Þjóðviljinn - 29.08.1989, Blaðsíða 3
FRETTIR
Sinnaskipti á Kjalamesi
Valdimar Steinþórsson og Ragnar Guðmundsson í landi Álfsness. Myndin er tekin úr auglýsingabæklings
þeirra.
r
Meðferðarheimili
Samstarf
nauðsyn-
legt
Krýsuvíkursamtökin
fá ekki rekstur nýs
meðferðarheimilis.
Sigurlína Davíðsdótt-
ir: Rökin standast
varla. Einar Gylfi
Jónsson: Vœntum
góðrar samvinnu
Sú ákvörðun stjórnvalda að
hafna tilboði Krýsuvíkursamtak-
anna um að samtökin taki við
rekstri meðferðarheimilis fyrir
unga ávana- og fíknicfnaneytend-
ur, hefur valdið nokkurri óá-
nægju. Það var nýverið að ríkis-
stjórnin tók ákvörðun um að setja
á fót þetta meðferðarheimili og
verður það undir stjórn Ungling-
aheimilis ríkisins.
Að sögn Sigurlínu Davíðsdótt-
ur, formanns Krýsuvíkursamtak-
anna eru þetta töluverð von-
brigði fyrir samtökin, en þrátt
fyrir það fagnaði hún stofnun
þessa heimiiis. Rökin fyrir því að
Krýsuvíkursamtökin fá ekki
rekstur heimilisins voru þau m.a.
að Krýsuvíkurskólinn væri of
langt í burtu frá Reykjavík, veg-
asamgöngur væru ekki góðar og
að markmið samtakanna hefðu
ekki verið nógu Ijós. Þessi rök
sagði Sigurlína alls ekki standast,
en einu rökin sem hún hafi heyrt
og væru þokkalega skynsamleg
eru þau sem menntamálaráð-
herra, Svavar Gestsson kom með
og eru þau að hann taldi eðli-
legast að ríkið stæði fyrir þessu
heimili. Þeirri stefnu stjórnvalda
sagðist Sigurlína ekki mótmæla,
en hefði samt sem áður kosið að
samtökin tækju þátt í rekstrinum.
Þrátt fyrir að samtökin fá ekki
rekstur þessa heimilis, er starf-
semi Krýsuvíkurskólans haldið
áfram og nú er fyrsti skjólstæð-
ingur samtakanna í skólanum.
Aðstandendur samtakanna telja
staðsetningu skólans bjóða upp á
mikla möguleika fyrir unglingana
og það hefur sýnt sig erlendis að
starfsemi eins og Krýsuvíkursam-
tökin eru og verða með hafa
skilað miklum árangri.
Bygging skólans er samt alls
ekki fullkláruð og nokkuð langt
er í land með það, en samtökin
ætla að taka litla áfanga fyrir í
einu og ljúka þeim. Miklum pen-
ingum hefur verið varið í viðhald
á byggingunni, sem lá undir
skemmdum þegar samtökin
fengu hana.
Eins og stendur geta Krýsuvík-
ursamtökin tekið í skólann 7
skjólstæðinga, og það er þá án
allra styrkja. Vegna skorts á pen-
ingum verður að reka skólann
mjög gætilega og ekki er tekið inn
fólk án vandlegrar athugunar.
Einar Gylfi Jónsson forstjóri
Unglingaheimilis ríkisins sagði í
samtali við Þjóðviljann, að enn
væri ekki búið að finna húsnæði
fyrir nýja meðferðarheimilið, en
það væri verið að leita. Einnig
ætti eftir að fínpússa tillögur og
hugmyndir um rekstur heimilis-
ins. Einar sagðist vonast eftir
góðu samstarfi við alla þá sem
vinna að þessum málum og þá
ekki síst Krýsuvíkursamtökin.
Samvinna allra þeirra sem vinna
að málum ávana- og fíkniefna-
neytenda væri nauðsynleg.
ns.
Sorpmál höfuðborgarsvæðisins
tóku skyndilega stefnu-
breytingu í lok síðustu viku. Á
fimmtudag samþykkti hrepps-
nefnd Kjalarness samning sem
Jón Ólafsson oddviti hreppsins
hafði gert við Davíð Oddsson
borgarstjóra. Sama dag keypti
svo Reykjavíkurborg jörðina
Álfsnes af þeim Ragnari Guð-
mundssyni og Valdimar Steinþórs-
syni, en þeir höfðu keypt hana af
Sigurbirni Eiríkssyni í nóvember
í fyrra.
Hreppsnefnd samþykkti sorp-
urðunina með þremur atkvæðum
gegn einu, en einn sat hjá. Það var
Inga Árnadóttir sem greiddi at-
kvæði gegn urðuninni.
„Forsaga málsins er sú að 18.
ágúst sl. samþykkti hreppsnefnd-
in með þremur atkvæðum gegn
tveimur að sorp yrði ekki urðað á
Álfsnesi. Jafnframt var samþykkt
samhljóða að bjóða upp á urðun
á svæði innan Arnarholts. 23. ág-
úst heyri ég lauslega af því að
eitthvað nýtt sé að gerast í mál-
inu. Sama dag ræddi oddvitinn
við mig í síma og segir mér að
hann ætli að senda Sorpeyðingu
höfuðborgarsvæðisins bréf þar
sem tillagan um urðun innan
Arnarholts sé kynnt. Það bréf var
aldrei sent.
Næsta morgun hef ég svo sam-
band við oddvitann og spyr hann
hvort eitthvað sé að gerast í mál-
inu en hann neitar mér um allar
upplýsingar. Klukkan þrjú er ég
svo boðuð á fund sem átti að hefj-
ast klukkan háif sex og á þeim
fundi liggur fyrir undirritaður
samningur um urðun í Álfsnesi,
með fyrirvara um samþykki
hreppsnefndar,“ sagði Inga Árn-
adóttir við Þjóðviljann í gær.
Hún sagðist hafa látið bóka á
fundinum vantraust á vinnu-
brögð oddvita og sveitarstjóra í
þessu máli.
Dýr jarðarkaup
Gegn því að fá að urða sorp í
Álfsnesi yfirtekur Hitaveita
Reykjavíkur Hitaveitu Kjalnes-
inga með þeim skuldum sem á
henni hvfla, en þær munu nú vera
um 70 miljónir króna. Kjalnes-
ingar tengjast svo Hitaveitu
Reykjavíkur og munu greiða
sama verð fyrir heita vatnið og
Reykvíkingar. Hitaveita Kjal-
nesinga hækkaði verðið nýlega
og kostar tonnið af vatni nú 70
krónur hjá þeim á sama tíma og
Reykvíkingar greiða rúmar 30
krónur fyrir tonnið.
Þá mun Reykjavíkurborg
greiða 60 krónur fyrir hvert tonn
af urðuðu sorpi en í tilboðinu fyrr
í mánuðinum voru 40 krónur í
boði fyrir tonnið. Eða einsog
einn viðmælandi blaðsins sagði í
gær: „Þetta samsvarar því að
hverri fjölskyldu á Kjalarnesi
væri rétt hálf miljón króna.“
Þá kaupir borgin jörðina Álfs-
nes af þeim Ragnari Guðmunds-
syni og Valdimar Steinþórssyni
fyrir tæpar 100 miljónir króna en
þeir gáfu 85 miljónir fyrir hana í
lok síðasta árs. Ragnar og Vald-
imar stofnuðu fyrir um 20 árum
fyrirtækið Texta hf. Þegar Stöð 2
var stofnuð eignuðust þeir helm-
ingshlut í íslenska myndverinu.
Hlut sinn seldu þeir svo í fyrra og
fjárfestu í Álfsnesi þegar
kaupsamningur borgarinnar á
landinu við Sigurbjörn gekk til
baka þar sem ljóst var að ekkert
yrði að urðun þar.
Þeir Ragnar og Valdimar hafa
samt haft fulla trú á að hægt væri
að snúa hreppsbúum, því fljót-
lega eftir að þeir gerast land-
eigendur semja þeir veglegan
auglýsingapésa þar sem þeir tí-
unda alla hugsanlega kosti sorp-
urðunar í landi Álfsness, hvílíkt
framfaraspor og ávinningur það
væri fyrir Kjalarneshrepp að fá
sorpið. í bæklingnum er útlistað
nákvæmlega með litmyndum
hvernig urðunin fer fram og lagt
til að golívöllur verði reistur á
urðunarsvæðinu auk þess sem
þarna yrði skemmtilegt útivistar-
svæði með trjálundum og litlum
tjörnum.
Bæklingurinn virðist hafa
hrifið Kjalnesinga því auglýsing-
í BRENNIDEPLI
A uglýsingabœklingur
þeirra Ragnars Guð-
mundssonar og Valdi-
mars Steinþórssonar þar
sem allir kostir sorpurð-
unar íAlfsnesi eru tíund-
aðir, virðist hafa hrifið
Kjalnesinga þvínokkr-
um mánuðum seinna
samþykkti hreppsnefnd
sorpið og þeir Ragnar og
Valdimar urðu 15 milj-
ónum ríkari
in gekk upp, hreppsnefndin
keypti sorpið og þeir Ragnar og
Valdimar urðu fimmtán miljón-
um ríkari.
Gangverð bújarða af sömu
stærð og Álfsnesið án fullvirðis-
réttar er um 6 miljónir króna.
Staðsetningin á Kjalarnesi kann
að hækka verðið eitthvað, en 16-
falt gangverð vex mönnum í
augum.
Undirskriftir
á Kjalarnesi
En hvað gerðist á einni viku
sem hafði það í för með sér að
stefnubreyting varð hjá hrepps-
nefndinni? 18. ágúst eru þrír
hreppsnefndarmanna andvígir
urðun, en 25. ágúst er bara einn
andvígur og einn situr hjá. Það
atkvæði sem skipti sköpum við
atkvæðagreiðsluna 25. ágúst var
atkvæði oddvitans Jóns Ólafs-
sonar frá Brautarholti. Hefði
hann verið áfram andvígur urð-
uninni hefði málið fallið á jöfnum
atkvæðum.
„Málið var einfaldlega komið á
lokastig," sagði Jón við Þjóðvilj-
ann í gær. „Það var búið að safna
undirskriftum í hreppnum þar
sem um 150 manns höfðu skrifað
undir, eða um helmingur atkvæð-
isbærra manna í hreppnum, og
óskað eftir því að gengið yrði til
samninga um urðun í hreppnum.
Þegar svo var komið gat ég ein-
faldlega ekki staðið lengur gegn
þessu.“
Jón sagði að stærsti kosturinn
við þetta samkomulag fyrir
Kjalnesinga væri að með því
tengdust þeir Hitaveitu Reykja-
víkur. Þá væri það ekki síður stór-
mál fyrir íbúa hreppsins að talið
er að þetta samkomulag muni
flýta mjög fyrir lagningu nýja
Vesturlandsvegarins um Geld-
inganesið yfir í Álfsnes.
Jón neitar því að hann hafi
leynt Ingu Árnadóttur upplýsing-
um þó hann hafi ekki viíjað upp-
lýsa hana um málið morguninn
sem gengið var frá samningnum.
„Það var ljóst að Ingu yrði ekki
snúið í þessu máli og þar sem það
tók ekki nema dag að ganga frá
samkomulaginu taldi ég ekki rétt
að greina henni frá því þar sem
málið var á viðkvæmu stigi.“
Þess má geta að Jón rekur
graskögglaverksmiðju á Kjalar-
nesi með bróður sínum Páli Ól-
afssyni og nytja þeir tún Saltvíkur
og Árnarholts sem Reykjavíkur-
borg á. Telja sumir andstæðingar
sorpurðunarinnar að það hafi
haft sitt að segja um sinnaskipti
Jóns því meirihluti þeirrar töðu
sem notuð er í verksmiðjuna
kemur af þessum túnum.
„Þetta eru ósannindi, því ein-
ungis mjög lítill hluti grasfengsins
kemur af þessum túnum og þetta
hefur aldrei verið nefnt í sam-
bandi við þennan samning,“
sagði Jón.
Andstaða
í Mosfellsbæ
Málið er alls ekki búið þótt
Kjalnesingar hafi samþykkt urð-
unina því allt í einu rönkuðu ná-
grannar þeirra í Mosfellsbæ við
sér. Fjarlægðin frá urðunarsvæð-
inu yfir Leirvoginn til næstu íbúð-
abyggðar í Mosfellsbæ er ekki
nema um 1700 metrar. Hafa nú
komið upp raddir um borgara-
fund um málið í Mosfellsbæ og
einn bæjarfulltrúi Sjálfstæðis-
flokksins, Þengill Oddsson hefur
lýst yfir andstöðu við urðunar-
staðinn.
Páll Guðjónsson bæjarstjóri í
Mosfellsbæ sagði að bæjarstjórn-
inni hefði verið fullkunnugt um
að vegalengdin á milli væri bara
1700 metrar. Menn hefðu fylgst
vel með og kynnt sér staðarvalið
rækilega en niðurstaðan orðið sú
að það þyrfti ekki að óttast *irð-
unina miðað við þau vinnubrögð
sem á að viðhafa við hana.
„Þó bæjarstjórnin hafi ekki
miklar áhyggjur af þessu munum
við fylgjast vel með framkvæmd-
inni, hvort allur aðbúnaður sé
með þeirn hætti að ekki stafi
hætta af urðuninni. Við höfum
tekið þá afstöðu að hafa ekki af-
skipti af málefnum Kjalnesinga
en afskiptaleysi og grandvara-
leysi er tvennt ólíkt.“
Hvað borgarafund um málið
snerti þá sagði Páll að ekkert er-
indi hefði borist bæjarstjórninni
um slíkt og ef slíkt erindi bærist
þá myndi bæjarstjórnin taka af-
stöðu til þess.
Sorpböggunarstöðin
Málið snertir fleiri en Kjalnes-
inga og Mosfellsbæjarbúa því nú
er talað um að setja upp sorp-
böggunarstöð sunnan við áburð-
arverksmiðjuna í Gufunesi. Sú
stöð yrði í um kflómeters fjarlægð
frá næstu íbúðabyggð en iðnaðar-
hverfi er enn skemmra frá staðn-
um. Þá á golfvöllur að koma í
næsta nágrenni við stöðina, eða á
sömu slóðum og núverandi ösku-
haugar eru.
Ekkert hefur heyrst frá íbúum
þar enn en ef að líkum lætur má
búast við að skoðanir þeirra verði
skiptar um ágæti þess að hafa
böggunarstöðina þetta nálægt
húsum sínum.
En hversvegna kom Arnar-
holtið ekki til greina sem urðun-
arstaður?
„Arnarholtið kom ekki til
greina vegna þess að það yrði of
dýrt að keyra sorpið þangað,“
sagði Jón Ólafsson oddviti.
Bóndinn á Vallá mun þó hafa
boðist til þess að aka sorpinu í
Arnarholtið fyrir sama pening og
það kostar að aka því á Álfsnesið.
Borgarbúar
borgi brúsann
Þótt Davíð hafi stýrt ferðinni í
þessu máli þá er Sorpeyðing
höfuðborgarsvæðisins (Sorpa)
samstarfsverkefni allra sveitarfé-
laga á þessu svæði og ráðamenn í
nágrannabyggðum Reykjavíkur
munu ekki tilbúnir að taka þátt í
þeim aukakostnaði sem bæst hef-
ur við vegna samninganna við
Kjalnesingana og jarðarkaup
borgarstjórans. „Borgin fær að
bera þann kross ein,“ sagði einn
viðmælenda blaðsins.
Sá kross hljóðar upp á 100 milj-
ónir fyrir jörðina, sem skilað
verður aftur eftir 20 ár, 70 miljón-
ir fyrir hitaveituna og 20 krónur
aukalega fyrir hvert urðað tonn
af sorpi. _Sáf
Þrlðjudagur 29. ágúst 1989 ÞJÓÐVILJINN - SÍÐA 3