjóðsins
hefði þurft að samþykkja við-
komandi aðila til starfans þegar
þess er gætt að í upphafi var farið
fram á hlutlausa rannsókn ráðu-
neytisins á málinu. -grh
Ríkissjóður
3,5 miljarðar
á garðana
Um næstu mánaðamót mun
ríkissjóður greiða út í formi
endurgreiðslna á staðgreiðslu-
skatti, barnabóta, barnabóta-
auka, húsnæðisbóta og vaxtaaf-
sláttar upphæð sem nemur um
þrem og hálfum miljarði króna.
Það munu því margir bíða
spenntir eftir póstinum þriðju-
daginn 1. ágúst.
Að sögn Snorra Ólsens
deildarstjóra í fjármálaráðuneyt-
inu eru þessar bætur í tvennu lagi,
það er úrskurðaðar bætur til
álagningar og það sem hins vegar
kemur til útborgunar. í millitíð-
inni er búið að skuldjafna hjá við-
komandi hafi þess verið þörf. Við
álagningu 1989 voru úrskurðaðir
barnabótaaukar fyrir 840 miljón-
ir og 434 þúsund krónur, húsnæð-
isbætur fyrir 697 miljónir og 39
þúsund krónur og vaxtaafsláttur
fyrir 862 miljónir og 898 þúsundir
króna. Þá kemur jafnframt til út-
borgunar 3. ársfjórðungsgreiðsla
barnabóta sem nemur 727 milj-
ónum og 666 þúsundum króna.
-grh
Atvinnuauglýsingar
Nafnlaus fyrirtæki og engin svör
Fyrirtœki hafa oftast ekkifyrirþvíað svaraþeim sem ekki fá vinnuna.
- Kemur verst niður áfyrirtœkjunum sjálfum, segir Einar Páll
Svavarsson hjáÁbendi
Við verðum nokkuð mikið vör
við að fólk kvarti undan því
að fá engin viðbrögð við umsókn-
um sem það sendir vegna nafn-
lausra atvinnuauglýsinga í blöð-
um, sagði Einar Páll Svavarsson
starfsmaður hjá ráðningarstof-
unni Ábendi. Það hefur tíðkast
lengi að fyrirtæki auglýsa lausar
stöður án þess að upplýsa hvert
fyrirtækið er, heldur óska eftir að
fólk sendi inn umsóknir ásamt
ýmsum persónulegum upplýsing-
um á auglýsingadeildir blaða.
Þeir sem ekki eru boðaðir í viðtal
heyra sjaldnast meira frá þessum
fyrirtækum. Jafnvel þó að það sé
tekið fram í augiýsingu að öllum
umsóknum verði svarað.
- Við skiptum okkur ekki af því
hvernig fyrirtæki standa að starfs-
auglýsingum en gagnvart þeim
höfum við heitið nafnleynd og því
gefum við aldrei upp hvaða fyrir-
tæki eru að auglýsa, sagði Anna
Haraldsdóttir á auglýsingadeild
Morgunblaðsins. Hún sagði að
það kæmi fyrir að fólk hringdi og
kvartaði yfir því að engin svör
hefðu borist vegna atvinnu-
auglýsinga. Við vitum í flestum
tilfellum hvaða fyrirtæki stendur
á bak við auglýsinguna og bjóð-
umst þá til að koma kvörtunum á
framfæri.
- Ég held að þetta komi verst
niður á auglýsendunum sjálfum
því þetta kemur í veg fyrir að á-
kveðinn hópur fólks sæki um
starfið. Til dæmis veigra þeir sem
eru í föstu starfi sér við að senda
inn umsóknir vegna nafnlausra
auglýsinga, því þeir gætu m.a. átt
það á hættu að vera að sækja um
hjá fyrirtækinu sem þeir eru að
vinna hjá, sagði Einar Páll.
- Mér finnst það óþolandi ó-
kurteisi að fyrirtæki skuli ekki
geta látið svo lítið að svara um-
sóknum sem maður hefur fyrir að
senda og bíður spenntur eftir að
fá viðbrögð við, sagði kona sem
sent hefur inn fjölda umsókna
eftir auglýsingum úr Morgun-
blaðinu en hún segir að svör ber-
ist við um það bil einni af hverj-
um tuttugu.
iþ
2 SÍÐA - ÞJÓÐVILJINN Miðvikudagur 26. júlí 1989